لا يوجد خلاف شخصي يا ابو احمد... ولكن الخلاف في وجهة النظر. زي ما الاخ مايكل قال.
يا مايكل احنا في زمن لازم ودولة لازم ناخد بعين الاعتبار الناحية الاقتصاديه.
يعني بس علشان انقل العربيه باسمي 850 جنيه.
وعلشان ارخصها سنه 500 جنيه.
وعلشان اسافر بالعربيه اعمل حسابك في مخالفات سنويه (وانت ونصيبك ) بتاع من 500 ل 1000 جنيه. من امين شرطه غلس لعسكري مرور رذل... لظابط بيغتت علشان حاطط شماسه او معلق سبحه علي المرايا او لازق ستيكر.
والحكومه مش راحمانا ...
وعلشان تركن العربيه تحت البيت برده اعمل حسابك كل سنتين بويه وسمكره 1000 جنيه.
ده غير فواتير الكهرباء والتليفون والمياه والنظافه..... الخخخخخخخخخ.
كل ده بالاضافه لفرق سعر البنزين 80 من 90 الضعف.
طيب لما ربنا يكرمني بعربيه بتقبل البنزين ال80 ومافيش اختلاف عن ال90 سوي ضعف بسيط في الأداء (صوت موتور أعلي سنه صغيره. وسحب أقل مع التكييف )... لكن في الاحوال العاديه. الامور طبيعيه...
يبقي ليه ما احاولش اوفر من بند البنزين 3000جنيه في السنه.
ومع ذلك انا كان معايا ال 132 والكريستاله . كنت بافول 92 واغير طقم الفواني واظبط الكهرباء وقت ماكنا نطلع نشد... مع ان دول كربراتير مش انجكشن...
يا جماعه فرق ال 80 من ال 90 ضعف الثمن... واحنا مش راكبين كامري ولا لامبورجيني . دي لانوس. والكتالوج بيقول بيتبدأ من رقم اوكتيني 83 .
المفضلات