الموضوع: عايز اشترى سيارة فى حدود لا تزيد عن 25000 ... مبتدأ جدا وعايز رأيكم

المشاركة الأصلية كتبت بواسطة mamado405

نصيحه حاول تجيب عربيه جديده بقدر الامكان عشان هتفضل حوالى 5سنوات مش محتاجه غير بنزين و زيت احسن من قرف المستعمل و كل يوم و التانى عند صنايعى

هاقول لك حاجة ظريفة جدا
النهاردة سألت زميلتنا فى الشغل ايه اخبار الـ 127
قالت لى: لا دى العملية فتحت قوى معايا ... والمصاريف دخلت على 5000 جنيه

عارفين العربية دى هى اشترتها بكام
اشترتها بـحوالى 14000 سوبر فيورا موديل 1986 تقريبا

واحد معرفتها كان عنده تابلوه جولف اخذته ببلاش وكان جميل جدا ... الصنايعى مارديش يركبه ... مع انى اسمع ان تابلوه الجولف يركب لها

المهم اشترت تابلوه مستعمل حالته كويسة بـ 850 جنيه
ده غير الدهان
وفرش للكراسى

قلت لها طيب انت صرفتى ايه على الموتور
قالت لى: ولا حاجة يمكن اشتريت قربة مياه

قلت لها: الغلطة الوحيدة اللى انت عملتيها انك مهما صرفتى على الـ 127 ليها ثمن اعادة بيع لن تتخطاه
والمفروض لما الواحد يلاقى عربية نادرة منها يبقى سعرها لا يتخطى الـ 16000 مثلا والله اعلم
كده العملية فتحت قوى ... يعنى التوضيب ده معمول عشان الواحد يحتفظ بالعربية موش يبيعها خالص


بالنسبة للاعطال المتوقعة
انا وجهة نظرى ان اسباب الأعطال هى:
اعطال استخدام
---------
يعنى واحد زى حالاتى لسه بيتعلم ورجليه تقيلة على العربية وبياخد مطبات على طول وبيخبط فى الرصيف وخلافه طبعا ممكن يظهر له حاجات غير متوقعة فى العفشة والدربياج والفتيس وخلافه نتيجة استعماله الخاطىء
... ده غير حجم المشى بالعربية يعنى واحد مثلا مقاول طول النهار عمال يلف على مواقع ويدخل فى رمال ويسافر يمين وشمال زى واحد بيمشى 4 او 5 محطات مترو كل يوم او يومين

اعطال قدرية
---------
تصحى الصبح تلاقى فانوس مكسور
زجاج لا قدر الله جاله سرطان
واحد زنق عليك وخبط لك حاجة

اعطال صيانة
---------
هنا الاختلاف ... لو اشتريت عربية "مقلب" لا قدر الله طبعا كل شوية هايظهر لك حاجة مرة فى العفشة ...مرة فى الكهرباء ... مرة فتيس ... الخ

طيب لو كانت العربية حالتها معقولة
هل من الممكن انك تسايسها وتمشى بيها حالك لحد ما تصلح اى شىء يظهر ... يعنى لن تتوقف السيارة لا قدر الله على اساس ان البيجو 504 جامد جدا ويستحمل

اما بالنسبة للصيانة الدورية
انا بعد ما قرأت الكثير لحضراتكم خصوصا على ما اتذكر مشاركات اسلام
عرفت انه الافضل لو كانت السيارة مستعملة المفروض لا التزم بمواعيد مثالية
يعنى مثلا لو كنت هاغير زيت بعد 5000 كيلو
يبقى الافضل اغيره بعد 4000 كيلو ... وده لان السيارة مستعملة

بس هنا يظهر فرق مهم
انك تشترى سيارة مثلا 131 حالتها جيدة جدا ويتبقى معاك فلوس لو ظهر حاجة احسن لك خصوصا ان مشيك بالسيارة عادى وقليل

ولا تشترى سيارة بيجو 504 بحوالى 26000 الف وتخليها على الله ويحصل اللى يحصل .... لانى بصراحة بحبها جدا جدا

اما بالنسبة للسيارات الجديدة
لا يوجد غير السوزوكى ماروتى تقدر تجيب موديل 2007 او 2006 بحوالى 25000 او 26000 الف

خلاف كده لا يوجد غير موديلات التسعينات
كيا برايد
سوزوكى سويفت
دايهاتسو شاريد
ونفس حكاية البيجو 504 هاتحط كل فلوسك فيها وهاتخليها على الله ويحصل اللى يحصل

ما تنسوش انكم انتم اللى ركبتم عربيات
وانتم اكثر خبرة منى
وانتم اللى عارفين يعنى ايه مصاريف
وانتم اللى نصيحتكم وكلامكم العادى بالنسبة لى مهم جدا

لما قلت لزميلتى فى الشغل : انى افكر اجيب سيارة بيجو 504 موديل 77 او 78 او 79
قالت لى: اوعى دى قديمة قوى
ولما شافت صور سوق السيارات
قالت لى: الله هى دى العربيات ... دى جميلة جدا
حاجة تضحك ههههههههههههههه

شوفتم تأثير البيجو 504
موش على انا بس
على كل النس ... مع انها راكبةعربية اعتقد دايو وحديثة


مع اطيب التمنيات
اخوكم حسين غزالة

المشاركة الأصلية كتبت بواسطة islambana

ازيك يا استاذ حسين
المصاريف اللي بتكلم عليها واقصدها دي بتيجي لانك مش شاري عربيه زيرو وكل مكون ليه عمر افتراضي معين لازم يتغير عنده علشان كده بتلاقي حاجات طلعتلك من غير ماتعرف وهو ده قصدي

اعظم ما انتجته فرنسا من السيارة بيجو ( 404 - 504 - 505)

بيجو 404 الرائعة


شوف العظمة والروعة ...



ازيك يا باشمهندس اسلام
ايه اخبار هندسة ورجال هندسة
انت اتخصصت ولا لسه ....

بالنسبة للسيارة البيجو بتاعت حضرتك طبعا هى 504 GL

يا ريت تكلمنا عنها
موديل
تاريخ شرائها
حالتها وقت الشراء
كفاءة الموتور كانت كام %
كفاءة العفشة

واهم سؤال ما هى المصاريف التى تم صرفها مثلا فى آخر عام 2008 - 2009

ما هو توقعاتك بالنسبة لسعرها فى المستقبل القريب والبعيد
هل ترغب فى بيعها وشراء موديل احدث

ما هى الأشياء التى ترغب فى عملها وتغيرها فى السيارة ولكنك لا تريد فتح باب مصاريف

واخيرا ما هو رأيك فى البيجو 504 L خصوصا موديل 1977

او الموديل 504 GL موديل 1977

ممكن اعرف بعض اسعار قطع الغيار فى حالة ان الموتور حالته 70% والكاوتش حالته جيدة والبطارية جيدة

خصوصا
المارش
الفتيس
الكاربوراتير
الدينامو
المساعدين
الاسكاترة
البوبينة
الاسبراتير
طرمبة بنزين
طرمبة المياه
ماستر الفرامل

اى شىء ثانى موش هايكون سعره مثل الاجزاء السابق زكرها صح ولا لأ


فى انتظار معلومات منكم ومشاركاتكم

مع اطيب التمنيات
اخوكم حسين غزالة

مساء الفل يا اسلام

ربنا ييسر لك الاحوال وتتخرج ...وأتوقع لك نجاح باهر ... عشان انت راجل "دماغ عالية"
وانا عن نفسى احب الناس الدماغ والازكياء وقبل اى شىء اوفياء ورجالة زيك

عارف انا حبيت اعرف بعض اسعار قطع الغيار ليه ؟
لانى بفكر لو اشتريت بيجو حتى ولو كانت موديل 1977 عشان يبقى سعرها حنين شوية ايه المفروض اهتم به عند شراءها ... ؟


لأن المفروض والله اعلم ان اصعب شىء انه تظهر اعطال رئيسية "يعنى تحتاج الى تغيير"
والغريبة انك قلت لى ان اغلب قطع الغيار يتم تصليحها ولا يتم تغييرها بسهولة مثل اى سيارة اخرى ... ودى ميزة تتحسب للبيجو
وكمان انا شايف ان الاسعار موش عالية قوى ... "عادية"
خصوصا ان المفروض انه لو ظهر اى حاجة موش شرط كل ده يظهر مرة واحدة

يعنى اهم حاجة ان الموتور يكون كفاءته معقولة تمشى سنتين او ثلاثة
والاساسيات تكون سليمة
والكاوتش يكون معقول ... لان هيرو كان له مشاركة بيقول ان فردة الكاوتش لوحدها ثمنها حوالى 430 جنيه ... يعنى مبلغ كبير برده

بالنسبة للمساعدين كان فيه تاجر فى سوق السيارات قال لى ان المساعد عنده محتاج يتزود زيت بـ 20 جنيه
افتكرته بيضحك على
وطلع الكلام ده مضبوط خصوصا بعد ما سمعته منك
وان المساعد يرجع زى ما كان ... حاجة غريبة

انا اعرف ان موش كل العربيات ينفع فيها الموضوع ده ... وان المساعدين مهما تم تزويدهم بالزيت يرجعوا يضعفوا تانى


اى حاجة خلاف كده مقدور عليها والله اعلم عايز اعرف رأيك

طيب بتعملوا ايه فى موضوع البارومة ده ... خصوصا ان السيارة مر عليها اكثر من 30 سنة تقريبا
معقولة فيه سيارة لحد دلوقت ما فيها بارومة

كنت بكلم مع صديق عزيز على اننا نبدأ ندور على سيارة 131 او 323 او 504 لكن بعد الانتهاء من موضوع الرخصة عشان ما اشتريش واجرب فى العربية ههههههههههههه

بكره ان شاء الله انا رايح مدرسة القيادة تبع الحى عشان آخذ الجدول هههههههههههه زى الطلبة

المهم ما اعرفش هاروح المشوار ده كام يوم ولا هايعملوا ايه معايا ولا المفروض اهتم بإيه

فيه واحد نصحنى انى لا اظهر انى فاهم اى حاجة عشان المدرب يشتغل ويطلع كل اللى عنده

فكره برده ههههههههههههههههههه

مع اطيب التمنيات
اخوكم حسين غزالة