حل مشاكل النتعه في الفتيس+ ضعف عزم السيارة احيانا,, كل انواع البيجو

[pego]

السـلام عليكم ورحمة الله وبركاته


الاخوان ,, راكبين الاسود"البيجو "

جئتكم اليـوم بالمشكلة الاكثر شيوعها وانتشارا في سيارات البيجو والستيروين


تشخيص المشكلة: المشكلة تحصل مع سيارات البيجو في جميع اصداراتها بـ فيتيس " الاوتماتيك "

بيحث يفصل الفتيس ويصبح على الغيار الثالث ,, مع اضائة اشارة السبورت وجير الثلوج

من ثم يذهب عزم السيارة ولا تحل المشكلة الا باعادة تشغيل السيارة من جديد اي اطفائها ثم تشغيلها

او وجوع نتعه بين غيارات السيارة او صوت طقه بين الغيار والغيار


كل هذه المشـاكل سببها

سنسور داخل الجير

يسمى Solenoid Valves

وهذه صورته




وهذه صورته بالفتيس ومكانه




فقط يتم تغير هذين الحساسين داخل الفتيس

ويصبح كل شئ تمام

لأي استفسار انا جاهز

[Hema_Basha]

ايوه انت قصدك النتشة ولا قصدك لما يظهرلك s* مع بعض زي كده مثلا

[atshe]

مش المشكلة دى قالوا حالها تحديث السوفت

بس مشكلة العزم بيقل دى غريبة شوية

[pego]

ايوه انت قصدك النتشة ولا قصدك لما يظهرلك s* مع بعض زي كده مثلا

مشكلة ظهور اشارة s* + النتعه سببها هذا السنسور في الجير

atshe

صديقي,, عزم السيارة يقل لانها تفضل على الغيار الثالث بدون رجوع لأي غيار غيره

وتحديث النظام لا يحل المشكلة ابدا

[shadygalal669]

انا معايا في بيجو 406 موديل 1999
بيحل اللي حضرتك بتقول عليه بالظببببط
العربيه تبقي ماشيه وبعدين يحصل الخطاء و اللمبتين ينوروا

سعر الحساس كام لو سمحت ؟

[Ahmed Amin]

يا جماعة المشكلة اللي pego بيتكلم عنها مشكلة قديمة جدااااااااااااااا

ومش موجودة في البيجو 301 عشان الناس متدخلش تتلخبط,,!!!!!!

المشكلة دي كانت موجودة في العربيات البيجو والستروين والرينو في الفتيس اللي الكود بتاع AL4 موديلات 1998 لحد 2005

بالموديلات التالة البيجو 206, 207, 307, 406
والستروين C3, C4, C5, PICASO
والرينو Clio

والمشكلة دي أتعالجت من أول موديلات 2006 و 2007
بقت كل العربيات نازلة بالسولنيد فالف الجديد اللي هوا الكود بتاعه (2574.16) ودا شكله,,


وكنت كاتب عنه في الموضوع دا,

http://www.nilemotors.net/Nile/356153-3-307-sw-10.html#post3875194987

وكان بشمهندس محمد نبيل كاتب عليها قبلي في الموضوع دا,

http://www.nilemotors.net/Nile/160408-al4-gearbox-fault-1-6-steptronic-c4-307-406-206-a.html#post3873977252

يعني المشكلة دي مبقتش موجودة حالياً,,


واللي بيكون عنده المشكلة دي, إن الفتيس يدي Gearbox Fault ولمبة ال Sport & Snow ينورو مع بعض ويدو فلاش,,
هوا اللي لسه ماشي علي فتيس قديم بالسولونيد فالف القديم كان الكود بتاعه (2574.10) أنتاج ما قبل 2005
ودا كان شكل القديم,

يعني اللي لسه مغيرش السولنيد دا محتاج يغيرة مع عمل أبديت للسوفت وير,


واللي كان معاه العربيات القديمة لحد قبل موديل 2006 وكان بيغير السولونيد فالف كان لازم يعمل Update للسوفت وير عشان السولونيد الجديد ليه سوفت وير مختلف عن القديم.
واللي مكنش بيعمل أبديت للسوفت وير بعد ما بيغير السولونيد فالف كان دا بيخلي الفتيس يطلع علي التالت اللي هوا ال Safe mode بتاع الفتيس عشان تقدر تمشي عليه لحد أقرب مركز صيانة, ولحد ما يتعمل الأبديت بتاع السوفت وير,
بعد كدا بتبقي العربية طبيعية جداً وكل النقلات ناعمة وسلسة,

وبس كدا.

وتاني المشكلة مش موجودة في ال 301 بالفتيس الجديد AT8
ومالهاش علاقة بيها.

[Ahmed Amin]

انا معايا في بيجو 406 موديل 1999
بيحل اللي حضرتك بتقول عليه بالظببببط
العربيه تبقي ماشيه وبعدين يحصل الخطاء و اللمبتين ينوروا

سعر الحساس كام لو سمحت ؟

سعر الحساس حوالي 450 جنيه في التوكيل,

http://www.nilemotors.net/Nile/188597-a-116.html

ولو اللمبتيين بينورو مع بعض والمشكلة مكنتش موجودة قبل كدا ممكن تبدأ بتغير الزيت الأول,
أما لو بتحصل معاك كتير, هيفضل تغير الحساسين مع عمل أبديت للسوفت وير في التوكيل للحساس الجديد اللي هتركبه, ويفضل تغير زيت مع تركيبهم عشان تاخد أداء أحسن ونقلات ناعمة.

[Ahmed Amin]

مش المشكلة دى قالوا حالها تحديث السوفت

بس مشكلة العزم بيقل دى غريبة شوية

دي مشكلة قديمة في الفتيس القديم,
ومالهاش علاقة بالبيجو 301.

ايوه انت قصدك النتشة ولا قصدك لما يظهرلك s* مع بعض زي كده مثلا

وأنت كنت هتبوظ الفتيس وتخليه يدخل في حاجة زي كدا بالوصلة أياهاا, اللي كنت عاملها زمان عند بتاع الكاسيت,
فاكر ولا أفكرك,

[atshe]

يلا خير المهم اية الوضع s وبيعمل اية بالظبط

بالتفصيل كده لانى خايف اقرب من حاجتين فى العربية هما الوضع ده والتكييف من ساعه ماقولوا مينفعش تشغله وانت بتلين وانا ماشغلتوش اساسا

[Ahmed Amin]

يلا خير المهم اية الوضع s وبيعمل اية بالظبط

بالتفصيل كده لانى خايف اقرب من حاجتين فى العربية هما الوضع ده والتكييف من ساعه ماقولوا مينفعش تشغله وانت بتلين وانا ماشغلتوش اساسا

ينفع تشغلهم في أي وقت, بس لو خليت العربية تليين علي RPM قليل هيبفي أفضل,
لأن وضع ال S اللي هوا Sport بينقل غيارات علي عدد لفات موتور عالي RPM
ونفس الكلام مع ال Snow mode ال*
فعشان كدا يفضل أنك تخليهم شوية لحد ما تخلص تليين وتجربهم براحتك,,

ولو عايز تفهم أكتر أيه فايدتهم وتستخدمهم أمتي, أقرا دول,

http://www.nilemotors.net/Nile/374131-a.html#post3875140869

http://www.nilemotors.net/Nile/387106-301-2.html#post3875267061

http://www.nilemotors.net/Nile/387106-301-3.html#post3875267466

[atshe]

ينفع تشغلهم في أي وقت, بس لو خليت العربية تليين علي rpm قليل هيبفي أفضل,
لأن وضع ال s اللي هوا sport بينقل غيارات علي عدد لفات موتور عالي rpm
ونفس الكلام مع ال snow mode ال*
فعشان كدا يفضل أنك تخليهم شوية لحد ما تخلص تليين وتجربهم براحتك,,

ولو عايز تفهم أكتر أيه فايدتهم وتستخدمهم أمتي, أقرا دول,

http://www.nilemotors.net/nile/374131-a.html#post3875140869

http://www.nilemotors.net/nile/387106-301-2.html#post3875267061

http://www.nilemotors.net/nile/38710...post3875267466

تمام انا العربية خلصت تلينها من فترة قولى انت مع الناس اللى بتقول تغير الزيت بعد الالف علشان بيبقى فيه الرايش والكلام ده

[Ahmed Amin]

تمام انا العربية خلصت تلينها من فترة قولى انت مع الناس اللى بتقول تغير الزيت بعد الالف علشان بيبقى فيه الرايش والكلام ده

الزيت مش بيبقي فيه رايش,, الكلام دا في العربيات القديمة بس,
أو في العربيات اللي لسه بتنزل بزيت نص تخليقي وتقفيل الموتور أي كلام وفي بلد زي الهند مثلاً, لأن في النيسان صني بيغيرو الزيت علي 1000 كيلو مش عارف ليه..!

عموماً عندك أول صيانة علي 2500 كيلو ودي مراجعة علي الزيوت والسوائل والعفشة وتربيط عفشة ومفصلات ولو عندك أي ملحوظة أو شكوي بيسمعوها منك,
والصيانة دي مجانية ومفهاش تغير زيت,,

وأول صيانة فعليه ليك وفيها تغير زيت هيا صيانة ال 10 الأف كيلو, ودا هوا الصح واللي كل العربيات الجديدة ماشية بيه.

مفيش موتور جديد أوروبي أو ياباني أو حتي كوري بيكون فيه رايش,
ومفيش أي داعي لتغير الزيت بدري.

http://www.nilemotors.net/Nile/377484-301.html#post3875172924

http://www.nilemotors.net/Nile/377484-301-6.html#post3875200251

http://www.nilemotors.net/Nile/377484-301.html

[atshe]

الزيت مش بيبقي فيه رايش,, الكلام دا في العربيات القديمة بس,
أو في العربيات اللي لسه بتنزل بزيت نص تخليقي وتقفيل الموتور أي كلام وفي بلد زي الهند مثلاً, لأن في النيسان صني بيغيرو الزيت علي 1000 كيلو مش عارف ليه..!

عموماً عندك أول صيانة علي 2500 كيلو ودي مراجعة علي الزيوت والسوائل والعفشة وتربيط عفشة ومفصلات ولو عندك أي ملحوظة أو شكوي بيسمعوها منك,
والصيانة دي مجانية ومفهاش تغير زيت,,

وأول صيانة فعليه ليك وفيها تغير زيت هيا صيانة ال 10 الأف كيلو, ودا هوا الصح واللي كل العربيات الجديدة ماشية بيه.

مفيش موتور جديد أوروبي أو ياباني أو حتي كوري بيكون فيه رايش,
ومفيش أي داعي لتغير الزيت بدري.

http://www.nilemotors.net/nile/377484-301.html#post3875172924

http://www.nilemotors.net/nile/377484-301.html

تمام يا باشا يبقى شكله تفكير قديم مش اكتر

[Ahmed Amin]

تمام يا باشا يبقى شكله تفكير قديم مش اكتر

فعلاً تفكير قديم وجهل بالجديد,
بس الأكتر وأغلب الحالات بيكون أستهبال,,,,
فيه ناس مش عندها ضمير وبيبقي من ملصحته أنو يغير لك زيت وفلتر وياخد تمنهم,
وياخد كمان مصنعية زيادة في جيبة علي التغيير البدري دا,,

الزيت التخليقي نفسه ممكن يعد لحد 15 الأف كيلو طول ما اللزوجة كويسة, يعني مش الصح أنو يتحدد بكيلو متر,
بس 10 الأف معقول في المشي بتاع بلدنا.

[م أحمد]

سؤال للأعضاء المحترمين

هل هناك طريقة لمعرفة رقم الفالف الموجود بدون فك الفتيس ؟

انا لما كنت شارى العربية صاحبها قالى انه غير الماستر فالف و فالفات تانية كمان بس بصراحة ما كنتش فاهم الكلام دا ساعتها ، و قالى اوعى حد يقولك الفتيس فيه مشكلة

العربية مش بتعمل نتشة بين الاول و التانى نهائيا لا و انت طالع او نازل ، النتشة بين التانى و التالت فقط و بالاخص عند التهدئة ، وحتى هذه النتشة لا تظهر فى حالة السيارة محملة بالاشخاص و انا كابس بنزين و لكن برضه فى مشاكل فى ال r بتعمل دبة

هى 406 موديل 2005

أنا شاكك أن لو خليط الهواء و كبس البنزين مش موزون ممكن يبين المشكلة ، ايدل ضعيف او تالف او بنزين به شوائب ، أصل أكيد العربية و هى جديدة فابريكة فى فرنسا ما عملتش الأخطاء دى و الا ما كانوش نزلوها ، بس ظهرت مع الاستعمال

رقم الاوكتان كما بكتالوج ال 406 (98-2003) الموصى به هو 95 و احنا شغالين على 92 و فى ناس شفتها داخلة تمون 80 لل 406

انا معايا عربية 128 لما غيرت الديسك و الاسطوانة ب 2 جداد لقيت نفس الاعراض لما ارفع رجلى من على الدبرياج بسرعة الاقى النتشة دة و طبعا شغال بنزين 80 بس لو حطيت 92 لا تظهر هذه النتشة مطلقا ، و لو حاولت رفعت رجلى من على الدبرياج ببطء اسمع دبة ، لا تظهر أيضا مع ال 92 ، ساعات برضه لو بك البنزين مسدود الاعراض دى بتظهر

بإختصار أنا شاكك فى البنزين و الهوا اكتر من اى حاجة تانية و هما مشكورين نزلو فالفات كتوليف للفتيس و الموتور مع البنزين الرائع الموجود عندنا أو بعبارة تانية فتيس عفى مع موتور عزمه ضعيف = نقلات غيارات واضحة