●البقاء لله اوبل توفت ومثيلاتها فمصر●!!؟؟

[احمد فهمى]

انا معاك ان العربيات الاوبل بتصرف و ممكن توصل لخراب البيوت

معاك انها مش مناسبه لمصر

لكن عجله بسنادات لا بصراحه و الاسترا لا تقارن بالاند كروزر ... ولا اه ؟ الاسترا تقارن بالكورولا

لكن كل حاجه وليها تمن مفيش عربيه كامله حاجه على حساب حاجه

والاختيار ليك فالاخر

وسيله مواصلات فقط الفرنا انسب عربيه

لكن هوايه سواقه العربيات التقيله ليه تمن لمن يقدره او بيحبه او اختاره

ابو حميد فينك واحشنا انت ومواضيعك اللى فاتحه نفسي فى القسم فينك فمصر والا لسه بره؟؟ اتمني تكون بصحه وخير..
وبالنسبه للموضوع انت طبعآ كمت من ضحايا الايزي ترونيك والفيكنرا سي والاسترا وعارف منصور عمل ايه معانا وكل عربيه لها ايجابيات وسلبيات لكن بشكل مجمل فاكر ردك لواحد بيسأل على فيكترا وستعمله وانت قولتلو استعيذ بالله من الشيطان وده كان فى الصميم وطبعآ ﻷنك فاهم عواقب الموضوع فى الالماني المستعمل يعنى زمان كانت الفيكترا بي عربيه والكرولا والايلانترا فعلآ عجل بسنادات جنبها لكن حاليآ جيب الاسترا مثلآ وقارن فى السلامه مع الكرولا هتلاقى الكرولا عادي واخده 5 نجوم فى الامان وثابته ومريحه جدآ وصفر مشاكل طيب ايه يجرينا ورا عربيه كلها مشاكل واعطال وهى لسه فى السنين الاولي ويطلع واحد يقولك بتكركر بس معلش اصلو مش عارف الكركره دى ايه بس بكره يعرف وطبعآ انا بقارن الاسنرا مش بالاند كروز بس بوضح للزميل موقفي فى الشراء وده لطبيعة عملى لكن لو فى نفس الفئه السعريه وضحت هشتري ماذدا 3 او هوندا سيفك ودول افضل الف مره ولو حد جربهم وجرب الاسترا هيفهم قصدي

[احمد فهمى]

يعنى حضرتك شايف إنك كدة موضوعى وواقعى.....؟؟
عجل بسنادات.....؟؟؟!!!!

بشكل مجازي

يا سلام
اسبرانزا.......!!!!
ده برضو موضوعى وواقعى......؟؟؟؟

بصراحه ؟ لو هتقارن زيارات مالك الاسبرنزا للوكيل ومالك اوبل يبقى الاسبرانزا تكسب

[احمد فهمى]

أهلا وسهلا بيك كمنسق ﻷوبل .. لكن الموضوع مالوش دعوة ولا علاقة بإني بأسوق أوبل من إمتى ولا إني منسق أوبل أو ﻷ .. :)



وانت بتقول إنها عجلة بسنادات .. عشان كده بالنسبالي ده بيأكدلي إن كلامك بعيد عن الموضوعية تماما :) .. يعني انت مش حاسس بمبالغة في السنادات والعجلة والكلام ده :) .. ﻷن ناس كتير من ملاكها وأنا واحد منهم بنقولك الحمد لله العربية إجمالا جميلة جدا. . ويا سيدي متزعلش نفسك لو اﻷوبل مضايقاك إدي تنسيق القسم لحد تاني . وامسك انت منسق ﻷي عربية ياباني أو كوري ..:)

له علاقه مباشره طبعآ انك تكون متابع ومختبر موديلات الشركه على مر السنين وتكون مقدر نسبة الاعتماديه فى كل موديل وتعرف انها انحدرت بشكل فج ... وكمنسق لو مش موضوعى هطبل ﻷوبل زي ما كتير بيعملو فى مواقع وصفحات على الفيس بوك لكن الحق حق ودى عمليه حسابيه مش اكتر وطبعآ ببساطه ممكن ارد عليك انك مش موضوعي وعشان راكب موديل من اوبل فمتعصب له وبتدافع عن عربيتك مش اكتر كنوع من الراحه النفسيه لكنى لا اتهكم على نوايا الاخرين او اتجاهاتهم وموضوع عجله بسنادات مجازي وله هدف يمكن مش واصلك مش اكتر ....
وانا مش متضايق ولا زعلان من القسم وده رأيك الشخصي ويحترم لكنه لا يعبر عن الواقع..

[Ammar]

له علاقه مباشره طبعآ انك تكون متابع ومختبر موديلات الشركه على مر السنين وتكون مقدر نسبة الاعتماديه فى كل موديل وتعرف انها انحدرت بشكل فج ... وكمنسق لو مش موضوعى هطبل ﻷوبل زي ما كتير بيعملو فى مواقع وصفحات على الفيس بوك لكن الحق حق وجى عمليه حسابيه مش اكتر وطبعآ ببساطه ممكن اردةعليك انك مش موضوعي وعشان راكب موديل من اوبل فمتعصب له وبتدافع عن عربيتك مش اكتر كنوع من الراحه النفسيه لكنى لا اتهكم على نوايا الاخرين او اتجاهاتهم وموضوع عجله بسنادات مجازي وله هدف يمكن مش واصلك مش اكتر ....
وانا مش متضايق ولا زعلان من القسم وده رأيك الشخصي ويحترم لكنه لا يعبر عن الواقع..

أهلا وسهلا بيك يا أستاذ أحمد .. وإحنا إتشرفنا بيك في كل اﻷحوال والإختلاف في الرأي لا يفسد للود قضية :)

ورأيك يحترم وعلى عيني وعلى راسي يا فندم :)

[K.Ossama]

لكن لو فى نفس الفئه السعريه وضحت هشتري ماذدا 3 او هوندا سيفك ودول افضل الف مره ولو حد جربهم وجرب الاسترا هيفهم قصدي

حضرتك جربت الاتنين.....؟
لا أظن وإلا ما كنتش قلت كدة

[NaderNabil]

ليا تعقيب كوني احد ملاك الاسترا j ٢٠١٣ بقالي سنة و نصف

اولا متابعة السوق و اراء الناس عن طريق الانترنت و المنتديات مهم بالفعل بنسبة كبيرة لكنه للأسف غير كافي. لو عايز حكم نهائي على أي عربية مهما كانت.... تجربة العربية و معايشتها لفترة هي الفيصل و في الاخر دي اراء و perception شخصي بيختلف من واحد لواحد و ماينفعش يتعمم على كل الناس.

ثانيا لو هانتكلم عن الاوبل... احب افكر كل المتابعين للموضوع انها تتبع شركة جنرال موتورز و الاسترا بالذات ما هي الا نسخة متطورة و معقدة من الشيفروليه كروز ٢٠١٣. مشتركة معها في ٩٠٪ من اجزاء العفشة و الفرامل و الموتور.. الاوبل تزيد بعض الحساسات و tuning مختلف لزيادة قدراتها و مواكبتها لمتطلبات الانبعاثات الاوروبية.... هل ده معناه ان الاوبل وحشة؟ بالعكس ده يطمني اكتر و اكتر لان قطع غيارها هاتبقى موجودة في اي حتة و بكذا سعر و كذا مستوى جودة و بالفعل ممكن تنزل تشتري طقم طنابير من اول ٤٥٠ جنيه لحد ٩٥٠ جنيه الاصلي من محلات قطع الغيار و نفس الكلام ينطبق على باقي العفشة و اجزاء من الموتور...

ثالثا موضوع الحساسية بتاعة العربية مقدرش انكر انه حقيقي( فيه موضوع انا عامله موجود فيه كل المشاكل اللي قابلتني) بس على فكرة الحاجات اللي بتظهرلنا هنا بتظهر بره مصر برضو. لما كان بيظهرلي اى عطل على الشاشة اول ما بكتبه في جوجل الاقي المنتديات الانجليزية متكلمين عنه و جايبين سببه و حله ايه...و الموضوع عادي مالهوش علاقة بالجو او بالتراب... و الحمد لله الاعطال كلها بسيطة مش مؤثرة بشكل قاتل على العربية.... موضوع الكركرة و البرجلة نسبته قلت جدا و اصبح غير محسوس و يقال ان فيه tuning جديد في التوكيل بقاله اسبوعين حل الموضوع

رابعا توكيل منصور برضو مانكرش انه مش احسن توكيل فيكي يا مصر لكن مع احترامي الكامل... مبقاش في توكيلات كويسة خلاص... قطع غيار غالية، ده صحيح. لكن بص بصة على صيانات الهوندا و المازدا و الكيا و التويوتا... فروقات بسيطة لكن كله في العالي ( و ماننساش ان انت هاتستغنى عن التوكيل في قطع غيار كتير زي ما ذكرت فوق).... مستوى الخدمة و التعامل مع المشاكل... انا لحد دلوقتي ماشوفتش منهم غير كل خير و العربية اتعمل فيها حاجات كتير في الضمان بدون تدخل او طلب مني.

خامسا و دي النقطة الاهم... انت عايز ايه من العربية؟ واحد عايز شياكة، واحد عايز وسع، واحد عايز خامات و كواليتي، واحد عايز ثبات، واحد عايز اعادة بيع سريعة، واحد عايز اعتمادية، واحد عايز اوبشن عالي.... الخ الخ. و من الاخر مافيش عربية هاتديك كل حاجة ١٠٠٪ -مستحيل. فيه عربيات للأسف بتتكتب شهادة وفاتها قبل ما تنزل السوق لكن الاوبل و بالذات الاسترا الحمد لله و الكل شايف قد ايه اثبتت نفسها في الشارع المصري و اعتقد عملت في سنتين اللي معملتهوش اوبل في مصر طول ال ١٠-١٥ سنة اللي فاتو

سادسا الحكم على المازدا و الهوندا انهم افضل من الاسترا مش دقيق قوي للأسف. بحكم معايشتي للعربيتين دول موديلات ٢٠١٤ و و المازدا الهايلاين ٢٠١٥... يمكن المقارنة طبعا لكن ماتبقاش النتيجة قاطعة و نهائية بالشكل ده لأن فيه ابعاد كتير بتتحط في الحسبان و مش مجرد انهم ياباني و مالتي لينك خلفي يبقى هما كسبوا وش كده.

في النهاية احب اقول ان كلامنا على المنتدى امانة و اي راي بنكتبه لازم نتحرى فيه و نكون متأكدين منه و عن تجارب حقيقة و ليس عن مجرد سمع و او قراءة اراء اخرى اللي بدورها ممكن تكون غير دقيقة للأسف.

تحياتي لكم جميعا

[احمد فهمى]

حضرتك جربت الاتنين.....؟
لا أظن وإلا ما كنتش قلت كدة

ظنك خاطئ للأسف

[احمد فهمى]

ليا تعقيب كوني احد ملاك الاسترا j ٢٠١٣ بقالي سنة و نصف

اولا متابعة السوق و اراء الناس عن طريق الانترنت و المنتديات مهم بالفعل بنسبة كبيرة لكنه للأسف غير كافي. لو عايز حكم نهائي على أي عربية مهما كانت.... تجربة العربية و معايشتها لفترة هي الفيصل و في الاخر دي اراء و perception شخصي بيختلف من واحد لواحد و ماينفعش يتعمم على كل الناس.

ثانيا لو هانتكلم عن الاوبل... احب افكر كل المتابعين للموضوع انها تتبع شركة جنرال موتورز و الاسترا بالذات ما هي الا نسخة متطورة و معقدة من الشيفروليه كروز ٢٠١٣. مشتركة معها في ٩٠٪ من اجزاء العفشة و الفرامل و الموتور.. الاوبل تزيد بعض الحساسات و tuning مختلف لزيادة قدراتها و مواكبتها لمتطلبات الانبعاثات الاوروبية.... هل ده معناه ان الاوبل وحشة؟ بالعكس ده يطمني اكتر و اكتر لان قطع غيارها هاتبقى موجودة في اي حتة و بكذا سعر و كذا مستوى جودة و بالفعل ممكن تنزل تشتري طقم طنابير من اول ٤٥٠ جنيه لحد ٩٥٠ جنيه الاصلي من محلات قطع الغيار و نفس الكلام ينطبق على باقي العفشة و اجزاء من الموتور...

ثالثا موضوع الحساسية بتاعة العربية مقدرش انكر انه حقيقي( فيه موضوع انا عامله موجود فيه كل المشاكل اللي قابلتني) بس على فكرة الحاجات اللي بتظهرلنا هنا بتظهر بره مصر برضو. لما كان بيظهرلي اى عطل على الشاشة اول ما بكتبه في جوجل الاقي المنتديات الانجليزية متكلمين عنه و جايبين سببه و حله ايه...و الموضوع عادي مالهوش علاقة بالجو او بالتراب... و الحمد لله الاعطال كلها بسيطة مش مؤثرة بشكل قاتل على العربية.... موضوع الكركرة و البرجلة نسبته قلت جدا و اصبح غير محسوس و يقال ان فيه tuning جديد في التوكيل بقاله اسبوعين حل الموضوع

رابعا توكيل منصور برضو مانكرش انه مش احسن توكيل فيكي يا مصر لكن مع احترامي الكامل... مبقاش في توكيلات كويسة خلاص... قطع غيار غالية، ده صحيح. لكن بص بصة على صيانات الهوندا و المازدا و الكيا و التويوتا... فروقات بسيطة لكن كله في العالي ( و ماننساش ان انت هاتستغنى عن التوكيل في قطع غيار كتير زي ما ذكرت فوق).... مستوى الخدمة و التعامل مع المشاكل... انا لحد دلوقتي ماشوفتش منهم غير كل خير و العربية اتعمل فيها حاجات كتير في الضمان بدون تدخل او طلب مني.

خامسا و دي النقطة الاهم... انت عايز ايه من العربية؟ واحد عايز شياكة، واحد عايز وسع، واحد عايز خامات و كواليتي، واحد عايز ثبات، واحد عايز اعادة بيع سريعة، واحد عايز اعتمادية، واحد عايز اوبشن عالي.... الخ الخ. و من الاخر مافيش عربية هاتديك كل حاجة ١٠٠٪ -مستحيل. فيه عربيات للأسف بتتكتب شهادة وفاتها قبل ما تنزل السوق لكن الاوبل و بالذات الاسترا الحمد لله و الكل شايف قد ايه اثبتت نفسها في الشارع المصري و اعتقد عملت في سنتين اللي معملتهوش اوبل في مصر طول ال ١٠-١٥ سنة اللي فاتو

سادسا الحكم على المازدا و الهوندا انهم افضل من الاسترا مش دقيق قوي للأسف. بحكم معايشتي للعربيتين دول موديلات ٢٠١٤ و و المازدا الهايلاين ٢٠١٥... يمكن المقارنة طبعا لكن ماتبقاش النتيجة قاطعة و نهائية بالشكل ده لأن فيه ابعاد كتير بتتحط في الحسبان و مش مجرد انهم ياباني و مالتي لينك خلفي يبقى هما كسبوا وش كده.

في النهاية احب اقول ان كلامنا على المنتدى امانة و اي راي بنكتبه لازم نتحرى فيه و نكون متأكدين منه و عن تجارب حقيقة و ليس عن مجرد سمع و او قراءة اراء اخرى اللي بدورها ممكن تكون غير دقيقة للأسف.

تحياتي لكم جميعا

كلام وافي عن تجربتك وبالفعل مفيش عربيه هتتوفر فيها جميع المتطلبات واختارات الناس مختلفه بس فى عامل رئيسي وهو الاعتماد وانا بتكلم اكتر علي المدي البعيد يعني فوق ال100 الف كيلو وقصة توافر قطع غيار ورخص تمنها مش هو عامل الاعتماديه يعني مثلآ حضرتك لك مواضيع عن قطع اتغيرت ومشاكل معينه حتي لو بتتحل فلا اعتقد انو موضوع مريح نفسيآ او عمليآ ﻷن المطلوب من العربيه خدمة المالك وتوفير له راحة البال والاعتماد واكيد السلامه والعنصر جه متوفر فى اوبل طبعآ. ..

وانا بقارن الاسترا بماذدا 2015 اخر شكل ونفس الوضع لهوندا ومعروف تاريخ العربيتين دول مقارنه بتاريخ حال القديم من اوبل يعني ناجرآ تلاقى اوبل معدي ال200 الف كيلو ومحصلوش مشاكل فمتور وفتيس الخ اذآ الموضوع حسابي اكثر من كونو تكهن لحل مشكله لكن لشخص له ارتباط عاطفي بموديل معين هيكون الوض صعب فى توضيح الرأي ﻷنو عندو استعداد ووقت متفرغ للعربيه ويروح لوكيل ويتابع سوفتوير الخ لكن انا مثلآ مش فاضي اخدم العربيه واحل لها مشاكلها الواحد اصلآ كفايه عليه مشاكل نفسو والحياه والعربيه لها عندي قياده بعقل وتغيير زيت وفلتر كل 10 الاف ومواعيد الصيانه غير كده للأسف تكون فاشله

[Hunting_Eagle]

بصراحة مندهش من صراحتك

قليلون هم أمثال حضرنك .. اللي بينصح لوجه الله بعيدا عن أي هوى

تحياتي

[corolladestroyer]

حضرتك ركبت اوبل امتي؟ وعدم الموضوعية من منسق اوبل عن اوبل تفتكر ده واقعي؟ وبالفعل مش معايا استرا بس عملتلها اختبار وبالنسبه لي عجله بسنادات بصراحه ومتسواش نص تمنها والانسيجنيا كانت معايا 2200 سي سي ولا تقارن بالعجله اللي بسنادات رقم 2 ال1600 تربو من منصور... وتقبل تحياتي

ليه الانسيجنيا ال 2200 لا تقارن بال 1.6 التيربو معلش افهم النقطه دي؟؟

[islambana]

كالعاده كلامك محترم وصح جدااا عند تجربه ومحدش هيعرف قيمة الكلام ده غير لما يمر بتجربه واقعيه وحقيقية

[K.Ossama]

لكن لو فى نفس الفئه السعريه وضحت هشتري ماذدا 3 او هوندا سيفك ودول افضل الف مره ولو حد جربهم وجرب الاسترا هيفهم قصدي

حضرتك جربت الاتنين.....؟
لا أظن وإلا ما كنتش قلت كدة

ظنك خاطئ للأسف

لا مش خاطئ
لأن أنا معايا استرا واختى معاها مازدا 3
والفرق ملحوظ لصالح الأسترا

[Ammar]

للأسف عندنا أزمة كبيرة جدا كمصريين .. ماعندناش اعتدال. . يا إما شكر ورفع الحاجة لسابع سما .. يا إما خسف الحاجة لسابع أرض .. مافيش توازن

[abou-yahia]

للأسف عندنا أزمة كبيرة جدا كمصريين .. ماعندناش اعتدال. . يا إما شكر ورفع الحاجة لسابع سما .. يا إما خسف الحاجة لسابع أرض .. مافيش توازن

+1

[monamize4]

والعربيه لها عندي قياده بعقل وتغيير زيت وفلتر كل 10 الاف ومواعيد الصيانه غير كده للأسف تكون فاشله

أنجزت فأوجزت

الصراحة بيؤلمنى جدا لما اشوف حد من معارفى مشترى عربية زيرو و يروح بيها للتوكيل
عشان مشكلة فيها و هى لسه زيرو و الكلام دا ف موديلات (فولكس و اوبل و رينو)
ف حين ان اللى شوفتهم اشتروا يابانى زيرو و مستعمل كمان ,, مرتاحين جدااااااا

بالمناسبة انا كنت راكب من كام يوم تاكسى فيرنا اللى هى قاع هرم السيارات و مانصحش ابدا
حد انه يشترى فيرنا لكن الصراحة احترمتها لما لاقيتها عاملة 500 الف كيلو