الموضوع: استطلاع : اية اللي كان نفسك منصور يعمله في الشيفرولية كروز

المشاركة الأصلية كتبت بواسطة dodino2006

اولاً احب اوضح انه بكتبلكم من خارج مصر و تحديدا من هونج كونج، و قمت بتجربة الكروز بنفسي لكلا الموديلين ال 1600 و ال 1800 سي سي في الصين (حيث انها غير متوفرة في هونج كونج) و جاري كتابة تقرير مفصل...

ثانياً احب اوضح للناس اللي بتردد ان الكروز في مصر لا تمت بصلة للكروز بالخارج، و في الحقيقة الكلام ده غير صحيح بالمرة، فلو قارننا بين التوب لاين في مصر مع اعلي فئة من الكروز ال 1600 سي سي في الصين فلن تجد اي اختلاف يذكر الا في عدد الايرباج، ففي الصين ٤ ايرباج في مقابل ٢ في مصر، في حين ان الجنوط في مصر مقاس 16 و في الصين 15.

اما بالنسبةللكماليات الاخري كالسمارت كي و الكروز كنترول و فتحة السقف و الجنوط ال 16 فغير متوفرة غير بفئتي ال 1800 سي سي (فئة بفتحة سقف و فئة بدون)

اما بالنسبة للسؤال الاصلي، فانا لا اتمني نهائيا تخفيض سعر الكروز ليصل لسعر السيراتو و الا ستصبح لانوس اخري، و افضل ان يكون للسيراتو ناسها و للكروز ناسها التانية (اوعي تفهمني صح :b4_444:)
بس كنت اتمني بما اننا مش هينزلنا فئة ال 1800 سي سي كان ينزل علي الاقل السمارت كي و يزود الايرباج

ملحوظة اخيرة سيتم شرحها لاحقاً في التقرير: بعد دراسة سعر كل من الكروز و السيراتو في عدة دول وجدت ان سعر الكروز دايما اغلي من السيراتو ما بين ٣٠٠٠-٤٠٠٠ دولار امريكي، يعني موضوع السعر مش مبالغة من منصور ولا حاجة، و اللي يركب الكروز و السيراتو هيعرف ان سعر كل واحدة هو اللي تستحقه تماما، ، البركة في مصنع كيا اللي في الصين اللي صنع اغلب مكونات السيراتو البلاستيكية و تم تجميعها في كوريا

منور الاستطلاع يا باشا ..... أنا كنت قرأت لك مشاركة عن موضوع موتورالكروز بصراحة المشاركة كانت كلام واحد فاهم.
علشان كدة الواحد متوقع ان شاء الله تقرير Professional فيه كل حاجة مش كلام مرسل زي كل اللي بيتكتب على الكروز من غير تجربة.

المشاركة الأصلية كتبت بواسطة Hosam_Optrawy

2) يقلل سعر العربية مع بقاء كمالياتها على ما هي عليه.

هو دا

حسام باشا .. بصراحة كنت مراهن نفسي انك هتختار الاختيار دة

المشاركة الأصلية كتبت بواسطة lordtefa

الله ينور عليك ياباشا فعلاُ انا لقيت سعرها برة مختلف عن الكروز وقلت انهم مينفعوش يتقارنو ببعض بس تقول ايه ..:i_angr1[1]:
انا كل ما أخش موضوع الاقيهم بيقارنوهم ببعض لغية لما الواحد زهق ...
انا عن نفسي ياريت يزود كماليات العربية مع بقاء أسعارها على ما هى عليه (سمارت كي و فتحة سقف ومثبت سرعة).

يا باشا سيبك، اغلب الناس دي بتلاقيهم تاعبين نفسهم ليل و نهار يدخلوا مواقع اجنبي يشوفوا الريفيوهات بتاعت الكروز، بس الظريف انهم بيطنشوا (بمزاجهم) 3 حاجات:
١- ان الامريكان اللي بيعملوا الريفيوهات دي بيعتبروا اي عربية تحت ال 2500 سي سي انها عربية الخضار، و طبيعي انهم يقولوا علي الكروز ضعيفة.
٢- ان المواقع دي اساسا مفكرتش ولا هتفكر تعمل ريفيو علي السيراتو
٣- اي موقع ريفيو اول حاجة بيكتبها ان العربية تصنيع امريكي كوري الماني استرالي مشترك تحت راية gm الامريكية بحيث انه صعب انك تقول ان فرع ليه فضل اكبر من التاني في العربية، و برضه يرجعوا يقولولك عربية كوري، علي كده التويوتا الكورولا مابقتش ياباني لما اتصنعت في مصنع تحت السلم في جنوب افريقيا ؟ و علي كده النيسان السلفي بلو بيرد اللي اتصممت و اتصنعت في الصين تبقي ايه ؟؟

الاظرف من كده انهم فاكرين ان كيا فتحت جمعية خيرية و بتوزع عربيات ببلاش مع ان لو حد اتعامل مع الاسيويين هيعرف يعني ايه اجدع لعب بالخامات علشان يوصل للسعر اللي هو عايزه

المشاركة الأصلية كتبت بواسطة adfarouk

منور الاستطلاع يا باشا ..... أنا كنت قرأت لك مشاركة عن موضوع موتورالكروز بصراحة المشاركة كانت كلام واحد فاهم.
علشان كدة الواحد متوقع ان شاء الله تقرير professional فيه كل حاجة مش كلام مرسل زي كل اللي بيتكتب على الكروز من غير تجربة.

حسام باشا .. بصراحة كنت مراهن نفسي انك هتختار الاختيار دة

الف شكر يا باشا، باذن الله بكره هعمل اتصال علشان اتآكد من موضوع الموتور ده، و ربنا يسهل خلال الاسبوع ده هكتب القرير باذن الله

Yoko ... على فكرة انا اعتقد ان الكلام دة مش موجه ليك تحديداً لأن اختيارك كان ليه اسبابه اللي تحترم.


الموضوع كله عباره عن ان بقى فيه حساسية غريبه بين السيراتو و الكروز لدرجة اني قرأت مره واحد في المنتدى كتب عن الكروز انها "أبنه غير شرعيه لـ GM" كأن GM مش هيا اللي نزلتها مصر لمجرد ان الموتوراللي نازله بيه في مصر(اللي هو برضه تبع GM) مش هو الموتوراللي موجود برة.


هى المشاكل كلها بتيجي من ناحية ان كل واحد معاه عربية بيبقى متعصب ليها شوية و عشان كدة بيكون مش عنده تقبل ان ممكن يكون فيه عربيات فيها مميزات مش موجودة في عربيته.


برضه زي انت ما قولت كل واحد ليه وجهات نظر و احتياجات في العربيه و هى دي اللي بتحدد اختياره (الاستطلاع أساساً معمول علشان نعرف الموضوع دة على عربيه جديده متهيألي أنها شدت الأنتباه)


على فكره انا معايا كورولا 2008 بس بحب الكروز برضه.