رابطة ملاك ال301

[amrelsaqqa]

بالنسبة للناس اللى سألت على استهلاك البنزين

مونت يوم الحد اللى فات والعداد عامل 2589 لحد الزور
وتفويلة تانى النهاردة والعداد عامل 2967 وتقريبا لحد الزور بردو خدت 41 لتر والمسافة كدة 378

يعنى تقريبا 190 كيلو / صفيحة او 10.5 لتر / 100 كيلو

مشاوير الاسبوع اللى فات كالتالى
يوم الحد تم التموين في محطة شل غمرة والتوجه للتوكيل مباشرة وبعدين ميدان رمسيس ومنه لعبد المنعم رياض وكوبرى اكتوبر لحد البطل احمد عبد العزيز جامعة الدول ، وبعدين وادي النيل جبت الضمان و بعدين روحنا مشوار لحد صالة عرض اوبل اللى قبل طلعة كوبري 15 مايو اخر المحور وبعدين جامعة الدول تانى وبعدين كوبرى اكتوبر تانى (كان زحمة موت) لحد رمسيس وبعدين روحت اوصل صاحبى لحد عبود ثم العودة للمهندسين

يوم التلات مشوار لوسط البلد ومصر الجديدة
يوم الاربع خروجة بسيطة داخل حدود الدقى والمهندسين

يوم الخميس السفر للمنوفية وزحمة الدائري والزراعى القاتلة ( ساعتين على الدائري من محور عرابى لنزلة الزراعى ) والنهاردة الصبح مشوار 100 كيلو من المنوفية لحد المهندسين ومشوار مصر الجديدة بتاع النهاردة اخر النهار رايح بس ومونت هناك..

كل ده عمل 378 كيلو بـ 41 لتر ، كويس كدة ولا كتير ؟

[amrelsaqqa]

علي كده لما المطر يمطر مفيش عربية هتمشي كويسة ؟؟؟؟
مش عارف حاسس ان في سبب تانى يمكن حد يفيدك في الموضوع ده
وعاوزين برده نشوف راي الناس اللي معاهم العربية رايهم ايه وهل واجهوا المشكلة دي ولا ﻷ ؟؟

مانا عارف ، انا مشيت بالعربية في المطر قبل كدة وما حصلش حاجة وكان اداءها رائع في الفرامل ومحستش انى ماشى في المطرة اصلا وكنت بجري ولا على بالى وده خلى العربية اتوسخت جامد من المطرة وما حصلش حاجة بردو .. اللى حصل النهاردة غريب الصراحة ، وانا ربطت بموضوع المطر النهاردة لان دي الحاجة الوحيدة اللى حصلت

[S.Hasan]

مانا عارف ، انا مشيت بالعربية في المطر قبل كدة وما حصلش حاجة وكان اداءها رائع في الفرامل ومحستش انى ماشى في المطرة اصلا وكنت بجري ولا على بالى وده خلى العربية اتوسخت جامد من المطرة وما حصلش حاجة بردو .. اللى حصل النهاردة غريب الصراحة ، وانا ربطت بموضوع المطر النهاردة لان دي الحاجة الوحيدة اللى حصلت

ان شاء الله خيير

[M.Emam]

سلام عليكم
السادة ملاك بيجو 301 الف مبروك لحضراتكم اللى استلم واللى لسه هيستلم إن شاء الله
انا حجزت العربية بس لسة مخترتش اللون والمشكلة إن الألوان اللى فى الكتالوج غير اللى على الطبيعة خالص يعنى كان عاجبنى فى الكتالوج لون الكافيه الغامق بس لما شوفته حسيته مش محصل بنى ولا بتنجانى والصور على موقع بيجو معمولها اديت فبرده مش واقعية كفاية كدة كلام وخلينا فى المهم
السادة اللى استلموا العربية لو ممكن يصوروا العربية من بره ويحملوا صورها يبقى الف شكر ليهم والف شكر للى مش هيصوروها برده :) ولو حد خايف يصورها من الحسد ممكن يحط لوجو خرزه زرقا على الصورة :)

[أحمد غازى]

الكاوتش ضرب يا رجاله

انا كاوتشات عربيتى فرقعت ودايخ عليها ومش لاقيها خالص
حاجه بجد تعصب
انا معايا الهاى لاين ٣٠١
مقاسه ميشلان ١٩٥/٥٥/١٦
لو حد يعرف اجيبه منين ياريت يساعدنى

[M.Emam]

انا كاوتشات عربيتى فرقعت ودايخ عليها ومش لاقيها خالص
حاجه بجد تعصب
انا معايا الهاى لاين ٣٠١
مقاسه ميشلان ١٩٥/٥٥/١٦
لو حد يعرف اجيبه منين ياريت يساعدنى

فى واحد بتاع كاوتش كويس جدا وسعره ارخص سعر لقيته هو فى شارع عبد الحميد بدوى - امام نادى الشمس بعد ميدان الحجاز
انا بس عايز اسأل هو الكاوتش فرقع ازاى؟!!!

[amrelsaqqa]

فى واحد بتاع كاوتش كويس جدا وسعره ارخص سعر لقيته هو فى شارع عبد الحميد بدوى - امام نادى الشمس بعد ميدان الحجاز
انا بس عايز اسأل هو الكاوتش فرقع ازاى؟!!!

اسأل احمد medori هو غير فردة قبل كدة وانا غيرت بس اللى معايا المانيوال اللى فيها جوديير 15

[أحمد غازى]

فى واحد بتاع كاوتش كويس جدا وسعره ارخص سعر لقيته هو فى شارع عبد الحميد بدوى - امام نادى الشمس بعد ميدان الحجاز
انا بس عايز اسأل هو الكاوتش فرقع ازاى؟!!!

نزلت ف نقرة ف الطريق فرقع الكاوتش الي قدام يمين والي ورا شمال طلع فيه كالو
كنت بالليل وغالبا النقرة كان فيها حاجه
لو ممكن اسم المكان دا ابقي متشكل ليك قوى

[أحمد غازى]

اسأل احمد medori هو غير فردة قبل كدة وانا غيرت بس اللى معايا المانيوال اللى فيها جوديير 15

تشكر يا كبير
انا والله من زهقي فكرت أغير الاربع عجلا ٢٠٥ بس خايف دا يأثر علي العربية

[Akram.Gamal]

نزلت ف نقرة ف الطريق فرقع الكاوتش الي قدام يمين والي ورا شمال طلع فيه كالو
كنت بالليل وغالبا النقرة كان فيها حاجه
لو ممكن اسم المكان دا ابقي متشكل ليك قوى

حمدالله ع سلامه وربنا يستر طريقنا و اياك

مش غريبه شويه ان تبقا حضرتك صاحب ثالث عربيه تغير كاوتش
انا بفكر بصوت عالى مش أكتر

[أحمد غازى]

حمدالله ع سلامه وربنا يستر طريقنا و اياك

مش غريبه شويه ان تبقا حضرتك صاحب ثالث عربيه تغير كاوتش :u_thin1[1]::u_thin1[1]:
انا بفكر بصوت عالى مش أكتر

يا عمي الطرق ف مصر زبالة تفرتك احلي كاوتش وتلات عربيات مش كتير بس المشكلة فعلا ان العجلة مش موجودة ولا حتي ف توكيل ميشلان ولما سألت ف توكيل ابو رواش أجيبها منين سوحوني احلي تسويحة وبعتونى علي منصور الي ف الكيلو أربعة وهناك الراجل كان مستغرب جداً
يعني بجد يا فرحتي بعربية مش عارف اجيبلها كاوتش

[amrelsaqqa]

حمدالله ع سلامه وربنا يستر طريقنا و اياك

مش غريبه شويه ان تبقا حضرتك صاحب ثالث عربيه تغير كاوتش :u_thin1[1]::u_thin1[1]:
انا بفكر بصوت عالى مش أكتر

فكر ، وانا هفكر معاك

بص من الاخر
الكاوتش الجود يير طري جدا ، وده مديله مميزات في النعومة والفرامل و الصوت وخصوصا الفرامل بسم الله ما شاء الله

ولكن مطبات ونقر مصر يجب الحذر الحذر الحذر

انا عامة المواقف اللى بتحصل معايا غريبة جدا وكلها عين بطريقة تخوف


خامس يوم للعربية مجرد ما وقفت قدام الجراج وقبل ما اطلع الجراج قعر ازازة تخينة جدا قطعت الفردة اليمين قدام :( ودى انا اضطريت اغيرها وللاسف بعد ما غيرتها اكتشتفت انى خدت فردة انتاج اخر 2011 ، وخليتها ورا بس هى عامة مش سيئة ولا حاجة ومش ناشفة بس بصراحة اضايقت لما اكتشفت الموضوع ده )


و قبل صيانة 2500 واحد منه لله كان حاطط قالب طوب ع الطريق وانا ما شفتوش بالليل او بمعنى اصح شفته متأخر جدا وكنت بعدي واحد وزانق نفسى اولريدى ع الشمال فلبست فيه وانا مضطر، وده خلى الجنط اتعوج حاجة بسيطة ، والفردة خدت خرمين ، بس صلحتها والحمد لله الجنط اتعدل كويس جدا ..... ورجعتها ورا بردو.....

بعدها بيومين خبطوها جوة التوكيل :d


الحمد لله ... اه لو اقفش اللى مركز عينه معايا ده :d

[amrelsaqqa]

يا عمي الطرق ف مصر زبالة تفرتك احلي كاوتش وتلات عربيات مش كتير بس المشكلة فعلا ان العجلة مش موجودة ولا حتي ف توكيل ميشلان ولما سألت ف توكيل ابو رواش أجيبها منين سوحوني احلي تسويحة وبعتونى علي منصور الي ف الكيلو أربعة وهناك الراجل كان مستغرب جداً
يعني بجد يا فرحتي بعربية مش عارف اجيبلها كاوتش

مشكلة الهايلاين ان مقاسها نادر شوية ، معلش خير ان شاء الله

احمد بيتهيألى كان جاب الفردة بـ 1050 جنيه :(

وانا جبت الجود يير الـ 15 نفس الاصلية البولندي بـ 525 ، يعنى الـ 16 اغلى الضعف !

[أحمد غازى]

مشكلة الهايلاين ان مقاسها نادر شوية ، معلش خير ان شاء الله

احمد بيتهيألى كان جاب الفردة بـ 1050 جنيه :(

وانا جبت الجود يير الـ 15 نفس الاصلية البولندي بـ 525 ، يعنى الـ 16 اغلى الضعف !

المشكلة ان المقاس دا مبيركبش غير لعربية بي ام فبيعاملك كأنك راكب بي ام المشكلة اني أصلا مش لاقيها ميشلان لقيتهم بريللى
تاني حاجه انا عاوز أغير فردتين بس كدا أرخصلي اني أحط ١٨٥ او ٢٠٥ بس مش عارف دا هيأثر علي العربية اذاى
عموما انا بعت لأحمد ومستني رده

[Akram.Gamal]

المشكلة ان المقاس دا مبيركبش غير لعربية بي ام فبيعاملك كأنك راكب بي ام المشكلة اني أصلا مش لاقيها ميشلان لقيتهم بريللى
تاني حاجه انا عاوز أغير فردتين بس كدا أرخصلي اني أحط ١٨٥ او ٢٠٥ بس مش عارف دا هيأثر علي العربية اذاى
عموما انا بعت لأحمد ومستني رده

انت لوو عايز تغير الاربعه عادى مفيش مشاكل بالعكس ده هيفيدك فى الثبات و الفرامل
لكن بص ع القايم وشوف مسموحلك لحد مقاس كام ؟