سؤال عن مدة تغيير الزيت لاسبيرانزا 516

[tasaka]

لعربيتى .. الشيئ الغريب ان كاسترول اعطتنى ماجنتيك فقط و لم تعطى ايدج .. برغم انى اخترت موقع كاسترول انجلترا ..

بس الماجنتيك اللى اعطته لى a5 و c3 .. يعنى احتمال كبير جدا انه حيكون تصنيعى

[NaAZoOR]

لا اعتقد .. و موش عارف ليه عملوا كده ؟؟
زيت موبيل 0w40 ده حيكون زيت كويس .. ( بره مصر ) اما هنا للاسف تخاف من اى شيئ الرقابه عليه عندنا .. ممكن يكون كويس و ممكن لا
الزيوت ال 0W عاليه الجوده جدا جدا ( المفروض )

موبيل و شل و أعتقد توتال معاهم بيصنعوا زيوتهم في مصر ..

و زيوت الأساس في مصر مصدرها إما مصر للبترول أو معامل الإسكندرية و طبعاً الجودة غير مضمونة ...

الإضافات بس هي اللي شركات الزيوت بتضيفها من عندها سواء من معاملها محلياً أو بيستوردوها و الحقيقة ما اعرفش هما بيعملوا ايه في الحتة دي.

لكن لو فرضنا جدلياً إن الوضع مشابه للأدوية فمعروف ان الدواء المصري فاعليته أضعف من مثيله المستورد بالرغم من استيراد المادة الفعالة من الخارج.

و أعتقد ان كلام انجلترا معايا حوالين ال 16000 كم للماجنتك عندهم مقابل 10000 كم عندنا نظراً لإختلاف ال formulation ممكن يأيد فكرة اختلاف الجودة هنا عن بره.

ده غير إن طبقاً لكلام المهندس بوريو فال 0w مقابل سرعة انتشار الزيت إلا ان في المقابل طبقة التزييت بتكون رقيقة جداً و لو مواد الموتور مش مصنعة عشان تتوافق مع اللزوجة دي النتيجة هاتكون عكسية.

[tasaka]

فيه ملاحظه

اكتر من Oil Selector .. اعطانى الاتى
5 الاف كم للملى المبدئى Inital Use ( بتاع المصنع ) .. ثم 15 الف كم للاستعمال العادى Normal Use لاحقا ( الزيوت تصنيعيه 100% )


يعنى موضوع جدول الصيانه عندك يحتمل انه يكون بنفس الفكره .. 5 الاف اول مره ( ملى المصنع ) .. ثم 10 الاف كفتره انتقاليه .. ثم 15 الف .. احتمال برضه يكون هو ده المقصود

و كمان فيه فقره فى كتالوج ال a5 بخصوص نقص الزيت الطبيعى .. بيتكلم ان معدل النقص الطبيعى سيثبت بعد مرور اول 5 الاف كم

[NaAZoOR]

فيه ملاحظه

اكتر من Oil Selector .. اعطانى الاتى
5 الاف كم للملى المبدئى Inital Use ( بتاع المصنع ) .. ثم 15 الف كم للاستعمال العادى Normal Use لاحقا ( الزيوت تصنيعيه 100% )


يعنى موضوع جدول الصيانه عندك يحتمل انه يكون بنفس الفكره .. 5 الاف اول مره ( ملى المصنع ) .. ثم 10 الاف كفتره انتقاليه .. ثم 15 الف .. احتمال برضه يكون هو ده المقصود

و كمان فيه فقره فى كتالوج ال a5 بخصوص نقص الزيت الطبيعى .. بيتكلم ان معدل النقص الطبيعى سيثبت بعد مرور اول 5 الاف كم

كلام منطقي جداً ...

ممكن تقولي مثال أو اتنين من اللي اتكلموا عن ال initial use و ال normal use لأن الظاهر اني ماركزتش كويس.

و لو ممكن رقم الصفحة في الكتالوج اللي بتتكلم عن نقص الزيت؟ واضح اني ما ركزتش في القراءة !!

[tasaka]

موبيل و شل و أعتقد توتال معاهم بيصنعوا زيوتهم في مصر ..

و زيوت الأساس في مصر مصدرها إما مصر للبترول أو معامل الإسكندرية و طبعاً الجودة غير مضمونة ...

الإضافات بس هي اللي شركات الزيوت بتضيفها من عندها سواء من معاملها محلياً أو بيستوردوها و الحقيقة ما اعرفش هما بيعملوا ايه في الحتة دي.

لا الكلام ده لا يمكن يكون صحيح .. ممكن يكون بيخزن هنا زيت الاساس بتاعه .. لكن لا يمكن ان كل الشركات تستعمل نفس الزيت طبعا
لكن برضه ما يمنعش لو اكتر من شركه تكون بتستعمل زيت اساس محدد .. انهم يأخذوه من هنا لو موجود
انا كلامى ده تخمين لانى معرفش خطوات التصنيع و التعبئه هنا ازاى
لكن الاكيد انه موش كلهم بيستعملوا نفس زيت ( او خليط من مجموعه زيوت ) الاساس
و كمان فيه فيديوهات لشل و انا كمان كلمتهم .. الزيت بيجى جاهز هنا و يتعبأ فقط ( جاجه زى كده ) .. يعنى زيت الاساس موش من هنا

لكن لو فرضنا جدلياً إن الوضع مشابه للأدوية فمعروف ان الدواء المصري فاعليته أضعف من مثيله المستورد بالرغم من استيراد المادة الفعالة من الخارج.

و أعتقد ان كلام انجلترا معايا حوالين ال 16000 كم للماجنتك عندهم مقابل 10000 كم عندنا نظراً لإختلاف ال formulation ممكن يأيد فكرة اختلاف الجودة هنا عن بره.

ده غير إن طبقاً لكلام المهندس بوريو فال 0w مقابل سرعة انتشار الزيت إلا ان في المقابل طبقة التزييت بتكون رقيقة جداً و لو مواد الموتور مش مصنعة عشان تتوافق مع اللزوجة دي النتيجة هاتكون عكسية.

لا موش رقيقه .. برغم انها ارق من 5W , 10W .. الا انها فى بدايه التشغيل البارد ستكون اعلى من اللزوجه الكينماتيكيه التصميميه للموتور ..
و لاحظ ان انسيابها اسرع فى التدوير البارد .. يعنى وجود طبقه رقيقه افضل من عدم وصول زيت اصلا
و لاحظ كمان ان 90% من التأكل للموتور بيتم فى بدايه التدوير البارد ( كاسترول بتقوا 75% من التأكل على البارد فى بدايه التشغيل ) .. و ال 10% المتبقيه بتحدث طوال فتره التشغيل .. يعنى الاهم هو وصول زيت فى اسرع وقت

و لاحظ كمان ان الاختبارات القياسيه لتحديد ال Multi Grade Weight .. بيكون اختبارات اللزوجه فقط للرقم اللى بعد ال W
لكن الاختبارات للرقم اللى قبل ال W ( زى 0 و 5 و 10 ) ما بتكونش للزوجه .. و انما لسرعه السريان ( ال Cranking ) يعنى سهوله حركه الاجزاء المتحركه

و فى رأيى الشخصى زيوت ال 0W افضل و اغلى من زيوت 5W , 10W



خلى بالك مواضيع الزيت دى شديده التعقيد .. و كل ما حاولت تفهمها اكتر تدخل فى تعقيدات اكتر و اكتر

و لولا ان المهندس بوريو اسلوبه سلس و مبسط .. كان كتير من الزملاء موش حيقدر يستوعب موضوع الزيوت ده بتعقيداته .. خصوصا ان الشركات بتتعمد الغموض و لاتكشف عن تركيبه زيوتها

فيه ردود ممتازه للمهندس بوريو .. و فيه كمان شويه ردود منى فى مناقشات ممكن تفيدك .. بس للاسف بعضها فى مواضيع متفرقه

ان شاء الله احاول ارد عليك بكره

[tasaka]

كلام منطقي جداً ...

ممكن تقولي مثال أو اتنين من اللي اتكلموا عن ال initial use و ال normal use لأن الظاهر اني ماركزتش كويس.

و لو ممكن رقم الصفحة في الكتالوج اللي بتتكلم عن نقص الزيت؟ واضح اني ما ركزتش في القراءة !!

صفحه 105

Engine Oil Level Check
Engine oil consumption depends on
many factors. A new engine’s oil consumption will reach a normal level after its first 5,000 km. The engine will
also consume more oil when it is operated while carrying or towing a heavy
load.

الامثله .. لعربيتى 620
زيت وولف

https://www.wolflubes.com/EN_EU/products/ProductRecommendationResult.aspx?VehicleType=1&Brand=913033&Category=9109061&Type=91070596

و كمان زيت موتول نفس الوضع بالظبط



انما لعربيتك .. فى رابط وولف اللى حطيته لك فى الردود السابقه .. جاب استعمال Use واحد فقط و هو ال Normal .. و اختار زيت معدنى مواصفته منخفضه جدا جدا .. و المسافه 5 الاف كم

[NaAZoOR]

لا الكلام ده لا يمكن يكون صحيح .. ممكن يكون بيخزن هنا زيت الاساس بتاعه .. لكن لا يمكن ان كل الشركات تستعمل نفس الزيت طبعا
لكن برضه ما يمنعش لو اكتر من شركه تكون بتستعمل زيت اساس محدد .. انهم يأخذوه من هنا لو موجود
انا كلامى ده تخمين لانى معرفش خطوات التصنيع و التعبئه هنا ازاى
لكن الاكيد انه موش كلهم بيستعملوا نفس زيت ( او خليط من مجموعه زيوت ) الاساس
و كمان فيه فيديوهات لشل و انا كمان كلمتهم .. الزيت بيجى جاهز هنا و يتعبأ فقط ( جاجه زى كده ) .. يعنى زيت الاساس موش من هنا



لا موش رقيقه .. برغم انها ارق من 5W , 10W .. الا انها فى بدايه التشغيل البارد ستكون اعلى من اللزوجه الكينماتيكيه التصميميه للموتور ..
و لاحظ ان انسيابها اسرع فى التدوير البارد .. يعنى وجود طبقه رقيقه افضل من عدم وصول زيت اصلا
و لاحظ كمان ان 90% من التأكل للموتور بيتم فى بدايه التدوير البارد ( كاسترول بتقوا 75% من التأكل على البارد فى بدايه التشغيل ) .. و ال 10% المتبقيه بتحدث طوال فتره التشغيل .. يعنى الاهم هو وصول زيت فى اسرع وقت

و لاحظ كمان ان الاختبارات القياسيه لتحديد ال Multi Grade Weight .. بيكون اختبارات اللزوجه فقط للرقم اللى بعد ال W
لكن الاختبارات للرقم اللى قبل ال W ( زى 0 و 5 و 10 ) ما بتكونش للزوجه .. و انما لسرعه السريان ( ال Cranking ) يعنى سهوله حركه الاجزاء المتحركه

و فى رأيى الشخصى زيوت ال 0W افضل و اغلى من زيوت 5W , 10W



خلى بالك مواضيع الزيت دى شديده التعقيد .. و كل ما حاولت تفهمها اكتر تدخل فى تعقيدات اكتر و اكتر

و لولا ان المهندس بوريو اسلوبه سلس و مبسط .. كان كتير من الزملاء موش حيقدر يستوعب موضوع الزيوت ده بتعقيداته .. خصوصا ان الشركات بتتعمد الغموض و لاتكشف عن تركيبه زيوتها

فيه ردود ممتازه للمهندس بوريو .. و فيه كمان شويه ردود منى فى مناقشات ممكن تفيدك .. بس للاسف بعضها فى مواضيع متفرقه

ان شاء الله احاول ارد عليك بكره

أنا ما قصدتش يوصلك انهم بيستعملوا نفس الزيت ... سوء تعبير مني .. معلش.

اللي قصدته إن أياً كان اسم الشركة اللي بتصنع زيوتها في مصر فهي بتعتمد على زيوت أساس مصدرها مصر للبترول أو معمل تكرير الإسكندرية، و ده كلام ناس شغالين في عالم البترول في مصر و من مصادر متعددة.

شل يمكن بقت تستورد زيوتها بعد ما خلعت من كل حاجة تقريباً عدا بيع الزيوت ... بس أيام ما كانت منتشرة و عندها بنزينات كانت نفس وضع موبيل و اسو الله يرحمها.

بالنسبة لدرجة 0w فأنا مش معترض على كلامك و مقتنع تماماً إن 0w40 أفضل بكتير من 5w40 لكن بوريو أبدى تحفظه الشديد في أكتر من رد في مواضيع متعددة على النزول بالدرجة الباردة و لو لدرجة واحدة.

خلينا نستنى رده و نشوف هايقول ايه في النقطة دي.

أما موضوع التآكل فكلامك صحيح تماماً ...
فيه إضافة بسيطة بخصوص الموضوع ده و هي ان كاسترول عملت مع الماجناتك حاجة ظريفة ما قرأتش إن حد اتهمهم بالنصب أو عدم الفاعلية بخصوصها و هي موضوع ال particles اللي بتلتصق بجسم الموتور و مجاري الزيت فيه عشان تحمي الأجزاء المتحركة من التآكل حتى وصول الزيت بالكامل لكافة الأجزاء.

[tasaka]

أنا ما قصدتش يوصلك انهم بيستعملوا نفس الزيت ... سوء تعبير مني .. معلش.

اللي قصدته إن أياً كان اسم الشركة اللي بتصنع زيوتها في مصر فهي بتعتمد على زيوت أساس مصدرها مصر للبترول أو معمل تكرير الإسكندرية، و ده كلام ناس شغالين في عالم البترول في مصر و من مصادر متعددة.

انا فاهم قصدك كويس
و هو نفس ردى السابق
لو فيه زيت اساس محترم .. و فيه بعض الشركات بتستعمله فى تركيبتها اصلا .. يبقى لو موجود هنا حتأخذه من هنا .. لان فيه شركات زيوت بتشترى زيوت الاساس اصلا موش بتصنعها بنفسها
و لكن لو زيوت الااساس اللى بتستعملها الشركه دى موش موجوده .. يبقى موش حتأخذ المصرى .. ده المفروض

الا اذا بقى كانوا بيعملوا لنا تركيبه بالمتاح .. و زى ما تطلع و مبتعبرش عن جوده زيوتها خارج مصر .. ده بقى كلام تانى
عموما ده مجرد كلام و تفكير منطقى .. و انا وضحت لك انى معنديش فكره عن اسلوب التعبئه او التصنيع اللى بيتم .. جايز كلامك صح .. لكن انا استبعده بصراحه

شل يمكن بقت تستورد زيوتها بعد ما خلعت من كل حاجة تقريباً عدا بيع الزيوت ... بس أيام ما كانت منتشرة و عندها بنزينات كانت نفس وضع موبيل و اسو الله يرحمها.

شل زيتها الالترا مستخرج من الغاز الطبيعى ( موش زى باقى الزيوت ) .. يعننى موش زيت واحد موجود هنا و بتأخذه كل الشركات .. لان زيت شل الترا ده موش زى اى زيت تانى

بالنسبة لدرجة 0w فأنا مش معترض على كلامك و مقتنع تماماً إن 0w40 أفضل بكتير من 5w40 لكن بوريو أبدى تحفظه الشديد في أكتر من رد في مواضيع متعددة على النزول بالدرجة الباردة و لو لدرجة واحدة.
خلينا نستنى رده و نشوف هايقول ايه في النقطة دي.

الباشمهندس بوريو استشارى الزيوت فى المنتدى .. يعنى المرجع الاساسى للزيوت
ممكن يكون كان بيتكلم فى سياق رد معين .. و انت فهمت حاجه تانيه غير اللى بيتكلم عليها
انا قرأت مواضيعه اكثر من 20 او 30 مره .. كل مره اقرأ بلاقى فيها كلام جديد طبقا لتحسن معلوماتى
فعلا اسلوبه سهل ممتنع .. اللى عايز معلومه علميه دقيقه حيلاقيها .. و اللى محتاج شرح مبسط حيلاقيه

و زى ما قلت لك الزيوت بتتطور بسرعه .. فطبيعى تلاقى بعض التبدل فى الاراء طبقا لاخر معلومات متاحه

انا قرأت مواضيع عن الزيوت كانت مكتوبه فى 2011 .. فعلا المهندس بوريو احدث طفره فى فهم الزيوت فى المنتدى و بقارق كبير جدا

أما موضوع التآكل فكلامك صحيح تماماً ...
فيه إضافة بسيطة بخصوص الموضوع ده و هي ان كاسترول عملت مع الماجناتك حاجة ظريفة ما قرأتش إن حد اتهمهم بالنصب أو عدم الفاعلية بخصوصها و هي موضوع ال particles اللي بتلتصق بجسم الموتور و مجاري الزيت فيه عشان تحمي الأجزاء المتحركة من التآكل حتى وصول الزيت بالكامل لكافة الأجزاء.

يعنى فى اضافات اصلا وظيفتها انها تؤدى الوظيفه دى .. ( من غير حبوب كاسترول ) .. لكن طبعا شيئ جيد من كاسترول

[NaAZoOR]

صفحه 105

Engine Oil Level Check
Engine oil consumption depends on
many factors. A new engine’s oil consumption will reach a normal level after its first 5,000 km. The engine will
also consume more oil when it is operated while carrying or towing a heavy
load.

الامثله .. لعربيتى 620
زيت وولف

https://www.wolflubes.com/EN_EU/products/ProductRecommendationResult.aspx?VehicleType=1&Brand=913033&Category=9109061&Type=91070596

و كمان زيت موتول نفس الوضع بالظبط



انما لعربيتك .. فى رابط وولف اللى حطيته لك فى الردود السابقه .. جاب استعمال Use واحد فقط و هو ال Normal .. و اختار زيت معدنى مواصفته منخفضه جدا جدا .. و المسافه 5 الاف كم

انا فاهم قصدك كويس
و هو نفس ردى السابق
لو فيه زيت اساس محترم .. و فيه بعض الشركات بتستعمله فى تركيبتها اصلا .. يبقى لو موجود هنا حتأخذه من هنا .. لان فيه شركات زيوت بتشترى زيوت الاساس اصلا موش بتصنعها بنفسها
و لكن لو زيوت الااساس اللى بتستعملها الشركه دى موش موجوده .. يبقى موش حتأخذ المصرى .. ده المفروض
الا اذا بقى .. بيعمل لنا تركيبه بالمتاح و زى ما تطلع و مبتعبرش عن جوده زيوتها خارج مصر .. ده بقى كلام تانى .. لكن انا استبعده بصراحه



شل زيتها الالترا مستخرج من الغاز الطبيعى ( موش زى باقى الزيوت ) .. يعننى موش زيت واحد موجود هنا و بتأخذه كل الشركات .. لان زيت شل الترا ده موش زى اى زيت تانى



الباشمهندس بوريو استشارى الزيوت فى المنتدى .. يعنى المرجع الاساسى للزيوت
ممكن يكون كان بيتكلم فى سياق رد معين .. و انت فهمت حاجه تانيه غير اللى بيتكلم عليها
انا قرأت مواضيعه اكثر من 20 او 30 مره .. كل مره اقرأ بلاقى فيها كلام جديد طبقا لتحسن معلوماتى
فعلا اسلوبه سهل ممتنع .. اللى عايز معلومه علميه دقيقه حيلاقيها .. و اللى محتاج شرح مبسط حيلاقيه

و زى ما قلت لك الزيوت بتتطور بسرعه .. فطبيعى تلاقى بعض التبدل فى الاراء طبقا لاخر معلومات متاحه

انا قرأت مواضيع عن الزيوت كانت مكتوبه فى 2011 .. فعلا المهندس بوريو احدث طفره فى فهم الزيوت فى المنتدى و بقارق كبير جدا



يعنى فى اضافات اصلا وظيفتها انها تؤدى الوظيفه دى .. ( من غير حبوب كاسترول ) .. لكن طبعا شيئ جيد من كاسترول

اتفق معاك في كل اللي قلته، بالتأكيد درجة جودة الزيت نفسه و الشريحة المستهدفة بيه ليها عامل أساسي في اختيار مصدر زيت الأساس اللي بتبني عليه الزيت ده و بناء عليه هاتختار مصدر محلي أو تسورد "مصر مثالاً" ....

و بالتأكيد برضه إن الألترا مختلف بطبيعة تكوينه الأساسي " لا يمنع من استخدام الغاز الطبيعي المصري لو موافق للمواصفة بتاعتهم"

لكن زي ما فيه الترا فيه هيلكس و منه الأصفر و الأحمر و دول من نفس عائلة ال xhp من موبيل مثلاً و أعتقد ان دول مش محتاجين زيت أساس مستورد طبقاً لفئتهم السعرية و الشرائح المستهدفة بيهم.

نقطة أخيرة، كاسترول انجلترا في كلامهم معايا همِّشوا قيمة زيت الأساس اللي كاسترول الإمارات بتستخدمه في الماجنتك و شددوا على أهمية الإضافات بتاعتهم و إنها هي المحك الحقيقي في كفاءة الزيت و عمره.

عايز أقول إن حتى لو بعض شركات الزيوت هنا بتعتمد على زيوت أساس مصرية فإضافات الشركات دي هي اللي هاترفع مستوى الزيت النهائي لدرجة قد تقارب نوعياً مستوى الزيت المصنوع في البلد الأم.

كاسترول أكيد مش صاحبة براءة الإختراع في موضوع الجسيمات دي ... لكن لفتة كويسة منها إنها تحطها في زيوت متوسطة زي الماجنتك و اقتصادية زي ال gtx.

[tasaka]

و بالتأكيد برضه إن الألترا مختلف بطبيعة تكوينه الأساسي " لا يمنع من استخدام الغاز الطبيعي المصري لو موافق للمواصفة بتاعتهم"

لكن زي ما فيه الترا فيه هيلكس و منه الأصفر و الأحمر و دول من نفس عائلة ال xhp من موبيل مثلاً و أعتقد ان دول مش محتاجين زيت أساس مستورد طبقاً لفئتهم السعرية و الشرائح المستهدفة بيهم.

مكان تصنيع زيت شل الترا من الغاز الطبيعى هو مكان واحد فقط فى دول الخليج .. و من هذا المصنع تصدر للاماكن المطلوبه .. ده طبقا للفيديو التويحى بتاعهم ..
يعنى هو مصنع واحد فقط فى الخليج .. يعنى موش حينفع يستعملوا الغاز بتاعنا
لان الفكره الاساسيه هى استغلال الغاز المجانى او شبه مجانى فى اماكن استخراج البترول .. و فى نفس الوقت توفير عده مراحل من الفصل للاوزان المختلفه للبترول الخام و كذلك تنقيه الشوائب .. لانه مكون واحد اصلا ( غاز طبيعى ) و هو متجانس ايضا و خالى من الشوائب تقريبا ..
و الزيت التصنيعى لشل الترا علشان كده بيصنف انه اعلى من المجموعه الثالثه و بيتسمى مجموعه 3+

يعنى شل ممكن يكون ليها مكان تخزين مثلا فى شركات البترول المصريه مثلا زى ما اوضحت فى رد سابق .. فموش معنى انها بتأخذ من المكان المخزن انها بتأخذ زيت اساس مصرى .. يعنى المنظق بيقول كده

- موش كل شركات عملاقه و عندها مصافى بترول بتاعتها .. الشركات الصغيره نسبيا بتشترى زيت الاساس او زيوت الاساس .. و الزيوت دى بتكون درجات فى النقاء و السعر .. و ايضا بتكون مختلفه التكوين طبقا لمكان استخراج البترول .. و كل نوع له سعره و المشترى اللى حيشتريه

ممكن الشركات دى تكون بتخزن زيوتها هنا .. او بتشترى من مصر لو عرفت توفر الزيوت المطلوبه لهذه الشركات بالجوده المطلوبه مثلا

نقطة أخيرة، كاسترول انجلترا في كلامهم معايا همِّشوا قيمة زيت الأساس اللي كاسترول الإمارات بتستخدمه في الماجنتك و شددوا على أهمية الإضافات بتاعتهم و إنها هي المحك الحقيقي في كفاءة الزيت و عمره.

عايز أقول إن حتى لو بعض شركات الزيوت هنا بتعتمد على زيوت أساس مصرية فإضافات الشركات دي هي اللي هاترفع مستوى الزيت النهائي لدرجة قد تقارب نوعياً مستوى الزيت المصنوع في البلد الأم.

كاسترول أكيد مش صاحبة براءة الإختراع في موضوع الجسيمات دي ... لكن لفتة كويسة منها إنها تحطها في زيوت متوسطة زي الماجنتك و اقتصادية زي ال gtx

زيت الاساس .. هو الاساس .. ده ملخص الكلام

الاضافات لن تؤدى المطلوب بدون زيت اساس جيد .. و زيت الاساس الجيد لن يؤدى المطلوب بدون حزمه اضافات جيده

و زى ما قلت لك سارد غدا ان شاء الله

معنديش فكره هل ده اختراع خاص يكاسترول ام لا .. لكن انا فقط قلت ان فيه اضافات وضيفتها انها تؤدى مهمه مشابهه نسبيا ..
و طبعا حيكون اكيد فيه فرق ان جزئ ماده محدده فى الاضافات تعمل كده .. و ان جزئ الزيت نفسه يتمكن من كده .. لا اعلم لانى لم اقرأ بالظبط الفكره العلميه لجزيئات كاسترول .. لكن اتوقع انه تكنولوجيا جديده و حيكون باسمها

[tasaka]

بخصوص ال 0W

- فى توكيل اسبرانزا بيحطوا 0W40 للاسبرانزا 620 .. و المطاوب طبقا للكتالوج هو 5W40
ده بيحصل فى التوكيل
و فى الاصل اللزوجه فى الكتالوج هى 10W30 ( دى المفضله ) و لزوجه 10W40 .. و و لزوجه اضافيه يعنى ممكن استعمالها نسبيا هى 5W40
يعنى اللزوجه السفلى نزلت من 10 الى 5 الى 0

- موبيل لغت ال 5W40 من مصر و استبدلته ب 0W40 .. و انت عارف ان نصف مصر بتستعمل ال 5W40 .. و طبعا موبيل عارفه كده برضه و مع ذلك استبدلته ب 0W

اكرر لك ان زيوت ال 0W حاله خاصه
يعنى انا لا افضل الانتقال من 10W الى 5W .. و افضل الالتزام ب 10W حينها
لكن لانتقال الى 0W لا اخشى منه لانها زيوت عاليه الجوده جدا و قد تكون بتصميم خاص ايضا


- ده مثال .. منحنى بيانى لاحد زيوت كاسترول ( القديمه ) 0W30 و 10W30 .. ده من رابط لموضوع فى 2007


لاحظ ان اللزوجه عند 100 هى 11 لل 0W
لاحظ ان اللزوجه عند 100 هى 10 لل 10W

لاحظ نقطه التعادل عند 20 درجه مئويه .. يعنى فى درحات الحراره العاليه تعطى حمايه اكبر من 10W30 .. و سيوله افضل عند درجات الحراره المنخفضه

اقرأ الرد الكامل للنقطه دى فى الرابط ده

http://www.nilemotors.net/Nile/491159-1-2.html#post3876095771

[tasaka]

لى سؤال ؟

انت استعمالك للعربيه كام الف كم كل 6 شهور

[tasaka]

بخصوص ال 0W

- فى توكيل اسبرانزا بيحطوا 0W40 للاسبرانزا 620 .. و المطاوب طبقا للكتالوج هو 5W40
ده بيحصل فى التوكيل
و فى الاصل اللزوجه فى الكتالوج هى 10W30 ( دى المفضله ) و لزوجه 10W40 .. و و لزوجه اضافيه يعنى ممكن استعمالها نسبيا هى 5W40
يعنى اللزوجه السفلى نزلت من 10 الى 5 الى 0

- موبيل لغت ال 5W40 من مصر و استبدلته ب 0W40 .. و انت عارف ان نصف مصر بتستعمل ال 5W40 .. و طبعا موبيل عارفه كده برضه و مع ذلك استبدلته ب 0W

اكرر لك ان زيوت ال 0W حاله خاصه
يعنى انا لا افضل الانتقال من 10W الى 5W .. و افضل الالتزام ب 10W حينها
لكن لانتقال الى 0W لا اخشى منه لانها زيوت عاليه الجوده جدا و قد تكون بتصميم خاص ايضا


- ده مثال .. منحنى بيانى لاحد زيوت كاسترول ( القديمه ) 0W30 و 10W30 .. ده من رابط لموضوع فى 2007


لاحظ ان اللزوجه عند 100 هى 11 لل 0W
لاحظ ان اللزوجه عند 100 هى 10 لل 10W

لاحظ نقطه التعادل عند 20 درجه مئويه .. يعنى فى درحات الحراره العاليه تعطى حمايه اكبر من 10W30 .. و سيوله افضل عند درجات الحراره المنخفضه

اقرأ الرد الكامل للنقطه دى فى الرابط ده
http://www.nilemotors.net/Nile/49115...post3876095771

للرقم الذى قبل ال W يجب التفرقه بين نوعين

1- فى حاله استعمال زيوت معدنيه منخفضه الجوده بمعنى مستوى خدمه منخفض .. و المثال على ذلك هو زيوت المجموعه الاولى و الثانيه
هذه الزيوت غير نقيه .. و غير متجانسه التكوين .. و غير متجانسه الحجم للجزيئات .. و تحتوى على شؤائب اكثرها اهميه للرقم قبل ال W هو احتواء هذه الزيوت على الشمع

لهذه الزيوت يجب الحذر و الالتزام بمتطلبات الكتالوج للرقم قبل ال W لتجنب اثار سلبيه سيئه على المحرك ( فى حال انخفاض شديد فى الحراره .. بمعنى انخفاض اقل من صفر مئوى )

2- فى حاله الزيوت التصنيعيه 100% من اساس معدنى مجموعه 3 (دى بتكون نقيه بنسبه 98% على الاقل و بعضها يصل الى نقاء 100% تقريبا ) .. او اساس تصنيعى حقيقى مجموعه 4 او اعلى ( دى بتكون نقيه 100% لانها مصنعه فى المعمل )
هذه الزيوت نقيه تماما .. و لذلك تقل محاذير الالتزام بالرقم قبل ال W ( نسبيا ) خصوصا لو الحراره فوق الصفر المئوى



الخلاصه
- فى الزيوت التصنيعيه الكامله 100% فقط .. فوق الصفر المئوى لن يظهر تأثير الرقم الذى قبل ال W .. لان اساس المشكله يكمن فى عدم نقاء الزيت و الانخفاض تحت الصفر المئوى مما يؤدى الى تكون البلورات داخل الزيت .. و فى مصر احنا معندناش الانخغاض تحت الصفرده
فى البلاد الحاره جدا يفضل الالتزام بالرقم قبل ال W ( كافضليه فقط )

- الزيوت المعدنيه ذات مستوى الجوده المنخفض و المتوسط ( او حتى المعدنيه كلها بصفه عامه ) .. يجب الالتزام بالرقم الذى قبل w خصوصا فى المناخ البارد جدا



دى هى قناعتى الشخصيه من اللى قرأته اثناء البحث.. الموضوع ده خلافى و لن تجد فيه رأى قاطع .. و قد اكون مخظى فى هذه القناعه

[tasaka]

ده رابط اختبارات الزيوت لعربيتك لزيت كاسترول
http://applications.castrol.com/oils...1-6-16v-(2006-)

بالترتيب الاسبقيه
Castrol Magnatec 10W-40 .. لزوجه تشغيل 14
Castrol GTX 10W-40 .. لزوجه تشغيل 13.1
Castrol Magnatec Stop-Start 5W-30 .. لزوجه تشغيل 12.2

- لاحظ ان فيه زيت منهم 5W-30 .. و الرابط هو نفس اللى انت وضعته ( يعنى لمنطقه الشرق الاوسط )

- يعنى نزل باللزوجه اللى قبل ال W .. و زى ما وضحت فى رد سابق زيوت Magnatec Stop-Start بتكون لزوجه منخفضه و مواصفه عاليه بيكون منها A5 و C3 .. يعنى زيوت عاليه الجوده و الاحتمال الاكبر انها تصنيعيه 100%

يعنى احتمال التفسير يكون كالاتى .. اختار زيت عالى الجوده و نقى و تصنيعى و بمواصفه عاليه .. عندما اراد النزول باللزوجه قبل ال W .. ده احتمال يبين الفرق بين المعدنى و التصنيعى ؟؟


- اما بالنسبه للرقم اللى بعد ال W
كاسترول بصفه عامه ملاحظ ان لزوجتها اخف شويه من غيرها لكل وزن ( داخل المدى المسموح للوزن ) .. و دى حاجه انا شايفها كويسه
لزوجه 30 المدى بتاعها من. 9 الى 12.5 .. و المتوسط المعتاد لتلك اللزوجه بيكون من 10.5 الى 11
لزوجه 40 المدى بتاعها من 12.5 الى 16.5 على ما اتذكر .. و المتوسط المعتاد لتلك اللزوجه بيكون من 14.5

لاحظ ان الزيت رقم 2 لزوجه تشغيل 13.1 .. و دى تعتبر فى بدايه وزن ال 40 ( تقترب جدا من لزوجه 30 تقيل ) .. و دى تعتبر زيوت منخفضه اللزوجه ( بالنسبه لوزن 40 ) تناسب بعض المواتير المصممه للزوجه المنخفضه

لاحظ الزيت رقم 3 .. لزوجه تشغيل 12.2 .. و ده برغم انه زيت وزن 30 .. الا انه فى اعلى درجه لوزن ال 30 ( 30 تقيل ) .. و يقترب من كونه زيت وزن 40 ( من ناحيه اللزوجه )

بمعنى انه لما اختار لك لزوجه 30 فهو اختار زيت تقيل من اللزوجه دى علشان يتم توفير الحمايه المطلوبه ليك .. و فى الحاله دى اتوقع ان جزء من الحمايه حيكون عن طريق طبقه الزيت الرقيقه و جزء اخر عن طريق الاضافات لمنع الاحتكاك و التأكل و جزء تالت ناتج من ان اللزوجه ثابته مع مرور الوقت ( الاستعمال )

و لاحظ ان الزيت رقم 1 و 2 .. فى المواصفه معامل اللزوجه لهم منخفض شويه قيمته 145 .. و لكن معامل اللزوجه فى الزيت الثالث مرتفع بفرق واضح قيمته 170 تقريبا ..

و معامل اللزوجه ده بيعبر بطريقه غير مباشره عن جوده و تجانس زيت الاساس و ثبات اداؤه ( اللزوجه ) مع مرور الزمن .. و ايضا بيعكس كميه الاضافات .. و ده اللى جعل زيت ال 30 اللى اختاره يقدم حمايه مناسبه مقاربه لزيوت ال 40

يعنى موش كل زيوت ال 30 زى بعض و موش كل زيوت ال 40 زى بعض برضه .. احيانا بتكون فيه اختلافات كبيره داخل نفس الوزن

[NaAZoOR]

لى سؤال ؟

انت استعمالك للعربيه كام الف كم كل 6 شهور

أول مرة استعمل ماجنتك في العربية ... قاطع 2700 كم في شهرين و نص.

قبل كده كانت مع اخويا و مقضيها سفر من سوهاج لسيناء للإسكندرية فعمل 145000 في 4 سنين بس.