نيسان أبريو = رينو لوجان

**Egyzizo** · 01-10-2009 05:43 AM

زى ما احنا عارفين ، فيه اندماج بين شركة نيسان وشركة رينو .. ففيه عربية اسمها نيسان أبريو Nissan APrio بتتباع فى المكسيك وهى بالظبط الرينو لوجان بس واخدة علامة نيسان بدل علامة رينو باعتبار أن نيسان أكثر شعبية فى المكسيك .. موجودة هنــــــــــا

طبعاً دى حاجة بترفع من أسهم لوجان عندى ، لأن نيسان زيها زي رينو مش بتحط اسمها على أى عربية ..

أنا عملت مقارنة بسيطة كده حاولت أعرف منها لو اللوجان كانت نزلت من رينو مباشرة بدون العبور على المغرب فسعرها هيكون كام ..

[frame="7 50"]سعر النيسان تيدا الكاملة مانيوال فى المكسيك 150 ألف دولار مكسيكى
سعر النيسان أبريو الكاملة مانيوال فى المكسيك 135 ألف دولار مكسيكى

سعر النيسان تيدا الكاملة مانيوال فى مصر 116 ألف جنيه مصرى
سعر الرينو لوجان (النيسان أبريو) فى مصر كان المفروض يبقى ؟؟؟؟؟[/frame]

(فى الرابط ده حط التيدا قدام الأبريو وقارن الأسعار)

بتطبيق معادلة بسيطة (طرفين فى وسطين) .. هيطلع ان اللوجان كان المفروض يبقى سعرها فى مصر 104 ألف جنيه ..

ولو حطينا فى الاعتبار ان موتور الابريو بتاع المكسيك 16 صباب ، وبتاع مصر 8 صباب ..
يبقى خلونا نشيل 10 آلاف جنيه .. يبقى هتخليها برضه فوق التسعين ألف ..

يعنى فى كل الأحوال اللوجان الكاملة مانيوال كانت هتبقى أغلى من الصنى الكاملة مانيوال اللى سعرها 88 ألف.

وده يخلينا نرقى اللوجان وبدل ما نحطها فى فئة الفرنا وشبيهاتها ..
يبقى نقارنها بالصنى والياريس وأخواتها ..

ايه رأيكم

**amr.elsayed** · 01-10-2009 05:51 AM

اللوجان يا زيزو حتترقى بس اى حاجة عشان تترقى فى الدنيا لازم تثبت كفاءة مع مرور الايام
ولو اللوجان فى خلال السنين القادمة اثبتت اعتمادية وعمر افتراضى طويل زى الصنى
ايه المانع اننا نقارنها بالصنى بغض النظر عن الفرق فى السعر هى مسألة وقت مش اكتر

**menocomp** · 01-10-2009 10:44 AM

I am totally agree with you.

**rafe3_dent** · 02-10-2009 03:19 AM

طب تصنيعها في المغرب ده اللي عامل فرق في السعر .. اكيد فارق في جودة العربية .. مش كده؟؟

**mrizk_3002** · 02-10-2009 04:08 AM

المشاركة الأصلية كتبت بواسطة rafe3_dent

طب تصنيعها في المغرب ده اللي عامل فرق في السعر .. اكيد فارق في جودة العربية .. مش كده؟؟

اختلف معاك فرق السعر عشان الايدي العاملة ارخص في المغرب من فرنسا او رومانيا بالاضافه الي ان الاستيراد من المغرب معلهوش جمارك زي اللي علي الاستيراد من اوربا. وده تفسير رخص السعر...

بس تأكد انها نفس الجوده لان العمال في المغرب اخذوا اعلي درجات التدريب, و دائما تأكد ان رينو عمرها ما هاتخاطر بسمعتها ابدا ً.

**ahmedbakr50** · 02-10-2009 05:35 AM

بس تأكد انها نفس الجوده لان العمال في المغرب اخذوا اعلي درجات التدريب, و دائما تأكد ان رينو عمرها ما هاتخاطر بسمعتها ابدا ً

تمام الكلام ده

**ash257** · 02-10-2009 11:07 AM

على فكرة الأبريو نازلة بموتور 1600 مزدوج الكامة بقوه 109 حصان (مختلف شوية عن اللوجان) اللي بتنزل في مصر

**Egyzizo** · 03-10-2009 03:41 AM

المشاركة الأصلية كتبت بواسطة ash257

على فكرة الأبريو نازلة بموتور 1600 مزدوج الكامة بقوه 109 حصان (مختلف شوية عن اللوجان) اللي بتنزل في مصر

ما هو عشان كده أنا نزلت 10 آلاف جنيه عن السعر المفترض
ومتهيأ لى دول كفاية قوى كفرق بين الموتورين ..

**Cell_k** · 04-10-2009 02:54 PM

أستاذ أستــــــــــــــاذ .

**bishoy02010** · 16-10-2009 11:52 AM

المشاركة الأصلية كتبت بواسطة ringoo

اللوجان يا زيزو حتترقى بس اى حاجة عشان تترقى فى الدنيا لازم تثبت كفاءة مع مرور الايام
ولو اللوجان فى خلال السنين القادمة اثبتت اعتمادية وعمر افتراضى طويل زى الصنى
ايه المانع اننا نقارنها بالصنى بغض النظر عن الفرق فى السعر هى مسألة وقت مش اكتر

+1111111111111

الموضوع: نيسان أبريو = رينو لوجان

LinkBack

أدوات الموضوع

عرض

نيسان أبريو = رينو لوجان - انشر الموضوع فى :

-

-

-

-

-

-

المواضيع المتشابهه

نيسان صنى ولا رينو لوجان؟

ايهما افضل نيسان صنى الجديده او رينو لوجان

ايهما افضل نيسان صنى الجديده او رينو لوجان

ايهما افضل نيسان صنى الجديده او رينو لوجان

أشترى نيسان صنى واللا رينو لوجان

الكلمات الدلالية لهذا الموضوع

المفضلات

المفضلات

ضوابط المشاركة