تقييم كامل بيجو 301

[hatem_swaf]

سؤال مهم جدا ... ايه اخبار العربية فى الحر ده خصوصا مع تشغيل التكييف؟؟

هل بتسخن؟ هل في مؤشر حرارة اصلا؟؟ قوة الموتور عاملة ايه فى الحر؟

انا شغلت التكيف لمده نصف ساعه وكانت درجه الحراره الخارجيه 40 حسب المكتوب فى شاشه الكاسيت وكان الساعه 12:30 الظهر وكان جيد جدا كنت مضبطه على النصف

وجربت برضه ac max لمده 5 دقايق وكان جيد جدا ومحستش خالص باى تاثير على الموتور
وللاسف مفيش مؤشر حراره

[aboamina]

طبعا غلط ياباشا؟!! كده ممكن يبوظ الـstructural-integrity بتاع الكاوتش!!
وغلط انه يفضى الكاوتش والعربية عـ الأرض بردو (عشان سن الجنط مايعملش)!

الصح (واللى بيتعمل فـ Fit&Fix وأى مركز محترم).. انه بيرفع العربية عن الأرض -ويشتغل كأنه هيفك العجل بالضبط..

المفروض دى procedure بتتعمل لكل العربيات: لأن فيه فرد low-profile لو عمل الكلام اللى فوق ده:: هيدمر الـside-wall enforcement

فـ هو بيعمله لكل العربيات واحد!

بالنسبة للبيجو301:

حاجتين للى معاهم العربية بخصوص الفرامل والكاوتش:

1- لو الفرامل bosch زى الـ508 والـ207GT (اللى شوفتهم) بتاخد وقت على ماتطبع والتيل يبدأ يوصل للـfriction بتاعه؟!!! take-care !
بس بعد وقت بتبقى تمام
لكن لو Delphi فرنساوى it's OK بتشتغل على طول!

2- الكاوتش الميشو الـEnergy-saver ده: ناعم ومحترم وكويس وكل حاجة...
بس دى أقل فردة فـ الميشلان كلـــــــــه فـ الفرامل؟!! بردو خدوا بالكو!

الكلام ده عن تجارب فـ مقاسات أكبر 205/55R16 و 22545R17 والكاوتش كمان كان ألمانى made-in-germany ميشلان ألمانى::
وكان سىء جدا فـ الفرامل؟؟!!! ناعم لدرجة الزحلقة!!
- مش زى ماتعودنا عـ الميشو اللى بينزل فـ فـ العربيات الثقيلة oem أو الحاجات الأعلى زى الـPrimacy HP و الـPilot Sport/ Super؟!!

الإنيرجى ده كاوتش Eco مش بتاع أداء و traction وفرامل وسرعات!

Rgds،

مشكور على المشاركة الفرانكو اراب دي

[Ahmed.Fahmy]

بسم الله الرحمن الرحيم

الحمد لله اشتريت عربيه بيجو 301 هاى لاين - لون بترولى

أولا تقرير الشراء :

اشترتها من سمير ريان من عشره ايام وكان قبل ماشتريها بيوم واحد قالى سعرها 136 الف ويوم مارحت ادفع الفلوس قال لى المورد رفع السعر وهى بقت ب 138 الف علشان الشحنه الجديده لسه حاتيجى في يونيو ، فتوكلت على الله واخدتها لانى سالت برضه في اباظه التجمع وكان قايل نفس السعر بس مكنش عنده حاجه في المعرض. ( بعد كده فيه ناس قالولى كنت سالت عليها عند ياسين بس بصراحه انا مكنتش اعرفه )

المهم انا استلمت ورقها بعد أسبوع كامل ( المبايعات والافراج الجمركي و شهاده البيانات)

انت بتاخد مع العربيه :

- غطا علبه الفيوزات

- 4 سره للجنوط حولى 16 غطا حليه للمسامير بتاعه العجل

- استبن

- عده ( كوريك + مفتاح عجله + مفتاح اصفر للمسامير الحليه)

- 2 كتالوج للعربيه عربى وانجليزى

- عدد 2 مفتاح واحد بريموت للسنتر وواحد عادى

- ايريال كاسيت

وده لينك لموضوع واحد من الاعضاء كان كاتبه عن كيفيه استلام العربيه وكيفيه القياده في فتره التليين وفادنى جامد بصراحه

http://www.nilemotors.net/Nile/212403-a.html

ثانيا شكل العربيه :

انا عاجبنى شكلها ولونها بصراحه جميله ودول صور العربيه من بره

http://nileup.com/up/uploads/nilemotors_13701123511.jpg

http://nileup.com/up/uploads/nilemotors_13701123512.jpg

http://nileup.com/up/uploads/nilemotors_13701123513.jpg

http://nileup.com/up/uploads/nilemotors_13701123514.jpg

http://nileup.com/up/uploads/nilemotors_13701123515.jpg

دول صور العربيه من جوه وفيها صور الكاسيت والتابلوه و صوره الشاشه لما بتكون العربيه راجعه للخلف

http://nileup.com/up/uploads/nilemotors_13701126731.jpg
http://nileup.com/up/uploads/nilemotors_13701126732.jpg
http://nileup.com/up/uploads/nilemotors_13701126733.jpg
http://nileup.com/up/uploads/nilemotors_13701126734.jpg
http://nileup.com/up/uploads/nilemotors_13701126735.jpg
http://nileup.com/up/uploads/nilemotors_13701126736.jpg
http://nileup.com/up/uploads/nilemotors_13701126747.jpg
http://nileup.com/up/uploads/nilemotors_13701126748.jpg
http://nileup.com/up/uploads/nilemotors_13701126749.jpg
http://nileup.com/up/uploads/nilemotors_137011267410.jpg

وده صوره ذراع التحكم في الصوت والاتصال بالموبايل وشاشه الكاسيت

http://nileup.com/up/uploads/nilemotors_13701129391.jpg

وده صوره الشنطه هي وسعه جدا بصراحه

http://nileup.com/up/uploads/nilemotors_13701129392.jpg

http://nileup.com/up/uploads/nilemotors_13701129393.jpg

http://nileup.com/up/uploads/nilemotors_13701129394.jpg

وده صوره العجله على فكره الأربع عجلات جنوط 16 ميشلان 195/55/ 16 ولكن الاستبن طاسه ومقاسه 15 جود يير 185/65/15

وفيه شنطه العده كوريك ومفتاح عجله و مفتاح اصفر علشان تربط وتفك رؤوس المسامير الحليه للعجل

http://nileup.com/up/uploads/nilemotors_13701129395.jpg

http://nileup.com/up/uploads/nilemotors_13701129396.jpg

ودول صور للموتور

http://nileup.com/up/uploads/nilemotors_13701129397.jpg
http://nileup.com/up/uploads/nilemotors_13701129398.jpg

http://nileup.com/up/uploads/nilemotors_13701129399.jpg

http://nileup.com/up/uploads/nilemotors_137011293910.jpg

http://nileup.com/up/uploads/nilemotors_13701132731.jpg

http://nileup.com/up/uploads/nilemotors_13701132732.jpg

http://nileup.com/up/uploads/nilemotors_13701132733.jpg

وده صوره القايم مش مكتوب عليه ضغط العجل يبقى كام ؟؟ في ناس قالتلى 30 وناس قالت 32 انا ضبطه النهارده 30 لحد ما اشوف (طبعا كان 50 من المعرض )

http://nileup.com/up/uploads/nilemotors_13701132734.jpg

ثالثا تقييمى للعربيه :

احب أوضح الأول ان تقييمى مش حيبقى دقيق لانى كنت راكب لادا وطبعا الوضع اختلف و حاحس كل حاجه انها حلوه اووى وكمان انا مشيت بيها مرتين بس

عموما تقييمى

التكيف جميل جدااا

الفرامل ممتازه

صوت الموتور هادى هو طبعا في صوت بس مش مزعج و ساعات كتيره مش بتحسه هو بيبان وانت بتدور المفتاح في الأول لمده ثوانى ويهدا و لما تيجى تضغط جامد على الدواسه

السحب ممتاز انا كنت طالع مطلع كوبرى وماشى ببطئ وضغطت على الدواسه طلعت الكوبرى بسرعه كأنى كنت ماشى بسرعه وبطلع الكوبرى.

الثبات بصراحه مقدرش أقول حاجه لانى مفتحتش بيها لسه اخر حاجه كانت 90

العفشه كنت بحس بخبطات بسيطه في الحفر بس ده كان لما ضغط العجل 50 بس لما ضبطته 30 لسه مجربتش اوى وان كنت حسيت ان الخبط قل

رابعا ايه مش موجود في العربيه :

طبعا العربيه هي هاى لاين المفروض يكون فيها كل حاجه بس لما قرأت الكتالوج الخاص بيها شوفت فيه الحاجات ده ( اكيد طبعا ده اللى بينزل في أوروبا ) مش في مصر

1- ESP

2- زرار لتدفئه كرسى السائق

3- لمبه في السقف في الجزء الخلفى

4- كمبروسور هواء لنفخ العجل و كمان كبسوله ممكن تصلح العجل المخروم

5- ذراع تحكم كروز في تثبيت السرعه او زيادتها و تقليلها

6- جهاز انذار للسرقه

مش عارف بقى الحاجات ده حتبقى متوفره في التوكيل ولا لا ؟ وياترى أسعارها حتبقى ايه ؟

خامسا الصيانه وقطع الغيار :

انا طلبت كذا فرع بس اتضح ليا ان فرع غمره هو اللى جامد وفيه الصيانه وقطع الغيار وكلمت مهندس هناك وقالى ان اول صيانه مجانيه (مجرد كشف عام على العربيه من غير تغيير اى زيوت او اى حاجه) هي صيانه 2500 كم وأول صيانه فعليه هي 10000 كم وده اللى بيتغير فيها الزيت وفيه صوره لاقيتها في موضوع اخر لشكل الصيانات

http://nileup.com/up/uploads/nilemotors_13701132735.jpg

اما بخصوص أسعار قطع الغيار

1- أسعار جريده الاهرام

فلتر زيت 49

فلتر بنزين 40

فلتر هواء 50

فلتر تكييف 134

طقم بوجيهات 134

طقم تيل فرامل امامى 430

سير مجموعه 172

طقم كاتينه 482 (كاتينه + 2 بليه )

مرايه جانبيه 624

2- لما اتصلت بفرع غمره عرفت الأسعار التاليه طبعا تزود عليها 10% ضريبه

طقم طنابير خلفى 731

طقم تيل خلفى 551

اكصدام امامى 2231

اكصدام خلفى 1845

كشاف امامى 1274

فانوس خلفى 591

برابريز امامى 998

مساعدين خلفى 241

بوجيه واحد 33

3- كان في موضوع واحد من الاعضاء كان كاتبه فيه بعض الأسعار برضه ممكن يفيدنا

http://www.nilemotors.net/Nile/35895...eot-301-a.html

سادسا مميزات العربيه :

انا شايف ان العربيه كلها مميزات

1- سعرها وده اهم حاجه

2- انها تقفيل اسبانى

3- موتورها قوى

4- خاماتها جيده جدا

5- الشاشه والتحكم فيها من كمبيوتر الرحلات و ال USB- AUX – CD والبلوتوث والاتصال بالموبايل

6- قطع غيارها مش غاليه اووى ومعقوله

7- التكيف ممتاز

8- الفرامل ممتازه

9- الشنطه واسعه جدا

10- درج العربيه واسع

11- مرايات كهربا

12- باركنج سينسور للركن من الخلف

13- زرار للتحكم في منع فتح او غلق الزجاج الخلفى من الأطفال للحمايه

14- أخيرا لشكل الانيق ليها

انا لسه مجربتش الثبات ولا استهلاك البنزين

سابعا عيوب العربيه :

انا لسه مقدرش أقول اى عيوب بس فيه نقط ومش عارف اذا كانت عيوب ولا لا

1- المساحات فى اى عربيه لما السايس يمسحها بيرفع المساحات ويمسح الزجاج لكن العربيه ديه المساحات متترفعش لانها بتخبط في غطا الكبوت يدوب ترفعها عشره سم وتنزلها تانى والحل ليها انك بعد لما تبطل العربيه اضغط زرار المساحه تقوم الريش تقف عموديه وتثبت على كده.

2- الجزء الخلفى للعربيه مفيهوش اى طفايه سجاير و لا جراب في الباب احط فيه ورق او حاجه.

3- مفيش مكان مناسب احط فيه الموبايلات في التابلوه

4- مفتاح واحد بس بريموت للسنتر لازم يكونوا اتنين

ثامنا اسئله : للخبراء ولمالكى السياره

1- هو ضغط العجل مفروض كام 30 ولا 32 ؟؟؟

2- لما بتمشى بالعربيه منغير ماتربط الحزام بتفضل تعطى انذار بصوت عالى لحد ما تربط الحزام فهل فيه حل انى أوقف صوت الإنذار ده من غير ما اربط الحزام ؟؟

واخيرا أتمنى من الجميع ان يستفاد من الموضوع واطلب منكم الدعاء لى ان يبارك لى في العربيه و يرزقنى خيرها ويكفينى شرها ان شاء الله

ولو حده عنده سؤال يتفضل يسأل وانا أحاول اجاوبه ان شاء الله

اولا الف ميروك على العربية، ربنا يديك خيرها ان شاء الله

بالنسبة لضغط العجل هتلاقيه على قايم الباب بتاع السائق من تحت

بالنسبة للحزام الAlarm بيقف بعد شوية بس البس الحزام احسن عشان الAirbag

والمساحات ما تترفعش ولا حتى 10 سم "نصيحة"

[Ahmed Amin]

صوت ال Alarm بتاع الحزام بيقف بعد دقيقتين من بدايته بعد ما تتحرك. بعد ما يكون زهقك عشان تلبسة.
ولو عاندت معاه اكتر وكملت الدقيقتين وملبستوش واستحملت زنه. هوا هيسكت ويقول انا عملت اللي عليا.!
ولو وقفت بالعربية واتحركت تاني عادي, مش هيزن
أما لو فتحت الباب من غير ما تنزل او نزلت. واتحركت من جديد. هيبدأ نفس الزن من أول وجديد.

أنا عن نفسي بلبس الحزام حتي لو جوا البلد.
ولو عايز تتخلص من الزنة ممكن تربط الحزام قبل ما تقعد وتقعد الكرسي ويبقي الحزام ورا ضهرك.
او لو مفيش حد معاك ممكن تربط حزام الكرسي التاني في سوكيت الحزام بتاعتك اللي جنب الكرسي بتاعك.

بس في كل الاحوال الحزام امان حتي لو جوا البلد.
ممكن تقول انا ماشي جوا البلد او في مكان نضيف ومش هيحصلي فيه حاجة
ويجي حد غشيم والغشم كتير يخبطك خبطة جامدة وتفتح الاير باج وانت مش لابس الحزام وتبهدلك جامد وممكن تسبب لك كسور في الرقبة كبداية.

http://www.nilemotors.net/Nile/361024-a.html

ربنا يستر طريقك وطريقنا.
والحزام أمان.

[HaNo_ELBeh]

الف مليون مبروك عليك الجميله 301
انا والله بفكر فى العربيه ديه بس قولت استنى شويه اشوف راى الاعضاء مالكى العربيه
وانا شايف ان العربيه ديه سعرها هيطير على اخر السنه
ربنا يكفيك شرها ويديلك خيرها
تحياتى

[ayman2]

الف مليون مبروك عليك الجميله 301
وانا شايف ان العربيه ديه سعرها هيطير على اخر السنه
ربنا يكفيك شرها ويديلك خيرها
تحياتى

+1

[hatem_swaf]

صوت ال alarm بتاع الحزام بيقف بعد دقيقتين من بدايته بعد ما تتحرك. بعد ما يكون زهقك عشان تلبسة.
ولو عاندت معاه اكتر وكملت الدقيقتين وملبستوش واستحملت زنه. هوا هيسكت ويقول انا عملت اللي عليا.!
ولو وقفت بالعربية واتحركت تاني عادي, مش هيزن
أما لو فتحت الباب من غير ما تنزل او نزلت. واتحركت من جديد. هيبدأ نفس الزن من أول وجديد.

أنا عن نفسي بلبس الحزام حتي لو جوا البلد.
ولو عايز تتخلص من الزنة ممكن تربط الحزام قبل ما تقعد وتقعد الكرسي ويبقي الحزام ورا ضهرك.
او لو مفيش حد معاك ممكن تربط حزام الكرسي التاني في سوكيت الحزام بتاعتك اللي جنب الكرسي بتاعك.

بس في كل الاحوال الحزام امان حتي لو جوا البلد.
ممكن تقول انا ماشي جوا البلد او في مكان نضيف ومش هيحصلي فيه حاجة
ويجي حد غشيم والغشم كتير يخبطك خبطة جامدة وتفتح الاير باج وانت مش لابس الحزام وتبهدلك جامد وممكن تسبب لك كسور في الرقبة كبداية.

http://www.nilemotors.net/nile/361024-a.html

ربنا يستر طريقك وطريقنا.
والحزام أمان.

الف شكر على المعلومات وانا ابتديت اعمل بالنصيحه والبس الحزام حتى لو مشوار صغير
وربنا يسترها علينا جميعا

[hatem_swaf]

النهارده الصبح زودت عجل العربيه الى 32 ومشيت بيها حسيت بفرق فعلا احساسى بالحفر والمطبات قل جداااا

على فكره انا كنت مضبط العجل على 30 ( بمقياس العادى مؤشر) لكن لما رحت النهارده ازود ل 32 ( مقياس ديجيتال ) الرجل قاللى انها كانت مضبوطه على 28 استغربت !! واضح فعلا زى الناس اللى نصحونا قبل كده لازم نطمن على ضغط العربيه عند محلين او تلاته للاطمئنان علشان كل واحد مقياسه مختلف عن التانى

وسالته على نفخ العجل نيتروجين قالى انها ب 20 جنيه للاربع عجلات بس لسه مش حاحول للنيتروجين دلوقتى لما اقيس مستوى استهلاك البنزين الاول

[kar!m]

بسم الله ما شاء الله

ألف مبروك .. ربنا يبارك لك فيها و يحفظهالك.

[MoH.SaLaDiN]

الف مبروك ربنا يديك خيرها ويكفيك شرها

[hatem_swaf]

الف مبروك ربنا يديك خيرها ويكفيك شرها

الله يبارك فيك وشكرا على الدعاء

[saint2011]

النهارده الصبح زودت عجل العربيه الى 32 ومشيت بيها حسيت بفرق فعلا احساسى بالحفر والمطبات قل جداااا

على فكره انا كنت مضبط العجل على 30 ( بمقياس العادى مؤشر) لكن لما رحت النهارده ازود ل 32 ( مقياس ديجيتال ) الرجل قاللى انها كانت مضبوطه على 28 استغربت !! واضح فعلا زى الناس اللى نصحونا قبل كده لازم نطمن على ضغط العربيه عند محلين او تلاته للاطمئنان علشان كل واحد مقياسه مختلف عن التانى

وسالته على نفخ العجل نيتروجين قالى انها ب 20 جنيه للاربع عجلات بس لسه مش حاحول للنيتروجين دلوقتى لما اقيس مستوى استهلاك البنزين الاول

روح حضرتك fix & fit توكيل بريدجستون وفضى الهواء وحط نيتروجين وضبط الضغط هتلاقى العربية أرتاحت والعفشة ناعمة وربنا يباركلك فيها

[hossam_elwani]

روح حضرتك fix & fit توكيل بريدجستون وفضى الهواء وحط نيتروجين وضبط الضغط هتلاقى العربية أرتاحت والعفشة ناعمة وربنا يباركلك فيها

التكلفه كام عندهم؟؟

[Tanderia]

http://nileup.com/up/uploads/nilemotors_13701132732.jpg

الف مبروك العربية حلوة جدا و على فكرة الماتور هو بتاع 307 موتور كويس و ملوش اعطال الحمد لله. الكود بتاعه tu5jp و ده معناه ان قطع الغياره موجود فى السوق من اول يوم للعربية. و غالبا الفتيس برده بس مش متأكد. على العموم الفتيس الكود بتاعه al4 ممكن تشوف فى المانيول بتاع العربية.
ممكن يبقى فى اختلافات فى القواعد او بعض لحجات .

كود موتور 301 هو ddnfp

[hatem_swaf]

نسيت اقولكم حاجه
بالنسبه للترخيص كالاتى :

لازم يكون معاك ورق المبايعه من المورد للمعرض و مبايعه من المعرض ليك وافراج جمركى وشهاده بيانات للعربيه : اهم حاجه يكون فيهم رقم الشايه و لونها وطبعا انها بيجو 301 وانها 1587 سى سى وموديل 2014 ويكون وكمان معاك صورتين للبطاقه بالنسبه للمصاريف :

10 دوسيه والورق
320 تامين 3 سنين
140 طفايه حريق
45 ورق الفحص والتجديد 3 سنين
1033.5 ضريبه وحاجات كتيير كده

وطبعا البقاشيش

واستلمت الرخصه فى نفس اليوم

وصورتها و صورت البطاقه و اديتهم لسمير ريان علشان يدينى الضمان قاللى كمان اسبوع او عشره ايام حنكلمك ونديك الضمان