سؤال عن مدة تغيير الزيت لاسبيرانزا 516

[NaAZoOR]

اى دوله هى اللى اعطتك الايدج ؟؟



غريبه طبعا .. بس ما تنساش ان روسيا فيها اماكن تحت الصفر بكتير اوى .. زى سيبيريا

يعنى لازم الزيت يحقق الحد البارد المناسب ( اللى قبل ال W ) علشان العربيه تدور بكفاءه فى ال Cold start

فاحتمال هى ده اللزوجه اللى حققت له المطاوب فى الماجنتيك .. او ان اللزوجه دى تكون افضليه متأخره من ضمن لزوجات اخرى .. علشان كل واحد يختار اللزوجه المناسبه لمكان اقامته ( لان روسيا مساحتها كبيره و فىها اماكن متطرفه المناخ )

و احتمال كبير جدا جدا جدا .. ان اللزوجه دى فى الماجنتيك حتكون نصنيعى 100% موش نصف تصنيعى .. و ممكن برضه يختار زيت 20 تقيل قريب من لزوجه ال 30

و برضه بعض شركات الزيوت لما يكون جو البلد تحت الصفر بكتير جدا جدا و اعلى درجه حراره بتكون فى حدود الصفر او 10 مئويه مثلا .. بتفضل انها تنزل باللزوجه اللى بعد ال W درجه واحده .. يعنى حتلاقى الشركات اللى فضلت لك احسن اختيار بانه 5W30 .. لو طبقت المبدأ ده و نزلت درجه واحده بسبب هذا المناخ الخاص جدا يبقى حتكون 5W20




انا برضه راجعت تانى بعض الزيوت لعربيتك و عربيتى .. علشان افهم

و راجعت الردود فى الموضوع .. و فيه تصحيح .. و فيه تدقيق .. لردين من ردودى

عايز اكتبهم بس بصراحه انا مرهق شويه من كام يوم ( علشان كده الردود لم تكن وافيه ) .. و علشان كده باراجع الردود و اصحح المطلوب

انا كنت سألتك عن طريقه كتابه الايميل لشيرى .. هل ابعت ايميل عادى ام لازم املئ الاستماره اللى فى الموقع بتاع شيرى ؟؟

في الحقيقة مش فاكر أنهي دولة بس هي كانت أوروبية.

موقع Chery International مافيهوش استمارات و contact us مافيهاش غير الإيميل ده helpdesk@mychery.com
انت دخلت على أنهي موقع؟ ممكن لينك للإستمارة دي؟

[NaAZoOR]

تدقيق
بعد مراجعه الصيغه .. كلمه it ممكن تعود على الاتنين .. API SN .. او Castrol Magnatec .. موش واضحه و مباشره علشان تقدر تجزم

- يعنى الاحتمال اللى انا فكرت فيه قائم .. و يمكن هو ده اللى جاء مياشره الى ذهنى بسبب ان دى قناعتى و اخر ما اعرفه عمليا عن الزيوت النصف تصنيعيه .. لكن الزيوت بتتطور بسرعه و كل شيئ جايز

- و ايضا الاحتمال الثانى قائم ( ممكن نفهمه بطريقه غير مباشره ) ..

اولا : انا لا اتذكر انى قرأت حاجه مباشره فى ال SN بتتكلم عن مده السنه دى ( بس موش متأكد 100% بصراحه )

فلو فعلا مواصفه ال SN مفيهاش المده .. يبقى فى الحاله دى حتكون المده راجعه اما الى ان كاسترول حددتها .. او انت فتحت النقاش ال 12 شهر و هما جاوبوا عليها

لكن الاوضح من كده انهم كانوا قالو مباشره كاسترول ماجنتيك بدلا من كلمه it .. بدون الصياغه الملتويه اللى تحتمل اكثر من معنى



تصحيح


شل لم تحدد مده ال 6 شهور لعربيتك .. و بكده تكون كل الشركات و الكتالوج و شيرى لم يحددوا مده تغيير الزيت

اللبس جاء من ان ال 6 شهور دى كانت محدده من شل لعربيتى .. و شل اختارت نفس الزيت للعربيتين بس زادت انها حددت المده لعربيتى ..

لانى كنت باقارن كل شركات الزيوت لعربيتك و عربيتى علشان افهم هم بيحددوا المسافه و المده ازاى ؟؟ ..

و دى ساضعها فى الرد القادم

It عايدة عالزيت لأن سياق الميلات بيصب في اتجاه المفهوم ده.

[NaAZoOR]

فى البدايه ساوضح بعض المعلومات العامه ( القديمه ) المتعارف عليها .. و اصبحت من المسلمات

يجب ملاحظه ان الزيوت فيها تطورات سريعه .. و ايضا ان شركات الزيوت قد تقوم بتعديل تركيبه زيوتها كليا او جزئيا ( بدون الاعلان عن ذلك ) ..

و ده بينتج عنه اننا بتنكلم باخر معلومات متاحه ( قد تكون من عده اسنوات مثلا ) .. بينما قد تكون تركيبه الزيت تغيرت تماما مثلا

1- المسافه
- الاساس هى المسافه المحدده فى الكتالوج ( طبقا لمواصفه زيت محدده ) .. او من الشركه صانعه الزيت لو تم تحديدها رسميا فى مواصفه الزيت ( بشرط اساسى ان الزيت يكون متوافق مع متطلبات الكتالوج )

- الزيوت المعدنيه الجيده مسافتها بتترواح من 4 الى 5 الاف كم

- الزيوت التصنيعيه 100% من اساس معدنى مجموعه 3 .. المسافه 10 الاف كم و قد تصل الى 15 الف كم

- الزيت التصنيعى الحقيقى 100% مجموعه 4 او اعلى ..المسافه تبدأ من 25 الف كم .. و تصل الى 40 الف مع زيت امسويل سيجنتشر ( و ده اعلى زيت )

- الزيوت النصف تصنيعيه .. المسافه من 7 الاف كم و قد تقل عن ذلك او تزيد قليلا حسب جوده الزيت

- طبعا المواتير المجهزه لتحديد ميعاد تغيير الزيت فى العاده مسافتها اكبر من مسافه الزيوت التصنيعيه 100% من اساس معدنى مجموعه 3 .. لان كل من الموتور و الزيت ( الخاص ) بيكون مصمم لمده و مسافه طويله لبقاء الزيت


2- الزيوت النصف تصنيعيه ..
- نسبه الزيت التصنيعى المعتاده فيها بتتراوح من 20 % الى 30%


3- المده
- الاساس هى المده الحدده فى الكتالوج ( طبقا لمواصفه زيت محدده ) .. او من الشركه صانعه الزيت لو تم تحديدها رسميا فى مواصفه الزيت ( بشرط اساسى ان الزيت يكون متوافق مع متطلبات الكتالوج )

- لن تجد اجابه شافيه محدده مهما بحثت على الانترنت .. بل لن تجد اجابات وافيه مسهبه لشرح هذا الامر

- المده ترتبط اكثر بالاضافات اكثر من ارتباطها بجوده الزيت الخام ( ده المعتاد ) .. لكن ايضا الزيت وحده واحده فلذلك هى لها ارتباط وثيق بزيت الاساس
لكن بعض الشركات قد تفضل ( اقتصاديا ) انها توفر - فى زيت الاساس ( لبعض زيوتها ) و تعوض ده ببعض الاضافات ( لو وجدت التركيبه دى مجديه اقتصاديا ) .. يعنى الموضوع مفيش فيه اتجاه محدد تقدر تحس انه اتجاه عام عند الشركات

- بصفه عامه للحصول على مده اطول يمكن تصميم مجموعه الاضافات ( بالكميات اللازمه ) للحصول على المده المطلوبه من هذا الزيت .. بمعنى ان يمكن لزيت اقل فى الجوده ان يصمم للاستعمال لمده مطوله بينما زيت تانى اعلى فى الجوده من نفس الشركه يكون مصمم لحمايه و اداء متفوق و لكن لفتره قصيره .. و طبعا فى طرق اخرى غير كده للحصول على المده المطوله

- الزيت المعدنى .. مدته من 3 الى 4 شهور .. و ده هو اللى كان متداول فى امريكا لفتره طويله
- الزيت النصف تصنيعى .. مدته 6 شهور ( دى المده المتعارف عليها )
- الزيت التصنيعى 100% من اساس معدنى .. مفيش كلام شافى فى الموضوع ده
- الزيت التصنيعى الحقيقى 100% مجموعه 4 او اعلى .. المده سنه لكل الزيوت اللى شفتها و حددت المده بتاعته ( دى ملاحظه من مقارنه مواصفه الزيوت دى )

انا عن نفسى لو الزيت التصنيعى 100% من اساس معدنى مجموعه 3 .. و مستوى خدمته عالى ( جدا ) و متوافق مع المواصفتين الامريكيتين + المواصفه الاوروبيه ( بمستوى عالى جدا ) بشرط ان المواصفه الاوروبيه تكون ( المده المطوله )

يعنى يكون sn و gf5 .. و a5 .. و كمان لازم مع a5 انه يكون a3 علشان اضمن طبقه حمايه رقيقه مناسبه .. و ممكن استغنى عن a5 بمواصفه c3 لانها حتدى حمايه كويسه لان زيوتها بتكون تقيله فى تدرج نفس اللزوجه 30 او 40 مثلا

لو الزيت حقق ده .. ساغير هذا الزيت على مده سنه ( ده عن نفسى ) .. و سابدأ فى اختبار الزيت كل شهر بدأ من الشهر التاسع


4- المحركات
يعنى لم ابحث هذه النقطه بالتفصيل ( ارجو التصحيح لو انا اخطأت ) و لكن اعتقد طبعا تصميم المحرك سيؤثر اكيد فى مده بقاء الزيت .. و ساعطى امثله واضحه

- كتير من الزيوت بتشتغل ديزل و بنزين .. ستجد ان محركات الديزل القديمه التصميم بتغير زيت على فترات اقل .. بينما محركات الديزل الحديثه .. الزيوت عاليه المستوى المخصصه لها تستمر لمسافات كبيره جدا

- محركات التيربو ايضا تتطلب زيوت عاليه المستوى و اعتقد برضه لو الزيت منخفض الاداء سيحتاج تغيير على فترات اسرع

- المواتير الحديثه المصممه للتوافق مع المعايير البيئيه .. الزيت سيستمر لفترات اطول بكثير

- و احيانا فى ال Oil Selector بتاع بعض شركات الزيوت .. ستجد ان المسافه المسموحه بتختلف حسب المحرك لنفس الزيت


موضوع كاسترول ماجنتيك و ان الاضافات هى اللى بتدى الاداء .. ده كلام عام سليم .. بس ده سلاح ذو حدين .. خصوصا لما يكون الزيت معدنى .. و طبعا النصف تصنيعى به نسبه كبيره جدا من المعدنى .. ساوضح لاحقا

أعتقد الدنيا اتغيرت شوية ... عربية والدي بولونيز و راسلت شل عشان كنت عايز احطلها هيلكس 15w50 و قالولي إني أقدر استعمله بأمان تام ل 5000 كم أو سنة، أيهما أقرب.

ملحوظة:
الماجنتك في مصر SN/A3

[tasaka]

في الحقيقة مش فاكر أنهي دولة بس هي كانت أوروبية.

موقع Chery International مافيهوش استمارات و contact us مافيهاش غير الإيميل ده helpdesk@mychery.com
انت دخلت على أنهي موقع؟ ممكن لينك للإستمارة دي؟

يعنى انت استعملت كلام عادى لشرح اللى انت بتسأل عليه

تقريبا انا دخلت نفس اللينك بتاعتك و دورت و لقيت الاستماره

عموما ده اللينك من جوجل
Customer Complaint Information - Chery International

[tasaka]

أعتقد الدنيا اتغيرت شوية ...

بص .. انا تفكيرى موش تقليدى .. و اللى انت بتقول عليه ده .. انا نفذته من سنه
لانى كنت مقتنع ان المعلومات القديمه قد لا تعبر عن خصائص الزيوت الحديثه

انا من سنه استعملت 5w30 ( موش حتى ال 10W30 ) بعد ما قرأت كتير جدا فى موضوع الزيوت .. و اللزوجه دى موش موجوده فى الكتالوج كاختيار لتغيير الزيت اصلا
عربيتى المفضل لها 10W30 ثم 10w40 .. ثم كلام ( مائع انه ممكن يعنى استعمل 5W40 و انها حتؤدى الغرض
فى مصر لغايه الان بيستعملوا 5W40 .. و موش بيستعملوا لزوجه ال 30 خالص

و دلوقتى بعد سنه اتأكدت انى موش غلط .. و المفاجأه الان ان كل ال Oil Selector اعطونى اللزوجه 5w30 اللى انا استعملتها بلا استثناء كافضليه اولى
و ساستعمله لمده سنه .. مر الان اكثر من 10 شهور

[NaAZoOR]

فيه منتدى أجنبي استشرتهم في الموضوع ده، و خلاصة الكلام ان الزيت ال A3 و كمان SN قادر على الوفاء بمتطلبات الخدمة للمسافة و الفترة اللي كاسترول قالت عليهم.

الفكرة هاتبقى في حالة الموتور و اسلوب القيادة و نسبة الكبريت في الوقود كعوامل أساسية تتحكم في عمر الزيت جوه الموتور.

و فيه واحد حط لينك لموضوع بيتكلم عن واحد حط في عربيته الدايهاتسو يوتا زيت توتال كوارتز 7000 10w40 و البنزين اللي بيستعمله فيه 500ppm كبريت و مشي بيها 12800 كم و الزيت لسه كويس. عالأقل طبقاً لاختبار blotter spot.

و بعت لكاسترول انجلترا و بعد تفاصيل كتير كان كلامهم ان مواصفة SJ اللي في الكتالوج تتفق مع ال 5000 كم و لكن مواصفة الماجناتيك SN/A3 تتفق مع 10000 ميل أو سنة زي ما قالوا قبل كده.

و طبعاً شيري عايشين في عالم موازي و مش بيردوا.

[tasaka]

يا ريت المهندس بوريو يشارك

فى انتظار رد من المهندس بوريو لتوضيح رأيه فى الموضوع

[tasaka]

فيه منتدى أجنبي استشرتهم في الموضوع ده، و خلاصة الكلام ان الزيت ال A3 و كمان SN قادر على الوفاء بمتطلبات الخدمة للمسافة و الفترة اللي كاسترول قالت عليهم.

ياريت الرابط

و كنت اتمنى المهندس بوريو يبدى رأيه فى النقاش .. عموما انا شفت مناقشه مطوله بينك و بين المهندس بوريو فى نفس هذا الموضوع ( فى رابط اخر ) .. و هو اسهب فى الايضاح

الفكرة هاتبقى في حالة الموتور و اسلوب القيادة و نسبة الكبريت في الوقود

ان شاء الله لى رد اليوم ( ان امكن ) او غدا

[borio1704]

بصراحة أنا مستمتع بالنقاش جدا... وكمية المعلومات الموجودة هنا يتعمل بيها مواضيع متخصصة قيمة بصراحة...

ويكفيني من وسط كل المعلومات دي إني عرفت معلومة نزول إصدار جديد من مواصفة الـACEA.. شكرا أخي tasaka


عموما.. أنا رأيي إجمالا إني اتبع الكتالوج بحذافيره ما دمت مش متعمق في خبايا مواصفات الزيوت..

علشان كده .. لو حد استشارني في نوع زيت ومدة خدمته.. هأشير عليه بالموجود في الكتالوج بالضبط..

أما بالنسبة لنفسي .. فممكن أتجاوز المدة .. علشان عندي معلومات أكتر أقدر أفرق بيها بين المميزات أو العيوب الموجودة في الزيوت المختلفة.

للأسف .. معظم المشاكل اللي حصلت في مفاهيم الناس جاية من الحتة دي تحديدا... إن اللي فاهم بيفتي بالحالات الخاصة والناس بتاخدها كحالة عامة.

إن شاء الله أعلق لاحقا على بعض النقط اللي لفتت نظري في النقاش بالتفصيل..

[tasaka]

هما مختارين لزوجات بعيدة عن الكتالوج 15w40 و 20w40 و موبيل طلعلي 0w40 و ده غالباً بيبقى نتيجة عدم توافر اللزوجة المطلوبة لالمواصفة المطلوبة عندهم أو في المنطقة الجغرافية اللي ال ip address تبعها.

كاسترول مثلاً و ليكوي مولي طلعولي 10w40 على طول.

هاستنى زيك رد المهندس بوريو لكن هانتظر المعلومات اللي عندك لأني باستفيد من كل معلومة جديدة عليا .. ما تبخلش عليا بقى :)

ده رابط لزيت وولف Wolf لعربيتك
https://www.wolflubes.com/EN_EU/prod...&Type=91047935

انا استخدمت الاسماء دى
Chery - A5 / Fora / Elara 1.6 16V (2006 - ...)


الموتور اللى ظهر رقمه الكودى SQR481F .. سعه 1600

الزيت اللى تم اختياره منخفض المواصفه جدا جدا SF و معدنى بالكامل و لزوجه 15W40 .. و التغيير على 5 الاف كم ..
و الغريب ان حتى اعلى زيت فى نفس المجموعه دى برضه معدنى و لزوجته 10W40 و مستوى خدمه SN .. بالرغم من كده لم يختاره و اختار الاقل و اختار لزوجه مختلفه ؟؟ ؟؟

بخصوص موضوع ال 10W و ال 15W

بعض ال oil Selector بيكون فيها خانه لاختيار المناخ .. شفته امبارح لشركه اسكندنافيه ( تقريبا )

https://www.kroon-oil.com/en/product-recommendation/cars/chery/a5-fora-elara/a5-fora-elara-16-16v/28894/185965/#!/component:185965/

لو مناخ حار بيفضل ال 15W ( دول البحر المتوسط )
و لو لمناخ معتدل بيفضل ال 10W .. طبعا معتدل بالنسبه لهم يعنى مناخ بارد نسبيا

و ده يتفق مع المبدأ اللى اتكلمنا عليه قبل كده .. انه فى الجو الحار يمكن ( و قد يفضل ) رفع الرقم قبل ال W درجه واحده .. خصوصا فى الزيوت المعدنيه او النصف تصنيعيه

[tasaka]

تدقيق
اللى فاكره هو ان acea a3/b3 هو اللى بيتكلم عن جمله all year round ( حاجه بالمعنى ده )
بصراحه موش فاكر ال sn سمحت بسنه ام لا ؟؟ ( اعتقد احتمال ممكن ؟؟ بس موش متأكد )


بعد المراجعه ..
- الاستعمال طوال العام all year round .. محددها للزيوت منخفضه اللزوجه ( يعنى للمواتير اللى مصممه لاستخدام زيوت منخفضه اللزوجه .. زى a1 مثلا )
- و مده مطوله لبقاء الزيت .. بس برضه محدده بانها طبقا للكتالوج لو سمح بالامكانيه دى

a/b: Gasoline and diesel engine oils
acea a1/b1 category is removed with the acea 2016 oil sequences. from acea 2012: Stable, stay-in-grade oil intended for use at extended drain intervals in gasoline engines and car & light van diesel engines specifically designed to be capable of using low friction low viscosity oils with a high temperature / high shear rate viscosity of 2.6 mpa*s for xw/20 and 2.9 to 3.5 mpa.s for all other viscosity grades. These oils are unsuitable for use in some engines. Consult owner manual or handbook if in doubt.

acea a3/b3 stable, stay-in-grade engine oil intended for use in passenger car & light duty van gasoline & diesel engines and/or for extended drain intervals where specified by the engine manufacturer, and/or for year-round use of low viscosity oils, and/or for severe operating conditions as defined by the engine manufacturer.

بعد قراءه مترويه للمواصفه الاوروبيه acea

1- المواصفه الاوروبيه لم تضع مده ( محدده ) لتغيير الزيت

2- المده المطوله الموضحه فى المواصفه الاوروبيه ( مشروطه )


ساوضح ذلك فى رد تفصيلى كامل لاحق


و كذلك لم اقرأ عن اى مدد محدده فى ال api او ilsac

[tasaka]

بصراحة أنا مستمتع بالنقاش جدا... وكمية المعلومات الموجودة هنا يتعمل بيها مواضيع متخصصة قيمة بصراحة...

ويكفيني من وسط كل المعلومات دي إني عرفت معلومة نزول إصدار جديد من مواصفة الـACEA.. شكرا أخي tasaka


عموما.. أنا رأيي إجمالا إني اتبع الكتالوج بحذافيره ما دمت مش متعمق في خبايا مواصفات الزيوت..

علشان كده .. لو حد استشارني في نوع زيت ومدة خدمته.. هأشير عليه بالموجود في الكتالوج بالضبط..

أما بالنسبة لنفسي .. فممكن أتجاوز المدة .. علشان عندي معلومات أكتر أقدر أفرق بيها بين المميزات أو العيوب الموجودة في الزيوت المختلفة.

للأسف .. معظم المشاكل اللي حصلت في مفاهيم الناس جاية من الحتة دي تحديدا... إن اللي فاهم بيفتي بالحالات الخاصة والناس بتاخدها كحالة عامة.

إن شاء الله أعلق لاحقا على بعض النقط اللي لفتت نظري في النقاش بالتفصيل..

فى انتظار ردود استشارى منتدانا الصديق العزيز المهندس بوريو

الغريب ان الكتالوج عنده موش محدد مده ؟؟ .. طب حنعرف ازاى .. ( انا لم اقرأ الكتالوج الا قراءه بحث سريعه )

تحياتى و اعزازى و تقديرى

[tasaka]

نزول إصدار جديد من مواصفة الـacea

ال a!/b1 تم نقله لمجموعه ال c كفكره عامه بدون تفاصيل

و ده منطقى جدا بسبب مفهوم ال saps ( انا لم اقرأ المواصفه ال 2016 بالتفصيل حتى الان )

و لو تفتكر انى كنت دائما موش متقبل ال a!/b1 .. لانى مكنتش فاهم استخداماته ( المحدده )

تحياتى و اعزازى و تقديرى

[NaAZoOR]

ال a!/b1 تم نقله لمجموعه ال c كفكره عامه بدون تفاصيل

و ده منطقى جدا بسبب مفهوم ال saps ( انا لم اقرأ المواصفه ال 2016 بالتفصيل حتى الان )

و لو تفتكر انى كنت دائما موش متقبل ال a!/b1 .. لانى مكنتش فاهم استخداماته ( المحدده )

تحياتى و اعزازى و تقديرى

هل تقصد ان ال A1 بقى مع ال A3 ؟
لو عندك رابط لمواصفة ACEA 2016 يبقى عظيم.

نقطة أخيرة بخصوص الزيت:
احنا دخنا كتير مع oil selectors متعددة و انا لو تفتكر دورت مع كاسترول بالذات في كذا بلد في كذا قارة ....

عايز أقول إني بتحليل النتايج مجتمعة لاحظت حاجة ... إن من أول زيت الموتور لحد زيت الباور الكل حاطط اللي الكتالوج حاطه ... حتى ان زيت الباور الكتالوج قايل يتراجع كل 15000 كم و ده اللي حاطه ال oil selectors ...

طب عايز أوصل لأيه؟
إن ماحدش دور ورا ال criteria بتاعة الكتالوج "و ده طبيعي و منطقي"
و بالتالي مواصفة الكتالوج العتيقة SJ فقط بالتأكيد كان يكافئها زيت معدني "شيري مش هاتفكر في زيت تخليقي و هي بتحط مواصفة SJ"
خاصة مع عدم ذكر وقت زمني للتغيير من أساسه.

و ده يخليني أشك بقوة إن مسافة ال 5000 كم يُعتد بيها حالياً بعد وصول الزيوت نصف التخليقية ل SN و A3. اعتقد انها منطقية فقط مع استعمال زيوت معدنية.

[tasaka]

اتنقل الى مجموعه C و اصبح C5 على ما اتذكر .. و خرج خالص من مجموعه البنزين A


ده الرابط
ACEA EUROPEAN OIL SEQUENCES 2016



انا لى رد .. ساحاول كتابته فى اقرب وقت .. و فى انتظار تعليق المهندس بوريو على النقاش