سؤال عن مدة تغيير الزيت لاسبيرانزا 516

[NaAZoOR]

الرد ده كان آخر تطييب خاطر من كاسترول انجلترا ليا:

You should have no concerns about an oil lasting the oil change interval indicated.

Remember I said do not get too hung up on baseoils – the additives add the performance – and this entitles the product to pass industry specifications.

The Magnatec 10W-40 is specified as having API SN which is the highest spec available from the American Petroleum Institute for petrol vehicles.

It can do the 10k km/12 months with this specification

استفدت كتير من ردودك و لو عندك أكتر ما تبخلش عليا بيه.

[tasaka]

انا بقى لى ساعه و نصف باراجع كل الزيوت فى المواقع لعربيتك

موش بخل و لا حاجه


سؤال ؟؟ انا افتكرت انك اعطيتنى ايميل شيرى .. بس لما دخلت الموقع لقيت استماره لبيانات العربيه

فهل انت راسلتهم ايميل عادى ( يعنى ساشرح ما اريده فى ايميل عادى ) ؟؟ .. ام انك ملئت بيانات الاستماره ؟؟

لان موضوع البيانات ده شكله حيكون متعب و موش حاقددر الاقى البيانات اللى هم عايزينها كلها للعربيه

[tasaka]

الرد ده كان آخر تطييب خاطر من كاسترول انجلترا ليا:

You should have no concerns about an oil lasting the oil change interval indicated.

استفدت كتير من ردودك و لو عندك أكتر ما تبخلش عليا بيه.

اولا .. مقدرش احكم على جزء من سياق مبنى على ما قبله .. دى انت اللى حتقدر تعرفها بس

ماهو interval indicated .. هل مقصود فتره الكتالوج انك تتبعها ؟؟ .. هل مقصود فتره محدده واضحه ان زيت كاسترول ماجنتيك لزوجه 40 بيمشى 10 الاف و مدته سنه ؟؟
كلام موش واضح و موش مباشر

Remember I said do not get too hung up on baseoils – the additives add the performance – and this entitles the product to pass industry specifications.

ده كلام عام جدا .. و الكل طبعا حيحط الاضافات التى تكفى لاجتياز الاختبارات سواء للزوجه المتعدده .. او لمستوى الخدمه .. لا علاقه خاصه بين الكلام ده و كاسترول تحديدا

The Magnatec 10W-40 is specified as having API SN which is the highest spec available from the American Petroleum Institute for petrol vehicles.
It can do the 10k km/12 months with this specification

ده بقى استعباط على استهبال
اللى افهمه من الكلام ده
1- انه لم يتحدث عن كاسترول مباشره و انهم بيؤكدوا المده سنه و ال 10 الاف ( كاسم كاسترول )
2- هو ذكر مواصفه ال API SN .. و بعدها ربط المده سنه و ال 10 الاف كم بمواصفه SN فى سياق الجمله ( موش بكاسترول نفسها )
3- استعباطه ده مردود عليه بان امسويل XL .. مستوى خدمته SN و مدته 6 شهور ( امسويل زيوت متفوقه و ال XL تصنيعى 100% من اساس معدنى و اعلى من الزيوت المماثله زى الايدج و الالترا )
4- لما هو بالسهوله دى .. ليه كاسترول موش بتحط مده او كم فى موقعها !!



الفكره دى شاغلانى من فتره و عايز ابحثها .. و نفس الامر للمهندس بوريو .. لن تجد فيها رأى قاطع

يعنى هو بيتكلم كده عن فكره عامه ( ربط مده الزيت و الكم بمستوى الخدمه ) .. و يبقى مفيش فرق بين الزيوت اللى ليها مستوى خدمه واحد

الفكره صحيحه كمضمون عام و لكن مشروطه .. و ده حيبقى تفكير و تقييم خاطئ لانه ناقص و لم يعتبر عوامل اخرى مؤثره

و حقيقى المفروض دى تتناقش فى اطار تطور الزيوت ة انعكاساتها على المفاهيم القديمه .. لا اكثر من انها فكره قابله للنقاش و قد تثبت صحتها لبعض المواتير و الزيوت و قد لا تنطبق على البعض الاخر



بكده انا فهمت كاسترول كانت بتتكلم عن ايه فى 10 الاف .. انا باجهز رد ليك ( رد محدد .. و رد اضافى سيكون عام لزياده المعلومات العامه حتى تتمكن من تقييم المعلومات بنفسك )

[tasaka]

the magnatec 10w-40 is specified as having api sn which is the highest spec available from the american petroleum institute for petrol vehicles.

It can do the 10k km/12 months with this specification

النقطه دى محتاجه زياده توضيح

منين هو جاب مده السنه ؟؟

ال api sn انا لم اقرأ فيه سابقا مده محدده ( سنه مثلا ) و لكن بيتكلم عن مده مطوله لبقاء الزيت و لم يحددها

من اين اتى الكلام عن مده سنه .. منك اصلا ام من كاسترول ؟؟

[tasaka]

ده تحليل مبدئى لحصر الموضوع بوضوح

عربيتك
1- ماشيه 150 الف .. كتير منهم سفر .. الموتور المفروض بحاله جيده
2- استعمال سنوى الان حوالى 12 الف .. يعتبر استعمال خفيف .. يعنى متوسط يومى 30 كم مثلا
3- مشى سريع معظم الوقت .. يبقى ده يخفف الاجهاد على الزيت و المفروض يسمح لك بزياده الكم المسموح 20% مثلا ..
4- لكن فى نفس الوقت الاستعمال الخفيف 30 كم يوميا ده يعتبر بدايه الاستعمال الشاق نسبيا ( 15 + 15 ) .. يبقى بكده ممكن نعتبر انك مكن تستعمل المده الطبيعيه المسموحه فى الكتالوج او اقل منها شويه بسيطه .. ده انت اللى حتحدده بالظبط بناء على معرفتك بانطباق هذه الظروف معاك من عدمه



( المسافه )

1- الكتالوج .. كده اصبح واضح ان الكتالوج حدد مسافه 5 الاف كم فقط .. و موضوع ال 10 الاف و ال 15 الف ده اصبح احتمال مستبعد انه المقصود فى الكتالوج .. و عدم الوضوح اللى فى الكتالوج انتهى .. ده بسبب ان كل روابط الزيوت المختلفه حددت نفس المسافه

2- روابط اختيار الزيوت .. كلها بالاجماع حددت مسافه 5 الاف كم ( اللى بتذكر المسافه فى صفحتها ) .. منها تصنيعى 100% موتول .. و منها نصف تصنيعى زى شل و توتال و فالفولين و برضه موتول .. و منها معدنى عادى زى وولف
الشيئ الغريب هو التصنيعى 100% موتول .. محتاج اراجع سبب كده ايه ؟؟ و بالمناسبه هو زيت 5W30

3- كاسترول لم تحدد مسافه .. و موبيل ايضا
روابط

https://www.motul.com/cz/en/lubricants/recommendations/bc9fd9b508e0c9b1e373c7a8e4e96a6e?type_name=A5+%2F+Fora+%2F+Elara+1.6+16V+%282006-+%29

Find the right oil | Shell Global
Total GBR Mobile
Valvoline Europe

https://www.wolflubes.com/EN_EU/products/ProductRecommendationResult.aspx?VehicleType=1&Brand=913033&Category=9106098&Type=91047935

( المده )
1- الكتالوج لم يحدد مده

2- جميع الشركات لم تحدد المده ( برغم انها تحدد المده لمواتير تانيه زى عربيتى مثلا ) ما عدا شركه واحده هى شل

3- شل حددت المده 6 شهور .. و زيتها نصف تصنيعى Shell Helix HX7 10W-40 .. يوجد منه نوعين بريميوم ( ده جوده اعلى لزيت الاساس ) و عادى .. الاثنين حددوا المده 6 شهور
Find the right oil | Shell Global

4- شيرى ايضا لم تحدد المده .. برغم انها سمحت بزياده المسافه بوضوح ( مشروط )

5- كاسترول .. ليست لدى معلومات واضحه عن موضوع السنه ده .. فلا اعتبار له عندى حتى وضوح التساؤلات



الخلاصه

1- المسافه الواضحه المجمع عليها هى 5 الاف .. يشترك فى هذا التصنيعى 100% و النصف تصنيعى .. فهل فيه شيئ فى تصميم المحرك بيتسبب بملوثات لا تسمح ببقاء الزيت اكتر من كده ؟؟

تم مراجعه زيت موتول التصنيعى 100% 5W30 .. مواصفته عاليه SM و C3 .. و رقم ال TBN هو 7.4 ( متوسط القيمه .. ده بيؤثر مباشره فى مده بقاء الزيت ) .. و HTHS رقمه عالى 3.5 ده بيعبر عن كفاءه طبقه الزيت الرقيقه للحمايه
مذكور مسافه و مده بقاء الزيت حسب الكتالوج .. يمكن هو ده سبب انهم حطوا ال 5 الاف كم

شيرى اشترطت زيت عالى لمسافه ال 10 الاف .. فانا سأخذ كلام المهندس بوريو " ان الحاله الوحيده للخروج عن متطلبات الكتالوج هو ان الزيت نفسه يكون محدد صراحه مسافه اعل او مده اعلى " .. و يبقى هو ده الشرط اللى انت محتاج تحققه علشان تنفذ كلام شيرى .. السؤال هل كاسترول ماجنتيك حقق طلب شيرى !!


2- المده غير محدده فى الكتالوج .. و غير محدده من شيرى ( و دى غريبه ) .. و غير محدده من شركات الزيوت( و دى غريبه ) .. ما عدا شل حددتها ب 6 شهور لزيت نصف تصنيعى .. فانا سأخذ كلام المهندس بوريو " ان الحاله الوحيده للخروج عن متطلبات الكتالوج هو ان الزيت نفسه يكون محدد صراحه مسافه اعل او مده اعلى " .. ده هو الاختيار الامن


3- موضوع المده ده حيكون فى نقاش و توضيح من خلال المعلومات العامه علشان تقدر تختار لنفسك و تقرر صح

[tasaka]

النقطه دى محتاجه زياده توضيح

منين هو جاب مده السنه ؟؟

ال api sn انا لم اقرأ فيه سابقا مده محدده ( سنه مثلا ) و لكن بيتكلم عن مده مطوله لبقاء الزيت و لم يحددها

من اين اتى الكلام عن مده سنه .. منك اصلا ام من كاسترول ؟؟

تدقيق
اللى فاكره هو ان ACEA A3/B3 هو اللى بيتكلم عن جمله all Year Round ( حاجه بالمعنى ده )
بصراحه موش فاكر ال SN سمحت بسنه ام لا ؟؟ ( اعتقد احتمال ممكن ؟؟ بس موش متأكد )


بعد المراجعه ..
- الاستعمال طوال العام all Year Round .. محددها للزيوت منخفضه اللزوجه ( يعنى للمواتير اللى مصممه لاستخدام زيوت منخفضه اللزوجه .. زى A1 مثلا )
- و مده مطوله لبقاء الزيت .. بس برضه محدده بانها طبقا للكتالوج لو سمح بالامكانيه دى

A/B: gasoline and diesel engine oils
ACEA A1/B1 Category is removed with the ACEA 2016 Oil Sequences. From ACEA 2012: Stable, stay-in-grade oil intended for use at extended drain intervals in gasoline engines and car & light van diesel engines specifically designed to be capable of using low friction low viscosity oils with a high temperature / high shear rate viscosity of 2.6 mPa*s for xW/20 and 2.9 to 3.5 mPa.s for all other viscosity grades. These oils are unsuitable for use in some engines. Consult owner manual or handbook if in doubt.

ACEA A3/B3 Stable, stay-in-grade Engine Oil intended for use in Passenger Car & Light Duty Van Gasoline & Diesel Engines and/or for extended drain intervals where specified by the engine manufacturer, and/or for year-round use of Low Viscosity Oils, and/or for severe operating conditions as defined by the Engine Manufacturer.

[NaAZoOR]

أخدت جولة في ال oil selector بتاع كاسترول في عدة بلاد في كذا قارة و النتايج كانت متبابنة من edge 5w40 ل magnatec 10w40 & 5w30 ل gtx 10w40 & gtx extended/high milage 10w40 و أغرب النتائج كانت في روسيا magnatec stop start 5w20
و اعتقد ده راجع لنوع الزيت المتوفر في البلد دي.

[tasaka]

أخدت جولة في ال oil selector بتاع كاسترول في عدة بلاد في كذا قارة و النتايج كانت متبابنة من edge 5w40 ل magnatec 10w40 & 5w30 ل gtx 10w40 & gtx extended/high milage 10w40

اى دوله هى اللى اعطتك الايدج ؟؟

و أغرب النتائج كانت في روسيا magnatec stop start 5w20
و اعتقد ده راجع لنوع الزيت المتوفر في البلد دي.

غريبه طبعا .. بس ما تنساش ان روسيا فيها اماكن تحت الصفر بكتير اوى .. زى سيبيريا

يعنى لازم الزيت يحقق الحد البارد المناسب ( اللى قبل ال W ) علشان العربيه تدور بكفاءه فى ال Cold start

فاحتمال هى ده اللزوجه اللى حققت له المطاوب فى الماجنتيك .. او ان اللزوجه دى تكون افضليه متأخره من ضمن لزوجات اخرى .. علشان كل واحد يختار اللزوجه المناسبه لمكان اقامته ( لان روسيا مساحتها كبيره و فىها اماكن متطرفه المناخ )

و احتمال كبير جدا جدا جدا .. ان اللزوجه دى فى الماجنتيك حتكون نصنيعى 100% موش نصف تصنيعى .. و ممكن برضه يختار زيت 20 تقيل قريب من لزوجه ال 30

و برضه بعض شركات الزيوت لما يكون جو البلد تحت الصفر بكتير جدا جدا و اعلى درجه حراره بتكون فى حدود الصفر او 10 مئويه مثلا .. بتفضل انها تنزل باللزوجه اللى بعد ال W درجه واحده .. يعنى حتلاقى الشركات اللى فضلت لك احسن اختيار بانه 5W30 .. لو طبقت المبدأ ده و نزلت درجه واحده بسبب هذا المناخ الخاص جدا يبقى حتكون 5W20




انا برضه راجعت تانى بعض الزيوت لعربيتك و عربيتى .. علشان افهم

و راجعت الردود فى الموضوع .. و فيه تصحيح .. و فيه تدقيق .. لردين من ردودى

عايز اكتبهم بس بصراحه انا مرهق شويه من كام يوم ( علشان كده الردود لم تكن وافيه ) .. و علشان كده باراجع الردود و اصحح المطلوب

انا كنت سألتك عن طريقه كتابه الايميل لشيرى .. هل ابعت ايميل عادى ام لازم املئ الاستماره اللى فى الموقع بتاع شيرى ؟؟

[tasaka]

The Magnatec 10W-40 is specified as having API SN which is the highest spec available from the American Petroleum Institute for petrol vehicles.

It can do the 10k km/12 months with this specification

ده بقى استعباط على استهبال
اللى افهمه من الكلام ده
1- انه لم يتحدث عن كاسترول مباشره و انهم بيؤكدوا المده سنه و ال 10 الاف ( كاسم كاسترول )
2- هو ذكر مواصفه ال API SN .. و بعدها ربط المده سنه و ال 10 الاف كم بمواصفه SN فى سياق الجمله ( موش بكاسترول نفسها )
3- استعباطه ده مردود عليه بان امسويل XL .. مستوى خدمته SN و مدته 6 شهور ( امسويل زيوت متفوقه و ال XL تصنيعى 100% من اساس معدنى و اعلى من الزيوت المماثله زى الايدج و الالترا )
4- لما هو بالسهوله دى .. ليه كاسترول موش بتحط مده او كم فى موقعها !!

تدقيق
بعد مراجعه الصيغه .. كلمه it ممكن تعود على الاتنين .. API SN .. او Castrol Magnatec .. موش واضحه و مباشره علشان تقدر تجزم

- يعنى الاحتمال اللى انا فكرت فيه قائم .. و يمكن هو ده اللى جاء مياشره الى ذهنى بسبب ان دى قناعتى و اخر ما اعرفه عمليا عن الزيوت النصف تصنيعيه .. لكن الزيوت بتتطور بسرعه و كل شيئ جايز

- و ايضا الاحتمال الثانى قائم ( ممكن نفهمه بطريقه غير مباشره ) ..

اولا : انا لا اتذكر انى قرأت حاجه مباشره فى ال SN بتتكلم عن مده السنه دى ( بس موش متأكد 100% بصراحه )

فلو فعلا مواصفه ال SN مفيهاش المده .. يبقى فى الحاله دى حتكون المده راجعه اما الى ان كاسترول حددتها .. او انت فتحت النقاش ال 12 شهر و هما جاوبوا عليها

لكن الاوضح من كده انهم كانوا قالو مباشره كاسترول ماجنتيك بدلا من كلمه it .. بدون الصياغه الملتويه اللى تحتمل اكثر من معنى



تصحيح

- شل حددت المده 6 شهور .. و زيتها نصف تصنيعى Shell Helix HX7 10W-40 .. يوجد منه نوعين بريميوم ( ده جوده اعلى لزيت الاساس ) و عادى .. الاثنين حددوا المده 6 شهور

شل لم تحدد مده ال 6 شهور لعربيتك .. و بكده تكون كل الشركات و الكتالوج و شيرى لم يحددوا مده تغيير الزيت

اللبس جاء من ان ال 6 شهور دى كانت محدده من شل لعربيتى .. و شل اختارت نفس الزيت للعربيتين بس زادت انها حددت المده لعربيتى ..

لانى كنت باقارن كل شركات الزيوت لعربيتك و عربيتى علشان افهم هم بيحددوا المسافه و المده ازاى ؟؟ ..

و دى ساضعها فى الرد القادم

[tasaka]

مكرر

[tasaka]

فى البدايه ساوضح بعض المعلومات العامه ( القديمه ) المتعارف عليها .. و اصبحت من المسلمات

يجب ملاحظه ان الزيوت فيها تطورات سريعه .. و ايضا ان شركات الزيوت قد تقوم بتعديل تركيبه زيوتها كليا او جزئيا ( بدون الاعلان عن ذلك ) ..

و ده بينتج عنه اننا بتنكلم باخر معلومات متاحه ( قد تكون من عده اسنوات مثلا ) .. بينما قد تكون تركيبه الزيت تغيرت تماما مثلا

1- المسافه
- الاساس هى المسافه المحدده فى الكتالوج ( طبقا لمواصفه زيت محدده ) .. او من الشركه صانعه الزيت لو تم تحديدها رسميا فى مواصفه الزيت ( بشرط اساسى ان الزيت يكون متوافق مع متطلبات الكتالوج )

- الزيوت المعدنيه الجيده مسافتها بتترواح من 4 الى 5 الاف كم

- الزيوت التصنيعيه 100% من اساس معدنى مجموعه 3 .. المسافه 10 الاف كم و قد تصل الى 15 الف كم

- الزيت التصنيعى الحقيقى 100% مجموعه 4 او اعلى ..المسافه تبدأ من 25 الف كم .. و تصل الى 40 الف مع زيت امسويل سيجنتشر ( و ده اعلى زيت )

- الزيوت النصف تصنيعيه .. المسافه من 7 الاف كم و قد تقل عن ذلك او تزيد قليلا حسب جوده الزيت

- طبعا المواتير المجهزه لتحديد ميعاد تغيير الزيت فى العاده مسافتها اكبر من مسافه الزيوت التصنيعيه 100% من اساس معدنى مجموعه 3 .. لان كل من الموتور و الزيت ( الخاص ) بيكون مصمم لمده و مسافه طويله لبقاء الزيت


2- الزيوت النصف تصنيعيه ..
- نسبه الزيت التصنيعى المعتاده فيها بتتراوح من 20 % الى 30%


3- المده
- الاساس هى المده الحدده فى الكتالوج ( طبقا لمواصفه زيت محدده ) .. او من الشركه صانعه الزيت لو تم تحديدها رسميا فى مواصفه الزيت ( بشرط اساسى ان الزيت يكون متوافق مع متطلبات الكتالوج )

- لن تجد اجابه شافيه محدده مهما بحثت على الانترنت .. بل لن تجد اجابات وافيه مسهبه لشرح هذا الامر

- المده ترتبط اكثر بالاضافات اكثر من ارتباطها بجوده الزيت الخام ( ده المعتاد ) .. لكن ايضا الزيت وحده واحده فلذلك هى لها ارتباط وثيق بزيت الاساس
لكن بعض الشركات قد تفضل ( اقتصاديا ) انها توفر - فى زيت الاساس ( لبعض زيوتها ) و تعوض ده ببعض الاضافات ( لو وجدت التركيبه دى مجديه اقتصاديا ) .. يعنى الموضوع مفيش فيه اتجاه محدد تقدر تحس انه اتجاه عام عند الشركات

- بصفه عامه للحصول على مده اطول يمكن تصميم مجموعه الاضافات ( بالكميات اللازمه ) للحصول على المده المطلوبه من هذا الزيت .. بمعنى ان يمكن لزيت اقل فى الجوده ان يصمم للاستعمال لمده مطوله بينما زيت تانى اعلى فى الجوده من نفس الشركه يكون مصمم لحمايه و اداء متفوق و لكن لفتره قصيره .. و طبعا فى طرق اخرى غير كده للحصول على المده المطوله

- الزيت المعدنى .. مدته من 3 الى 4 شهور .. و ده هو اللى كان متداول فى امريكا لفتره طويله
- الزيت النصف تصنيعى .. مدته 6 شهور ( دى المده المتعارف عليها )
- الزيت التصنيعى 100% من اساس معدنى .. مفيش كلام شافى فى الموضوع ده
- الزيت التصنيعى الحقيقى 100% مجموعه 4 او اعلى .. المده سنه لكل الزيوت اللى شفتها و حددت المده بتاعته ( دى ملاحظه من مقارنه مواصفه الزيوت دى )

انا عن نفسى لو الزيت التصنيعى 100% من اساس معدنى مجموعه 3 .. و مستوى خدمته عالى ( جدا ) و متوافق مع المواصفتين الامريكيتين + المواصفه الاوروبيه ( بمستوى عالى جدا ) بشرط ان المواصفه الاوروبيه تكون ( المده المطوله )

يعنى يكون sn و gf5 .. و a5 .. و كمان لازم مع a5 انه يكون a3 علشان اضمن طبقه حمايه رقيقه مناسبه .. و ممكن استغنى عن a5 بمواصفه c3 لانها حتدى حمايه كويسه لان زيوتها بتكون تقيله فى تدرج نفس اللزوجه 30 او 40 مثلا

لو الزيت حقق ده .. ساغير هذا الزيت على مده سنه ( ده عن نفسى ) .. و سابدأ فى اختبار الزيت كل شهر بدأ من الشهر التاسع


4- المحركات
يعنى لم ابحث هذه النقطه بالتفصيل ( ارجو التصحيح لو انا اخطأت ) و لكن اعتقد طبعا تصميم المحرك سيؤثر اكيد فى مده بقاء الزيت .. و ساعطى امثله واضحه

- كتير من الزيوت بتشتغل ديزل و بنزين .. ستجد ان محركات الديزل القديمه التصميم بتغير زيت على فترات اقل .. بينما محركات الديزل الحديثه .. الزيوت عاليه المستوى المخصصه لها تستمر لمسافات كبيره جدا

- محركات التيربو ايضا تتطلب زيوت عاليه المستوى و اعتقد برضه لو الزيت منخفض الاداء سيحتاج تغيير على فترات اسرع

- المواتير الحديثه المصممه للتوافق مع المعايير البيئيه .. الزيت سيستمر لفترات اطول بكثير

- و احيانا فى ال Oil Selector بتاع بعض شركات الزيوت .. ستجد ان المسافه المسموحه بتختلف حسب المحرك لنفس الزيت


موضوع كاسترول ماجنتيك و ان الاضافات هى اللى بتدى الاداء .. ده كلام عام سليم .. بس ده سلاح ذو حدين .. خصوصا لما يكون الزيت معدنى .. و طبعا النصف تصنيعى به نسبه كبيره جدا من المعدنى .. ساوضح لاحقا

[tasaka]

ارجو من الاداره حذف الرد باعلى رقم 56

http://www.nilemotors.net/Nile/497052-516-post3876118914.html#post3876118914

لانى وضعته فى موضوع منفصل فى قسم زيوت المحركات لاستكمال مناقشه عامه هناك عن مده و مسافه تغيير الزيوت
و ده اسم الموضوع الجديد
مناقشه مفتوحه لمسافه و مده تغيير زيوت المحرك - و بعض المعلومات العامه

[tasaka]

انا راجعت ال Oil Selector لبعض الزيوت لفهم طريقه احتسابه للمسافه

و اعتقد انك بتفكر ان مسافه ال 5 الاف كم اللى كل ال Oil Selector بيدوها لك .. ان ده بسبب انهم بيأخذوا رقم المسافه من الكتالوج

ساوضح لك ما وصلت اليه من مثالين

1- زيت موتول

اعطت نفس الزيت كاول افضليه للعربيتين و هو 8100 Eco-clean 5W-30

لعربيتى اعطى لى مسافه 15 الف .. و ده طبيعى
لعربيتك اعطى 5 الاف .. و ده موش طبيعى لزيت تصنيعى 100% و مواصفتi عاليه SN و C2

فده يستبعد ان ال Oil Selector بيختار المسافه على حسب امكانيات الزيت نفسه .. لانه فى الحاله دى كان المفروض يختار لك برضه 15 الف كم



2- زيت شل

اعطت نفس الزيت كاول افضليه للعربيتين و هو نصف تصنيعى Shell Helix HX7 10W-40

لعربيتى اعطى لى مسافه 5 الف كم .. و ده موش طبيعى بالنسبه للكتالوج .. و موش طبيعى برضه لان موتول اعطانى 15 الف لزيت معدنى عنده ( موش نصف تصنيعى كمان ) .. و موش طبيعى برضه لان مواصفه الزيت فى الكتالوج عندى عاديه جدا ( يعنى موش مطلوب عندى تصنيعى 100% فى الكتالوج

لعربيتك اعطى 5 الاف

فده يستبعد ان ال Oil Selector بيختار المسافه على حسب الكتالوج .. لانه فى الحاله دى كان المفروض يختار 15 الف كم لعربيتى

و بيؤكد انه اختار المسافه على حسب امكانيات الزيت نفسه .. و رقم ال 5 الاف ده يمكن علشان امكانيات الزيت ده ضعيفه شويه برغم انه نصف تصنيعى



يعنى الكلام ده معناه انه بيدرس اداء زيت معين مع موتور معين و يشوف المتوقع حيكون ايه من التركيبه دى

الكلام ده يفيدك بايه ؟؟ .. يفيدك ان لازم الماجنتيك مع موتور الاسبرانزا 516 ( تحديدا ) .. يكون يقدر يمشى 10 الاف كم و يستمر سنه ..

يعنى موش مع موتور تانى ( اوروبى مثلا ) يكون بيحقق النتيجه دى .. لا لازم يكون مع موتورك انت بالتحديد

و لاحظ المواتير الاوروبيه بتتصمم لفترات تغيير زيت مطوله .. و احيانا مطوله جدا



لو دى عربيتى و ده قرارى حيكون الاتى :

1- كاسترول تعطى Clear Statement .. ( من غير it .. او لا API يقدر و لا ميقدرش ) .. ان كاسترول ماجنتيك يمشى 10 الاف و لمده سنه فى موتورى اللى رقم كوده هو كذا .. و كلمه واحده مختصره Yes or No بدون اى تفسيرات او توضيحات .. كلمه واحده فقط فى الرد Direct Clear Statement

و بعد التصريح الواضح ده .. افكر و اخذ قرارى ان كنت اثق فى كلامهم ام لا

2- لو مفيش التصريح المباشر ..يبقى انت مشيك 12 الاف فى السنه .. يعنى 6 الاف كل سته شهور ( و ده كتر من مسافه 75% الاستعمال العادى )

مشينا فى مصر كله شاق سواء للحراره او الوقوف المتكرر او الاتربه او الرحلات القصيره ..

يعنى المفروض 70% او 75% بالكتير من ال Normal use للنصف تصنيعى ( ده على اساس ان فيه 20% زياده لان مشيك دائرى )

يبقى حاغير على 6 شهور و مسافه 75% من الاستعمال العادى .. و هو ده المتعارف عليه للزيوت النصف تصنيعيه اللى لزوجتها عاليه نسبيا

لزوجه 10W40 على موقع انجلترا كانت لزيت واحد فقط من ماجنتيك ( موش GTX ) .. و ما كانتش Start Stop ( ما اعرفش اللى انت جبته ايه )

3- بعد كده ياما تستمر على كده او تشوف زيت تانى ارخص و تغير على 6 شهور نصف تصنيعى .. ده أأمن لان شيرى لم تحدد لك مده برغم انها رفعت الكم

فيه عربيات بتكون مصممه لزيوت عاليه المستوى علشان تحقق الحمايه المطلوبه .. اما عندك الحمايه المطلوبه محققه بزيت متوسط المستوى .. يبقى خلاص استعمل زيوت متوسطه و هى كافيه لحمايه موتورك .. و فى نفس الوقت مفيش مغامره بمده طويله ( غامضه ) قد تكون نتائجها عكسيه

اقرأ الموضوع ده لو حبيت
مناقشه مفتوحه لمسافه و مده تغيير زيوت المحرك - و بعض المعلومات العامه

[tasaka]

غريبه طبعا .. بس ما تنساش ان روسيا فيها اماكن تحت الصفر بكتير اوى .. زى سيبيريا

يعنى لازم الزيت يحقق الحد البارد المناسب ( اللى قبل ال w ) علشان العربيه تدور بكفاءه فى ال cold start

فاحتمال هى ده اللزوجه اللى حققت له المطاوب فى الماجنتيك .. او ان اللزوجه دى تكون افضليه متأخره من ضمن لزوجات اخرى .. علشان كل واحد يختار اللزوجه المناسبه لمكان اقامته ( لان روسيا مساحتها كبيره و فىها اماكن متطرفه المناخ )

و احتمال كبير جدا جدا جدا .. ان اللزوجه دى فى الماجنتيك حتكون نصنيعى 100% موش نصف تصنيعى .. و ممكن برضه يختار زيت 20 تقيل قريب من لزوجه ال 30

و برضه بعض شركات الزيوت لما يكون جو البلد تحت الصفر بكتير جدا جدا و اعلى درجه حراره بتكون فى حدود الصفر او 10 مئويه مثلا .. بتفضل انها تنزل باللزوجه اللى بعد ال w درجه واحده .. يعنى حتلاقى الشركات اللى فضلت لك احسن اختيار بانه 5w30 .. لو طبقت المبدأ ده و نزلت درجه واحده بسبب هذا المناخ الخاص جدا يبقى حتكون 5w20

تدقيق
برضه بعض شركات الزيوت ....................... بتفضل انها تنزل باللزوجه اللى قبل ال w درجه واحده

يعنى لو لزوجه الكتالوج 10 w بتفضل النزول بيها الى 5w ( لما يكون جو البلد تحت الصفر بكتير جدا جدا و اعلى درجه حراره بتكون فى حدود الصفر او 10 مئويه مثلا )

بس يظهر فى حاله روسيا انهم طبقوا المبدأ ده للرقم اللى بعد w كمان ( فى حاله خاصه )

[tasaka]

2- زيت شل

اعطت نفس الزيت كاول افضليه للعربيتين و هو نصف تصنيعى Shell Helix HX7 10W-40

لعربيتى اعطى لى مسافه 5 الف كم .. و ده موش طبيعى بالنسبه للكتالوج .. و موش طبيعى برضه لان موتول اعطانى 15 الف لزيت معدنى عنده ( موش نصف تصنيعى كمان ) .. و موش طبيعى برضه لان مواصفه الزيت فى الكتالوج عندى عاديه جدا ( يعنى موش مطلوب عندى تصنيعى 100% فى الكتالوج

لعربيتك اعطى 5 الاف

فده يستبعد ان ال Oil Selector بيختار المسافه على حسب الكتالوج .. لانه فى الحاله دى كان المفروض يختار 15 الف كم لعربيتى

و بيؤكد انه اختار المسافه على حسب امكانيات الزيت نفسه .. و رقم ال 5 الاف ده يمكن علشان امكانيات الزيت ده ضعيفه شويه برغم انه نصف تصنيعى

يزيد على كده كمان

ان شل حددت المده لعربيتى ب 6 شهور مع الزيت النصف تصنيعى ده .. ( الكتالوج عندى سنه )

و بالرغم من المده القصيره دى ( 6 شهور ) .. لم تحدد المده لعربيتك ( 6 شهور مثلا ) !!!! ؟؟



و لما يكون كتالوج شيرى بيقول 5 الاف كم .. يعنى زيت معدنى ( او على الاكثر نصف تصنيعى ) .. يعنى بالكتير 6 اشهر ان لم يكن اقل

بالرغم من كده .. شل برضه تجنبت اعطاءك مسافه ال 6 شهور !!!! ؟؟ .. و سمحت بيها لعربيتى

موش معنى ان شيرى سمحت ب 10 الاف كم انها سمحت بسنه .. فيه فارق بين السماح بمسافه و السماح بمده

يعنى ممكن تمشى 10 الاف كم فى 5 او 6 شهور .. و تبقى برضه داخل المده القصيره

حسب احد ردود المهندس بوريو على ما اتذكر .. كان بخصوص عربيه هونداى .. الكتالوج كان 10 الاف كم او 6 شهور