لا و ألف لا لبنزين 80

**nabil_353** · 27-12-2009 12:48 AM

والله يا جماعة العيب مش فى البنزين ال 80 أو ال 90
الفرق بين الإثنين بيكون فقط فى الأداء
ولكن هذه المشكلة ممكن تحصل مع أى بنزين كان 80 أو 90
المشكلة تكمن فى التداول
بمعنى إن أى محطة بنزين خزاناتها لا يتم صيانتها أو العربات التى تقوم بنقل البنزين لا يتم صيانتها و تنظيف خزاناتها بصفة دورية ينتج عنه وجود شوائب بالبنزين أيا كان نوعه و طلمبات البنزين و الرشاشات بالعربات التى بها حق إلكترونى حساسة لهذه الشوائب وتتلف وكذلك العربات التقليدية التى بها كربراتير يكون الكربراتير حساس لهذه الشوائب و لكن يكفيها التنظيف

**SHERIF2009BHIT** · 27-12-2009 01:27 AM

اولا حمدا لله على السلامة علشان الموقف دة بيبقى صعب فى السفر وخاصة على الطرق السريعة
لية سوال لحضرتك هى مخضة البنزين بقالها قد اية علشان دية ممكن تكون تلفت نيجة للعمر الافتراضى واللى انا اعرفة عن تجربة بين انواع البنزين
ان بنزين 80 بيخلى صوت الموتور عالى نضرا لاحتوائة على نسبة شوائب عالية ويجعل سحب السيارة ضعيف وممكن تسمع كركرة فى الموتور بس عل ما اعتقد ميسببش تلف طلمبة بنزين علشان الطلمبة عبار عن مخة سواء ماء او بنزين هيخرج مضغوط
its fuel pump just only inlet like fuel ,water any fluid and out put will be pressurized ,so we can think the impurites of fuel can effect of pump performance anyway its better for you to use high octan fuel to protect your engine specially injection system

**shanodaa** · 27-12-2009 03:52 AM

الحمد لله صوت الماتور عندي هادي والسحب ممتاز جدا وعامل 43000 كيلو مع بنزيين 80 ومعي صاحب لي موسوس بيحط 92 شيفورليه لانوس والطلمبه عطلت معاه رغم انه لسه كملش 5000 كيلو وغيرها علي حسابه علشان ميجرش العربيه بلونش احنا في العاشر من رمضان ولو في شوائب في 90 اكيد في شوائب في 95 من وساخه الخزنات وابوابها مفتوحه للتراب والرمل ومياه الغسيل طول النهار
تحياتي

**hosamdaewoo** · 28-12-2009 05:54 PM

النهاردة وانا عند الميكانيكى دخلت 4 عربيات فيرنا ونضف فلاتر البنزين وطبعا طلعت زبالة والميكانيكى قال طبعا دة من ال80
فرديت علية قلتلة البنزين اللى فى مصر كلة كدة حتى 95
وبعد 5 دقائق دخلت عربية باسات 2009 وطلع فلتر البنزين وهوة بيقول هتشوف الفرق
وكانت المفاجأة انة طلع زبالة وحشرات ميتة من العصر الحجرى
الحمد لله انى فى مصر ام الدنيا

**playeeer_fishooo** · 29-12-2009 12:00 AM

المشاركة الأصلية كتبت بواسطة sherif2009bhit

بس عل ما اعتقد ميسببش تلف طلمبة بنزين علشان الطلمبة عبار عن مخة سواء ماء او بنزين هيخرج مضغوط
injection system

شكرا ليك يا استاذنا و لكن ليا سؤال :
و هل السيارة مخصصة لكي تعمل بالماء؟؟؟
ده حتى المياكنيكيه بيجربوا الطرمبة اللي طلعت من العربية( العطلانة) ف جركن بنزين

**beckeryahia** · 29-12-2009 03:33 PM

العربية عندي صحتها جات علي ال80 علي فكره

**SBkr** · 29-12-2009 08:32 PM

البنزين 80 غالبا لسة بيضاف لة رصاص بسبب زيادة الهيدروكربونات الغير قابلة للإحتراق بة ودة بيسبب ضعف في الأداء ولذلك بيضاف الرصاص (غالبا) لتحسين الإحتراق ودة بيسمم حساس الشكمان تدريجيا ثم يتلفة نهائيا بعد فترة طالت او قصرت

**mohamedhamam** · 29-12-2009 09:28 PM

الفرق بين سعر لتر بنزين 90 و بنزين 92 بقى مش كتير لذلك الأفضل استعمال بنزين 92

**bakroov** · 30-12-2009 12:18 AM

على فكرة لا 80 ولا 92 ولا 95 كمبيوتر اللانوس مضبوط على اوكتين ال 90فقط واى حاجة تانية غلط على الموتور الموضوع مش باالانضف الموضوع بنسبة الاوكتين المظبوطة من المصنع