للـمـحـافـظـة عـلـى نـاقـل الـحـركـة الاتـومـاتـيـكـيـة

[mahmoud_nov1985]

merceeeeeeee kteer

[دينا أبوالعلا]

مرة اخرى اسف للتاخر فى الرد لانى كنت فى الاجازة السنوية

عزيزتى دينا المقصود من النقطة دى انه

مثلا انتى داخلة اشارة او عايزة توقفى السيارة الكثير يعمل الحركة دى يقوم ناقل الجير على الوضع P ودة خطأ لانة المحرك على سرعة مرتفعة والجير ايضا والوضع P يقوم بمنع السيارة من التحرك ولا يفصل الجير من التعشيق مع الموتور وبالتالى تتحمل تروس الجير تخفيض سرعة السيارة الى الصفر ودى مش وظيفة الجير يعنى ذى ما انتى ترجعى نقلة فى الجير العادى الطيب ايه هو الطريقة الصحيحة

1- تقومى بتخفيض سرعة السيارة عن طريق الفرامل

2- تضعى الجير على الوضع N

3- تدوسى وتشدى على الفرامل والفرامل اليدوية

4- واخيرا تضعى على الوضع النهائى P

تمنياتى بقيادة سليمة

متشكره جدااااااااااااااا علي المعلومات بجد وانا اللي اسفه علي التاخير في الشكر

[karimone]

شكرا كتير علي الموضوع المتميز

[احمد عبدالله]

بارك الله فيك

[دينا أبوالعلا]

كنت عايزه اسال لما ببقي واقفه بحط العربيه علي N واشيل رجلي من علي الفرامل لما باجي امشي ساعات بنقل علي D علي طول من غير ما احط رجلي علي الفرامل هو كده غلط

[Islam Amer]

لا تنسوا قراءه الفاتحه علي شهداء غزه الابطال

طب عايزين نعرف ازاي اشتغل علي الايزي ترونك بتاع الاوبل مانيوال وانا عمري مجربته انا عالطول شغال اوتوماتيك فياريت حد يشرحلي كيفيه السواقه بلمانيوال عشان نفسي اجربه ومتردد

وشكرا جدااا

[gomha]

كنت عايزه اسال لما ببقي واقفه بحط العربيه علي N واشيل رجلي من علي الفرامل لما باجي امشي ساعات بنقل علي D علي طول من غير ما احط رجلي علي الفرامل هو كده غلط

عزيزتى دينا
يجب ان تدوسى على الفرامل عند النقل بين وضعيات الجير الاتوماتك ان ما تقومى به خطأ كبير وسوف يؤدى الى تلف التروس وتكسرها

عند الوقوف قومى بالضغط على دواسه الفرامل وقومى بنقل ناقل الحركه للوضع N

مع الاستمرار بالضغط على دواسه الفرامل قومى برفع فرامل اليد (البريك)

ارفعى رجلك من على دواسه الفرامل ثم قومى بنقل وضعيه الجير الى p


والسبب في هذه الطريقه ان تجعل حمل السياره على البريك التي هي وظيفته الاساسيه

بينما لو قمت بنقل الجير الى الوضع P مباشره سوف تجعلى حمل السياره على الجير

معنى كلامى ما تقومى به خطأ النقل من N الى D اساسا خطأ يجب النقل من P الى D دى الطريقة الصحيحة

طيب نعمل اية اذا كانت اشارة والشارع مش زحمة يعنى الوقفة مش حاتطول بعض الناس تقول ان تخلى على الوضع D وتدوسى على الفرامل افضل من كثرة التغير بين التروس بس لازم تعرفى ان دة على المدى الطويل سوف يؤثر على الفحمات بتاعت الجير

يعني لما يكون الجير على وضعية P وعايزة تحركيه إلى وضعية R أو D فنصيحتي أنه يتم التبديل وبعدها يتم تحريرفرامل اليد( البريك )

السبب : عشان لما تحررى البريك قبل تحريك الجير والسيارة في مكان منحدر راح تتحرك شوية وتكون واقفة على P وده يؤدى الى تكسير التروس

لدى معلومة اخرى لكى ودى هدية لكي لأن اغلب الناس لاتستخدمها وهى عند الصعود اى المرتفعات كوبرى مثلا انقلى الجير الى D1 او D2 او D3 حسب سرعة السيارة

عند التغيير من P الى D أو العكس طبعا تمرى على R واذا كان التغيير بطي بيتعشق ال R فالنصيحة أن يكون التغيير سريعا نوعا ما

يهمنى اعرف نوع سيارتك الحالية


شكرا

[gomha]

طب عايزين نعرف ازاي اشتغل علي الايزي ترونك بتاع الاوبل مانيوال وانا عمري مجربته انا عالطول شغال اوتوماتيك فياريت حد يشرحلي كيفيه السواقه بلمانيوال عشان نفسي اجربه ومتردد

وشكرا جدااا

استاذ اسلام
السلام عليكم

شكرا لاهتمامك بالموضوع اتمنى ان تروح قسم الاوبل وتطرح السؤال بتاعك لانى لم اتعامل مع الاوبل من قبل

اذا لديك اى سؤال بالنسبة للسوبارو انا موجود
سيارتى الحالية سوبارو ليجاسى 2007 -2.5
سيارتى السابقة سوبارو ليجاسى 1998-2.0
سيارتى قبل السابقة سوبارو امبريزا1997-2.0

وشكرا

[دينا أبوالعلا]

[QUOTE=gomha;597370]

طيب نعمل اية اذا كانت اشارة والشارع مش زحمة يعنى الوقفة مش حاتطول بعض الناس تقول ان تخلى على الوضع D وتدوسى على الفرامل افضل من كثرة التغير بين التروس بس لازم تعرفى ان دة على المدى الطويل سوف يؤثر على الفحمات بتاعت الجير


انا اللي متشكره لانقاذك ليا وشكرا علي المعلومات القيمه بجد
انا عربيتي بيكانتو ومعلش معرفتش لما الطريق يبقي زحمه في ايه اعمله غير اني ادوس فرامل مدام ده بيضربرده :k30: ؟؟؟؟؟
عربيتي معهاش D1 &D2 وكده هيا فيها L &2&D وشكرا علي الهديه بس مش عارفه استخدمها ازاي معلش اسالتي كتير وتعبتك بس هنعمل ايه محدثين سواقه
اه ومعلش سؤال كمان امال كده بقي ايه وظيفة الN؟؟؟

[gomha]

[QUOTE=دينا أبوالعلا;598044]

طيب نعمل اية اذا كانت اشارة والشارع مش زحمة يعنى الوقفة مش حاتطول بعض الناس تقول ان تخلى على الوضع D وتدوسى على الفرامل افضل من كثرة التغير بين التروس بس لازم تعرفى ان دة على المدى الطويل سوف يؤثر على الفحمات بتاعت الجير


انا اللي متشكره لانقاذك ليا وشكرا علي المعلومات القيمه بجد
انا عربيتي بيكانتو ومعلش معرفتش لما الطريق يبقي زحمه في ايه اعمله غير اني ادوس فرامل مدام ده بيضربرده :k30: ؟؟؟؟؟
عربيتي معهاش D1 &D2 وكده هيا فيها L &2&D وشكرا علي الهديه بس مش عارفه استخدمها ازاي معلش اسالتي كتير وتعبتك بس هنعمل ايه محدثين سواقه
اه ومعلش سؤال كمان امال كده بقي ايه وظيفة الN؟؟؟

دينا لقد كتبت لكى الطريقة الصحيحة لكيفية التوقف ولكن اذا لم يمكن ذلك لقصر الوقت فاستخدمى الفرامل والضرر الذى يقع هو استهلاكى فقط لابد منه ولكن حاولى بس التقليل منه

بالنسبة ان ماعندكيش D1 ,D2 ان حرف L الترس الكبير سرعة قليلة وعزم اكبر ودة يستخدم فى الطلعات الصعبة اوى وتكون العربية مليانة اصحاب حتى لاتحملى الموتور وتضعية فى مواقف صعبة وتخلى الجبر يرجع التعشيقة

ان رقم 2 هو سرعة متوسطة وعزم متوسط ويستخدم للاحتفاظ بالسرعة فى الطلعات المتوسطة ايضا


حرف N هو فصل الجير عن الموتور يعنى العربية عطلت وعايزة تنقليها على جنب تضعى على N

لكى حرية ان تسألينى فى اى وقت ومرحبا بكى وسوف احاول ان ارد عليكى

لاتنسى ان تغيرى فلتر زيت الجير كلما غيرتى الزيت
وشكرا

[دينا أبوالعلا]

شكرا للنصائح ومعلش تعبتك
ممكن تبقي تعمل كورس في التعامل مع الاوتوماتيك بالكامل لان واضح ان الموضوع مش سهل انا اول مره اعرف ان الواحد فالاتوماتيك ممكن التروس تكسر منه وبجد موضوعك فادني كتير واكيد افاد ناس كتير
وانا ابتديت اقلق ويا ريت كل واحد معاه اوتو يقول بيتعامل ازاي مع معاها عشان لو في حاجه غلط نستفاد منها كلنا والصح نعرفه ويبقي الموضوع مرجع لينا

[kantalub]

السلام عليكم ورحمة الله وبركاته :-

"2- مراعاة عدم تبديل ناقل الحركة من D إلى R بدون توقف .
وذلك تلافيا ً لحدوث أضرار بتروس ناقل الحركة فإن هذا الفعل يحدث ضغط على الترس
والملاحظ على كثير من الشباب عدم الاهتمام بهذه النقطة وأيضاً كبار السن لجهلهم بما ينتج
عن ذلك من أضرار وقد يؤدي هذا إلى تلف إحدى التروس ناقل الحركة ,وبالتالي الحكم على المركبة
بأنها رديئة أو أنها غير عملية وأن جودتها قليلة وهو في الإصل ناتج عن سوء إستخدامه"


معلش مش قادر افهم النقطة دي كويس . . معني كده اني لازم استني في كل نقلة علي الاقل حركة نصف ثانية يعني . . ولا أسرع من كده . . ؟!

2- هل لازم اني ادوس علي الفرامل في الهيدروماتيك في كل نقلة انقلها ؟؟

3- ممكن بدال ما انقل من D علي N علشان اوقف العربية .. ارفه الهاند بريك وهي علي الD وبعدين انقل علي ال P ومش شرط اني انقل علي الN خالص . . كلامي صح ولا غلط لاني قريتها عندي في دليل المالك تبع اللانسر ؟؟

4- في دليل المالك برضه قايل اني لما اجي انقل الترس من D لل N // او من N الي D يستحب اني ما اضغطش علي الزر الموجود في ناقل التروس " الفتيس " .. بس كتير بنسي ودايما بضغط عليه في كل النقلات . . هل ده يضر بالفتيس ولا لا ؟؟

5- عند الركن بنقل الترس ما بين D ,R اكتر من مرة وفي وقت قليل برضه علشان اركن .. هل ده يأثر علي جودة ناقل الحركة ولا لا ؟؟

6- ايه الافضل في الركن لمدة قصيرة يعني فترة دقيقتين الN او D ??


-=- موضوع جميل ومفيد وفي انتظار الاجابة -=-

[دينا أبوالعلا]

الحمد لله ان حد غيري سال بقيت حاسه اني ممله اسئلتك مفيده جدا وكنت ناويه اسئل علي حاجات منهم حد يفيدنا بقي يا gomha الحقنا بالنصيحه

[gomha]

السلام عليكم ورحمة الله وبركاته :-

"2- مراعاة عدم تبديل ناقل الحركة من D إلى R بدون توقف .
وذلك تلافيا ً لحدوث أضرار بتروس ناقل الحركة فإن هذا الفعل يحدث ضغط على الترس
والملاحظ على كثير من الشباب عدم الاهتمام بهذه النقطة وأيضاً كبار السن لجهلهم بما ينتج
عن ذلك من أضرار وقد يؤدي هذا إلى تلف إحدى التروس ناقل الحركة ,وبالتالي الحكم على المركبة
بأنها رديئة أو أنها غير عملية وأن جودتها قليلة وهو في الإصل ناتج عن سوء إستخدامه"


معلش مش قادر افهم النقطة دي كويس . . معني كده اني لازم استني في كل نقلة علي الاقل حركة نصف ثانية يعني . . ولا أسرع من كده . . ؟!

2- هل لازم اني ادوس علي الفرامل في الهيدروماتيك في كل نقلة انقلها ؟؟

3- ممكن بدال ما انقل من D علي N علشان اوقف العربية .. ارفه الهاند بريك وهي علي الD وبعدين انقل علي ال P ومش شرط اني انقل علي الN خالص . . كلامي صح ولا غلط لاني قريتها عندي في دليل المالك تبع اللانسر ؟؟

4- في دليل المالك برضه قايل اني لما اجي انقل الترس من D لل N // او من N الي D يستحب اني ما اضغطش علي الزر الموجود في ناقل التروس " الفتيس " .. بس كتير بنسي ودايما بضغط عليه في كل النقلات . . هل ده يضر بالفتيس ولا لا ؟؟

5- عند الركن بنقل الترس ما بين D ,R اكتر من مرة وفي وقت قليل برضه علشان اركن .. هل ده يأثر علي جودة ناقل الحركة ولا لا ؟؟

6- ايه الافضل في الركن لمدة قصيرة يعني فترة دقيقتين الN او D ??


-=- موضوع جميل ومفيد وفي انتظار الاجابة -=-

وعليكم السلام والرحمة

الرد على السؤال الاول انه السيارة من صنع الانسان وبالتالى الكمال لله وحده

يجب ان تتوقف تماما ونهائيا واذا كنت عند منطقة منحدرة ان ترفع الهاند بريك وتضغط على الفرامل لتنقل الحركة من D الى R او العكس

بالنسبة لطريقة النقل الصحيحة راجع الموضوع وسوف تجد ما يرد على سؤالك

النقل من D الى N يقوم بتحرير الجير عن الموتور وبالتالى يمكنك من التصرف بدون تسرع ولكن الطريقة التى ذكرتها يمكن استخدامها بس بشرط ان تدوس على الفرامل وتكون فى حالة ثبات وتوقف تام

لا اعرف عن اى زر تتكلم عنة راجع منتدى اللانسر
ومن قال لا اعرف فقد أفتى
لان دة يعتمد على نوع اللانسر التى معك وسنة الموديل

طريقة استخدامك للجير هى بس التى تؤثر على الجير وليس عدد مرات النقل والنصيحة البسيطة جدا لك هى كما ذكرت سابقا التوقف التام

خذ كل الوقت الذى تحتاجة للركن

نصيحة اخيرة اذا قمت بالنقل وشوفت بان الجير مش عايز ينقل معاك فاعرف انك قد ارتكبت خطأ ما وبالتالى لاتحاول الضغط على الجير وراجع نفسك

تفضل دليل اصلاح لانسر 2008 الجديدة شارك

http://rapidshare.com/files/119843875/Mitsubishi_Lancer_X_Workshop_Manual_2008-.rar.html

وشكرا

[gomha]

الحمد لله ان حد غيري سال بقيت حاسه اني ممله اسئلتك مفيده جدا وكنت ناويه اسئل علي حاجات منهم حد يفيدنا بقي يا gomha الحقنا بالنصيحه

عزيزتى دينا كما قلت لكى سابقا لكى حرية التواصل وتكرار السؤال معى بس اعذرينى اذا تأخرت شوية فى الرد عليكى بسبب العمل

نصيحة
اذا قمتى بوضع الجير على D وبدأتى بالتحرك لا تظغطى على البنزين مرة واحدة حتى لا تجعلى الجير ينقل من الاول الى الثانى بسرعة ودة سوف يؤثر على الجير وطبعا استهلاك البنزين بل اجعلى الدوسة خفيفة الى ان تشعرى ان السيارة تتجاوب معاكى بصورة جيدة فاخذى حريتك

القيادة السليمة هى اسرع طريق للوصول بسرعة

وشكرا

اليوم قمت بتجربة نيسان ألتيما 2009 روعة فوق الخيال