رابطة الوحوش ملاك السيفيا....الجزء الاول

**max_ziro** · 28-03-2011 06:20 PM

المشاركة الأصلية كتبت بواسطة mabdelghany

اخواني الاعزاء اعضاء الرابطة الكرام،

ازيكم جميعا واتمنى تكونوا كلكم بخير وسلامة.

سؤال على السريع ، هل الطبيعي ان الباور بتاع الدركسيون يخف لما السرعة تزيد (الدرسيون يتقل) ولا بيفضل كما هو ولا ايه؟
عشان لسة مغير طلمبة الباور وملاحظ ان الدركسيون دلوقتي خفيف عالطول ودي خطر شوية في السرعات

سلامي للكل وعلى الاخص عصام وماكس باشا

ربنا يخليك ياباشا

الطبيعى عندنا ان الدركسيون بيتل تدريجى من بعد 90 فيما فوق
و ممكن يكون الى غيرلك الطرمبة موصلش الكهرباء بتاعتها
هتلاقى فيها سلكة واحدة من فوق لازم تكون راكبة ..

**max_ziro** · 28-03-2011 06:22 PM

المشاركة الأصلية كتبت بواسطة dody_jaja

ازيكم ياجماعة عاملين ايه
معلش كان ليا سؤال لو يقدر حد يفيدني، انا رحت غسلت العربية وغسلت الموتور، وبعد ماالراجل خلص دورت العربية لقيت اللمبة الصفرا بتاعة الموتور منورة، قلنا احتمال تكون في حاجة دخلت الحساسات فعملناها بالهوا بس فضلت منورة، دلوقتي بدات تطفي لما العربية تسخن وممكن شوية وتنور تاني يعني دلوقتي بتروح وتيجي، ياريت لو حد حصل معاه كدة يقولي عمل فيها ايه

راجع على الفيش دايما ضغط المية بيبوظها و ممكن بكون هز الاسلاك من على البن يتاعها
و عموما لو مفيش اى اختلاف فى اداء العربية ف الاغلب هيكون الحساس الى ف علبة الفلنر ..

**max_ziro** · 28-03-2011 06:23 PM

المشاركة الأصلية كتبت بواسطة mgazaly

يا مسهل الحال يارب ,,, فكها من عندك يا رب

يارب ..

**Esam Mosaad** · 29-03-2011 11:45 AM

اخواني الاعزاء اعضاء الرابطة الكرام،

ازيكم جميعا واتمنى تكونوا كلكم بخير وسلامة.

سؤال على السريع ، هل الطبيعي ان الباور بتاع الدركسيون يخف لما السرعة تزيد (الدرسيون يتقل) ولا بيفضل كما هو ولا ايه؟
عشان لسة مغير طلمبة الباور وملاحظ ان الدركسيون دلوقتي خفيف عالطول ودي خطر شوية في السرعات

سلامي للكل وعلى الاخص عصام وماكس باشا

اذيك يا باشا عامل ايه يارب تكون تمام
انا عندى بيخف برضوا والمفروض ده الطبيعى على عكس السيفك الباور بتعها بيفصل
والدركسيون بيتقل عشان زى محضرتك قولت الدركسيون لما بيخف اوى بيبقى خطر
موضوع الفصل ده بقى عندنا ولا لا مش عارف ومفتكرش لان كل السيفيا الى ركبتها واحد

ازيكم ياجماعة عاملين ايه
معلش كان ليا سؤال لو يقدر حد يفيدني، انا رحت غسلت العربية وغسلت الموتور، وبعد ماالراجل خلص دورت العربية لقيت اللمبة الصفرا بتاعة الموتور منورة، قلنا احتمال تكون في حاجة دخلت الحساسات فعملناها بالهوا بس فضلت منورة، دلوقتي بدات تطفي لما العربية تسخن وممكن شوية وتنور تاني يعني دلوقتي بتروح وتيجي، ياريت لو حد حصل معاه كدة يقولي عمل فيها ايه

غلطه موضوع غسل الماتور ده عشان الحساسات انا يمكن من ساعت مجبت العربيه معملتهوش غير مره واحده لما بلاقى زيت كتير حولين الماتور
والافضل ديما يكون بالهوا بس ولو حبيتى تعمليه بالميه يبقى واحد فاهم ان العربيه فيها حساسات ولازم يكون حريص

ونصحيه منى بعد كدا الميكانيكى بتاعك قوليله عاوزه اغسله بالبنزين وهوا هيخلوا بالو من الحساسات والخراطيم
وسواء بالميه او بالبنزين يفصل انك تستخدمى الهوا بعدها وتسيبى العربيه حوالى نص ساعه لحد متنشف خالص
عشان الحساسات

ان شاء الله مش هتلاقى فيها حاجه مع التدويره الجايه لو برضوا نفس الموضوع حولى تحطى العربيه على اسكنر هيطلع
انهى حساس وتنظفيه وبأذن الله مش هيكون محتاج يتغير ومش هيكون فى مشاكل

**sameh_loza** · 29-03-2011 11:57 AM

المشاركة الأصلية كتبت بواسطة max_ziro

انا عملت واحد بس مش على كهرباء العربية كلها
عملتة على
طرمبة البنزين و لو رقص جمبها مش هتدور غير دقيقة واحدة بس ..

ممكن استفسار ؟

هو انا لما اعمل الفصل علي الانذار ويفصل المارش ممكن العربية تدور بالذق ( بالدفع ) وبعدها نجيب الغيار علي الثاني وتدور بعد كده.
او اعمل الفصل علي طلمبة البنزين فا مدرش خالص ؟ ايهما افضل وما هو السلبيات الخاصه بكل فصل سواء فصل المارش او فصل طلمبة البنزين؟

**roland_yamaha** · 29-03-2011 12:44 PM

النهاردة هروح اركب جوان غطا التاكيهات عاوز نصايحكم في موضوع تنظيف الماتور عشان في ترشيح زيت بغباء من برة
الافضل اخلي الميكانيكي ينضفه هو ولا اروح البنزينة اغسل حوض الماتور بالجاز بعد التركيب
حاجة تانية انا من ساعة ما اشتريت العربية زراير المرايات الكهربا مش شغالة يا دوب بتجيب يمين بس وبالعافية حد يعرف ده عيب من ايه
معلش هطول عليكو في حاجة أخيرة لاحظتها من امبارح وأنا جايب الأول وبهدي السرعة وبعدين ازود بنزين العربية بتنطر جامد واحس بخبط في الفتيس من تحت الموضوع ده بحس بيه جامد اوي وانا ماشي ع الأول هل ده ليه علاقة باسطوانة الدبرياج انا شاكك فيها
معلش طولت عليكو

**Esam Mosaad** · 29-03-2011 01:19 PM

كلام جميل ملوش مثيل
مهم جدا ان العربية اول لما تنور لمبة التشك لازم تتحط علي جهاز الاسكنر وده في حدود 30 جم او 20 جم.

حبيبى يا مدلعنى بس رخيص عندكوا موضوع الكشف ده عندنا بيوصل ل 50 جندى

بطل يا عصام كسل في الايام المهببه دي اوعي تكسل
انا عندي واحد في النعام - الزيتون بيعمل زرار الفصل ده علي الانذار وهو في حدود 40 جم وانا هاعمله تيجي معايا ؟

انا معااااااااااااااااااااااا اااااااااك رايح امتى ؟ وعلى فكره فى انظارات بينزل فيها الخاصيه ديه بس لازم توصل سلوك الدايره كلها
المهم انا جى معاك شوف بس انتى هتروح امتى ونخليه يركب الكتاوت على طرمبه البنزين تجنبا للمارش

**Esam Mosaad** · 29-03-2011 01:32 PM

النهاردة هروح اركب جوان غطا التاكيهات عاوز نصايحكم في موضوع تنظيف الماتور عشان في ترشيح زيت بغباء من برة
الافضل اخلي الميكانيكي ينضفه هو ولا اروح البنزينة اغسل حوض الماتور بالجاز بعد التركيب

اذيك يا هانى عامل ايه
المهم يكون الجوان تمام وخليه ميفكش وس الماتور غير لما يبرد خالص ولو حتى هتركنها عندوا 5 ساعات
بس اياك تفتح والماتور سخن
وينظف مكان الجوان عشان لو فى سيلكون وهوا اكيد عارف شغله بعد الجوان هتحط سليكون ويجمع الماسمير ويربط كويس
وخلى بالك على الموبينه وهوا بيشيلها

اجة تانية انا من ساعة ما اشتريت العربية زراير المرايات الكهربا مش شغالة يا دوب بتجيب يمين بس وبالعافية حد يعرف ده عيب من ايه

الاغلبيه ان مع مرورو الوقت بيبقى فى تراب وصدى حولين البورده او من الماتور الى فى الماريه نفسها فانت الاول هترش wd40
جوه الماريه وتجرب لو حسيت بفرق اعمل تانى لو محستش بفرق هتشيل البورده الى فى الزاز وهتنظفها كويس برضوا بنفس المزيل

وأنا جايب الأول وبهدي السرعة وبعدين ازود بنزين العربية بتنطر جامد واحس بخبط في الفتيس من تحت الموضوع ده بحس بيه جامد اوي وانا ماشي ع الأول هل ده ليه علاقة باسطوانة الدبرياج انا شاكك فيها
معلش طولت عليكم

المفروض اونت ماشى على الاول وجيت تشيل رجلك هتلاقى اكنك دوست على الفرامل ولما تدوس هتلاقيها بتنطر لقدام
وده طبيعى هتلحظوا على الاول والتاثى بس الاول اكتر بس مبيكنش فى خبطه
الاحتمال الاول والى ديما بيقى العيب منوا الخبطه من البليه بتاعت الفتيس لو سامع الصوت من الفتيس ومتاكد منوا
وممكن
قاعده فتيس مقطوعه فمع رجه الفتيس بتسمع خبطه
لو الصوت من قدام تلاقى عندك فى بوش فى الكبالن بيعمل كدا

وانا بقول البلى بتاعت الفتيس وبرضوا خلى ميكانيكى يجرب العربيه ممكن تطلع حاجه بعديه عن الفتيس او خاصه بالفتيس بس امر طبيعى
وان شاء الله خير

الموضوع: رابطة الوحوش ملاك السيفيا....الجزء الاول

LinkBack

أدوات الموضوع

عرض

-

-

-

-

-

-

المواضيع المتشابهه

رابطة الوحوش ملاك السيفيا (ج3)

رابطة الوحوش ملاك الافيو

رابطة الوحوش ملاك السيفيا (ج2)

الى رابطة وحوش السيفيا الحقونى

مقابــلة الوحوش - الجزء الخامس

الكلمات الدلالية لهذا الموضوع

المفضلات

المفضلات

ضوابط المشاركة