السلام عليكم
انا عندى بارومة فى السقف من ناحية الزجاج الخلفى يا ترى دى حلها ايه ؟
عرض للطباعة
السلام عليكم
انا عندى بارومة فى السقف من ناحية الزجاج الخلفى يا ترى دى حلها ايه ؟
أنا ابتديت اتخنق من المنتدى
كل شويه حذف حذف حذف
والحاجات بتضيع
ومفيش تنبيهات بتيجي عالايميل
T h a t 's T o o o o M u c h
انا بقيت سويفتاااااااااااااااوي
عايز اعرف
سعر الكرترين اللي قدام بكاااااام
فانوس الاشاارة بكاااااااام
اية رايكوا في زيت موبيل 1000
ويااريت لو حد معاو الكتااالوج
انا عايزة ضروووري
يسعدنى ان أضم نفسى للرابطة :
سويفت 93 يابانى ( بيضاء )
السلام عليكم
أولاً : أحب أن أُسجل ثنائي وشكري للانسان الخلوق الدكتور مصطفى مؤسس الرابطة ، جزاه الله عنا خيراً
ويسعدني أن أنضم للرابطة
ثانيا : ربنا رزقني بسويفت 94 أتوماتيك
بس فيها بعض المشاكل
أهمها : ( استهلاك البنزين ) العربية بتقطع 75 كيلو فقط في الصفيحة .!!!
ثانيا : ( الكمبيوتر الفتيس الأتوماتيك ) اتحرق ومش لاقي زيوا عند بتوع الإستيراد
علماً بأنني من حي الهرم ( جيزة )
الله يبارك فيك ياباشا وده من بعض ما عندكم
موضوع الاستهلاك ده موضوع شائك بس انا اعتقد في العربيات المانيوال ال 1300 استهلاك اقل من 250 في الصفيحة يبقى العربية بتاكل بنزين
المشكلة بتكمن في عدم ظبط الكربيراتير او الكهربا والبوجيهات او فلتر الهواء او مجموعة الدبرياج (الفتيس الاوتوماتيك)
حضرتك اكيد عربيتك فيها ار بي ام هل وانت سايق العداد بعد النقل مباشرة بينط لفوق وينزل؟؟ لان دي معناها ان فيه جزء مفوت من الاسطوانات جواه او حاجة مخرفة فالحساسات
وهانصحك نصيحة...لو الامور تربست معاك حل الفتيس ده واقلبها مانيوال اريح لك من وش الاوتوماتيك واعتقد اللي يفيدك بالاوتوماتيك Swefy معانا هنا فالموضوع
محدش معااة سويفت بتتبااع
السلام عليكم يا شباب السويفت
كان عندى سؤال سريع, انا ان شاء الله هاجيب عربيه قريبا و الصراحه الفيات الأونو داخله دماغى جدا و الناس فى رابطة الأونو بيشكروا فيها جامد أوى و عيوبها اللى بيقولو عليها حاجات مش كبيره.
بس دلوقنى حد ورانى سويفت يابانى 93 ف قولت اسأل على السويفت,بس لما قرأت حاجات فى الرابطه هنا حسيت ان عيوبها حاجات اكبر بكتير من الأونو.
فممكن أخذ رأى الخبراء بالسويفت كده فى الفرق بينها و بين الأونو الأيطالى 93 ؟!!!
و جزاكم الله خيرا.
مصطفى باشا ازيك معلش لغيابى فى الرد وبلنسبه للاخ اللى معاه سوفت اتوتامتيك فى الهرم فى كذا واحد بيبيع الفتيس ومشتمالته اسمه سوسو عند المريوطيه فيصل وفيه واحد جنبه تانى بردو عنده حاجتها وعلى العموم فيتسها الاوتوماتيك بالف جنيه كله لو عاوز تعرف حاجه تانى قولى
الله يسلمك يا دكتور مصطفى بس سوال فى التكيف انا قررت اشحن التكيف فرحت لواحد قالى عاوز شحن ومروحه وفلتر يتكلف 250 جنيه سوال السعر ده كويس والسوال التانى تكيف العربيه حلو ولاه ملوش لازمه اعمله يا ريت لو تنصحنى اعمل ايه وشكرا
ايه الناس راحت فين ولاه البرد مخلى الناس مش عاوزه تكتب حاجه
اسف ياباشا
هارد عليك رد وافي جدا اخر الاسبوع ان شاء الله....... بس مشغول جدا جدا اليومين دول
خليك متابع
السلام عليكم يا جماعة عندي استفسار عن موضوع الأبواب . الأبواب عندي بتترج رجة شديدة في المطبات وغير المطبات تحس انه خبط ورزع محدش عنده فكرة مين صنايعي كويس يعمل الشغلانة دي مع العلم أني من ساكني 6أكتوبر
وتحية كبيرة لأحلى منتدى في العالم
دكتور مصطفى على راحتك لما تفضى قولى اعمل ايه فى موضوع التكيف وبقولك هوه كويس يعنى درجه التبريد بتاعته حلوه ولا ملوش لازمه اعمله وايه حكايه الزورارين اللى موجدين ولازمتهم ايه وهل التكيف لوه تاثير على الموتور والدينموا لو مشغله الصبح او بليل ومعلش للاطاله بس انا بحب اطمن منك قبل ما اعمل حاجه ويا ريت يا باشا تكتبلى رقم موبيلك لو سمحت ومعندكش مانع
بالنسه للاستاذ اللى بيسال الفرق بين الاونو والسوفت هتكلم على اللى اعرفه بالنسبه للاونو عربيه جميله بس مع السرعه مش هتريحك خالص بس هيه عربيه اقتصاديه جدا العربيه اغلب اللى نزل منها من غير تكيف وفى الحر بتسخن شويه انا بتكلم على عربيه شوفتها مع واحد صحبى اما بالنسبه للسوفت فقطع غيرها موجوده كتير مش هتغلب عليها معاك ان فيها شويه شغل عربيه حلوه بس للى يهتم بيها وعلى حسب العربيه متهانه او كويسه وربناه يكرمك بعربيه كويسه
بالتوفيق
المنتدى ماله محدش بتكلم ليه فيه
بص يا ريس
المكيف حلو طول مالعربية ماشية...يعني لما بتقف في زحمة بيبقى مش لطيف شوية بيجيب نوع من الطراوة
فيه معلومة كتير مننا ممكن ميعرفهاش...بس هي حاجة فالسويفت ومعرفش موجودة فالباقي وللا لأ
اما حرارة المياة بتاع الردياتير بتوصل ل 95 المكيف بيفصل عشان يخف الحمل عن الموتور وده كويس للحفاظ عالموتور من السخونة...بس مش حلو مثلا اما تبقى زي حالاتي كده مثلا وقفت فالدائري الساعة 4 العصر في عز الحر وفجاة تسمع الكومبريسور فصل وتلاقي المروحة بتحدف جحيم من جهنم اللي برة وانت قاعد في صوبة...والموضوع بيحصل فجأة...وكمان الرطوبة اللي بتبقى متكثفة عالتلاجة بتطلع مرة وحدة فتلاقي نفسك بدل ماكنت مبسوط بقيت غرقان في عرقك بدون انذار
والحل اللي لقيته للموضوع ده وساعد شوية اني جبت كتاوت صغير بتاع كلاكس مثلا...وخليت اما مروحة التكييف تشتغل تدور مروحة الردياتير فورا...معرفش هل ده طبيعي انه كان بيحصل اوتوماتيك وعندي انا اللي كان عطلان وللا ايه؟؟ المهم انا عملته وحسن المسائل شوية...العربية من مشاكلها ان الردياتير 2 ماسورة اي نعم بس المساحة بتاعه اللي في وش العربية صغيرة...لو شفت التويوتا مثلا هتلاقي التكييف سربنتينتة بعرض العربية كلها ووراها الردياتير وعلى انه ماسورة واحدة وهو هو نفس عدد المواسير في السويفت تقريبا 50 مع ذلك تبريد التويوتا ممتاز
المهم انا عندي المكيف على فريون 12 هو معقول وارحم من مفيش ولو الموضوع هيخلص على 250 خلص فيه لأن الصيف بقى جحيم مش حر...
اهم حاجة انك لازم تكون ظابط الموتور تمام يعني كاربيراتير وكهربا وتاكيهات عشان ما تتعبش الموتور ويفضل الظبط عنده كمبيوتر تحليل عادم
التاكيهات ظبط الخلوص بتاعها على قيمة من 0.18 الى 0.23 مم لجهة البنزين...0.25 الى 0.3 مم للعادم ولازم العربية تكون باردة تماما...الكتاب بيقول حرارة الموتور 25 مئوية
بخصوص الكهربا يتظبط على 6 درجات والكربيراتير بجهاز تحليل العادم...بخصوص الفريون يتم شحنه لحد اما العداد يقرا وهو شغال على 2000 ار بي ام تكون القراية 28psi
هنا شوية معلومات ممكن تفيدك
http://www.nilemotors.net/Nile/151404-a.html
وأي استفسار اسال على طول
يا باشا الف شكر على المعلومات دى بس فيه حاجات كتير دماغى مش مستوعبها خالص ذى الظبط عنده كمبيوتر تحليل عادم
التاكيهات ظبط الخلوص بتاعها على قيمة من 0.18 الى 0.23 مم لجهة البنزين...0.25 الى 0.3 مم للعادم ولازم العربية تكون باردة تماما...الكتاب بيقول حرارة الموتور 25 مئوية
بخصوص الكهربا يتظبط على 6 درجات والكربيراتير بجهاز تحليل العادم...بخصوص الفريون يتم شحنه لحد اما العداد يقرا وهو شغال على 2000 ار بي ام تكون القراية 28psi الكلام ده كبير عليه وبعدين لو هنا اعمل الحاجات دى عند مين فى الهرم او فيصل يا ريت يا دكتور تفهمنى ولك الف شكر
ونسيت اقول يا يا دكتور الكربيراتير عادى مش انجكشن وهل تظبيط العادم ده بيظبط مسمار الهواء بتاع العربيه بس طيب والارقام دى لازمتها ايه معلش انى مطول عليك بس بحب اعرف
واحدة واحدة عليك...الكلام ده بيتعمل للعربيات الكربيراتير...وعند بعض الناس...مش اي حد...مش انت اما بتروح تفحص بتحلل العادم؟؟
نفس الكلام...فيه هنا واحد فالمحلة بيجيب كشاف مخصوص بيتوصل على اول بوجيه وعلى البطارية له تكنيك ما عشان يظبط الكهربا ولا تبقى مقدمة ولا مأخرة
بيحط حساس في ماسورة الشكمان ويخللي العربية تدور و يوصل على اطراف البكارية عشان يقيس شحن الدينامو...ويخللي العربية دايرة 5 دقايق ويبدا يظبط مسمار الهوا بتاع الكربيراتير لحد اما يوصل لاحسن قيمة...وبكده يضمن ان كل نقطة بنزين بتتحرق كاملة وتلاقي الشكمان عمال يطلع ميه في عز الصيف...واستهلاك بنزين مذهل...ممكن لو مسافر على طريق طوالي يوصل ل 350 كيلو فالصفيحة
الظبطة دي ب 30 جنيه
بخصوص التاكيهات دي اللي هي الصبابات اللي في الموتور من فوق...كل سلندر له واحد للبنزين وواحد للعادم...وفيه عامود بيلف فوقهم...وظيفته انه بخلليهم يفتحوا بالدور...فالارقام دي قيمة المسافة بين العامود والصباب...ودي بتعوز تتظبط كل حوالى 30000 عشان الدوشة اللي العربية بتعملها صوت زي مكنة الخياطة كده...وعشان لو مش مظبوطة بتسخن العربية جامد
عاوزك تفتح اللينك اللي حاططها في المشاركة اللي فاتت وتحاول تقرا الموضوع بتاع شحن التكييف
واي استفسار
بمسى عليك يا دكتور مصطفى ورحت امبارح عملت تاكيهات وجاب الضبط من كاتلوج العربيه ةبعدها رحت اقيس العادم حط جهاز فى الشكمان وظبط الهواء بتاع الكربراتير بس محلش بيجيه ولا قاس شحن وبعيدين حسيت ان العربيه نوعا ما مش مضبوطه اوى روحت شحنت التكيف وهنا هقولك على الملاحيظ اللى شفتها اولا التكيف على السرعه الربعه اخر حاجه مش اوى يعنى تحس انه بينسم مع ان كمان الجو مش سخن اوى وبعدين العربيه بتبرجل وتبطل لو الدنيا زحمه مش عارف ده ايه وهل التكيف ممكن يبقى اقوى من كده او ليه حل والحاجه الاخيره عاوز رقم موبيلك لو مفهاش ازعاج ليك واتمنى نكون على اتصل واتشرف بمعرفتك
كنت عاوز استفسر عن الفلاش موتورز
واحد قاللى لو حطيته مع الزيت قبل تغيير ودورت لمدة 5 دقائق فقط ثم غيرت الزيت هيتم تنظيف الموتور من رواسب الكربون
صحيح هذا الكلام؟؟؟؟؟؟؟؟؟
سيدي الفاضل
فيه مشاركة سابقة بتتكلم عن الموضوع ده ممكن ترجع لها هي رقم 198
انا كنت جربته مرتين قبل كده...والصراحة النتيجة بيج زيرو ولا زيرو كاس العالم
كنت فاكك وش التاكيهات من كام يوم عشان اظبطها ولقيت المكنة فيها رواسب سمكها قد يتجاوز 2 او 3 مم مع ان الزيت بقى له 5000 كيلو بس...وانا دايما باستعمل موبيل وان...وشكلي كده هاغير كمان نوع الزيت واجيب زيت شيل 5000 عشان باحس انه بينعم الموتور واهو التغيير المستمر مع تغيير الفلتر ممكن يسحب الرواسب دي
بس الحق يقال هو ليه ميزة واحده...انه بيخللي الزيت ينزل بوساخته كاملة...فبيخللي الزيت الجديد يقعد نضيف لفترة اطول...بس مش بيلمع الماكينة...ولو عاوز المكنة ترجع زي ماكانت يبقى لازم تفكها كلها حتة حتة وتتغسل بمحلول مخفف من الصودا الكاوية الساخنة ودي اللي هتخللي المكنة بيضا فعلا...بس مين اللي هيتجرا ويعمل كده...انا شخصيا عمري ما هافكها عشان التنضيف...مالها الرواسب...جميلة مادامت العربية ماشية
وللعلم برضه...انا اكتشف ان البتاع ده عبارة عن نفض من بتاع البوية او اسمه الشيك الكيروسين الفرنساوي...او الكيروسين عديم الرائحة...وده بيتباع عند بتاع الحدايد والبويات ورخيص جدا ومعرفش ليه العلبة بتاع الفلش دي ب 15 جنيه على انها مكملتش نص لتر!!!!!
فيه بعض الصنايعيه الفتايين بيقول لك اصله بياكل المكنة وبيبوظ جوان وش السلندر عشان (حامي)!!!!!!!!!!!!!!!!
الله اعلم
المهم...سيادتك بتروح المكان اللي هتغير فيه الزيت...ويفضل انك متسخنش العربية على قد ما تقدر...واما توصل سيب العربية تبرد لها بتاع نص ساعة كده...بعد كده تدور العربية وهي واقفة مكانها سلانسيه...وتفتح فتحة تزويد الزيت وتضيف الفلش وتقفل الفتحة....وتسيب العربية دايرة ممكن لحد ربع ساعة وبعد كده تغير زيتك عادي...بس لازم تغير الفلتر...وحذاري انك تمشي بالعربية والفلش جوة الموتور او انك تعمل اي حاجة تحمل على المكنة عشان الفلش بيغير تركيب الزيت وبيكسره فكأن المكنة مفيهاش زيت...
أتمنى اكون افدت ووضحت لك معلومة جديدة
باشا انته نسينى وعاوز اعرف منك حاجه صغيره بس محيرانى العربيه بتبرجل جامد فى السلنسيه وممكن تبطل مع تشغيل التكيف وصوته عالى والحاجه التانيه اكتر مغلبانى ان التكيف بعد ما يشتغل بعشر دقايق يجب هواء ساخن اعمل ايه التكيف هيجننى بالله عليك تفدنى
أنا منسيتكش ولا حاجة والدليل في صندوق البريد بتاعك انا رديت عليك
فكرني بس بعربيتك هي تقريبا اوتوماتيك صح؟؟؟...وعاوز اعرف فيه ار بي ام وللا لأ؟؟
برجلة السلانسيه ممكن تكون من الكهربا بتاع الاسبيراتير مش مظبوطة وعاوزه تتقدم او تتاخر سنه...
وممكن حاجة تانية...هل الرجرجة دي بتتغير اما تقيد الانتظار والعربية سلاتسيه؟؟
العربية ممكن تكون موطية في السلانسيه ودي ممكن تعليها انت بايدك...هتقف على الجنب اليمين من العربية وتبص في ضهر الكربيراتير تحت العمه بحوالي 3 او 5 سم ناحيتك هتلاقي فيه اكره بيضا صغيرة خالص بتتلف باليد...دورها نص لفة ودوس بنزين مرتين تلاتة ورا بعض وسيبها دقيقة وشوف البرجله راحت وللا لأ مرتين تلاتة لحد اما سرعة السلانسية تعلى او الرجة تروح وهتلاقيها بقت كويسة
ممكن حاجة تالتة...هل الخراطيم الكاوتش بتاع الفاكيوم الرفيعة قوي دي سليمة وراكبة في مكانها مظبوط...لانه لو فيه واحد منفس هيهبط العربية جامد جدا ومش بعيد انه يأثر فالفرملة كمان
بخصوص المكيف اديني فرصه يوم عشان لازم اصورلك الكربيراتير شوية صور عشان مش هينفع افهمك من غيرهم
بس ضروري رد على اسئلتي
دي صورة ممكن توضح الاكرة اللي باقول لك عليها اللي عند راس السهم
http://i904.photobucket.com/albums/a...P1050039-2.jpg
باشا حبيبى العربيه اتوماتيك وفيها ار بى ام والرجه دى بتزيد اوى لما تكون العربيه على n على المور ومش رجه بس الر بى ام بيعلى وينزل و تزيد بردو فى الطلعه والسلنسيه لغايه لما العربيه تمشى بتبقى تمام اوى وانا معلى العربيه لغايه 11 والحاجه التانيه العربيه بليل تكيفها فوق الممتاز ومش ممكن تتلج انما الظهر اجارك الله بعد عشر دقايق شغل يجبالك هواء سخن من بتاع السونه افصله واشغل تانى الدنيا تظبط عليها عفريت
الار بي ام 1100 في العادة ده كتير شويتين وهيستهلك لك شوية بنزين زيادة بس هو كويس للفتيس الاوتوماتيك
الاستاندارد للمانيوال 800 والاتوماتيك 950
بس ده لو ملتزم بنوع البنزين
حكاية انه بيفصل بعد 10 دقايق دي...ياريت تجاوب عالسؤال...
الكومبريسور بيفصل بمجرد ما حرارة الميه توصل ل95 عشان السخونة متزيدش فهل مروحة الرادياتير بتشتغل مع المكيف؟؟؟؟
لأنها عندي كانت نفس المشكلة ومكانتش بتشتغل لحد اما خليتها تشتغل طول مالمكيف شغال وده خفف بعض الشئ من حكاية الفصل دي....والاهم من كده هو امتى اخر مرة سلكت الردياتير وهل انت حاسس انه كويس والعربية مش بتمسك حرارة؟؟ وياريت تلغي ترموستات الكوعة اللي بيقفل دورة المية
انا بعت لك رسالة فالخاص ياريت تقراها
ازيك يا باشمهندس دكتور مصطفى انا فعلا عندى مشكله فى الحراره مع التكيف لما اكون ماشى وطالع مطلع ماشى 80 مثلا القى الحراره بتعالى جامد توصل قبل h قبل العلامه افصل التكيف ترجع النص هل ده فعلا الحراره الطبيعيه لما اشغل التكيف وبعد كل مشوار ازود ميه للقربه مع ان قبل التكيف مزودش ميه غير كل اربع ايام وممكن اعرف ترموستات الكوع ده لازمته ايه وهل لو شلته حراره العربيه مش هتبان وشكرا يا باشا على وانا بطول عليك بس بحب افهم كل حاجه
كده انا كلامي صح...ان السبب في فصل المكيف هو سخونة الموتور
هي الحرارة الطبيعي بتاعها عند تلتين المؤشر ودي صورة استيكر ملزوق عالتابلوه عندي
http://i904.photobucket.com/albums/a...a/P1040748.jpg
ترموستات الكوع ده عبارة عن قطعة معدنية موجودة في قلب دورة المياه بتاع التبريد وظيفتها انها طول ما حرارة المياة باردة بتخنق حركة المياع عشان تخللي العربية تسخن وبمجرد العربية ما تسخن تبدا تفتح للمياه انها تمشي بشكل طبيعي وده مكان الكوع فالموتور
http://i904.photobucket.com/albums/a...P1040787-1.jpg
اما بتاع الردياتير يفتح المسمارين دول هيلاقي تحتهم الترموستات وده شكله
http://www.autopartswarehouse.com/im...nt/st65848.jpg
وعادة ده مفيد في الاجواء الباردة...ولو كان موجود عندك خللي الراجل يشيله وانت اغسله بميه سخنه وعينه في برطمان مليان ميه وممكن تركبه في الشتا...وصراحة اما شلته دلوقت وانا ماشي الصبح لو فضلت 5 دقايق على 90 الحرارة تنزل لحرف سي بس بمجرد ما اهدي ترجع تعلى للحد الآمن...وسلك الردياتير كمان كويس....وممكن تجيب واحد استعمال بحالة ممتازة ب 200 جنيه قبل الفصال....وانت برضه مجاوبتش على سؤالي...هل المروحة بتاع الردياتير بتدور اما المكيف يشتغل؟؟
باشا موضوع المروحه ده مش متاكد منه بس اشوف انهارده واقول حضرتك بس ممكن سؤال رفيع المروحه بتاعت السربنتينه ممكن تشتغل وتطلع هواء سخن ولاه لما بتشتغل الكومبروسر بيشتغل معها والحاجه التانيه لو ملقتش عندى ترموستات الكوع دى يبقى العيب فين وممكن انا اشيلها لوحدى ولاه لازم صانيعى علشان انا بجد بحب احول واشتغل فى العربيه بايدى لو حاجات بسيطه
الجزء الاول...مروحة السربنتينة لازم تدور والكومبريسور معشق وبتفصل اما الكومبريسور يفصل وهكذا...انما الردياتير دي اللي فيها خلاف
الجزء الثاني...ترموستات الكوع زي مانت شفته في وسط دورة المياة والدنيا حر...لو قلبك جامد وايدك كويسه فك غطا الكوعة بس ولازم يكون معاك سيليكون فليتو حراري...دوشة
هاقول لك انت ممكن تفك الافيز بتاع الخرطوم اللي طالع من الكوعه للردياتير وتخللي بالك لتكسر الكوع...والعربية باردة طبعا...وتدخل صباعك شوف هتلاقي الترموستات جوة وللا لأ
ممكن حاجة كمان....هي الحرارة في الفترة الباردة قوي اللي فاتت كانت بتنزل وللا لأ...لوكانت بتنزل يبقى الترموستات ده مش موجود
والاحسن في كافة الاحوال روح لصنايعي كويس يسلك لك الردياتير وهو يبص لك عالكوعة دي وريح دماغك وهياخد له 30
الف شكر على اهتامك ده وماشاء الله على معلوماتك ملهاش حل ومضوع الحراره ده عندى فيه حاجه مش مفهومه الحراره عندى بتتاثر بلجو لو حر ومسافر وعديت سرعه 100 او 120 العربيه الميه اللى فيها بتتبخر وكمان مع التكيف بتتبخر مش عارف بتروح فين اما لو الجو برد او باليل عمرها ما تسخن خالص وتعدى حتى النص ممكن ده بسبب الترموستات اللى فى الكوعه وهيه دى اللى بتدى بيان بالحراره فى المؤشر بتاع التبلوه لوحه العدادات والموضوع بتاع الرجرجه بتاعت العربيه مع التكيف كونت عاوز اعرف مكان الفاكيوم فين فى العربيه ولازمته ايه الفاكيوم ده وانا مطول عليك بس انته بتدخل النت الساعه كام