لا و ألف لا لبنزين 80

**playeeer_fishooo** · 27-09-2009 09:28 PM

المشاركة الأصلية كتبت بواسطة strong

ألف حمد لله على سلامتك أولا

ثانيا متحطش عيب تلف طرمبة البنزين بسبب بنزين 80 لأنك لو حطيت مياه أو جاز أو أي سائل الطلمبة لازم تضغطها للمواسير ، وسواء 80 أو 90 أو 92 كلهم هتلاقي العوامة عليها طبقة من الرواسب مع اختلاف اللون (جرب وهتلاقي الحكاية دي)

وأكيد المتور كان بدأ يطلع صوت تقطيع أو صوته علي خالص وعمره الإفتراضي انتهى قبل ما يقطع خالص ، وأكيد هو الأصلي بتاع العربية علشان مش بيعيش كتير أصلا.

غير إن كل التاكسياات ( لانوس فيرنا شاهين اسبرانزا ) شغالة بال80 من غير أي مشاكل نهائي بسببه لا حساس شكمان ولا رشاشات ولا غيره

والعربية اللي بقالها 7 سنين معاه ومغيرلهاش حاجة روحلها وشوفها هتلاقيه راكنها طول اليوم وبيتفرج عليها مش بيشغلها ولا بيستعملها أصلا

وأنا شخصيا لو لاحظت إنه هيسبب مشاكل بنسبة 1% مش هافكر أستعمله أصلا ، هو عيبه الوحيد البطء في السحب والتسارع فقط

وتقبل رأيي المتواضع

:m_yes[1]:

فعلا يا سترونج الطرمبة الاصلية بتاعتها بس الطرمبة الاصلية برده مع واحد ف عربيته لانوس 2005 و لسه شغااااااله تمام و الله و عامل 100,000 بس بيستخدم بنزين 92

**samirayad** · 27-09-2009 09:33 PM

المشاركة الأصلية كتبت بواسطة Drift_Lover

اللون البرتقالي او الاحمر للبنزين ال80 والاخضر للبنزين ال 90 هو لتمييز نوع الاوكتين وليس له علاقه نهائي بنسبة السوائب ....ده اللي اعرفه ولو حد عنده جديد يصحح لنا المعلومة.

كلام سليم

**waleedrahmy** · 27-09-2009 11:29 PM

حط بنزين 80 لو مشوايرك سفر كلها و90 لو داخل البلد عشان العربية ما تسقفش منك

**abo_lamar** · 28-09-2009 12:20 AM

اولا الحمد لله انها جت على قد كده .
ثانيا كفاية يا راجل الطابور الطويل اللي بتقفه عشان تمون بنزين 80 وكأن البنزين ببلاش .. يا راجل هين قرشك ولا تهين نفسك وخليك على بنزين 92 أحسن وربنا يكفيك شر الطريق .. أمين

**MMamdouh** · 28-09-2009 12:32 AM

المشاركة الأصلية كتبت بواسطة kisho55555

بس حط بنزين 80 فى زجاجة وبنزين 90 فى زجاجة تانية .. هتلاقى ال 80 لونه احمر وده طبعا من الشوائب والرواسب ونسبة الكبريت الكبيرة ...

الوان البنزين دى لتحديد نوع البنزين من خلال النظر... البنزين فى الاصل ملوش لون... اعتقد نفس القصة معمولة فى الغاز الطبيعى اللى فى الاصل ملوش ريحة و بتضاف له ريحة نفاذة عشان الناس تتنبة لو حصل تسرب

نقطة كمان و هى ان البنزين فى مصر خالى من الرصاص بغض النظر عن درجة الاوكتين

العربية دى لما طلعت مكنش فى حاجة اسمها 90 ولا 92 ... لكن تحس ان البلد عايزه تبوز البنزين ال 80 عشان الناس تقرف منه ومش تستعمله تانى

البلد اصلا عاملة تدعيم البنزين غلط.... ليه ادعم اصلا بنزين 95؟؟؟ هو اللى بيحط 95 محتاج دعم؟؟؟

لية اخللى سعر ال 90 و ال92 فرق بريزة.... طيب هل فيه حد اصلا بيحط 90 دلوقتى؟؟؟

ليه اخللى ال 80 ارخص من السولار مع ان اللى بيركب تاكسى مش مرفة زى اللى بيركب مكروباص؟؟؟؟

MMamdouh

**playeeer_fishooo** · 28-09-2009 02:05 AM

المشاركة الأصلية كتبت بواسطة waleedrahmy

حط بنزين 80 لو مشوايرك سفر كلها و90 لو داخل البلد عشان العربية ما تسقفش منك

انا عملت فيشة الاوكتين زي ما استاذ ممدوح قال و مفيش تسقيف خالص

**playeeer_fishooo** · 28-09-2009 02:08 AM

المشاركة الأصلية كتبت بواسطة elakawy

اولا الحمد لله انها جت على قد كده .
ثانيا كفاية يا راجل الطابور الطويل اللي بتقفه عشان تمون بنزين 80 وكأن البنزين ببلاش .. يا راجل هين قرشك ولا تهين نفسك وخليك على بنزين 92 أحسن وربنا يكفيك شر الطريق .. أمين

يا باشا اصل انا من السويس ف 80 متوفر و الحمد لله