عندك عربية قديمة وناوي تبيعها ... طب الحق بيعها قبل يناير 2015

[Shiref_mohamed]

الناس اللي موراهاش حاجة غير نفي التخفيض او التقليل من شأنه زي مش هيبقي محسوس
وغيره

الفيصل بيني وبينكم يناير 2015 ونقارن الاسعار ساعتها نزلت قد ايه
كتييير ولا قليل

على كل العربيات ولا على اللي اكثر من 1600

على فكرة الاتفاقية لم تحدد سعة لترية محددة وارجع للاتفاقية انا حاطط موقعها

يا رب متقوليش اللون الازرق ممنوع كمان

واخيرا علشان مزعلكمش
يا جماعة اللي مش فارق معاه التخفيض
======
ميبعش عربيته القديمة دلوقتي
واللي ناوي يشتري دلوقتي يروح يشتري ما دام مش فارق معاه التخفيض المنتظر
=====
اراكم بعد 53 يوم (يناير 2015)

هو حضرتك من مصر ولا منين ؟؟
ياسيدي الفاضل هو احنا هنروح بعيد له هو مش فيه نسب تخفيض حصلت في سنوات سابقة ؟؟
هل السنوات السابقة ديه سعر العربيات قل ؟؟
الأجابه حضرتك لو بصيت على الخمس سنوات السابقة هتلاقي ان كل العربيات اسعارها رفعت هاتلي عربيه واحده سعرها قل
تاني حاجه حضرتك بتقول ان التجار هيبقى عندهم مخزون وهيلبسوه
هقول لحضرتك انزل روح عند اي معرض من المعارض الكبيرة زي المصرية او سمير ريان
هتلاقي كمية ناس بتشترى عربيات رهيبة وكل البنوك حاطين مناديب عند المعارض عشان سرعه الأجراءات

انا شخصيا رحت لسمير ريان يوم الجمعه الى فاتت كنت بشتري لوجان زيرو لعمي عاوز اقول لحضرتك اني قعدت عنده حوالى 3 ساعات على ما اتفرجت على العربيات وخلصت ووقفت في طابور الخزنة ودفعت الفلوس (كاش) وفي خلال ال3 ساعات دول اتسلم قدامي اكتر من 25 عربية حضرتك ولا الناس هتبطل تشتري زيرو ولا تجار العربيات هيخسرو لأن الموضوع ببساطه كله على قفا المواطن المصري.
وشكراً

[Shiref_mohamed]

وعلى فكرة مفيش داعي نجرح في بعض ونقول ان الناس بتنفي التخفيض وان المنتدي فيه مندوبين للتجار والكلام ده
احنا ناس اغلبنا كبار وفاهمين وطالما حضرتك بتقول كده ممكن يطلعلك حد يقولك انتا كمان بتاجر في العربيات المستعملة وليك مصلحة ان المستعمل سعره يقع
حضرتك احنا بنحاول نساعد بعض وبنفكر مع بعض بصوت عالى و بطريقة واقعيه مش اكتر ولا اقل مش عاوزين الضرر لحد يعني بسبب موضوعك ده ممكن ناس تبيع عربياتها فعلا لأنهم ببساطه خايفين على فلوسهم

[kbarema]

مصر
مفيش فيها حاجه بترخص الا البنى ادم

[MACATHIUS]

وعلى فكرة مفيش داعي نجرح في بعض ونقول ان الناس بتنفي التخفيض وان المنتدي فيه مندوبين للتجار والكلام ده
احنا ناس اغلبنا كبار وفاهمين وطالما حضرتك بتقول كده ممكن يطلعلك حد يقولك انتا كمان بتاجر في العربيات المستعملة وليك مصلحة ان المستعمل سعره يقع
حضرتك احنا بنحاول نساعد بعض وبنفكر مع بعض بصوت عالى و بطريقة واقعيه مش اكتر ولا اقل مش عاوزين الضرر لحد يعني بسبب موضوعك ده ممكن ناس تبيع عربياتها فعلا لأنهم ببساطه خايفين على فلوسهم

هو الراجل بيقول نتضامن مع بعض و ما نشتريش دلوقتى.....
ما احنا عارفين ان مافيش حاجة بترخص... ايه الجديد فى كلامك
الراجل بيقول خلينا نصبر شوية و ما نشتريش لغاية منتصف مارس
يعنى شوية صبر مع موضوع نزول الجمارك هنقدر نعمل حاجة
الكلام اقتصادى بحت و فكرة منطقية
بس....
مش قادر افهم ايه علاقة ردك و حكاية الناس اللى بتشترى عربيات من المعارض مع الموضوع اللى بنتكلم فيه
لو حابب تتضامن و تقف معانا وقفة يبقى تمام... شجع اى حد من معارفك يمتنع عن الشراء دلوقتى ... و لو روحت معرض و لقيت 25 واحد فى طابور بيشتروا زى ما بتقول انصحهم بالتأجيل... هى دى الفكرة
هذا هو الغرض يا عزيزى.
شكراً

[م.محمد مختار]

ايه الأخباااار ؟؟؟
العربيات رخصت كام ألف ؟؟؟؟

[mazen21]

يا تعيش بكرامتك يا تاخد على قفاك

اعزائي زملائي في المنتدى

تحية طيبة وبعد
اعلمكم انني لا زلت على مبداي وانا على يقين تام ان التخفيضات تحدث سنويا
ولكن تخاذل الناس في مصر هو الذي يضيع حقوقهم بايديهم وانا لا املك الا قرار
نفسي اي استطيع ان امتنع عن الشراء ما لم تنزل الاسعار
لكن ما يضعف موقفي ومن يؤمنون بمبداي اصحاب النفوس الضعيفة الذين يذهبون للشراء
او يروجون له بحجة انسى يا عم مفيش حاجة بترخص وغيره فلا املك عليهم سلطانا

المهم ان بلدنا مليئة بالفساد فساد نفوس وفساد ذمم

واذا تضرر اي زميل من راي بشكل ما فانني اعتذر له امام الجميع

ولكن هذا لا يعني ان راي قد تغير

التخفيضات تحدث سنويا وبسبب تخاذلنا بتدخل كرشهم ولا نستفيد نحن بها

ولو في حد قرا اهرام السيارات الاخير اول صفحة عنوان ان الحكومة بتدرس اتخاذ اجراءات
لحماية مصانع التجميع في مصر بسبب تخفيضات اتفاقية الشراكة الاوروبية
يعني باعتراف الحكومة اهو فيه تخفيضات بس بتتسرق في كرشهم والحكومة كمان
لسه عاوزة تساعدهم علشان التخفيضات اللي احنا مش بنحس بيها. وعجبي

في النهاية انتم احرار يا تعيش بكرامتك يا تاخد على قفاك طول عمرك


================
اخر مواضيعي
www.nilemotors.net/Nile/454635-a.html#post3875862391

[mazen21]

الاسعار بتنزل ولسه هتنزل اصبروا كمان

اللي بيقولوا الاسعار منزلتش

الشارك دلوقتي اول فئة خليجي 127 الف بعد ما كانت 130 و 133 الف
انا مش هاقول اسم المعرض علشان ميبقاش اعلان
هادي نبذة عنة معرض الاخوات العشرة



================
اخر مواضيعي
مقارنة بين شارك وسياز

www.nilemotors.net/Nile/454635-a.html#post3875862391

[mazen21]

الكروز مستورد

تابعوا المعارض وليس التوكيلات هتلاقوا الجديد كل يوم فيما يخص المستورد بعيدا
عن الوكيل

اخر الاخبار نزول الكروز مستورد بعيدا عن التوكيل لدى سمير ريان واقل من سعر الوكيل

واضح ان الجشع عند التوكيلات متاصل وكبير
وعلشان كده لسه مستهبلين وزي ما قلت ان المعارض هى اللي هتكون راس الحربة وهتقوم
بشراء السيارات بعبدا عن الوكيل وتبيع ارخص منه على الرغم من انه كمان حاطط هامش ربح

اهو بيعمل بمبدا فيد واستفيد هو يستفيد والمشتري يستفيد
مش الجشعين اللي عاوزبن يضربوا التخفيض في كرشهم كل سنة

[mazen21]

يا ريت اللي يعرف ان في حاجة تاني رخصت يقول


=========================
من مواضيعي

مقارنة بين السياز والشارك
http://www.nilemotors.net/Nile/454635-a.html (للمحتارين مقارنة بين سوزكي سياز ولانسر شارك)

عندك عربية قديمة وناوي تنبيعها طب الحق قبل يناير 2015

http://www.nilemotors.net/Nile/447647-2015-13.html (عندك عربية قديمة وناوي تبيعها ... طب الحق بيعها قبل يناير 2015)

https://www.nilemotors.net/Nile/454765-ciaz.html

[M_Batsh]

أنا كنت عايز اشتري غولف ٧ اليومين دول واكتشفت إن سعرها زاد من ٢٢٠ ألف إلى ٢٣٠ ألف .. طبعاً مش هشتري عشان مابحبش أخد على أفايا ... تحيا مصر

[MACATHIUS]

http://www.nilemotors.net/Nile/455536-2015.html

[hozayfa]

متابع

[mazen21]

اصمدوا يا رجالة

في ناس فضلت تعارض فيا وتقول مفيش حاجة هترخص وبفضل موقفكم العربيات رخصت
مش بس كلامي انا من غير امتناعكم عن الشراء مكنتش حاجة هترخص وكانوا هيضربوا التخفيض
في كرشهم زي كل سنة
وابرز مثال الايام دي وصول الشارك موديل 2015 من 134 الف في عام 2014 الى 123 الف
في عام 2015 على الرغم من الصحفيين الماجورين اللي طول النهار في جرنال السيارات قاعدين
يروجوا ان ارتفاع الدولار التهم التخفيضات طيب لما هو التهم التخفيضات ازاي العربية رخصت حوالي 11 الى 12 الف يا ضلالي يا اللي بايع ذمتك

اصمدوا حتى معرض اوتوماك خلوهم يلحسوا التراب ويبيجبوا اخرهم وكمان هتلاقي كل يوم
موديل جديد وفي القريب هتلاقوا موديلات لم تكن تتخيل انها تنزل مصر

يا ريت اللي يعرف ان في حاجة تاني رخصت يقول


=========================
من مواضيعي

مقارنة بين السياز والشارك
http://www.nilemotors.net/nile/454635-a.html (للمحتارين مقارنة بين سوزكي سياز ولانسر شارك)

عندك عربية قديمة وناوي تنبيعها طب الحق قبل يناير 2015

http://www.nilemotors.net/nile/447647-2015-13.html (عندك عربية قديمة وناوي تبيعها ... طب الحق بيعها قبل يناير 2015)

www.nilemotors.net/nile/454765-ciaz.html

[mazen21]

اثبتوا وانتظروا الجديد كل يوم حتى المعرض

تابعوا اخبار السيارات
واثبتوا على موقفكم لا شراء الا على معرض اوتوماك او نزول الاسعار رسميا
مش يقعدوا يقولوا تخفيضات لانه لما بيقول لك تخفيضات بيبرمجلك دماغك ان
نزول السعر ده مؤقت وليس دائم

في الصفحة الرئيسية هتلاقي الكاتب بيولول علشان المصانع المصرية هتضرر
من دخول العربيات الاوروبي وكان فاضل يقول نناشد السيد الرئيس لالغاء الاتفاقية الاوروبية
زي ما كانوا بيعملوا ايام حسني مبارك
وكان المصانع دي منهبتش الشعب المصري طوال سنين فاتت
وعلى فكرة مهما الدولار ارتفع سعره التخفيضات اللي فاتت واللي كانوا مش بيعملوها تغطي
ارتفاع الدولار وهتكون برضه ارخص من المتجمعة في مصر او مستوردة عن طريق الوكيل حتى لو الدولار ارتفع لعشرة جنيه

وفي خبر تاني كنت قلت لكم ان في موديلات جديدة هتظهر كل كام يوم وهو ما يؤكده الخبر التاني

ونسيت اقول لكم شئ مهم بعضهم يروج ان الحكومة ستقوم بزيادة الرسوم وضريبة المبيعات
لتغطي انخفاض الجمارك وذلك لن يحدث ابدا ............. ليه؟

تستعد مصر لانعقاد المؤتمر الاقتصادي في شرم الشيخ وهو في مارس وده اللي جعل انعقاد
المعرض يبقى يوم 12 بدلا من 15 مارس
المهم المؤتمر ده لجذب الاستثمارت الاجنبية الى مصر
وقيام الحكومة باصدار اي قانون بمثل هذا المعنى
سيعطي انطباع سئ جدا للدول الاوروبية والمستثمرين الاجانب ان مصر بتوقع اتفاقيات دولية ثم تتحايل عليها بواسطة قوانين وقرارات محلية
ولذلك ليس امام الحكومة سوى حل واحد
وهو الانتقال من التجميع الى التصنيع
يعني جذب استثمارات صناعة السيارات
الى مصر وهو المنتظر ان يكون مطروحا على المؤتمر
الاقتصادي في مارس المقبل
وده هيوقف خروج الدولارات التي تستخدم لاستيراد
السيارات ومكوناتها

في ناس فضلت تعارض فيا وتقول مفيش حاجة هترخص وبفضل موقفكم العربيات رخصت
مش بس كلامي انا من غير امتناعكم عن الشراء مكنتش حاجة هترخص وكانوا هيضربوا التخفيض
في كرشهم زي كل سنة
وابرز مثال الايام دي وصول الشارك موديل 2015 من 134 الف في عام 2014 الى 123 الف
في عام 2015 على الرغم من الصحفيين الماجورين اللي طول النهار في جرنال السيارات قاعدين
يروجوا ان ارتفاع الدولار التهم التخفيضات طيب لما هو التهم التخفيضات ازاي العربية رخصت حوالي 11 الى 12 الف يا ضلالي يا اللي بايع ذمتك

اصمدوا حتى معرض اوتوماك خلوهم يلحسوا التراب ويبيجبوا اخرهم وكمان هتلاقي كل يوم
موديل جديد وفي القريب هتلاقوا موديلات لم تكن تتخيل انها تنزل مصر

[D.R.Mahmoud]

طيب انا عندى فكرة احسن بعد اذن حضراتكم
اية المشكلة لو واحد من عتولة المنتدى يجيب سعر كل عربية من العربيات الاوروبى ويكتبها فى جدول وهى خارجة من مصنعها بكام او بهى بتتباع فى الخليج بكام ويضيف علية كل ما هو معروف من ضرائب ومشالات وخلافة ونقارنة بالسعر اللى عندنا سواء فى المعارض او التوكيلات ونشوف الفرق يستحق يكون هامش ربح للتوكيل او المعرض ولا زايد بصورة تبين الاستغلال ويبقى الاختيار الاخير للى عايز يشترى بس يبأى عارف اذا كان سعر عادل ولا لأ ولو لأ يبأى عارف على الاقل هو منصوب علية فى كام.