رابطة ملاك ال301

[mahmed0100]

النتشه دي يا باشا علي حد علمي كان العربيه حتنط لقدام . و تقف في نفس اللحظه .. بتتهز فجاءه يعني
تلاحظها في العربيات القديمه اوي لو فتيسها بايظ
و علي فكره انا زيك اول مره اشتري عربيه
و لازم نسأل علي اي حاجه علشان نعرف :)
صباح الفل

[Mandosiom]

النتشه دي يا باشا علي حد علمي كان العربيه حتنط لقدام . و تقف في نفس اللحظه .. بتتهز فجاءه يعني
تلاحظها في العربيات القديمه اوي لو فتيسها بايظ
و علي فكره انا زيك اول مره اشتري عربيه
و لازم نسأل علي اي حاجه علشان نعرف :)
صباح الفل

صباح الفل يا باشا..

اكيد كلامك صح.. بس اول ما قرات موضوع النتشه ده.. كنت فاكر انه حاجه عابره كده.. بس
مع الوقت تحس ان الموضوع محتاج حد يفهمهولك.. او تستنى لما تستلم و تعيش فيه لوحدك..!

[Ahmed Amin]

انا عارف ان سؤالى سخيف.. بس بعتذرلكم جميعا..

انا قرات الـــ 29 صفحه.. اتكررت فيها كلمة : نتشه" 600 مره..
انا حجزت العربيه و دى اول مره هركب عربيه..
السؤال السخيف بقى " يعنى ايه نتشه"....!!!!!؟

سؤالك مش سخيف ولا حاجة,
النتشة دي هيا أحساسك بالعربية وهيا بتنقل ما بين الأول والتاني فقط, يعني مش موجودة علي باقي الغيارات

ودا لأن عزم الفتيس عالي غير أغلب أنواع الفتيس الكوري وحتي الياباني في المواتير ال 1600
الفتيس بتاع البيجو ممكن يقطر بيه وزن وراك أكتر من 300 ل 500 كيلو عن أي فتيس ياباني وكوري,,

النتشة دي بتبان علي نقل السرعة ما بين الأول والتاني وانت رجليك خفيفة علي دواسة البنزين,
لكن لو أنت دايس وواخد عزم كويس من الموتور مش هتحس بأي نتشة ولا أحساس النقلة حتي,

كل الفرنساوي ال 4 غيارات كدا ودا مش عيب في البيجو 301 ولا أي بيجو ولا سيتروين,
ممكن تبقي تقرأ المشاركة دي هتفيدك أكتر,

http://www.nilemotors.net/Nile/3875267061-post20.html

وممكن تاخد فكرة أكتر عنها من أحساس واحد لسه مجربها جديد من الرد دا,

بالنسبة للنتشة انا غالبا لما بحس بيها وكنت مقلق منها زيك بالظبط وانا بقرأ المشاركلت بس بعد ما استلمت حسيت انها مبالغ فيها اوي وبتعتمد علي حساسية رجلك ومش محسوسة

وتبعد خالص عن الوصف الغريب اللي في الرد دا,,

النتشه دي يا باشا علي حد علمي كان العربيه حتنط لقدام . و تقف في نفس اللحظه .. بتتهز فجاءه يعني
تلاحظها في العربيات القديمه اوي لو فتيسها بايظ
و علي فكره انا زيك اول مره اشتري عربيه
و لازم نسأل علي اي حاجه علشان نعرف :)
صباح الفل

يا راجل يا طيب,, بقي عربيتك بتنط من عال أسفلت, وبتتهز كمان,,!
دا كلام ؟؟ بقي دا أسمه كلام ؟
WAMA Band - Da Kalam فريق واما - ده كلام - YouTube

أبقي دوس بنزين كويس ياعم محمد في نقلة التاني عشان عزم الفتيس,,

http://www.nilemotors.net/Nile/3875267061-post20.html

[mahmed0100]

صباح الفل يا باشا..

اكيد كلامك صح.. بس اول ما قرات موضوع النتشه ده.. كنت فاكر انه حاجه عابره كده.. بس
مع الوقت تحس ان الموضوع محتاج حد يفهمهولك.. او تستنى لما تستلم و تعيش فيه لوحدك..!

انا اخترت الاختيار التاني اني استلم و اتعامل معاها .. و بما انها اول عربيه فاكيد مش ححس بمشكله زي كده و حتعود بسهوله علي نظام الفتيس ..

[mahmed0100]

يا احمد ما انا قلت علي حد علمي
و قبل كده انا قلت علي نفسي اني ابيض :))
بس هو ده وصف و ترجمه النتشه عندي ان العربيه في الغيار بتكون كانها حتطلع بسرعه و بعدين تهدا علي قد دوستي علي البنزين في نفس اللحظه فتعمل زي push او دفعه كده
متحرجنيش اكتر من كده بقا :))

[Ahmed Amin]

يا احمد ما انا قلت علي حد علمي
و قبل كده انا قلت علي نفسي اني ابيض :))
بس هو ده وصف و ترجمه النتشه عندي ان العربيه في الغيار بتكون كانها حتطلع بسرعه و بعدين تهدا علي قد دوستي علي البنزين في نفس اللحظه فتعمل زي push او دفعه كده
متحرجنيش اكتر من كده بقا :))

بهزر معاك يا محمد باشا,, مشوفتنيش فاتح بوقي أزاي وانا بكلمك
متخوفش الناس كدا بس لأن العربية مش بتتهزر ولا بتنط, هوا أحساس النقلة بس بيبان لو رجلك خفيفة علي الدواسة لأن عزم الفتيس عالي عن أي فتيس أوتو تاني,
وممكن تتفادي أحساس النتشة اللي الناس اداته اكبر من حقة عن طريق أنك تدوس وتخلي العربية تنقل علي 2500 ل 3000 لفة موتور في الدقيقة RPM
أو تديها مانيوال أو Snow mode ودمتم.

أبقي أقري ردي اللي حطيت اللنك بتاعه لو لسه مقرتهوش.

[Mandosiom]

الف شكر يا احمد باشا..
معلش بقى اصل الواحد لسه ابيض يا ورد.. ففى بعض المصطلحات غريبه شويه..

[Ramy Hazem]

باشا مافيش قلق و لا حاجة اولا العربية معايا بقالها 3 اسابيع كده اولا النتشة دى مش بقللك مش موجوده ابقى كداب بس هى مش نتشة بالدرجى اللى الناس فاكرها انا عن نفس بطريقة سواقتى مش حاسس بيها خالص هى بس مجرد تعود مش اكتر فدى نقطة ما تقلقشى منها خالص الكاوتش ده قضاء و قدر مش شرط ان فى 3 او 4 غيروا فرد كاوتش تبقى مشكلة ده موضوع ممكن يحصل فى كل العربيات مش البيجو ال 301 بالذات البوجيهات ده اعتقد حالة او حالتين مش كل العربيات و مش ده اللى يخليك تصرف نظر عن العربية انت كده كده اجلا او عاجلا حاتغير البوجيهات بس قدام شويه يعنى لو حصلت المشكلة من بدرى حاتغيرها فى الضمان و مافيش مشكلة وبعدين فى ناس صحابى من القاهرة عاملين بالعربية حوالى 20 الف كيلو و مافيش اى مشكلة الحمد لله يا باشا سيبك من الكلام الكتير و استخير ربنا وتوكل على الله العربية كمجمل ممتازة و اكيد باقى الاعضاء المالكين للسيارة حايقولولك رايهم و بالتوفيق ان شاء الله

معلش الواحد بيقلق شوية وخصوصا لما تظهر المشاكل بشكل متكرر في مكان موضوع واحد فتحس انها مشكلة مشتركة
ربنا يستر بقي ويباركلنا فيها ويكفينا شرها

[Ramy Hazem]

يا باشا انت دافع 136 الف تمن عربيه .. خايف من كاوتش تمنه الف جنيه ؟ طيب بتاع الجاجوار يعمل ايه بقا ؟ يشتري عربيه تانيه بدل ما يغير فرد الكاوتش؟
:)
نفس الكلام في البوجيهات و غالبا مشكلتها محصلتش غير مع اتنين او تلاته في المنتدي في وقت مطر و شبوره و دي حاجه وارد انها تحصل لاي عربيه
اما نتشه الفتيس فكل الناس اجمعت ان الفرنساوي كده و مدام انا و انت حاجزين اوتوماتيك .. فكلها كام يوم و نتعود علي طريقه الفتيس .
بالظبط زي ما تنزل من عربيتك تركن لواحده عربيتها .. و تبقي مستغرب كل حاجه فيها و دوسه البنزين و الفتيس و كل حاجه مع ان العربيتين مانيوال او اوتوماتيك ... فروق فرديه بين العربيات و في الاخر الغرض واحد
توكل علي الله و انتظر ال 301

اه ياباشا خايف من كاوتش بالف جنية , لانك متعرفش انا حوشت المقدمه بس ازاي والباقي هقسطه مع البنك , وحتي لو دافع كاش هو الواحد معاه كام الف علشان يجيب كاوتشات
ربنا يريح قبلك يا شيخ

[mahmed0100]

بهزر معاك يا محمد باشا,, مشوفتنيش فاتح بوقي أزاي وانا بكلمك
متخوفش الناس كدا بس لأن العربية مش بتتهزر ولا بتنط, هوا أحساس النقلة بس بيبان لو رجلك خفيفة علي الدواسة لأن عزم الفتيس عالي عن أي فتيس أوتو تاني,
وممكن تتفادي أحساس النتشة اللي الناس اداته اكبر من حقة عن طريق أنك تدوس وتخلي العربية تنقل علي 2500 ل 3000 لفة موتور في الدقيقة rpm
أو تديها مانيوال أو snow mode ودمتم. :copy of m-s5:

أبقي أقري ردي اللي حطيت اللنك بتاعه لو لسه مقرتهوش.

فاهمك يا باشا و قريت ٤ حلول انت اقترحتها قبل كده علشان الناس متحسش بالموضوع ده خالص في الفتيس

[Akram.Gamal]

يا جدعااااااان ان شاء اللله هتستلموا على خير اولا
ثانيا اي حد لسا اول مره يركب اوتوماتيك مش هياخد باله اصلا من اي حاجه
لان هي اصلا مش نتشه الله يسامحه بقا ال قال عليها نتشه فى الاول
انا اعرف ان العربيه بتنتش لما يبقا مثلا كهربة الموتور مش تمام
لكن دى مش نتشه دى حاجه طبيعيه جدا بسبب عزم الفتيس و الموتور

و الحكايه كلها ان العربيه فعلا بتبقا عايزه تجرى و بعدين بتهدا على دوسة رجلك بس كدا
اعتقد ان دى حاجه مش وحشه اصلا و ال جرب العربيه دى فى السبورت مود بيقول انها بتتحول ل بوجاتى
مش بوجاتى اوى يعنى :d

[mahmed0100]

اه ياباشا خايف من كاوتش بالف جنية , لانك متعرفش انا حوشت المقدمه بس ازاي والباقي هقسطه مع البنك , وحتي لو دافع كاش هو الواحد معاه كام الف علشان يجيب كاوتشات
ربنا يريح قبلك يا شيخ

ربنا يرزقنا و يرزقك يا باشا :) .. انا كان قصدي اخفف عنك بس يا رامي و ابسط الموضوع :)

[wel781]

اعتقد ان دى حاجه مش وحشه اصلا و ال جرب العربيه دى فى السبورت مود بيقول انها بتتحول ل بوجاتى
مش بوجاتى اوى يعنى :d

ههههههه حلو موضوع البوجاتى ده
انا برده عربيتى البيكانتو القديمة كنت بشوفها رانجلر
وبنزل أخمس بيها على الشط وحركات إعلانات وكده ، وفى اخر اليوم واحد بموتوسيكل بيجى يقطرنى علشان غرزت فى الرمل :0002014a:

[Akram.Gamal]

ههههههه حلو موضوع البوجاتى ده
انا برده عربيتى البيكانتو القديمة كنت بشوفها رانجلر
وبنزل أخمس بيها على الشط وحركات إعلانات وكده ، وفى اخر اليوم واحد بموتوسيكل بيجى يقطرنى علشان غرزت فى الرمل :0002014a:

رانجلر ؟!!!!

شكلنا هنقطع مع بعض

والله انا مجربتش sport mode بس ابراهيم جربه و قالى العربيه سحبها بيبقا جامد اوى و بتقفل سرعه بس بتشرب البنزين كأنه عصير فراوله

[wel781]

رانجلر ؟!!!!

شكلنا هنقطع مع بعض

والله انا مجربتش sport mode بس ابراهيم جربه و قالى العربيه سحبها بيبقا جامد اوى و بتقفل سرعه بس بتشرب البنزين كأنه عصير فراوله

لا لا خلاص ما انت عرفت اللى حصل فيها بقى

أنا متوقع كده على فكرة سبورت مود قدامة بنزينة موود