ما هي عيوب الأوبترا حتي الآن في نظر مالكيها ؟؟؟؟؟؟؟

[aymansaad]

الصاج خفيف وميستحملش

[mirageman]

خفيييييييييييييييييييييييييييييييييييييييييييييييي ييييييفة
متحاولش تجري بيها وهي مش محملة 4 على الاقل
ومتحاولش تجري بيها خالص على الاوتوستراد

[arakysolom]

السلام عليكم
احب اوضح بصفتي من ملاك العربية
الصاج عموما بتاع العربية ضعيف جدا فيما عدا الرفارف اما الباقي لو حد سند عليه بيطبق فانا عندي نقرة في اسفل الباب بسبب ان واحد فتح بابه جنبي وصاج السقف بيلب معاك لو دست عليه بايدك اما الكبوت فهو ضعيف جدا ده لما البواب بيمسح العربية مرة سند بايده علي الكبوت عشان يمسح الزجاج راح مطبق حته من الكبوت ومش عارف دي تتصلح ازاي
انا كان عندي لانوس صاج السقف او الكبوت او حتي الابواب اقوي بكتير من الاوبترا بس كانت الرقارف الامامية ضعيفة جدا .
انا رأيي ان الاوبترا الاوتوماتيك صفقة كويسة و ليس المانيوال بس عيبها الحقيقي هو التوكيل ( لا يوجد احترام لمصداقية العميل - التهرب من اصلاح العيب الا بعد محاولات كتيرة -كترة الاجراءات حتي يتم معرفة سبب المشكلة اما بسبب الجهل و عدم الخبرة او للمراوغة حتي تصل للملل )
مميزات العربية الوسع الداخلي - الثبات لحد 140 - اداء موتور جيد جدا -محدش اشتكي من الجيربوكس الاوتوماتيك بتاعها
استعن بالله و حدد احتياجاتك الفعلية و فكر في بدائل اخري وصلي استخارة و ربنا يهديك للأنسب

[handasa]

sunny is better than optera

[dark_smoky]

sunny is lower than optra

[chicobon]

بس مش غريؤة ان سعر الاوبترا نفس سعر النيسان صني و الاتنين نفس الفئة بس وحدة كوري و التانية مكونات يباني و تجميع مصري طيب مين يكسب

[mekkawy0]

أنا في حاجتين هايفين جدا مضايقني في العربيه:
1- مكان زرار المرايات; لازم تطلع بجسمك كله للأمام علشان تطول الزرار.
2- الحلية اللميعه اللي على الكونسول أمام الراكب الأمامي بيعكس ضوء العواميد. هو خفيف بس بيحسسني إن ده نور عربية تانيه.

غير كده، العربية أساسياتها زي الفل. أنا عامل بيها 6000 كلم و كل حاجه تمام.

[TAMERSHAFIK509]

يا جماعه اداء السياره بعد استخدام ثلاث سنوات زى الفل وجميع اليارات الجديدة صاجها ورق

[mo7elmy]

طب انت يا استاذ تامر عربيتك مانيوال ولا اوتوماتيك ؟

[SeKoMaRo]

يا جماعة العيب الفعلى فى الاوبترا هوه التكييف
وده مبيظهرش إلا بعد فترة (على حسب الاستخدام)

[sh3sh3]

بص ياباشا العربية جميلة جدا على سعرها وحكاية الصاج وما الصاج كل العربيات ياباشا (ورق خفيفة) مش زي العربيات الامريكي زمان اللي هيا amrecan muscualls لا كللة ورق سواء الانترا لانسر
وبعدين الفرق بيتن الاوبترا والالنترا ان تابلو الالنترا فخم شوية هيا دي اللي تفرق لكن الاوبترا بصراحة عربية جميلة جدا وربنا يوفقك وتشتريها

[hema_fg2]

مصطفى بكرى باشا.....انا كنت زيك كده وفكرت لغايه لما جبت الاوبترا اتوماتيك هيا كويسه جدا جدا بس الصاج مش ناشف اوى لان الجديد كله كده وانا لسه مش عديت 5000 بس كل المشكله الى قابلتنى فى العربيه انا بتاكل بنزين كتيييييييييييير جدا عربيه عاوزه بنزينه خاصه بيها مش عارف بقى ده عيب فى العربيه ولا الاوبترا كده اصلا انا رايح التوكيل اعمل صيانه 5000 هشوف الكلام هناك ايه وابقى ابعتلك تقرير بعد اما اشوف الصيانه هناك....

[mohamedaghali]

ماهو المشكله ان لما حد تحصله مشكله فى عربيته
يقوم يعمم ويقول الاوبترا دى كذا وكذا
مع ان ممكن تكون المشكله اللى عنده حاله فرديه
او عربيته فيها حاجه مش مظبوطه
او شاريها مستعمله وطلعان عينها
او شاريها من معرض وكان العربيه ملعوب فيها ولا متنيله بنيله
او مبيعملهاش الصيانه
كل دى احتمالات وارده
واللى بيحصله مشكله بتبقى يا اما اهمال او غلط منه
او نصيبه ان عربيته فيها عيب معين
انا مش بادافع عن الاوبترا وخلاص
بس مفيش عربيه ملهاش عيوب
والحمد لله الاوبترا من العربيات اللى عيوبها قليله جدا مقارنة بعربيات كتير

متفق معاك ,خصوصا للناس اللى بتقول صاجها ضعيف , معلش اصلها مش تريلا ولا المفروض انى ادخل بيها فى الحيط علشان يبقى صاجها زى الفل انا عن نفسى الغربيه قعدت معايا 3 سنين ممرمطه و ما اشتكتش وجبت واحده تانيه لانها بتستحمل جدا لانى بسافر ارض زراعيه باستمرار , لان طول ما الوحد بيحافظ على العربيه هى بيتحافظ عليه و بلاش نتكلم اى كلام لان بصراحه كلمه صجها ضعيف ديه حسيستنى انها ورق امال الهيونداى تبقى ايه.

[auto5truck]

يا جماعة العيب الفعلى فى الاوبترا هوه التكييف
وده مبيظهرش إلا بعد فترة (على حسب الاستخدام)

ما هو العيب فى التكييف؟

[megahed124]

[QUOTE=mido777;120130]بص انا معايش اوبترا بس ركبتها كتير

وشايف انها عربية كويسة بس عيبها (من وجهة نظرى الشخصية) ان تابلوها فقير شوية بمعنى انك تحس انه شبه عربيات كتير وخصوصا النوبيرا

وطالما انك لسه فى مرحلة التفكير - بص على الألنترا برضه
واستنى شوية على الناس مش كله حيرد على طول او انهم معندهمش معلومات يقدروا يفيدوك بيها[/QU



ده كلام ممتاز و انا موافق عليه تماما بس برده ممكن تبص على النيسان