الموضوع: استطلاع : اية اللي كان نفسك منصور يعمله في الشيفرولية كروز

Etec-II so whatever country did it.....

المشاركة الأصلية كتبت بواسطة Ahmed20_08nubira

الواحد اكيد مش بيشترى علامه فقط...ويعنى ايه ياباشا مش مهم متصنعه فين (ارجو توضيح النقطه دى)
الافيو عليها علامه شيفورليه... معنى كلامك ان الافيو جباره انا عن نفسى مش بتعجبنى كموتور وثبات
السياره الكروز كورى....هى اكيد عربيه فوق الممتازه
ولكن لو ركبت مثلا الشيفورليه الكابرس كلاسيك موديل التسعينات مثلا وركبت الكروز هتحس بفرق رهيب لصالح الامريكانى

أحمد باشا (على فكرة أنا أسمي كمان أحمد يعني بصرة) ...... شوف تعالى نمسك الموضوع واحدة واحدة والكلام اللي هقوله أعتقد ينطبق على أي عربية

- موضوع مكان تصنيع العربية (في المصنع الأم و لا في مصنع تاني ملك للشركة المصنعه)

من وجهة نظري مش فارقة أوي (فيه فرق طبعاً هقوله لحضرتك بعدين) و ده لأن العربية في المصنع الأم وفي المصنع التاني تبقى هيا هيا تماماً من ناحية أساسيات العربية زي (الشاسية و الموتور ونظم التعليق و التكنولوجيا المستخدمه في العربية و الجسم الخارجي و .....)

الفرق بيكون في حاجات تانية ثانويه زي (البطارية والكراسي و الفرش و الكاوتش و .....) ودي برضه بتكون خاضعة لنفس المواصفات و مراقبة الجودة الموجودة في المصنع الأم ..... الخامات أكيد بتتخلف شوية عن المصنع الأم لأسباب أقتصادية أو اسباب تتعلق بعدم توافرها في بلد المصنع التاني .

الأحساس بالفرق بيجي أساساً من حاجتين
- اختلاف درجة مهارة اليد العامله في بلد المصنع الأم و بلد المصنع التاني زي كدة الفرق بين مهارة العامل الألماني و الأمريكي و الكوري و ده اللي احنا هنا بنسميه عيوب التقفيل و اللي هيا مش بتبقى عيوب جوهرية من وجهة نظري (ممكن ناس تانيه تشوفها كواراث لاتحتمل ... العملية نسبيه من واحد للتاني)
- جودة الحاجات الثانوية (اللي برضة بتحقق مواصفات المصنع الأم) ...... علي سبيل المثال عربية نازلة بكاوتش بريدجستون و التانيه نازله بكومهو.

و الكلام ده ممكن التغلب عليه و التعايش معاه بالأخذ في الاعتبار فرق السعر بين العربية من المصنع الأم و العربية من المصنع التاني

أمثلة على الموضوع ده الكابريس اللي حضرتك اشرت ليها و كذلك اللومينا موجوده في الخليج استرالي مش أمريكي كمان التويوتا الكامري فيه منها استرالي و طبعاً العربيات دي كلها اكيد سوقها ماشي في الخليج ومنقدرش نقول عليهم انهم عربيات استرالي مثلاً.

تخيل كده لو مصر يتنزل فيه العربيات دي (ربنا يوعدنا ان شاء الله ) وعرفت ان فيه واحد صاحبك اتعرض عليه لومينا أو كابريس و هو رفضها علشان هيا استرالي ممكن تعمل فيه اية ؟؟؟

أنا شايف ان الموضوع فالأول و الأخر موضوع أقتصادي بحت و العربية في الاخر بتحمل جنسية علامتها و يتم الاشارة لبلد المنشأ كمعلومه ضروريه للشفافيه و تفضيليه احياناً في حالة بعض الناس (دي وجهة نظري و ممكن يختلف معايا ناس كتير).

الصراحه انا مثلاً لو الفلوس مش فارقة معايا هأجيب العربية من بلدها لأن الواحد بيحب يقرب من الكمال (الكمال لله وحده) ..... أما لو كانت الفلوس فارقة معايا هأجيب العربية من أى مصنع و الموضوع ده مش هيبقى فارق معايا خالص

ده Link يبين بلد المنشأ للعربيات الموجودة في العراق على سبيل المثال المبيعات والاسعار/ سيارات صالون

- موضوع ان الأفيو شيفرولية و انها عربية وحشة

أنا معنديش فكرة كاملة عن الموضوع دة و حتي لو كانت الأفيو زي ما أنت بتقول .... دة ميعبش الشيفرولية كماركة في حاجة لأن ده شئ وارد مع كل مصنعيين العربيات ..... عندك مثلاً تويوتا لسة ساحبة حوالي 3.8 مليون عربية من السوق في امريكا و معدتقش ان حد يقدر يقول حاجة علي عربيات تويوتا.

يا رب اكون عرفت أوصل وجهة نظري المتواضعه دي .... و برضه الأختلاف في الرأى لا يفسد للود قضية

المشاركة الأصلية كتبت بواسطة hosam_optrawy

انا ملاحظ من الاستطلاع ان اكتر الناس عايزه الكماليات تزيد

انا عايز بس أقول حاجه لاحظتها

ان الكروز مبتنزلش كامله بمعنى الكلمه الا لو موتورها 1.8 او 2.0

انما ال 1.6 اخرها زى اللى عندنا

الدايو لاسيتى هى اللى بتنزل كامله بمعنى الكلمه وموتور 1.6

حتي الدايو لاسيتي مش بنزل كاملة 100%، لان مفيهاش كروز كنترول (مثبت السرعة) حتي في اعلي الفئات، كمان مفيش نور الفرامل العالي و الزجاج الملون غير في اعلي فئة من ال 2000 سي سي الديزل، و فتحة السقف و الايرباج (اساسي 2) بيكونوا اسبشيال اوردر

بس ده برضه ما يمنعش ان منصور حالق للعربية (التوب لاين) لحد ما بالمقارنة للدول الاخري، مثلاً:

- سمارت كي (نازل في جميع الدول علي اعلي فئات ال 1.6)
-فرش جلد
-عدد الايرباج (جميع توكيلات العربيات في مصر بتعمل الحركة المعفنة دي)
-فتحة سقف (نازل في مظم الدول مش كلها)
- كروز كنترول (نازل في دول كتير علي اعلي فئات ال 1.6، لكن مش معظمها)

ده اللي علي بالي دلوقت علماً اني ماشوفتش العربية علي الطبيعة في مصر لسه

المشاركة الأصلية كتبت بواسطة dodino2006

حتي الدايو لاسيتي مش بنزل كاملة 100%، لان مفيهاش كروز كنترول (مثبت السرعة) حتي في اعلي الفئات، كمان مفيش نور الفرامل العالي و الزجاج الملون غير في اعلي فئة من ال 2000 سي سي الديزل، و فتحة السقف و الايرباج (اساسي 2) بيكونوا اسبشيال اوردر

بس ده برضه ما يمنعش ان منصور حالق للعربية (التوب لاين) لحد ما بالمقارنة للدول الاخري، مثلاً:

- سمارت كي (نازل في جميع الدول علي اعلي فئات ال 1.6)
-فرش جلد
-عدد الايرباج (جميع توكيلات العربيات في مصر بتعمل الحركة المعفنة دي)
-فتحة سقف (نازل في مظم الدول مش كلها)
- كروز كنترول (نازل في دول كتير علي اعلي فئات ال 1.6، لكن مش معظمها)

ده اللي علي بالي دلوقت علماً اني ماشوفتش العربية علي الطبيعة في مصر لسه

المشاركة الأصلية كتبت بواسطة Hosam_Optrawy

انا ملاحظ من الاستطلاع ان اكتر الناس عايزه الكماليات تزيد

انا عايز بس أقول حاجه لاحظتها

ان الكروز مبتنزلش كامله بمعنى الكلمه الا لو موتورها 1.8 او 2.0

انما ال 1.6 اخرها زى اللى عندنا

الدايو لاسيتى هى اللى بتنزل كامله بمعنى الكلمه وموتور 1.6

أنا متهيألي ان منصور لو كان مهتم و متابع أراء الناس اللي معجبة بالكروز ممكن يعمل حاجه من أتنين

- يزود فنحة السقف و الكروز كنترول و يقفل سعر التوب لاين على 140,000 بدل 137,000 و يعمل شغل جامد للعربية

- يلعب الدنيئه و يخلي الحاجات دي Special Order و يعمل شغل جامد برضه ..... بس على الناس

كان على سى مهزوم ان يضع فى فمه الطين ولا يبلينا ببلوة اخرى من بلاويه.. كفاية اوى علينا الافيو