عندك عربية قديمة وناوي تبيعها ... طب الحق بيعها قبل يناير 2015

[aymanmahmoud]

الله ينور يا استاذ مازن

[1000مبروك]

طبيعة مصر بتقول إن مفيش حاجة بترخص

إحنا مش بننفي
كلنا عارفين إتفاقية تخفيض الجمارك للسيارات الأوروبي

لكن متنساش إن حكام مصر اللي بيدفعوه باليمين بياخدوا ضعفه بالشمال

يعني عادي جداً إني أخفض الجمارك 10 % وفي نفس القرار أزود الضربة 15 % ..

إنت جديد في البلد دي ولا إيه :)


.

[eng.m7md.ali]

لسة حضرتك مصمم بعد الخبر ده؟

[mazen21]

انا رديت فوق ولا انت ماخدتش بالك

لسة حضرتك مصمم بعد الخبر ده؟

انا رديت فوق
ولا انت ماخدتش بالك

وجود الخبر ده في الصفحة الاولى بالبنط العريض للملحق معناه حاجتين ... الخ

[mazen21]

الله ينور يا استاذ مازن

وعليك ا ايمن

[mazen21]

المشكلة مش فيهم المشكلة فينا احنا

طبيعة مصر بتقول إن مفيش حاجة بترخص

إحنا مش بننفي
كلنا عارفين إتفاقية تخفيض الجمارك للسيارات الأوروبي

لكن متنساش إن حكام مصر اللي بيدفعوه باليمين بياخدوا ضعفه بالشمال

يعني عادي جداً إني أخفض الجمارك 10 % وفي نفس القرار أزود الضربة 15 % ..

إنت جديد في البلد دي ولا إيه :)


.

انا رديت على كل اللي انت بتقوله ده في مشاركاتي
المشكلة مش فيهم المشكلة فينا احنا

بيقولوا لينا بقرشين واحنا عارفين انها بقرش وبرضه بندفع
المشكلة مش في الضرايب والرسوم لانها موحدة على الاثنين دا حتى التجميع المحلى مميز عن المستورد
لان التجميع بيدخل العربية قطع غيار من دون دفع اي جنيه جمرك بعكس لما المستورد بيدخل العربية كاملة بيدفع عليها جمارك وعلى الرغم من كده سعر المستورد ارخص من اللي متجمع محلي
وعلى الرغم من كده احنا بنروح نشتري الغالي
يبقى اللي بيعملوه فينا ده يبقى شء عادي

المشكلة مش فيهم المشكلة فينا احنا

[mazen21]

وجود الخبر ده في الصفحة الاولى بالبنط العريض للملحق معناه حاجتين

الاولى
سيطرة اصحاب رؤوس المال على ما ينشر في الملحق وكلنا عارفين ان
اساس تمويل الملحق بيبقى من الاعلانات المباشرة وغير المباشرة
للتوكيلات والمعارض داخل الملحق

الثانية
ان الناس فاقت ومش بتشتري وده قلل المبيعات خلال الفترة اللي فاتت
ولم يصبح امامهم سوى اللعب القذر على المكشوف فيزق واحد يكتب خبر زي ده في الصفحة الاولى

وهو هنا بالخبر ده عاوز يضرب عصفورين بحجر واحد
اولا يبرمج لك دماغك من دلوقتي انك تنسى ان في تخفيض
ثانيا يبرمج لك دماغك من دلوقتي انك كمان تتوقع زيادة في الاسعار
ثالثا اول ما انت تسمع اللي فات هتنزل جري على المعرض تشتري العربية
على اساس انت كده ناصح وسمعت الكلام بتاع الراجل اللي هما جايبينه علشان ينصح المشتري
مش علشان بيقول كده لا سمح الله علشان يحقق اي مصلحة لشركات السيارات
وبكده يكون سرب المخزون الراكد اللي عنده قبل السنة الجديدة وجاب الجديد بالسعر المخفض وكامن هيبيعهولك بعد كده بنفس السعر القديم لو كان رحيم معاك شوية اما لو وراك العين الحمرا هيبعهالك بازيد من السعر القديم كمان

واخيرا اكرر مرة اخرى التخفيض بيحصل لا شك في ذلك
انما لا مؤاخذة تروح انت تعري افاك وتيجي تشتكي وتقول لي انا سقعان
دي مش مشكلتي دي مشكلتك انت

يعني بالبلدي يا محدش يشتري لحد ما الناس تلم نفسها وتبطل جشع
يا انتم حرين خليهم يعملوا ما بدالهم فيكم

واختم بجزء من مقولة الراجل اللي كاتب المقالة النهاردة في ملحق الاهران 19ديسمبر
تفضحه هو والجشعين اللي بيكتب لهم
((( ان تخفيض ال 10% من الجمارك على سيارة سعرها 100 الف سيكون في حدود 4 الاف جنيه)))
هو فاكر كده ان الناس هتهبط وان الناس هتقول 4 الاف جنيه كلام فارغ اقولك 4 الاف جنيه مش كلام فارغ
اولا ممكن بالمبلغ ده تشتري العربية اول فئة وتركب لها الاكسسورات اللي انت عاوزها مثلا
ثانيا ممكن يفيدك في الترخيص والتامين
ثاالثا اهم حاجة ان كشف انهم بينهبونا كل سنة اقولك ازاي
هو قال ان ال 10 % بتترجم لخصم 4 الاف جنيه
طيب ما دي سادس مرة تتخصم ال 10% راحو فين الخمس سنين اللي فاتوا
(ستة سنوات والسنة ب 4 الاف خصم يعني 4 في 6 ب 24 الف يعني العربية اللي كانت
ب 100 من 6 سنوات المفروض تتباع يناير 2015 ب 76 الف)

كمان قعد يقول ان العربيات اللي بتتصنع في اوروبا وهى تتبع دولة اوروبية من الاساس(زي بيجو مثلا) العربيات اللي بتتصنع في اوروبا وهى مش اوروبية الاساس (زي شيفروليه مثلا والياباني كله... الخ) (( وده صحيح طبعا ) لكن هو قال كام موديل اللي اسعارهم عالية اصلا ولم يذكر اي من العربيات المتوسطة اللي عليها طلب واللي مش اوروبية ولكن تصنع في اوروبا

زي كل موديلات الشفروليه كروز - سونيك (نيو افيو) - ... الخ
كذلك جميع موديلات ميتسوبيشي فلها مصانع في اوروبا في عدة دول حوالي 40 دولة اوروبية
راجع الموقع ده بتاع ميتسوبيشي فرع اوروبا

Mitsubishi Motors Europe


وابشركم زي ما الشارك الخليجي دلوقتي مغرقة السوق على السنة الجديدة ان شاء الشارك الاوربي هتغرق السوق وهتبقى افضل كمان من الخليجي ان شاء الله
شوف الشارك على موقع شيفروليه تركيا

Mitsubishi Motors

محدش يشتري غير لما السعر الرسمي يتخفض
واللي هيشتري هيتحمل ذنبه وذنب الناس كلها
لانه هيشجعهم على الاستمرار في جشعهم
وهيضربوا التخفيض في كرشهم زي السنوات اللي فاتت

[mazen21]

لازم نطلع رجالة ونقف وقفة رجالة

محدش يشتري بعد الا بعد مرور 60 يوم من بداية السنة الجديدة
علشان الشحنات الجديدة تكون المعارض لحقوا اتفقوا عليها بعد ما يعرفوا راسهم من رجليهم رسمي

وكمان سمعت ان بعضهم كان طالب شحنات وجاية في الطريق وهيسيبها على المركب ومش هيدخلها الا بعد صدور قرار التخفيض رسمي في اول يناير علشان يستفيد بالتخفيض
وعقبال ما تدخل وبتدي هو يعلن عن الجديد مش هيبقى اقل من شهرين تقريبا

محدش بقى يسمح للمستغلين والجشعين
بنهبنا
ويقعد يقول مفيش تخفيض مفيش تخفيض
ما هو انت بتروح له تشتري يقولك دي بقرشين
تقوله انت طب خد مع انك عارف انها بقرش
طول ما انت ساكت وبتدفع اللي بيقولوا عليه
طول ما هما هيفضلوا مستمرين في جشعهم
وكل سنة هيضربوا التخفيض في كرشهم
وهنفضل احنا نقول مفيش تخفيض مفيش تخفيض





[flash=https://freesecure.timeanddate.com/countdown/i4eng0i1/n53/cf101/cm0/cu4/ct0/cs0/ca0/cr0/ss0/cac000/cpc000/pcd8873c/tc66c/fs275/szw576/szh243/tatالوقت%20المتبقي%20على %20الحدث%20في القاهرة/tac000/tptTime%20since%20Event%20started%20in/tpc000/mac000/mpc000/iso2015-01-01T00:00:00]width=600 height=300[/flash]

[mazen21]

تحالف ضد الجشع

انا شايف ان انتم سايبني احارب لواحدي
فيا يا ريت الاخوة اللي ليها نفس المبدا بتاعي
تساعدني ونشكل جبهة ضد الجشع
احنا مش عاوزين من الناس غير انها تخلي فلوسها
في جيبها ومتشتريش غير لما يخفضوا الاسعار رسمي
كل اللي انا طالبه من اللي عاوز ينضم حاجه واحده
يوعي اكبر قدر من الناس عن طريق نشر لينك الموضوع
على جروبات الفيسبوك ومع اصحابه
الناس لازم تفوق من الغيبوبة ولا تظاهر ولا كلام فاضي
مش اكثر انك تخلي فلوسك في جيبك لحد ما يخفضوا الاسعار
ويقولوا لنا تخفيضات السنين اللي فات دخلت كرشهم ازاي

وده الرابط بتاع الصفحة ١٢ اللي عاوزين نوعي بيها الناس
نستخدم اللينك ده في نشر التوعية

https://www.nilemotors.net/Nile/447647-2015-12.html

[Dr.Ahmed Saad]

السلام عليكم ورحمة اللة ايها الشباب المحترم ولا ازكيكم على اللة
انا اعتقد لو استمر تفكيرنا فى كل الامور بهذا المنطق لاصبحنا على رؤس الامم يجب ان نترك السلبية ونتحد مع بعض لنغير بلدنا الى الافضل
وعلى فكرة موقف التاجر ضعيف جدا لان ببساطة لو محدش اشترى منة هيتخرب بيتة فلا تستهينو بموقف المقاطعة
وتصديق لكلامك كان جوز اختى بيشترى عربية من اسبوع وكان فية موظف محترم فى البنك قالة انتظر شوية لان العربيات ها ترخص
وايضا فية فكرة اسمى من الفلوس وهو ان الناس الجشعة دى تعرف ان الشعب المصرى واعى وبيعرف يجيب حقة

[mazen21]

اصمدوا واستمروا على موقفكم

استمروا على موقفكم يا رجاله
لا شراء الا بعد التخفيض الرسمي او بعد ٦٠ يوم من اول ٢٠١٥
ايهما يتحقق اولا

وهيحاولوا يلعبوا على نغمة ارتفاع سعر الدولار اليومين دول
ماتتهززش ارتفاع الدولار اليومين دول في السوق السوداء نظرا لارتفاع الطلب عليه
كل سنة قبل نهايتها لاسباب هى
١= اقتراب الكريسماس وفي ناس بتحب تسافر بره مسلمين ومسيحيين
٢= في ناس بتشتري هدايا عبر الانترنت بمناسبة راس السنة مسلمين ومسيحيين
٣= زي ما الناس بتشتري التجار كمان بيشتروا هدايا راس السنة وغيرها من السلع التي تلقى رواجا
في فترة راس السنة
٤= تجار السيارات يحتاجون ايضا للدولار لجلب صفقات السيارات

وغيره على نفس القياس يعني بيبقى في ضغط على الدولار فبيرتفع في هذه الفترة كل سنة


المهم الارتفاع ده ليس حقيقي اي انه ليس دائم يعني سعر الدولار سيرجع الى معدله الطبيعي
فور انتهاء الطلب الشديد عليه ما هو زيه زي اي سلعة في السوق الطماطم مثلا لو قلت في السوق
تلاقي سعرها ضرب في العالي واول ما ترطرط في السوق والضغط على طلبها يقل سعرها ينزل

المهم لا تهتزوا لانهم هيلعبوا على ارتفاع الدولار غير الحقيقي ده
احنا على مبدانا وعارفين ان بعد انتهاء فترة راس السنة وزوال اسباب الضغط على الدولار سينزل سعره
مرة اخرى

لن نشتري الا بعض التخفيض الرسمي او بعد ٦٠ يوما من بداية ٢٠١٥
استمروا في توعية معارفكم واصدقائكم على مواقع التواصل الاجتماعي

[alamo180]

بدء تخفيض رسوم جمارك السيارات الأوروبية 10% تنفيذا لاتفاقية الشراكة



أعلن مجدى عبدالعزيز، رئيس مصلحة الجمارك بمصر، أن سلطات الجمارك بالمطارات والموانئ بدأت صباح اليوم الخميس، تخفيض الرسوم الجمركية على السيارات الأوروبية بنسبة 10%، تنفيذا لاتفاقية الشراكة مع الاتحاد الأوروبى.

وقال عبدالعزيز، فى تصريحات صحفية: إن هذه التخفيضات تأتى استئنافا للاتفاقية التى تم وقف تنفيذها العام الماضى بقرار من رئيس الوزراء الأسبق هشام قنديل، نتيجة لضغوط من المصانع التى تعمل فى مجال تصنيع وتجميع السيارات بمصر. وهذا التخفيض يحدث للعام الخامس، حيث تم قبل ذلك تخفيض الرسوم الجمركية أربع مرات بـ 40% لتصل خلال العام الحالى 2015 إلى 50%، وستستمر هذه التخفيضات حتى تصل إلى 0% أوائل عام 2020.

وقال:إن هذه التخفيضات تشمل كل أنواع السيارات الأوروبية فقط تنفيذا لاتفاقية الشراكة الأوروبية، وتشمل قائمة التخفيض كل السيارات الأوروبية حتى الفاخرة منها، بينما لن تطبق التخفيضات على السيارات الأخرى.

بدء تخفيض رسوم جمارك السيارات الأوروبية 10% تنفيذا لاتفاقية الشراكة - جريدة البورصة

[crazy car]

ماشى فيه تخفيض بس مفيش حاجة هترخص وانا والله موش تاجر ولا بتاع
واهو ادينا فى يناير ايه اللى حصل فى الاسعار :(

[mazen21]

بشاير الاوروبي هلت

بشايرالاوروبي هلت يا رجالة بس مش عارف بدءوا ليه بحاجة فئتها السعرية عالية

المهم بدات تظهر في السوق كيا سبورتاج. سلوفاكي منشا اوروبي يعني
مع فرق سعر واضح عن السعر العادي لها بالتوكيل من قبل

وننتظر هلول باقي الموديلات والماركات زي الياباني مثل الشارك والامريكي مثل الكروز والسونيك
اللي هيا النيو افيو والتي متصنعة في اوروبا وطبعا الى جانب اصحاب الفرح اللي هما اوروبيين اصلا
زي الرينو والبيجو والستروين والالماني كله والايطالي زي الفيات والاسباني زي السيات توليبدو وابيزا ...الخ

وياريت نثبت على موقفنا لا تستسلموا لكلمات الناس اللي عاوزنا نعيش طول عمرنا في الذل ويقعدوا يقولوا
مش هيحصل تخفيض
هو مش هيحصل تخفيض فعلا اذا احنا سبناهم يتمادوا في جشعهم ويبيعوا بالاسعار اللي هما عاوزنها

وبدل ما نخليهم ٦٠ نكمل الجميل ومحدش يشتري الا على معرض اوتوماك في منتصف مارس
يعني نزود على الستين يوم كمان ١٥ يوم يعني شهرين ونصف
يكونوا اصحابنا استووا وفي نفس الوقت جابوا الجديد وبالتالي علشان يعوضوا الكساد اللي في الشهرين ونص
يقوموا جايبين من الاخر في الاسعار اثناء المعرض

[MACATHIUS]

معاك انا و كل زملائى
مش هنشترى الا بعد 15 - 3