للـمـحـافـظـة عـلـى نـاقـل الـحـركـة الاتـومـاتـيـكـيـة

[gomha]

شكرًا على الموضوع القيم

طيب لو أنا واقف في إشارة لمدة دقيقة أو دقيقتين

أعمل ايه أنقل على وضع البارك ولا أضغط فرامل والجير على وضع الدرايف

أرجو الإفادة

ان استخدام الفرامل كثيرا سوف يوثر على الفحمات وتتاكل ودة ذى بالضبط فى الجير العادى من يستخدم الدبرياج لوقف السيارة بدون ما يفك التعشيقة وفى ناس بتعمل دة كتير فى الزحمة

[gomha]

النقل صحيح من
D ثم N ثم P

والعكس غير صحيح لماذا ؟؟
من P ثم N ثم D

انا لم اقل ذلك

p ثم n ثم d


مثل



d ثم n ثم p




اين الفرق رؤاجع الموضوع تانى

[gomha]

هل يصح أن أقف طويلا أو أترك السيارة على N ؟؟ ولماذا ؟؟

اترك السيارة عل n قدر ما تريد بس سؤال اذا كان الطريق غير مستوى يعنى نازل او طالع حا تعمل اية

[gomha]

عنذ الزهاب من D إلى N أو العكس ..
لابد من المرور على R ..
طب كده لازم R هتتعشق بدون إرادتى ..؟؟
المطلوب السرعة فى النقل .. سرعة أد أيه يعنى ؟؟

سرعة يدك عزيزى فى النقل

[gomha]

السرع المثالية 100 أيه ؟

يعنى لا تنقل على السرعة اليدوية والعداد ازيد من 100

[mga747]

اترك السيارة عل n قدر ما تريد بس سؤال اذا كان الطريق غير مستوى يعنى نازل او طالع حا تعمل اية

هشد فرامل اليد ..!!

[mga747]

لو أنا ظاغط على الفرامل والسيارة واقفة ونقلت من
D الى R مباشرة ..؟؟

[mga747]

لو أنا ضاغط على الفرامل والسيارة واقفة ونقلت من
R الىp مباشرة ..؟؟

[mostafa_hbk]

شكرا ع المعلومات

[Dr.SherifMansy]

موضوع رائع و لك جزيل الشكر على مجهودك
بس لو تسمحوا لى اضيف بعض المعلومات من خبرتى المتواضعة

كنت عايزه اسال لما ببقي واقفه بحط العربيه علي N واشيل رجلي من علي الفرامل لما باجي امشي ساعات بنقل علي D علي طول من غير ما احط رجلي علي الفرامل هو كده غلط

لو العربية واقفة تماما مافيش مشكلة ، الخوف انها تكون بتتزحلق (حتى لو ببطء) الى الخلف و هنا لما تنقلى D بيحصل عكس مفاجئ فى اتجاه الحركة و هو ده اللى غلط

طيب نعمل اية اذا كانت اشارة والشارع مش زحمة يعنى الوقفة مش حاتطول بعض الناس تقول ان تخلى على الوضع D وتدوسى على الفرامل افضل من كثرة التغير بين التروس بس لازم تعرفى ان دة على المدى الطويل سوف يؤثر على الفحمات بتاعت الجير


انا اللي متشكره لانقاذك ليا وشكرا علي المعلومات القيمه بجد
انا عربيتي بيكانتو ومعلش معرفتش لما الطريق يبقي زحمه في ايه اعمله غير اني ادوس فرامل مدام ده بيضربرده :k30: ؟؟؟؟؟
عربيتي معهاش D1 &D2 وكده هيا فيها L &2&D وشكرا علي الهديه بس مش عارفه استخدمها ازاي معلش اسالتي كتير وتعبتك بس هنعمل ايه محدثين سواقه
اه ومعلش سؤال كمان امال كده بقي ايه وظيفة الN؟؟؟

عند الوقوف فى الأشارات :
لو ثوانى الى دقيقة او اثنين ممكن نفضل على D مع الضغط بقوة على الفرامل
ممكن فى كل الأحوال نضغط على الفرامل حتى تتوقف العربية و ننقل و هى متوقفة تماما الى N و نفضل ضاغطين دواسة الفرامل لمنع الحركة (العربية بقت حرة فممكن تتحرك) او نشد فرامل اليد و نرفع رجلنا عن الفرامل لو عايز اريحها

و قبل ما اتحرك ادوس فرامل تانى و افك فرامل اليد و انقل (وانا دايس فرامل) D و ابتدى اتحرك عادى خالص

السلام عليكم ورحمة الله وبركاته :-

"2- مراعاة عدم تبديل ناقل الحركة من D إلى R بدون توقف .
وذلك تلافيا ً لحدوث أضرار بتروس ناقل الحركة فإن هذا الفعل يحدث ضغط على الترس
والملاحظ على كثير من الشباب عدم الاهتمام بهذه النقطة وأيضاً كبار السن لجهلهم بما ينتج
عن ذلك من أضرار وقد يؤدي هذا إلى تلف إحدى التروس ناقل الحركة ,وبالتالي الحكم على المركبة
بأنها رديئة أو أنها غير عملية وأن جودتها قليلة وهو في الإصل ناتج عن سوء إستخدامه"


معلش مش قادر افهم النقطة دي كويس . . معني كده اني لازم استني في كل نقلة علي الاقل حركة نصف ثانية يعني . . ولا أسرع من كده . . ؟!

2- هل لازم اني ادوس علي الفرامل في الهيدروماتيك في كل نقلة انقلها ؟؟

3- ممكن بدال ما انقل من D علي N علشان اوقف العربية .. ارفه الهاند بريك وهي علي الD وبعدين انقل علي ال P ومش شرط اني انقل علي الN خالص . . كلامي صح ولا غلط لاني قريتها عندي في دليل المالك تبع اللانسر ؟؟

4- في دليل المالك برضه قايل اني لما اجي انقل الترس من D لل N // او من N الي D يستحب اني ما اضغطش علي الزر الموجود في ناقل التروس " الفتيس " .. بس كتير بنسي ودايما بضغط عليه في كل النقلات . . هل ده يضر بالفتيس ولا لا ؟؟

5- عند الركن بنقل الترس ما بين D ,R اكتر من مرة وفي وقت قليل برضه علشان اركن .. هل ده يأثر علي جودة ناقل الحركة ولا لا ؟؟

6- ايه الافضل في الركن لمدة قصيرة يعني فترة دقيقتين الN او D ??


-=- موضوع جميل ومفيد وفي انتظار الاجابة -=-

عزيزى .. D و R نقلات فى اتجاهين متعاكسين و لا يجوز تحت اى ظرف من الظروف النقل بينهم مباشرة الا بعد التوقف التام و الحفاظ على دواسة الفرامل مضغوطة الى آخر مشوارها تجنبا لتلف الجيربوكس

طبعا مش لازم تدوس على الفرامل بين كل نقلة و التانية
ممكن تنقل من L الى 2 ثم الى 3 (لو موجودة النقلات دى عندك) او تنقل من L او 2 او 3 الى D مباشرة بدون مشاكل
من الآخر لو بتنقل من نقلة واطية الى الأعلى منها (مثلا L الى D مباشرة) مافيش مشاكل ..العكس هو اللى ممكن فى ظروف معينة قليلة و غيرها يبقى غلط

استعمال فرامل اليد فقط مع D مش صح لأن ممكن العربية تتغلب عليها و تبدأ فى الحركة ، راجع دليل المالك جيدا
توقف تماما باستعمال دواسة الفرامل و انتقل من D الى N او الى P مباشرة ، لا يهم ، المهم هو التوقف التام قبلها مع الأستمرار فى ضغط الفرامل حتى اتمام النقلة المطلوبة

مش مكتوب مستحب او لأ ، ممكن تنقل بين D و N او بالعكس بالضغط على الزر او لأ بدون مشاكل المهم التوقف التام
هى الفكرة بتاعته انك تنقل بينهم من غير ما تضغط الزر ليها سبب بسيط:
طول ما انت مش بتضغط الزر تقدر تنقل بين دول بس لكن لو غلطت و حاولت تنقل لأى نقلة تانية (بالغلط و بدون قصد) زى R مثلا لا يمكن يحصل و لكن لو دايس على الزر ممكن لا قدر الله تنقل غلط و ساعتها ممكن الجيربوكس يبوظ

عند الركن تنقل كما تريد بين D و R و لكن تأكد من التوقف التام قبل النقل

اولا شكرا لحضرتك على سرعة الرد .....واعذرني لجهلي في الاوتوماتيك حيث اني حديث العهد في استخدامه (منذ شهرين) وقبل ذلك كنت امتلك سيارات مانيوال........ وسؤال اخر لو سمحت ...عند استخدام النقلات 1,2,3 ...هل لو انا ماشي على الd وقابلت مطلع كوبري انقل الى 1او 2 او3 ...ولا لازم اوقف العربيه اولا وبعد كده انقل على 1 ....وشكرا

ممكن النقل من الواطى للعالى زى ما ذكرت بدون توقف
و لكن لو ماشى على D و قابلت كوبرى و حسيت ان العربية مش واخدة راحتها فى السحب يبقى ممكن تنقل للنقلة الأقل بدون توقف مع مراعاة تناسق السرعة مع النقلة اللى هاتنقل ليها
مثلا 3 يعنى آخر نقلة هنا هى الغيار الثالث يعنى لو هاتنقل ليها من ال D لازم تكون سرعتك تقريبا 50-60 او اقل
و لو هاتنقل ل 2 يبقى 30-40 او اقل
و لو هاتنقل الى 1 او L يبقى اقصى سرعة 30
ملحوظة : لا يجوز تجاوز السرعات المذكورة طول ما انت على النقلة اللى قلنا الحد بتاعها ، يعن لو سايق على 1 او L يبقى مش لازم تسوق على سرعة اعلى من 30

هل يصح أن أقف طويلا أو أترك السيارة على N ؟؟ ولماذا ؟؟

ممكن بس لازم تمنع العربية من الحركة باستعمال الفرامل او فرامل اليد

يعنى لا تنقل على السرعة اليدوية والعداد ازيد من 100

راجع الحد لكل نقلة فى الأعلى

لو أنا ظاغط على الفرامل والسيارة واقفة ونقلت من
D الى R مباشرة ..؟؟

طالما واقفة تماما مافيش مشكلة بس لازم تفضل ضاغط على الفرامل و انت بتنقل

نقطة اخيرة مهمة
بعض الناس بتنقل من D الى N و هو ماشى فى المنازل او الملفات (بحجة السيطرة الأحسن على العربية و تجنب الأذى للكبالن) و بعدين يرجع ينقل D ، الحركة دى وحشة جدا و ممكن تبوظ الجيربوكس
و زيها اللى بيحاول يعمل Burnout (الطلعة الأمريكانى) و دى صعبة فى الأوتوماتيك فيجيب N و يعمل rev up للموتور (يدوس بنزين جامد يعنى) و فجأة ينقل D علشان يعمل الطلعة الأمريكانى ، الحركة دى اسمها "Neutral Drop Out" و دى ممكن تدمر الجيربوكس ... برجاء تجنبها تماما
ارجو ان اكون قدمت بعض المعلومات المفيدة و ووضحت بعضها الآخر
و تحياتى

[Dr.SherifMansy]

ألف شكر على المعلومات .
ولو ممكن حد يعرفني كيفية قياس مستوى زيت الجير بالنسبة للانسر بومة 2008 أين يوجد المقياس وكيفية القياس وألف شكر لكم جميعاً .

فى الموتور ها تلاقى راس مدورة لونها لبنى مكتوب عليها ATF و ده اختصار Automatic Transmission Fluid و ده قبل ما تشوفه لازم تنقل رايح جاى و العربية واقفة بين غيارات الأوتوماتيك و بعدين تحطها على ال P ثم تسحبه و تشوف المقياس و له وضعين
L , H لو العربية باردة و زيهم بس المكان متزحزح شوية لو العربية سخنة
طبعا لازم المقاس يكون بين الأثنين او ناحية الH بس مش لازم يقل
ارجو ان اكون قد افدتك يا اخى العزيز ، و على فكرة الكلام ده كله فى دليل المالك
و تحت امرك فى اى استفسار او مساعدة
و تحياتى

[gomha]

شكرا على الاضافة للموضوع
Dr. Sherif Mansy

[Ayman_52]

الصراحه موضوع جامد جدا جدا جدا

وفيه كميه معلومات كتيره جدا

الف الف شكر لصاحب الموضوع ولكل من ساهم باضافه معلومه

تحيـــــــــــاتـــى

[Eslam.Elrefaey]

شكرا على المعلومات

[elmadawy]

شكرا علي الموضوع