سؤال عن مدة تغيير الزيت لاسبيرانزا 516

[NaAZoOR]

الزيت المستخدم castrol magnatic 10w40 طبقاً لتوصية الكتالوج.

كاسترول انجلترا و كاسترول مصر اتفقت آراؤهم بخصوص التغيير للعربية على 10.000 كم أو سنة، أيهما أقرب.

أنا استخدامي اغلبه دائري و مشيي بيها جوه البلد قليل و مش باحملها أوزان.

المشكلة ان الكتالوج بيقول إن الزيت يتغير كل 5000 كم و مش ذاكر أي ظروف تشغيل أو تحميل، و لما راسلت شيري قالولي ما مضمونه إني لو هاستخدم زيت مضمون الكفاءة لفترات العمل الطويلة فممكن أغير على 10000 كم، غير كده أفضل على 5000 كم.
فأعمل ايه؟

[tasaka]

المشكلة ان الكتالوج بيقول إن الزيت يتغير كل 5000 كم و مش ذاكر أي ظروف تشغيل أو تحميل

الكتالوج عندك بيقول التغيير كل كام شهر ؟؟ .. 6 اشهر ام سنه ؟؟

مستوى الخدمه للزيت فى الكتالوج ايه ؟؟ Sg ام sj ؟؟ ..

مذكور فى الكتالوج زيت معدنى ام تصنيعى ؟؟

[tasaka]

كاسترول انجلترا و كاسترول مصر اتفقت آراؤهم بخصوص التغيير للعربية على 10.000 كم أو سنة، أيهما أقرب.

هل الكلام كان محدد و واضح انك بتتكلم على كاسترول ماجنتيك ..

ام انه كلام عام و الاجابه كانت خاصه باستعمال الايدج ؟؟ ..

انا اميل الى الاعتقاد ان الكلام كان على الايدج موش الماجنتيك

و لما راسلت شيري قالولي ما مضمونه إني لو هاستخدم زيت مضمون الكفاءة لفترات العمل الطويلة فممكن أغير على 10000 كم، غير كده أفضل على 5000 كم.

ليه لم تحدد لهم نك بتستعمل كاسترول ماجنتيك .. كنت حصلت منهم على اجابه واضحه محدده

[borio1704]

الكتالوج عندك بيقول التغيير كل كام شهر ؟؟ .. 6 اشهر ام سنه ؟؟

مستوى الخدمه للزيت فى الكتالوج ايه ؟؟ Sg ام sj ؟؟ ..

مذكور فى الكتالوج زيت معدنى ام تصنيعى ؟؟

الكتالوج عنده مش بيقول حاجة غير إن مستوى الزيت SJ.. ويتغير كل 5000 كم :)

راجع موضوعنا ده.. http://www.nilemotors.net/Nile/495877-10w40-5w40.html

كنا اتكلمنا هناك على الموضوع ده بالتفصيل.

...

[tasaka]

الكتالوج عنده مش بيقول حاجة غير إن مستوى الزيت sj.. ويتغير كل 5000 كم :)

راجع موضوعنا ده.. http://www.nilemotors.net/nile/495877-10w40-5w40.html

كنا اتكلمنا هناك على الموضوع ده بالتفصيل.

...

ايوه انا راجعت الموضوع من شويه ..

و اول رد منك فى الصفحه الاولى كان sj ..

و فى رد فى صفحه 2 ( كان فيه رد مطول منك ) و كان مذكور فيه sg

علشان كده حبيت اتأكد انه خطأ كتابى ( لان الرد كان مطول جدا )

[tasaka]

قالولي ما مضمونه إني لو هاستخدم زيت مضمون الكفاءة لفترات العمل الطويلة فممكن أغير على 10000 كم، غير كده أفضل على 5000 كم.

عموما الكاسترول الماجنتيك نصف تصنيعى .. يعنى لا اتوقع انه سيظل سنه فى السياره بأى حال من الاحوال

و ما اعتقدش كمان انه حيمشى 10 الاف كم ( يعنى احتمال كبير جدا )

السبب انه خليط من معدنى و تصنيعى .. يعنى به كل عيوب المعدنى ( العادى ) ..

و كمان عمرك ما حتعرف نسبه التصنيعى فى الخليط علشان تعرف هو اقرب للمعدنى ( العادى ) علشان تعرف مدى كفاءه الزيت ده بالظبط

و لكن عموما كاسترول شركه محترمه .. و لكن يظل الامر هو انك بتستعمل منتج متوسط الجوده من منتجاتها ( جوده مناسبه للسعر ) لا اكثر و لا اقل

[tasaka]

مكرره

[NaAZoOR]

الكتالوج عندك بيقول التغيير كل كام شهر ؟؟ .. 6 اشهر ام سنه ؟؟

مستوى الخدمه للزيت فى الكتالوج ايه ؟؟ Sg ام sj ؟؟ ..

مذكور فى الكتالوج زيت معدنى ام تصنيعى ؟؟

زي ما ذكر الأستاذ بوريو في رده .. مافيش سيرة وقت زمني للتغيير و لا سيرة معدني أو تخليقي ... و مستوى الخدمة sj

[NaAZoOR]

هل الكلام كان محدد و واضح انك بتتكلم على كاسترول ماجنتيك ..

ام انه كلام عام و الاجابه كانت خاصه باستعمال الايدج ؟؟ ..

انا اميل الى الاعتقاد ان الكلام كان على الايدج موش الماجنتيك



ليه لم تحدد لهم نك بتستعمل كاسترول ماجنتيك .. كنت حصلت منهم على اجابه واضحه محدده

الكلام كان محدد على ماجناتيك 10w40 و في انجلترا قالولي انهم بيستعملوا الماجناتيك 16000 كم.

شيري كنت محدد معاهم نوع الزيت بوضوح و هم اللي كان ردهم عام

[NaAZoOR]

عموما الكاسترول الماجنتيك نصف تصنيعى .. يعنى لا اتوقع انه سيظل سنه فى السياره بأى حال من الاحوال

و ما اعتقدش كمان انه حيمشى 10 الاف كم ( يعنى احتمال كبير جدا )

السبب انه خليط من معدنى و تصنيعى .. يعنى به كل عيوب المعدنى ( العادى ) ..

و كمان عمرك ما حتعرف نسبه التصنيعى فى الخليط علشان تعرف هو اقرب للمعدنى ( العادى ) علشان تعرف مدى كفاءه الزيت ده بالظبط

و لكن عموما كاسترول شركه محترمه .. و لكن يظل الامر هو انك بتستعمل منتج متوسط الجوده من منتجاتها ( جوده مناسبه للسعر ) لا اكثر و لا اقل

زي ما ذكرت لحضرتك ... كاسترول انجلترا و كاسترول مصر ردهم عليا كان بإن الماجناتيك يمشي معايا 10.000 كم أو سنة.

و طبقاً لكاسترول مصر فالماجناتيك تخليقي بنسبة 70%

[tasaka]

انتظر رد المهندس بوريو على كلامك التوضيحى ده

[borio1704]

الكلام كان محدد على ماجناتيك 10w40 و في انجلترا قالولي انهم بيستعملوا الماجناتيك 16000 كم.

شيري كنت محدد معاهم نوع الزيت بوضوح و هم اللي كان ردهم عام

خد بالك إن كاسترول ماجناتك مش مطابق لأي مواصفة غير api sn..

إنما كاسترول في انجلترا 100% هتكون واخدة مواصفة acea .. وبتشتغل في عربيات أوروبي طبعا.. والعربيات الأوروبية بيقعدوا الزيت عندهم مسافات وفترات طويلة لإن مواصفات الـacea عاملة حسابها على كده نتيجة القوانين الأوروبية..

ده غير إن الجو عندهم بيساعد .. يعني مفيش أتربة.. درجات الحرارة باردة أو معتدلة.. ومفيش زحمة إلا في المدن الكبيرة قوي زي لندن وباريس.

زي ما ذكرت لحضرتك ... كاسترول انجلترا و كاسترول مصر ردهم عليا كان بإن الماجناتيك يمشي معايا 10.000 كم أو سنة.

و طبقاً لكاسترول مصر فالماجناتيك تخليقي بنسبة 70%

الحقيقة معنديش رد حاليا لإن معنديش معلومات مؤكدة...

كل اللي أقدر أقولهولك إن ما دام شيري قالولك ممكن تستخدم الزيت لحد 10 آلاف مع الزيوت المضمونة.. يبقى توكل على الله وغير الزيت كل 10 آلاف بشرط استخدام زيوت كويسة..

شخصيا.. أعتقد إن أي زيت واخد تصنيف sm أو sn يقعد مسافة 10 آلاف بسهولة.. وتقدر تضيف تصنيف acea a3 ليهم..

وأتوقع كمان إن تصنيف acea a5 (وكل أكواد c في مواصفة الـacea) ممكن يقعد لحد 20 ألف مستريح..

بس هل ده في كل المواتير؟؟؟ هو ده السؤال اللي معنديش له إجابة حاليا.

...

[NaAZoOR]

عموما الكاسترول الماجنتيك نصف تصنيعى .. يعنى لا اتوقع انه سيظل سنه فى السياره بأى حال من الاحوال

و ما اعتقدش كمان انه حيمشى 10 الاف كم ( يعنى احتمال كبير جدا )

السبب انه خليط من معدنى و تصنيعى .. يعنى به كل عيوب المعدنى ( العادى ) ..

و كمان عمرك ما حتعرف نسبه التصنيعى فى الخليط علشان تعرف هو اقرب للمعدنى ( العادى ) علشان تعرف مدى كفاءه الزيت ده بالظبط

و لكن عموما كاسترول شركه محترمه .. و لكن يظل الامر هو انك بتستعمل منتج متوسط الجوده من منتجاتها ( جوده مناسبه للسعر ) لا اكثر و لا اقل

خد بالك إن كاسترول ماجناتك مش مطابق لأي مواصفة غير api sn..

إنما كاسترول في انجلترا 100% هتكون واخدة مواصفة acea .. وبتشتغل في عربيات أوروبي طبعا.. والعربيات الأوروبية بيقعدوا الزيت عندهم مسافات وفترات طويلة لإن مواصفات الـacea عاملة حسابها على كده نتيجة القوانين الأوروبية..

ده غير إن الجو عندهم بيساعد .. يعني مفيش أتربة.. درجات الحرارة باردة أو معتدلة.. ومفيش زحمة إلا في المدن الكبيرة قوي زي لندن وباريس.




الحقيقة معنديش رد حاليا لإن معنديش معلومات مؤكدة...

كل اللي أقدر أقولهولك إن ما دام شيري قالولك ممكن تستخدم الزيت لحد 10 آلاف مع الزيوت المضمونة.. يبقى توكل على الله وغير الزيت كل 10 آلاف بشرط استخدام زيوت كويسة..

شخصيا.. أعتقد إن أي زيت واخد تصنيف sm أو sn يقعد مسافة 10 آلاف بسهولة.. وتقدر تضيف تصنيف acea a3 ليهم..

وأتوقع كمان إن تصنيف acea a5 (وكل أكواد c في مواصفة الـacea) ممكن يقعد لحد 20 ألف مستريح..

بس هل ده في كل المواتير؟؟؟ هو ده السؤال اللي معنديش له إجابة حاليا.

...

أشكر حضرتك على الرد الوافي ...

أثناء تغيير الزيت قرأت على جركن الماجناتك إنه api sj و acea a3 و ده أنا أكيد منه.

[tasaka]

خد بالك إن كاسترول ماجناتك مش مطابق لأي مواصفة غير api sn..

إنما كاسترول في انجلترا 100% هتكون واخدة مواصفة acea .. وبتشتغل في عربيات أوروبي طبعا.. والعربيات الأوروبية بيقعدوا الزيت عندهم مسافات وفترات طويلة لإن مواصفات الـacea عاملة حسابها على كده نتيجة القوانين الأوروبية..

ده غير إن الجو عندهم بيساعد .. يعني مفيش أتربة.. درجات الحرارة باردة أو معتدلة.. ومفيش زحمة إلا في المدن الكبيرة قوي زي لندن وباريس.




الحقيقة معنديش رد حاليا لإن معنديش معلومات مؤكدة...

كل اللي أقدر أقولهولك إن ما دام شيري قالولك ممكن تستخدم الزيت لحد 10 آلاف مع الزيوت المضمونة.. يبقى توكل على الله وغير الزيت كل 10 آلاف بشرط استخدام زيوت كويسة..

شخصيا.. أعتقد إن أي زيت واخد تصنيف sm أو sn يقعد مسافة 10 آلاف بسهولة.. وتقدر تضيف تصنيف acea a3 ليهم..

وأتوقع كمان إن تصنيف acea a5 (وكل أكواد c في مواصفة الـacea) ممكن يقعد لحد 20 ألف مستريح..

بس هل ده في كل المواتير؟؟؟ هو ده السؤال اللي معنديش له إجابة حاليا.

...

الرد ده المفروض يفتح مناقشه اوسع فى مده تغيير الزيوت ..

لكن السؤال الهام ؟؟ هل هيغير كل سنه ؟؟ ام لا ؟؟

تحياتى و اعزازى و تقديرى

[tasaka]

أشكر حضرتك على الرد الوافي ...

أثناء تغيير الزيت قرأت على جركن الماجناتك إنه api sj و acea a3 و ده أنا أكيد منه.

دى صفحه كاسترول ماجنتيك انجلترا و فيه منه نوعين
Castrol MAGNATEC STOP-START
و ده مفيش فيه لزوجه 10W40
و كلهم لزوجه 30 و 20 .. و معظمهم مواصفه عاليه SN و A5 و C2 و C3
Castrol MAGNATEC STOP-START - Car Engine Oil | Castrol | Castrol MAGNATEC Range - Car Engine Oil | Castrol | Castrol MAGNATEC | Engine Oil - Car Products | Castrol United Kingdom | Car Engine Oil | Castrol United Kingdom | Castrol - Engine Oil and Lu

و نوع ثانى
Castrol MAGNATEC
و ده الوحيد اللى فيه لزوجه 10W40
Castrol MAGNATEC - Car Engine Oil | Castrol Australia | Castrol MAGNATEC Range - Car Engine Oil | Castrol | Castrol MAGNATEC | Engine Oil - Car Products | Castrol United Kingdom | Car Engine Oil | Castrol United Kingdom | Castrol - Engine Oil and Lub

و مواصفته SL و ACEA A3/B3, A3/B4
موش SJ زى ما انت قريت على العلبه اللى فى مصر ( ان كنت متأكد من اللى قرأته على العلبه ).. يعنى مختلف نسبيا