الموضوع: استطلاع : اية اللي كان نفسك منصور يعمله في الشيفرولية كروز

المشاركة الأصلية كتبت بواسطة lordtefa

شكرا أخي العزيز على احترامك :
وعلى فكرو انا معايا يارس 2006 وبحب الكروز برضه .

شكراً ليك على ذوقك .... و ياريت كل واحد ياخد باله ان مش علشان عربيته تبقى كويسة يبقى العربيات التانية لازم تكون وحشه (كله فيه مميزات و عيوب)

خد بالك المرة الجاية ما تكتبش بالأحمر علشان المشرف بيحذفه

المشاركة الأصلية كتبت بواسطة yoko

أنا مش عارف إنتوا بتهجموا كلامي بالإسلوب ده ليه وعلى فكرة أنا عايش برة مصر وعربيتي فورد ٤٦٠٠ سي سي فأنا بتكلم وعارف بتكلم على إيه
ولو سعر العربية فضل كده يبقى أجيب كورولا وأنا مغمض


١) زي ما قولت أنا معايا عربية أمريكي وعارف هما بيقرنوا على أساس إيه
٢) ياريت تدور شوية وإنت تشوف رأي المواقع الأجنبي إيه
٣) أنا ميفرقش معايا معمولة فين بس المهم مواصفاتها إيه وتوكيلها مين وهتريحني ولا ﻷ (أعتقد أنا كده مش غلطان)
* إنت على أي أساس بتقول إن في ناس فكرة إن كيا فتحت جمعية والكلام ده يا ريت تراعي إنك بتكلم ناس محترمة ومينفعش الإسلوب ده
وأنا معاك إن الخامات في السيراتوا مش قد كده بس ده مش معناه إن العربية وحشة وشوف بره الخامات هتلقيها أحسن من الي في مصر

وفي الأخر العربيات دي أزواق وإحتياجات ومفيش حد صح وحد غلط وكل واحد ليه رأي لكن الي مينفعش السخرية من أراء الأخرين

yoko باشا

اولاً: انا اسف جدا لو انت حسيت ان الكلام متوجه ليك، بس اؤكدلك اني فعلاً مقصدتش اوجه الكلام ليك بأي شكل من الاشكال، ده حتي الكلمتين دول كانوا واقفين في زوري و كنت ناوي اكتبهم في اي موضوع يخص الكروز، و علي العموم اسف يا باشا جت فيك بالغلط، و الاختلاف في العربية لا يفسد للود قضية

ثانياً: صدقني انا بحترم اختيار اي شخص لعربيته مهما كان نوعها او سعرها او بلدها ..الخ و باحترم اي مقارنات بتعمل علي المنتدي حتي و لو كانت ما بين عربية شبح و عربية 127 بدون سخرية او تجريح.

بس بصراحة موضوع الهجوم الظالم علي عربية جميلة زي الكروز و التوكيل بتاعها بدون مبرر استفزني شوية و خاصة ان اغلبها مبني علي اشاعات بتتردد و خلاص, و خصوصاً اشاعتين بيترددوا بشكل غريب، الاولي ان العربية لا تمت بصلة للكروز اللي بالخارج و التوكيل لاعب فيها، في حين انك لو جربت تدور علي مواصفات الكروز من بلد لبلد هتلاقيها مختلفة تماما، يعني مثلاً عندك في اوروبا 4 فئات من 8 نازلين من غير زجاج خلفي كهربائي و تقريبا نفس الامكانيات اللي نازلة في الفئة الاولي في مصر ما عدا الايرباج و امكانية طي الكنبة الخلفية و السعر بيبتدي بحوالي 107 الف جنيه مصري، و في سغافورة منزلين فئين 1600 سي سي الاولي بامكانيات الهاي لاين و بتبتدي ب54000 دولار سنغافوري يعني حوالي 205 الف جنيه مصري، الخلاصة بالنسبة للنقطة دي ان كل بلد نازل فيها مواصفات علي حسب متطلبات السوق و المستهلك.
ثاني اشاعة مستفزة ان الوكيل مبالغ في السعر، و في الحقيقة ان التسعير حاليا بيكون مرتبط بسياسة الشركة الام و دراستها للسوق و لو انت جربت الكروز و السيراتو علي سبيل المثال، من اول لحظة هتدرك ان الاتنين ما ينفعش يبقوا نفس السعر، و الكلام ده مش في مصر بس، في اي دولة هتلاقي ان الكروز اغلي من السيراتو.

اخر حاجة، بالنسبة لموضوع الجمعية الخيرية اللي استفزك، و الله يا باشا ماكنتش اقصدك نهائي، و تحديدا كنت اقصد احد الاعضاء المحترمين اللي بكنله احترام شديد لاسلوبه في الكتابة، بس استفزني لما كان بيقول انه اختار الصفقة الرابحة لما اشتري السيراتو، في حين -في رأيي الشخصي - انك كمستهلك اقصي ما يمكن انك توصله مع تاجر او مصنع هي صفقة "عادلة" مش رابحة، و الا شركة كيا فعلا فتحتها جمعية خيرية، و طبعا ماكنش اقصد نهائي السخرية من اي شخص اختار السيراتو او غيرها...

معلش طولت عليك بس اتمني اني اكون وضحت وجهه نظري، و تقبل اعتذاري مرة اخري

طاب من يا جماعة بعد مطلعتو حلوين كده و اتصلحتو , مين ساقها سيبنا من الشكل و المكونات لان محدش اختلف فيهم , نفسى حد يجيبها , و نجرب لا فعلا الافيو مخوفانى من العربية لان معظم الناس اشتكت , و بصراحة الواحد بيبتدى يفكر فى الهاى لين و دا مبلغ ؟؟؟؟؟؟؟؟؟؟

المشاركة الأصلية كتبت بواسطة sa3dawy

نفسى ينزل فتحة سقف(هتحسن الشكل كتير خصوصا وهيا معمولة tilt هتبقة هجومية جدا ) وكروز كونترول...
بس انا الصراحة لو معايا 135 الف هجيب مازدا 3 ايرو

I am with you 50%

but if I am going to buy a car...I would buy a car that has a strong dealer that stand behind the car....

unfortunately the Mazda...does not have an official dealer for it in Egypt....

it has 2 big importers...Smart Car and Sonnesta Motors.....

if one of them can actually become the Mazda official dealer in Egypt...this car would be very successful...

يا شباب انا مكنتش عارف الاستطلاع بيتعمل ازاى........ الحمد لله عرفت فقمت ضايفة.
أصل أنا لقيت حوالي 420 مشاهدة و لسة مش عارفين نوصل للنتيجة اللي الاستطلاع أساساً معمول علشانها.