الموضوع: صيانة 5000 للوجان رومانى 2009

اولا السلام عليكم و رحمة الله و بركاتة
و الف مبروك علي الصيانة و عقبال صيانة ال 1000000 كم
بس انا بصراحة لما قريت كلام حضرتك اتخضيت
ليه بأه
لأني بصراحة ما شفتش الكلام اللي حضرتك دا بتقوليه ابدا و انا هحاول اقارن بين اللي حضرتك بتشتكي منه في العربية و من اللي انا شايفة في عربيتي

المشاركة الأصلية كتبت بواسطة hobby10

ملاحظاتى للصيانة كانت الاتى :
· الماتور :عالى ومتزمد وفيه رعشة وكركرة فى السلانسيه .(مفيش حل ؟!!!!!)
انا متفق معاكي ان الموتور صوته اعلي شوية بالنسبة لللي واقف خارج العربية عن صوت اي عربية تاني في فئتها بس مش عالي لدرجة مزعجة لا هو صوت مميز وانا متقبله جدا
اما حكاية الرعشة و الكركرة في السلانسيه فدي بصراحة انا مش فاهمها و مش حاسسها مع ملاحظة ان انا متأكد اني انا اكتر واحد في مصر ودنه بتكون مطرطقة و هو سايق و بحس بصوت اي حاجة في العربية و ببقا سايق بودني اكتر من عنيا ههههههههههههههههه:b4_592::b4_592:
لدرجة بطهق بيها الميكانيكيا من كتر ما انا بقولهم سامع الصوت دا و الزنةدي بخلي الراجل يدور حولين نفسه و يبصلي علي انه عندي 5 قدامههههههه
يعني انا متفق معاكي في علو صوت الموتور خارجيا في السلانسيه و دا شئ لا يعنينا كركاب من الدخل طالما مافيش منه مشاكل
نيجي بأه للصوت من جوه العربية طول ما الموتور شغال و عالسلانسيه فانا مش بسمع حاجة نهائي و لا هزة و لا رعشة ولا الكلام دا نهائي لدرحة انا ببص علي الار بي ام عشان اطمن عالموتور
العربية ناعمة جدا جدا
نبدا نتحرك بالعربية من الثبات عالنقلة الأولي الصوت طبيعي و تمام طبعا بتغيري علي التاني و التالته و هكذا تباعا و انا عن نفسي بنقل مع وصول الأرم بي ام ل 3000 و بتبقي السرعات كالتالي
طبعا الأول انا ما بحملش عليه بس العربية تتحرك و انقل
التاني السرعة بتوصل ل 40 عن 3000
التالت 60 /3000
الرابع 80 /3000
الخامس شغال معاكي لغاية 220 و اللي هو اخر العداد عشاان فيه ناس فاكراه 200 بس زي ما هو مكتوب لكن لو بصيتوا علي التدريج بتاعه هتلاقو بيكمل لبعد ال 200 بكام شرطة زي ما بدأ قبل ال 20 بكام شرطة
صوت الموتور بيبقي مسموع للي راكب من جوا من بعد ال 3000 ار بي ام و دي بتبقي السرعة 100 كم /س و انتي عالخامس
بيبتدي الصوت يعلي و فعلا بحس بيه و بيفضل مسموع لغاية 3500 ار بي ام و بتبقي السرعة وصلت 120 و بس تعدي ال3500 لفة بتلاقي الصوت بدأ ينعم من تاني و الأمور تبقي طبيعية من تاني و تقريبا بيبقي الصوت واضح شوية لو انت مشغل التكييف
انا بحللها بان الموتور بعد ال

عموما الصوت هيهدا كتير بعد اول 10000 كم للعربية و هتلاحظو الفرق بس هيفضل مسموع يمكن انا عشان ودني حساسة بس نا كتير ركبت معايا و قالت انه مش عالي و لا حاجة
لسه كان راكب معايا و احد معاه لانسر 1300 و قالوا هو مش زي اللانسر بس مش عالي للدرجة و قالي انه ركب الإسبيرانزا التيجو و نفس الصوت بتاعها

· العربية : كلها فيها رعشة محسوسة فى الداخل فى السلانسيه(مفيش حل ؟!!!!!)

انا معنديش الكلام دا في عربيتي و بسم الله ماشاء الله العربية في السلانسية سكون و هدوء ممتاز

· الفتيس :
1. فيه رعشة على طول سواء والعربية ماشية او واقفة بتزيد طبعا مع التكييف . (مفيش حل ؟!!!!!)

انا معنديش المشكلة دي خالص بس انا شفت ناس كتير بتشتكي منها و شفت عربية سيدان مغربي و فعلا فيها الهزة دي في الفتيس و استغربتها بصراحة لأنها مش موجودة عندي مع او بدون التكييف

2. عضة مع المارش . (تم حلها)
مش موجودة عندي

· الدركسيون : عند لف الدركسيون للأخر فى صوت . (ده الطبيعى علشان البور)

انا معاكي في وجود رعشة بسيطة بتظهر لما بتلفي الدركسيون و انتي واقفة بس و تلميه عالآخر و التكييف شغال و حلها انك يا اما تلمي الدركسيون براحة ما تلفيش جامد او انك بالبلدي زي ما الصنايعية بيقولي تشعري للعربية سنة بنزين خفيفة تعلي بيها الأرم بي ام عشان يطلع باور اكتر عشن طلمبة الباور و الرعشة هتروح و انا شغال بالطريقة دي و تعودت عليها و بقيت اعملها تلقائي طالما مش مأثرة علي سلامة و ا مان العربية

· بدال الدبرياج والفرامل : بيعملوا صوت . (تم حلها)
مش موجودة عندي و كويس انها اتحلت بس شوية تزييت للبدالت و الصوت بيروح

· بدال البنزين : فيه زنة لما الموتور بيعلى .(مفيش حل ؟!!!!!)
زي ما قلت اللي بيحصل عندي في العربية و قلت انه بيظهر بعد ال 3000 ار بي ام و بيختفي بعد ال 3500 ار بي ام

· استهلاك البنزين : عالى شوية . (يراقب بدقة ونتابع لاحقا اذا ثبت وجود مشكلة)
انا حسبتي كتير و العربية عندي بتعمل 275 كم/ 20 لتر
و طبعا سواقة مش ثابتة بس عموما انا مش بزود عن ال 3000 ار بي ام في النقل بي النقلات بس بصراحة بشد كتير مع العربيات و بمش 140 - 150 لو مسكت الصحراوي و بشغل التكييف

· تغيير الزيت والفلتر . (تم باصرار منى للاطمئنان)
كويس
· تثبيت كلبس النور فى الصالون الداخلى . (مصمم انه كده متثبت وانا كبرت دماغى)
دي مش مشكلة حضرتك ممكن تظبطي الحاجات بنفسك
· غسيل الموتور . (تم)
كويس
الفاتورة قيمتها 330 جنيه --< 230 زيت توتال كوارترز 9000 رصاصى
30 فلتر زيت
70 ضريبة ومصنعيات (كتيييييير)
ما هو لازم يكسب و الا هيقفل
انا تقريبا سمعت ان سعر الزيت هو نفسه لو هتشتريه من برا التوكيل و الفتر نفس الوضع

بالنسبة للحاجات اللى ملهاش حل انا مش مقتنعة صراحة :u_thin1[1]: وعاوزة الوحوش ياريت لو يشاركونا برأيهم لانى ملاحظة ان النقط دى موجودة عند الناس كلها تقريبا .... ولو فى حد معندوش المشاكل دى ياريت يقول لان كده ده يبقى معناه انها مش طبيعية ولا حاجة زى ماهم بيقولوا ...................... ويبقى اكيد ليها حل حنستفيد منه كلنا ان شاء الله
هو انا بصراحة شايف انها كتيره و مش طبيعية خاص و نها مش موجودة في عرربيتي
حضرتك حاولي تضغطي عليها
او تبعتي تقرير بالكلام دا لرينو تشوفي ايه ردهم

تانى حاجة بالنسبة لموضوع الزيت احنا اختلفنا فيه جامد لانهم كانوا مصممين يقعدوه لل 10000 وانا من ملاحظتى وملاحظة كذا شخص كمان الزيت كان مفهوش لزوجة خالص !!! الغريب بقى انهم قالولى كلام لخبطنى خالص وهو ان الزيت التخليقى اللى هم بيحطوه ده مينفعش يتقاس لزوجته باليد وانه كمان لزوجته بتزيد لما يسخن يعنى بمعنى اصح اكن الطبيعى لما اشوف لزوجته والعربية باردة زى ما حنا نعرف طول عمرنا فى قياس الزيت حلاقيه مفهوش لزوجة !!!!!!!!!! طبعا مش فاهمة حاجة ومش مقتنعة :b4_611:... المهم غيرته وخلاص وبعد كده حغيره كل 10000 بس نفسى افهم مش اكتر (بس عموما حتى بعد التغيير انا بصيت على الزيت وهو بارد وكمان وهو سخن وفى الحالتين كان خفيف بصراحة كان نفسى احط موبيل وان وخلاص !! والله اعلم ..... ربنا يستر وادينا فى الضمان)

تالت حاجة ..... انا اتعلمت المرة دى ان لازم اراجع كل حاجة وراهم بمعنى انهم مبيعملوش كل اللى طلبته او ملاحظاتك كلها من نفسهم يعنى انا بعد ما قعدت ساعتين فى الملاحظات بتاعتى دى لاقتهم سايبين نصها فاضطريت ارجع للمهندس تانى واراجع معاه والعربية دخلت تانى وقعدت ساعتين كمان !!!! مع ملاحظة الحاجات اللى متعملتش علشان ملهاش حل !!!!
الموقف ده خلانى اخد بالى من حاجة وهى ان المفروض لراحة العميل ولانجاز العمل على اكمل وجه ان المفروض زى ما فى مهندس استقبال بيستلم منك العربية علشان تدخل المفروض برضه يسلمهالك ويوضحلك اللى اتعمل بالضبط وايه اللى لأ علشان متبقاش انت مجبر انك تراجع وراهم والعربية تدخل تانى وتطلع والقصص دى مع العلم انى كنت مسجلة الملاحظات بوضوح شديد فى ورقة مطبوعة ومنظمة.

فى النهاية الحمد لله تم بنجاح بس بعد 4 ساعات من الانتظار والاضطرار للمراجعة وراهم . :b4_444:

شكراااااا واسفة على الاطالة وارجو ان يستفيد الجميع من التجربة ... وعلى جميع من يهمه الامر المشاركة فى الانتخابات ... قصدى فى التعليقات :e_braces[1]:

ان شاء الله علي صيانة ال 10000 تكون كل الملاحظات دي اختفت و اتحلت
و ربنا يبارك لك فيها و يحفظها لك
و انا هحاول ابحث عن حل لمشكلة هزة الفتيس اللي الناس بتشتكي منها في اي منتدي روماني خاص بالعربية
بس عاوز اختم كلامي بحاجة بسيط بخصوص اللوجان
يا جماعة العربية دي يمكن تكون جديدة علينا في مصر و لسه ما حدش يعرفها
لكن العربية دي منتشرة انتشار كبير في دول زي روسيا و ايران و الهند و رومانيا و الدول اللي شرق اوروبا
و فيه منتديات كتير مخصصة ليها
انا اللي عاوز اقوله ان العربية ناس كتير بتركبها و جربتها و بتشكر فيها
ان كان هناك بعض الملاحظات و لمشاكل اللي ظهرت فدا شئ طبيعي و مع الوقت و الإنتشار هتتحل
مراكز الخدمة لسه برده العربية جديدة بالنسبة لها
مع ملاحظو انة موتور العربية زي ما قلنا قبل كدا هو نفس موتور الميجان 1
يعني لا غبار عليه
اصبروا شوية بس العربية تنتشر و انتوا هتلاقوا ناس كتير بدات تفهم فيها و تشتغل فيها بره التوكيل كمان
و ان شاء الله هتبقي العربية رقم 1 في مصر

المشاركة الأصلية كتبت بواسطة HaMeD_73

هو علشان اخد ع الضمان مع العربيه هدفع فلوس زياده اكثر من ثمن العربيه

الضمان مدفوع من سعر العربية الاساسى