●البقاء لله اوبل توفت ومثيلاتها فمصر●!!؟؟

[Abdo Taha]

بس المشكله دي موجودة في كل المواتير التربو
بغض النظر عن هي اوبل ولا باسات ولا اوكتافيا
كلهم فيهم مشاكل مع البنزين المصري
من وجهة نظري اعتقد ان ما يعيب اوبل في مصر
هو توكيلها

بصراحة عيبه في قطع الغيار اسعارها ناااااااار

انا شفت بعض الاسعار لعربية عاملة حادثة في الجنب اليمين قدام بس كان الجزء ده مدمر بصراحة ده غير تغيير سربنتينة و intercooler جنوط و مقصات و كوبلن و غيره بس سعر التصليح وصل ل 250 الف في الجزء ده فقط اللي هو اغلى من سعر العربية جديدة اصلا

[احمد فهمى]

فعلا للاسف لأن المشكلة في جشع التجار من ناحية قطع الغيار و البنزين الغير محترم

العربيتين سواءً استرا او انسجنيا في كتالوجها مكتوب انها تقبل 91 حتى الكتالوج بتاع vauxhalll

و لكن هنا البنزين مش مجرد مشكلة اوكتان بس ده كمان مشكلة شوائب و انه مخلوط بمية و جاز

يعني الفيكترا سي معايا كمثال كان سعات والدي بيحطلها 90 ايام ما كان بيبقى في سعات ازمة في ال92 بس مكنتش بتسقف زي ال 92 بتاع دلوقتي

بس من وجهة نظري اللي بهدل العربيتين دول اكثر انهم بدون فلتر بنزين

الناس مش فاهم مستغربه من قصة البنزين وميعرفوش ان الديزل حاليآ بره مصر برشاشات كهربا مبتشتغلش على الديزل بتاع مصر من كتر الشوائب وعدم المطابقه للمواصفات وده نفسو تحول للبنزين بالنسبه للدول المصنعه عربيات بمحركات بنسبة انضغاط عاليه مينفعش فيها بنزين مصر الغير مطابق للمواصفات العالميه والكوميدى الشيروكي والرانجلر مكتوب فى الكتالوج اوكتين 87 والناس بتحاول تحط بنزين 90 واحيانآ تمنين وخربو معظم مواتيرها ومش عارفين ان اوكتين 87 الامريكي بيعادل 93 الموضوع مش هزار دى نظريات وعلم ..

وعلى فكره فيهم فلتر بنزين طبعآ بس داخل النانك زي الصني وعربيات كتير

[BUNSH]

لاحول ولا قوة الا بالله ,, يعنى هبور هياخد الاوسكـــــار لوحدة ولا أى -دة بدة الحرق وبعديها يحطوة فى فرن غاز الصراحــة-
بصراحـــــة الاوبل من البرندات اللى بحترمها جــدا وشايف برضــة أنهم فى الفترة الاخيرة بدءوا فى غزو السوق والانتشار ع ودنـــة بس اللى مجننانى الصراحــة عربيات بتغيير مواتير وطنابير وهية لســة بتليين ! ممكن تكون حالات فرديــة أو عيوب صناعة -طب متعدلتش لية فى النسخ اللى بعد كدة ؟- أو سوء استخدام -بس مأظنش برضة- ,, حاسس أنها زى البطيخة (يا حمرا ياقرعـــــة) .

ربنا يستر ويبااركلنا فى عربياتنـــا .

[MOHAMEDEBAID75]

متفق تماما مع حضرتك يا استاذ احمد فهمى وعن تجربة كان معايا اوبل فيكترا 99 وكانت عامله 112الف كيلو وطلعت عينى مصاريف وبدون نهايه غيرت لاوكتافيا والنتيجة واحد مصاريف عالية ربنا تاب عليا واشتريت نيسان 2002 العربية خفيغة كتير مقارنة مع الاوبل والاوكتافيا بس من يوم ما شتريتها هو شوية الصيانة الى فى اول الشراء ومن بعدها هو غيار الزيت بس والبنزين طبعا فى اختلافات طبعا فى الاداء لصالح الالمانى لكن الوفر فى المصاريف وقرف الصنايعيه ارحم مليون مرة والواحد عايزة عربية يتنقل بيها لاغير

[elansary141]

يعنى حضرتك معنى كلامك ان اخر حاجة تتركب فى مصر هى فيكترا بى وبعدين غير كورى او يابانى
وياريت حضرتك ترد عليا فى الموضوع الى عملته باسمك مخصوص

http://www.nilemotors.net/Nile/458337-a.html

[احمد فهمى]

يعنى حضرتك معنى كلامك ان اخر حاجة تتركب فى مصر هى فيكترا بى وبعدين غير كورى او يابانى
وياريت حضرتك ترد عليا فى الموضوع الى عملته باسمك مخصوص
http://www.nilemotors.net/nile/458337-a.html

رديت عليك هناك وايوا اخر اوبل فيكترا بي و المانيوال فقط

[Ammar]

أنا معايا أسترا j 2012 بقالي سنتين ونص وماشي بيها حوالي 40000 و العربية صحيح فيها شوية عيوب لكنها إجمالا عربية جميلة جدا .. مريحة واسعة .. ملبية احتياجاتي بشكل كبير .. أنا شايف إن حضرتك متحامل بشكل كبير جدا .. وفيه شكل من عدم الموضوعية خصوصا إنك مش راكب العربية .. وتقبل تحياتي

[hagagatc]

أنا معايا أسترا j 2012 بقالي سنتين ونص وماشي بيها حوالي 40000 و العربية صحيح فيها شوية عيوب لكنها إجمالا عربية جميلة جدا .. مريحة واسعة .. ملبية احتياجاتي بشكل كبير .. أنا شايف إن حضرتك متحامل بشكل كبير جدا .. وفيه شكل من عدم الموضوعية خصوصا إنك مش راكب العربية .. وتقبل تحياتي

ممكن تقلنا ايه المشاكل الي بتقبلك او العيوب الي بتقبلك

[hagagatc]

استاذ احمد فهمي انت ركبت الماني طبعا وعرفت ركوبه الالماني والامان الي بتشوفه وانت سايق
لو جتلك فرصه تغير العربيه الي معاك هل حتركب كوري او بمعني اصح حتحس انك راكب عربيه بجد
كلنا لما بنجدد بنجيب حاجه اعلي وركوبه احلي هل حتحسها لما تشتري كوري او ياباني ؟ وده سوال مطروح لكل الي غير من الماني لكوري او ياباني

[Ammar]

ممكن تقلنا ايه المشاكل الي بتقبلك او العيوب الي بتقبلك

أنا كنت حأعمل نقرير قريب .. لكن مبدأيا :

العيوب:
الكركرة اللي في الموتور اللي بتحصل أحيانا
استهلاك البنزين يعتبر عالي نسبيا
فيه صوت هوا خفيف على السرعات العالية

المميزات:
الإستابليتي رائعة
التقفيل والماتيريال كواليتي ممتازة
العفشة قوية وناعمة في نفس الوقت مع إن الجنط 17
تحميل الصاج ممتاز واﻷبواب تقيلة ومحملة
التكييف جيد جدا
شكل التابلوه مع الإضاءاة يخليك متزهقش من العربية
الشكل الخارجي جميل جدا مقارنة باللي زيها
الوسع معقول جدا بالنسبة للفئة ديه
الكراسي والقعدة مريحة جدا .. وبأحسها بشكل كبير في المسافات الكبيرة

بالنسبة للسحب متوسط لا سئ ولا ممتاز

أتمنى أكون غطيت النقط كويس

[احمد فهمى]

أنا معايا أسترا j 2012 بقالي سنتين ونص وماشي بيها حوالي 40000 و العربية صحيح فيها شوية عيوب لكنها إجمالا عربية جميلة جدا .. مريحة واسعة .. ملبية احتياجاتي بشكل كبير .. أنا شايف إن حضرتك متحامل بشكل كبير جدا .. وفيه شكل من عدم الموضوعية خصوصا إنك مش راكب العربية .. وتقبل تحياتي

حضرتك ركبت اوبل امتي؟ وعدم الموضوعية من منسق اوبل عن اوبل تفتكر ده واقعي؟ وبالفعل مش معايا استرا بس عملتلها اختبار وبالنسبه لي عجله بسنادات بصراحه ومتسواش نص تمنها والانسيجنيا كانت معايا 2200 سي سي ولا تقارن بالعجله اللي بسنادات رقم 2 ال1600 تربو من منصور... وتقبل تحياتي

[احمد فهمى]

استاذ احمد فهمي انت ركبت الماني طبعا وعرفت ركوبه الالماني والامان الي بتشوفه وانت سايق
لو جتلك فرصه تغير العربيه الي معاك هل حتركب كوري او بمعني اصح حتحس انك راكب عربيه بجد
كلنا لما بنجدد بنجيب حاجه اعلي وركوبه احلي هل حتحسها لما تشتري كوري او ياباني ؟ وده سوال مطروح لكل الي غير من الماني لكوري او ياباني

حاليآ بعد اوبل جبت نيسان اكس تريل وطبعآ الياباني الكبير والدفع الرباعي كان ضروري لطبيعة عملي وقررت اجيب تيوتا لاند كروز او فورتشنر زيرو بس مستني اشوف الاكس تريل الجديده هتنزل امتي وطبعآ بطلع جبال وادخل فرمل وظلط وطين الخ وعملت حوالي 40 الف كيلو في سنه واخري بغير زيت وفلتر وده إحساس مش موجود فى الالماني والحراره كالمعتاد فى مكانها وتسارع وقوة تحمل مش عترف اقول ايه بس بحط طن فى الشنطه عادي ورايي لو كنت كملت فى السيدان كنت هشتري ماذدا 3 الجديده او هوندا سيفك لو المقابل استرا او اي الماني ده اختياري والعربيتين الاسترا بالنسبه لهم بصراحه اسبرانزا

[Ammar]

حضرتك ركبت اوبل امتي؟ وعدم الموضوعية من منسق اوبل عن اوبل تفتكر ده واقعي؟ وبالفعل مش معايا استرا بس عملتلها اختبار وبالنسبه لي عجله بسنادات بصراحه ومتسواش نص تمنها والانسيجنيا كانت معايا 2200 سي سي ولا تقارن بالعجله اللي بسنادات رقم 2 ال1600 تربو من منصور... وتقبل تحياتي

أهلا وسهلا بيك كمنسق ﻷوبل .. لكن الموضوع مالوش دعوة ولا علاقة بإني بأسوق أوبل من إمتى ولا إني منسق أوبل أو ﻷ .. :)

وانت بتقول إنها عجلة بسنادات .. عشان كده بالنسبالي ده بيأكدلي إن كلامك بعيد عن الموضوعية تماما :) .. يعني انت مش حاسس بمبالغة في السنادات والعجلة والكلام ده :) .. ﻷن ناس كتير من ملاكها وأنا واحد منهم بنقولك الحمد لله العربية إجمالا جميلة جدا. . ويا سيدي متزعلش نفسك لو اﻷوبل مضايقاك إدي تنسيق القسم لحد تاني . وامسك انت منسق ﻷي عربية ياباني أو كوري ..:)

[K.Ossama]

حضرتك ركبت اوبل امتي؟ وعدم الموضوعية من منسق اوبل عن اوبل تفتكر ده واقعي؟ وبالفعل مش معايا استرا بس عملتلها اختبار وبالنسبه لي عجله بسنادات بصراحه ومتسواش نص تمنها والانسيجنيا كانت معايا 2200 سي سي ولا تقارن بالعجله اللي بسنادات رقم 2 ال1600 تربو من منصور... وتقبل تحياتي

يعنى حضرتك شايف إنك كدة موضوعى وواقعى.....؟؟
عجل بسنادات.....؟؟؟!!!!

لو كنت كملت فى السيدان كنت هشتري ماذدا 3 الجديده او هوندا سيفك لو المقابل استرا او اي الماني ده اختياري والعربيتين الاسترا بالنسبه لهم بصراحه اسبرانزا

يا سلام
اسبرانزا.......!!!!
ده برضو موضوعى وواقعى......؟؟؟؟

[ashourashour]

انا معاك ان العربيات الاوبل بتصرف و ممكن توصل لخراب البيوت

معاك انها مش مناسبه لمصر

لكن عجله بسنادات لا بصراحه و الاسترا لا تقارن بالاند كروزر ... ولا اه ؟ الاسترا تقارن بالكورولا

لكن كل حاجه وليها تمن مفيش عربيه كامله حاجه على حساب حاجه

والاختيار ليك فالاخر

وسيله مواصلات فقط الفرنا انسب عربيه

لكن هوايه سواقه العربيات التقيله ليه تمن لمن يقدره او بيحبه او اختاره