بيجو 301..نص الشكوى

[amrelsaqqa]

تم إرسال الشكوى اليوم
أعتذر عن التأخير لكن هند هانم كانت بتتطعم إمبارح

إن شاء الله سيتم مخاطبة بيجو فرنسا يوم الأثنين القادم في حالة عدم إستجابة التوكيل

ابو هند انت عملت صيانة ايه لللعربية ، عملت 2500 ؟ ، وهل ظهرت عندك مشاكل فعلية معاهم خصوصا تيل الفرامل والكلام ده ؟
انا عارف انه توكيل تيت ومش هنستنى ..

بس عشان مصداقية الشكوى خلى بالك :) لان الشكوى الجماعية لازم يبقى كلنا متضررين فعلا واحد واحد ، مش مجرد متضامنين مع بعض او باعتين الشكوى من باب باعتبار ما سيكون وكدة ....
ولا ايه رأيكم ؟

[Hema_Basha]

انا بردو كلمونى كذا مرة ، ومفيش فايدة بيحاولوا يقنعونى ان كل حاجة استهلاكية وكذا مرة موظف خدمة العملاء بيهنج ومش بيعرف يرد ويقوللى هبلغ الادارة وهنرجع لحضرتك تانى ،
انا كمان قولتلهم فى الشكوى انى استلمت العربية مش نظيفة وفيها نقط زيت من اثر الشغل وبلغت بيها المهندس ووريتهالوا وهو ماخدش موقف، وبالمناسبة بخصوص مبلغ الصيانة المرتفع سالنى اذا كنت مضيت على ورقة باسعار الصيانة قبل مايبداو ، طبعا ماحصلش انا ما مضيتش غير على اذن الشغل فقط ، حولونى على استاذ يحيى مهندس الجودة فى فرع غمرة ماكملش كلامه معايا وقفل الخط،
هل رقم الvin هو رقم الشاسية اللى تحت الزجاج الامامى؟ ولا ايه

انا نفس الكلام ومش فاهم حاجات استهلاكية ازاي تيل فرامل ايه اللي يتغير علي 9 ولا 10 الاف ليه يعني هو انا شاري عربية صيني وحتي لو الواحد.بيجري ميلحقش بخلص بالسرعة دي يقوم موظف خدمة العملا يقولي انت بتمشي جوا البلد كتير قولتله اه قالي ما هو طبيعي ان العربية تستهلك تيل قولتله الكلام ده لما يكون ده حالة فردية انما ده انا وكل اللي معاهم 301 بيشتكوا من الموضوع ده رجع قالي هنكلمك تاني

[goldfinger2]

ياباشا ال301 خلاص بقيت تعرفها فى الشارع من الطاسات والجنوط المكربنه، بسبب التيل ،

[abohend]

ابو هند انت عملت صيانة ايه لللعربية ، عملت 2500 ؟ ، وهل ظهرت عندك مشاكل فعلية معاهم خصوصا تيل الفرامل والكلام ده ؟
انا عارف انه توكيل تيت ومش هنستنى ..

بس عشان مصداقية الشكوى خلى بالك :) لان الشكوى الجماعية لازم يبقى كلنا متضررين فعلا واحد واحد ، مش مجرد متضامنين مع بعض او باعتين الشكوى من باب باعتبار ما سيكون وكدة ....
ولا ايه رأيكم ؟

كلامك سليم يا عمرو
حتى التوكيل لم يتصل إلا بالناس اللي عملت صيانة بالفعل
و أنا مش هعمل أي خطوة في حماية المستهلك قبل الصيانة
ﻷنه مش هيعترف غير بفواتير و وثائق
أنا حاليا عامل 500 كيلو بس
و مش هعمل صيانة ال2500 غير في شهر 6

لكن في الوقت الحالي الشكاوى الهاتفية و الميل سواء لبيجو مصر أو بيجو فرنسا مش محتاج فيه لوثائق
أنا بعمل قلق مش أكتر
و زي مقلت قبل كده
أنا بعور التوكيل في المبيعات و الصيانة زي التوكيل مهيعورنا في الصيانات

[m mosalam]

ياجماعة لو اعتبرنا ان التوكيل كويس ومشكلة اللفرامل اتحلت بتركيب تيل فرامل اخر هل تكون بلك العربية كويسة بتلم لو اعتبرنا اننا حلينا المشكلتين
هيكون العربية مفهاش مشاكل وعربية كويسة ولا العربية اصلا وحشة

[m mosalam]

ياريت ملاك العربية يجاوبونى

[madmant]

المشكلة الازلية في علاقة اي شركة بتقدم منتج في مصر للمستهلك ان دايما بتحاول التحايل بكافة الوسائل لإثبات ان المنتج سليم تماما وان العيب دائما ما يكون من استعمال المستهلك و للأسف دي اصبحت ثقافة عامة لدى معظم - إن لم يكن كل - الشركات و السبب هو الرغبة في تحقيق مكاسب بكبر قدر ممكن علي حساب المستهلك
السيارة فعلا ليست من الفئات الفارهة
و لكن ليس معني ذلك ان يكون العمر الإفتراضي بهذا السوء
و بما ان الوكيل هو المتحكم في مواصفات السيارة المطروحة للمستهلك من الالف للياء فهو بالتالي المسئول عن العيوب الناجمة عن ردائة القطع الموجودة محل الشكوى

[abohend]

على قدر التجربة

ياجماعة لو اعتبرنا ان التوكيل كويس ومشكلة اللفرامل اتحلت بتركيب تيل فرامل اخر هل تكون بلك العربية كويسة بتلم لو اعتبرنا اننا حلينا المشكلتين
هيكون العربية مفهاش مشاكل وعربية كويسة ولا العربية اصلا وحشة

الجواب هيكون على قد التجربة
أنا عملت 500 كيلو...المشاكل مفيش
غيري عمل 10000..المشاكل تيل أمامي و بوجيهات
بعد 20000...أظن عضو واحد بس و برضه كان تيل أمامي
بعد 100000 .....يا عالم

محدش يقدر يحكم على الإعتمادية قبل 5 سنين
دلوقت الحكم على قدر التجربة
مقدرش اقول كويسة و مقدرش أقول سيئة

[ali tmam]

تم ارسال الشكوى اليوم وفى انتظار الرد المعروف مسبقا وان شاء الله وراهم وراهم لحد ما يظبطوا نفسهم (ما ضاع حق ورائه مطالب) واحنا ان شاء الله مش هنبطل نطالب بحقنا وربنا سبحانه وتعالى ييسر كل عسير

[goldfinger2]

ياجماعة الناس اللى بترسل شكوى بترسلها لحماية المستهلك ولا للشركة ،؟ انا لسه مابعتش الميل لحماية المستهلك ابعت ولا ايه

[Ashraf Fawzy]

الخطوة الحالية و وجود صدى للتحرك الجماعى

ياجماعة الناس اللى بترسل شكوى بترسلها لحماية المستهلك ولا للشركة ،؟ انا لسه مابعتش الميل لحماية المستهلك ابعت ولا ايه

حالياً إحنا فى خطوة إرسال الإيميلات لتوكيل بيجو مصرعلى

Customercare@Peugeot.com.eg

لسه خطوة حماية المستهلك قدام لو التوكيل لم يستجب لطلبتنا

بالمناسبة, من شويه بيجو مصر كتبت على صفحتها

يومكم جميل،
كل المقتراحات و إلتجارب الشخصية مهمة جدا بالنسبه لنا و تُأخذ بعين الجدية,
Please note that all your suggestions and feedback are highly important and appreciated
For more information please call us at 19207.
Thank you very much and we wish you a beautiful day.
#PeugeotEgypt

الحمد لله تحركنا الجماعى و تنظيم طلبتنا بدأ يكون ليه صدى عند التوكيل (ياريت نستمر على كده), وإن شاء الله هايكون فى مزيد من النتائج الإيجابيه, وعسى دى تكون بداية لتحسين و رفع جودة خدمة ما بعد البيع لجميع التوكيلات فى مصر.

[m mosalam]

عاش يارجالة

[Hema_Basha]

يا جماعة انا كنت في غمرة النهاردة وقولتلهم علي المشاكل دي كلها طبعا من كلامهم مش لاقيين اي حجة للتيل خالص واحد يقولي عمره 12000 ل 15000 كم وواحد يقولي اصل المادة بتاعته محافظة للبيئة علشان كده بيخلص بسرعة وده اي كلام في اي كلام
ادوني ورقة اللي بنقوله فيه راينا طبعا انا كتبت كلام ابو هند كله في الملاحظات
ملحوظة انا مغبر تيل علي 8800 كم والتيل التاني مغيره علي 18000 كم بس قبل ما امشي قولت للمهندس ان التيل اللب في العربية ده لو خلص بدري انا مش هركب اانوعية دي تاني في عربيتي عربيتي وانا حر فيها يتجيبوا نوعية كويسة يا اجيبه انا بمعرفتي انما مش كل شوية اغير تيل علي 10000 ليه يعني ان شاء الله اروح ادفع 600 ج في الهوا علشان هما يكسبوا وانا مستفيدش حاجة غير حرقة دم

[amrelsaqqa]

اصل المادة بتاعته محافظة للبيئة علشان كده بيخلص بسرعة وده اي كلام في اي كلام

احقاقا للحق الكلام ده الى حد ما صح ، ﻻنى قريته قبل كدة وكانوا بيقولوا ان في مادة اتمنع استعمالها في التيل مقابل ان العمر يبقى اقصر واعتقد عربيات زي بي ام وتويوتا بيستخدموا برضه تيل صديق للبيئة خالى من الاسبستوس بالاضافة الى انه بيهبب الجنوط بمعدل اكتر وده برضه تلاحظه في العربيات البي ام ، بس مش لدرجة 10-12 الف كيلو ، ﻻزم يشوفوا اي حل للموضوع ده

راجع الموضوع ده كدة كان بيتكلم عن نفس المشكلة بالظبط وفي عربيات تويوتا

http://www.nilemotors.net/Nile/385601-a.html

[Ashraf Fawzy]

احقاقا للحق الكلام ده الى حد ما صح ، ﻻنى قريته قبل كدة وكانوا بيقولوا ان في مادة اتمنع استعمالها في التيل مقابل ان العمر يبقى اقصر واعتقد عربيات زي بي ام وتويوتا بيستخدموا برضه تيل صديق للبيئة خالى من الاسبستوس بالاضافة الى انه بيهبب الجنوط بمعدل اكتر وده برضه تلاحظه في العربيات البي ام ، بس مش لدرجة 10-12 الف كيلو ، ﻻزم يشوفوا اي حل للموضوع ده

راجع الموضوع ده كدة كان بيتكلم عن نفس المشكلة بالظبط وفي عربيات تويوتا
http://www.nilemotors.net/Nile/385601-a.html

كلام سليم و لسه شايفه هنا اثناء عملية البحث عن سبب التأكل السريع للتيل مع بعض الاعضاء:

عيوب الفرامل

و أقتبس من الموضوع السابق:

والعيب الشائع ايضا في الفرامل هو صرخة التيل عند احتكاكه بالطنابير وهذا يمكن أن يكون من نوع التيل نفسه فتيل الفرامل المصنوع من مواد عضوية طرية تعطي ضوضاء خفيفة ولكن يتاكل بسرعة، وتيل الفرامل الذي يحتوي علي مواد عضوية أقل من المواد المعدنية يعطي ضوضاء عالية ولكن عمره أطول ويساعد في تلف الطنابير بسرعة . الحكة الشديدة التي تحدث عند الضغط علي الفرامل تنتج من تآكل تيل الفرامل بالكامل حتي المعدن والذي يتسبب في تلف الطنابير . بقايا تيل الفرامل أو البودرة السوداء تعمل علي زيادة صرخة تيل الفرامل خاصة عندما تكون بين التيل والطنابير لذلك يجب نظافته باستمرار بالهواء المضغوط وتطبيع تيل الفرامل الجديد مع الطنابير المستعملة