صيانة 5000 للوجان رومانى 2009

**mohamed1979** · 06-10-2009 02:54 PM

المشاركة الأصلية كتبت بواسطة hobby10

وشكرا لرد حضرتك يأستاذ mohamed1979 ... واسفة لو خضيت حضرتك بدون قصد والله :zb_sor1[1]:

لا يا فندم مفيش مشكله
على فكره انا راكب عربيتن لوجان و لقيت اختلاف مبين العربيتن
و محترم العربيه دى اوى بصراحه ادئها عالى اوى
و فيه ناس كتير قالتى ان العربيه دى ادائها احسن من عربيات اغلى منها

**mido_cs7** · 06-10-2009 03:43 PM

على فكرة انا معايا اللوجان المغربي ولسه مستلمها من شهر من محمد زكي و العربية زي الفل الحمد لله ( الله أكبر الله أكبر ) ههههههههههه و مفيش رعشه في الفتيس و لا حاجه ممكن الماتور صوته عالي شوية بس مش اوي و ناعمة جداً يا جماعة متقلقوش من العربية

**hobby10** · 06-10-2009 04:32 PM

المشاركة الأصلية كتبت بواسطة mohamed1979

لا يا فندم مفيش مشكله
على فكره انا راكب عربيتن لوجان و لقيت اختلاف مبين العربيتن
و محترم العربيه دى اوى بصراحه ادئها عالى اوى
و فيه ناس كتير قالتى ان العربيه دى ادائها احسن من عربيات اغلى منها

تمام كل كلام حضرتك تمام جدا جدا وانا برضه ليا نفس الرأى وكل اللى احنا بنتكلم فيه من الاول حاجات بسيطة بس طبعا انا نفسى ميبقاش عندى ولا تعليق واحد عن اى حاجة فيها لانها عربية من الاخر تستحق .......... حضرتك بتقول هنا ان كان فى اختلاف بين العربيتين اللى ركبتهم تمام كده اللى فهمته ... لو كده طيب ايه الفروق ؟؟؟ .... بلاضافة لكده انا الكام نقطة اللى عندى وهم معملوش فيهم حاجة انا من متابعتى للمنتدى من مدة طبعا كان فى ناس قايله عليهم قبل كده بس يمكن فى مواضيع منفصلة .... المهم اللى عاوزة اوصله انى امبارح وانا سايقاها فعلا بدأت اراجع الكام نقطة دول تانى وللأسف هم فعلا موجودين عندى ..... مع ملاحظة انهم مش موجودين فى عربيات تانية ... وده معناه حاجتين اولا انها مش قاعده فى العربية وبالتالى ميخوفش الناس منها وثانيا انهم عندى اكيد ليهم حل ان شاء الله ....... المطلوب بقى

ممكن حضرتك وكل الوحوش ذوى الخبرة يقولولى ازاى افهمهم فى التوكيل ان الحاجات دى لازم تتحل ومفيش حاجة اسمها ان العربية كده ومفيش حاجة نقدر نعملهالك فى النقط دى .... وبالذات بقى رعشة الفتيس لانه لدرجة انه علشان يقنعنى انها هى كده ودانى ورا لقيت شحنة عربيات سيدان جديدة لسه خلانى اختار واحدة وفتحهالى وورانى ان فعلا اول ماشغلناها الفتيس كان فيه فعلا رعشة فى السلانسيه وبالتالى سكت حعمل ايه يعنى ................

اجو الافادة لانى محتاجاها فعلا لانى اول مرة اسوق عربية جديدة ......... وياريت ياجماعة محدش يتخض او يخاف لانى والله بحكى اللى حاصل ... بس مع عربيتى مش مع كل العربيات

**mohamed1979** · 06-10-2009 05:18 PM

على فكره انا ليا رأى فى حكايه هذه الفتيس
و هو ان عصا الفيس لازم يكون فيها اهتذاذ وممكن احساس الفيبريشن مع و ضع اليد بأسمرار على العصا
و ده سببه حركه تروس الفيس و اهتزاز قاعده الفتيس و دوران المحرك و ده طبيعى و موجود فى عربيات كتير زيرو
و حضرتك معتقده انه عيب و من و جه نظر ناس تانيه طبيعى

**hobby10** · 06-10-2009 06:15 PM

المشاركة الأصلية كتبت بواسطة mohamed1979

على فكره انا ليا رأى فى حكايه هذه الفتيس
و هو ان عصا الفيس لازم يكون فيها اهتذاذ وممكن احساس الفيبريشن مع و ضع اليد بأسمرار على العصا
و ده سببه حركه تروس الفيس و اهتزاز قاعده الفتيس و دوران المحرك و ده طبيعى و موجود فى عربيات كتير زيرو
و حضرتك معتقده انه عيب و من و جه نظر ناس تانيه طبيعى

يمكن والله انا مش عارفة ... انا بتكلم هنا من منطلق ان فى ناس معاها العربية وبتقول ان معندهاش الهزة دى لكن من الناحية الفنية ده طبيعى ولا لأ ... الله اعلم ... منكم نستفيد

**alfa_we** · 06-10-2009 08:29 PM

المشاركة الأصلية كتبت بواسطة hobby10

لقيت شحنة عربيات سيدان جديدة لسه خلانى اختار واحدة وفتحهالى وورانى ان فعلا اول ماشغلناها الفتيس كان فيه فعلا رعشة فى السلانسيه وبالتالى سكت حعمل ايه يعنى ................

والله نفس الى حصل معايا لما اتكلمت معاهم فى الصيانة على موضوع الرعشة ورانى عربية تانى وقالى شوف بنفسك وفعلا لقيت رعشة فى الفتيس يبقى العيب عند مين ؟

**mido_cs7** · 07-10-2009 01:01 AM

الحمد لله عملت حادثة بالعربية ادعولي بجد لسه معايا مكملتش اسبوعين اللوجان اظاهر حسدت نفسي
واحد الله يسامحه خبطلي العربية بالجانب البابين باظوا و الجنط الله يسامحه بجد

**hobby10** · 07-10-2009 02:06 AM

لا اله الا الله ربنا معاك يارب .. معلش حصل خير المهم انك سليم .... وربنا يحفظهالك ان شاء الله

**amr.elsayed** · 07-10-2009 10:18 AM

مش عارف اللوجان عمالة تحصلها حوادث غريبة
ميدو عربيته اتخبطت وهى واقفة
وشيتوس اتنطرت على العربية حديدة وكسرتلو الفانوس
بجد ربنا معاكوا واكيد دى عين ولا ايه مش عارف
قدر الله وما شاء فعل وان شاء الله العربيات كلها ترجع احسن من الاول