استطلاع : اية اللي كان نفسك منصور يعمله في الشيفرولية كروز

**dodino2006** · 02-10-2009 09:24 AM

المشاركة الأصلية كتبت بواسطة ldsaklf

انا اخترت الشئ الي مش عاجبني بغض النظر عن السعر انا لسة عند رايي مشكلتي مع الكروز هيا الموتور لو الكروز نزلت بمتور غير كده كنت اول واحد هجبها انا حاجز نيو سيراتو اوكي بس عادي جدا اني كنت اغير واجيب الكروز لو الموتور كان غير ده

يا باشا انا كنت رديت علي الاخHosam_Optrawy بخصوص موضوع الموتور في مشاركة سابقة و كان الرد كالتالي :

يا حسام باشا في اعتقادي الشخصي ان سبب تغيير الموتور في مصر عن مثيله بالخارج، هو ان نسبة انضغاط الموتور ال Ecotec هي 10.8 (اعلي من موتور السيفيك) في حين ان الموتور ال EtecII نسبة الانضغاطCompression ratio فيه هي 9.5

بمعني تاني، ان الموتور الاول Ecotec لن يصلح معاه غير بنزين ٩٥ اوكتان، في حين ان الموتور التاني ممكن يشتغل معاه البنزين ال ٩٠ و ٩٢ اوكتان.
و بما ان سعر البنزين ال٩٥ هو ضعف سعر النزين ال ٩٠ و ال٩٢ يبقي ماكنش قدام شركة GM غير حلين:
١- انه ينزلها بالموتور الاصلي و ينصح الناس باستخدام البنزين ال٩٥ فقط لان البنزين الاقل من كده ممكن يقلل كفائة العربية غير مشاكل الكهربا ، استهلاك البنزين الزايد و تصقيف الموتور و خلافه في بلد لسه فيها ناس بتوطي كهربا العربيات الحديثة علشان يستخدم بنزين اقل في الاوكتان.
٢- انه يغير الموتور بموتور مشابه لحد ما و بكفائة قريبة من الموتور الاصلي (فرق حوالي ٤ حصان و ٣ كيلو في السرعة القصوي) و في نفس الوقت يمشي مع البنزين الارخص في السوق..

طبعا لو كان اختاروا الاختيار الاول كان هيبقي غباء تجاري و انتحار رسمي بالعربية في مصر، و للعلم انا اعتقد ان الموضوع ده كان اختيار شركة GM مش منصور، لسبب بسيط، في سنغافورة منزلين الكروز ال ١٦٠٠ سي سي بالموتور ال etecII في حين انهم منزلين الكروز ال 1800 سي سي بالموتور Ecotec حيث ان نسبة انضغاطه هي 10.5 و ممكن يشتغل مع البنزين ال ٩٢، يعني من الاخر هي عملية دراسة للسوق و للمستهلك و نمط استهلاكه و بناء عليه تم اتخاذ القرار...

اما بالنسبة لسؤالك الاصلي، في رآيي لا يجوز اننا نقول ان موتور الكروز هو موتور الاوبترا، و الا جاز ان نقول ان ويندوز XP هو ويندوز 98.. هو صحيح موتور الكروز مبني علي موتور الاوبترا، لكن نسخة معدلة و محسنة

في نفس الوقت انا كنت وعدت الاخوة اني هعمل اتصال للتأكد من المعلومة بشكل غير مباشر، و فعلاً اتصلت بمندوب الشركة اللي خرج معايا في ال test drive و سألته علي نوع البنزين اللي المفروض يتحط و كان رده سريع و مباشر، 95 او 97 اوكتان (اينعم، هنا فيه 97) و بالنسبه لل 1800 سي سي قالي ممكن تستخدم 92 بس الاحسن 95

**GasDealer** · 02-10-2009 04:18 PM

انا كنت عايزو يزود الضمان و الاوبشنز

**ldsaklf** · 02-10-2009 07:32 PM

اخي الكريم مفهوم جدا شرحك والله وجزاك الله كل الخير بس النقطة الي بتكلم فيها ان العربية وزنها وقوة موتورها وتسارعها لازم يكونو علي نفس المستوي عشان العربية يبقي نفسها طويل في السوق وخصوصا سوق المستعمل وعندك خير مثال الاوكتافيا عربية في منتهي الجمال والروعة دا من وجهة نظري لكن سعرها في المستعمل واقع تماما ودا راج لوجهة نظر مستهلك المستعمل الي لا يمكن ان نغفلها ووجهة نظر مستهلك المستعمل بيقولك ان الاوكتافيا عربية تقيلة ومبتجريش وجهة نظر بردو ولو اني عارف ان الجري مش كل شئ في العربية لكنها وجهة نظر في الاخر انا يهمني لما اجيب عربية واحب ابيعها لاي سبب ما تجيبلي جزء كبير من الي دفعتو وهو في نظري الي مش هيتحقق في الكروز مع هذا المحرك ارجو ان اكون وضحت وجهة نظري

**dodino2006** · 03-10-2009 02:18 AM

المشاركة الأصلية كتبت بواسطة ldsaklf

اخي الكريم مفهوم جدا شرحك والله وجزاك الله كل الخير بس النقطة الي بتكلم فيها ان العربية وزنها وقوة موتورها وتسارعها لازم يكونو علي نفس المستوي عشان العربية يبقي نفسها طويل في السوق وخصوصا سوق المستعمل وعندك خير مثال الاوكتافيا عربية في منتهي الجمال والروعة دا من وجهة نظري لكن سعرها في المستعمل واقع تماما ودا راج لوجهة نظر مستهلك المستعمل الي لا يمكن ان نغفلها ووجهة نظر مستهلك المستعمل بيقولك ان الاوكتافيا عربية تقيلة ومبتجريش وجهة نظر بردو ولو اني عارف ان الجري مش كل شئ في العربية لكنها وجهة نظر في الاخر انا يهمني لما اجيب عربية واحب ابيعها لاي سبب ما تجيبلي جزء كبير من الي دفعتو وهو في نظري الي مش هيتحقق في الكروز مع هذا المحرك ارجو ان اكون وضحت وجهة نظري

الاخ العزيز، اتفق و اختلف معاك في نفس الوقت، فالموتور الموجود حالياً بمصر لا يختلف كثيراً عن الموتور ال Ecotec الموجود بالخارج (يفرق حوالي ٤ حصان) يعني لو فيه مشكله في السحب و التسارع هتبقي موجوده كمان في الخارج، و عن نفسي انا جربت العربية ال 1600 سي سي بالموتور ال Ecotec و كان سحبها جميل (اعقد ان السبب هو توسيع المسافات في النقلات) و ادائها كان رائع حتي علي مطلع كوبري، انا جبت بيها 130 كيلو بدون ان اشعر، و اخدت غرز ضيقة جدا بمنهي السهولة و كان ممكن اجيب كمان لولا اني اتلقيت مندوب الشركة تقريبا متكوم في الدواسة

**adfarouk** · 03-10-2009 12:43 PM

المشاركة الأصلية كتبت بواسطة ldsaklf

اخي الكريم مفهوم جدا شرحك والله وجزاك الله كل الخير بس النقطة الي بتكلم فيها ان العربية وزنها وقوة موتورها وتسارعها لازم يكونو علي نفس المستوي عشان العربية يبقي نفسها طويل في السوق وخصوصا سوق المستعمل وعندك خير مثال الاوكتافيا عربية في منتهي الجمال والروعة دا من وجهة نظري لكن سعرها في المستعمل واقع تماما ودا راج لوجهة نظر مستهلك المستعمل الي لا يمكن ان نغفلها ووجهة نظر مستهلك المستعمل بيقولك ان الاوكتافيا عربية تقيلة ومبتجريش وجهة نظر بردو ولو اني عارف ان الجري مش كل شئ في العربية لكنها وجهة نظر في الاخر انا يهمني لما اجيب عربية واحب ابيعها لاي سبب ما تجيبلي جزء كبير من الي دفعتو وهو في نظري الي مش هيتحقق في الكروز مع هذا المحرك ارجو ان اكون وضحت وجهة نظري

موضوع سعر أعادة البيع موضوع مهم طبعاً في تحديد قرار شراء العربية و انا معاك في وجهة النظر دي.

من وجهة نظري ... موضوع سعر أعادة بيع الكروز أو أى عربية تانيه لسه نازله جديد كلة عبارة عن مجرد توقعات و لسة مش هيبان دلوقتي خالص (أنا مثلاً مش مع الناس اللي بتقول ان السيراتو سعر أعادة بيعها حيبقى كويس لمجرد انها بتتباع كتير).

على العموم مش ضروري نختلف لأن فيه موضوع تاني قرأته عن الكروز بيقول أن منصور نزل ضمانها لسنتين بس فشكلها الكروز كده مش هيبقى ليها لا سعر بيع و لا سعر أعادة بيع

**GasDealer** · 03-10-2009 08:56 PM

المشاركة الأصلية كتبت بواسطة adfarouk

موضوع سعر أعادة البيع موضوع مهم طبعاً في تحديد قرار شراء العربية و انا معاك في وجهة النظر دي.

من وجهة نظري ... موضوع سعر أعادة بيع الكروز أو أى عربية تانيه لسه نازله جديد كلة عبارة عن مجرد توقعات و لسة مش هيبان دلوقتي خالص (أنا مثلاً مش مع الناس اللي بتقول ان السيراتو سعر أعادة بيعها حيبقى كويس لمجرد انها بتتباع كتير).

على العموم مش ضروري نختلف لأن فيه موضوع تاني قرأته عن الكروز بيقول أن منصور نزل ضمانها لسنتين بس فشكلها الكروز كده مش هيبقى ليها لا سعر بيع و لا سعر أعادة بيع :c_laugh[1]::c_laugh[1]::c_laugh[1]:

هههههههه
فعلا عندك حق انا عملت هولد على موضوع العربيات ده خالص لما اشوف منصور عايز ايه..

**ahmad--ezzat** · 03-10-2009 08:58 PM

كانت نفسى تكون امريكانى

**adfarouk** · 03-10-2009 10:09 PM

المشاركة الأصلية كتبت بواسطة Ahmed20_08nubira

كانت نفسى تكون امريكانى

من وجهة نظري يا باشا ان الواحد لما يجي يشتري عربية هو بيشتري أساساً العلامة مش المهم هيا مصنعة فين لأن موضوع بلد المنشأ دة مرتبط بأستثمارات و سياسات تانية خالص .... لأن مش معقول كل العربيات من نفس الماركة في العالم كله تطلع كلها من المصنع الأم.

هيا في الأخر شيفرولية و عمرهم ما هيضحوا بسمعتهم أبداً على عربية تعبانه .....زي كدة الـ BMW اللي بتتجمع في مصر مش ممكن أن أحنا نقول عليها عربية مصري مثلاً.

بس لو كان منصور جاب العربية الأمريكاني أكيد كان هياخدنا كلنا رهاين قياساً على الهبل اللي بيعمله مع العربية

**ahmad--ezzat** · 03-10-2009 11:01 PM

المشاركة الأصلية كتبت بواسطة adfarouk

من وجهة نظري يا باشا ان الواحد لما يجي يشتري عربية هو بيشتري أساساً العلامة مش المهم هيا مصنعة فين لأن موضوع بلد المنشأ دة مرتبط بأستثمارات و سياسات تانية خالص .... لأن مش معقول كل العربيات من نفس الماركة في العالم كله تطلع كلها من المصنع الأم.

هيا في الأخر شيفرولية و عمرهم ما هيضحوا بسمعتهم أبداً على عربية تعبانه .....زي كدة الـ bmw اللي بتتجمع في مصر مش ممكن أن أحنا نقول عليها عربية مصري مثلاً.

بس لو كان منصور جاب العربية الأمريكاني أكيد كان هياخدنا كلنا رهاين قياساً على الهبل اللي بيعمله مع العربية :c_laugh[1]::c_laugh[1]::c_laugh[1]:

الواحد اكيد مش بيشترى علامه فقط...ويعنى ايه ياباشا مش مهم متصنعه فين (ارجو توضيح النقطه دى)
الافيو عليها علامه شيفورليه... معنى كلامك ان الافيو جباره انا عن نفسى مش بتعجبنى كموتور وثبات
السياره الكروز كورى....هى اكيد عربيه فوق الممتازه
ولكن لو ركبت مثلا الشيفورليه الكابرس كلاسيك موديل التسعينات مثلا وركبت الكروز هتحس بفرق رهيب لصالح الامريكانى

**dodino2006** · 04-10-2009 07:58 AM

المشاركة الأصلية كتبت بواسطة Ahmed20_08nubira

الواحد اكيد مش بيشترى علامه فقط...ويعنى ايه ياباشا مش مهم متصنعه فين (ارجو توضيح النقطه دى)
الافيو عليها علامه شيفورليه... معنى كلامك ان الافيو جباره انا عن نفسى مش بتعجبنى كموتور وثبات
السياره الكروز كورى....هى اكيد عربيه فوق الممتازه
ولكن لو ركبت مثلا الشيفورليه الكابرس كلاسيك موديل التسعينات مثلا وركبت الكروز هتحس بفرق رهيب لصالح الامريكانى

الاخ م/احمد، اسمحلي اختلف معاك في النقطة دي، لان الكروز و بدون اي انحياز تماما تختلف عن اي عربية تم تصنيعها في كوريا او حتي في امريكا لعده اسباب، منها ان الكروز صنعت خصيصا لانقاذ شركة شيفروليه ، لدرجه اني كنت قريت خبر من حوالي شهر او اتنين ان لجنة من الكونجرس قامت بتجربة العربية و دراسة خطة تسويقها قبل صرف دفعة من القرض اللي هتاخده شركة GM، من ناحية تانية تختلف الكروز عن الافيو مثلا، لان الافيو فعلا عربية دايو و تم وضع علامة شيفروليه عليها، انما الكروز تم تصميمها و هندستها بواسطة شيفروليه و باشتراك كل من دايو و اوبل الالمانية و هولدن الاسترالية (للاسف مصر اتحرمت من الموتور الالماني بسبب منصور).
الدليل الاخر ان العالم بيعتبر الكروز سيارة امريكية ان دائما شركة GM و مواقع السيارات العالمية بتعتبر الكروز صنعت لتكون import fighter (محارب للمستورد) و خاصة المستورد من اليابان و كوريا، يعني بيعتبروا الكروز منتج محلي و شجع صناعة بلدك و كده

اخر نقطة، اكيد في فرق شاسع بين الكروز و الكابريس، لكن الكروز تعتبر في فئة ال Compact Sedan اللي كانت بتفتقرها شركة GM و تم تصنيع الكروز لسد فجوة الشركة في الفئة دي