رابطة حائزى الفلوينس

[bukla]

الف مبروك عليك العربية الفلوينس بجد عربية محترمة ... بمعنى الكلمة ... بجد مفيش غير اني أقول ان الفرنسي راجع تاني

خصوصا مع خفض الجمارك , المصريين عندهم ذوق عالي و بيحيو العربيات الفرنسي من زمان ,, و اسألو البيجو....

هتلاقي دول الخليج بيحبو الياباني و الامريكاني بسبب القوة في الأداء و الشكل

المصريين دايما بيميلو للذوق و الاناقة في العربيات و هو ده الفرنسي

الله يبارك فيك فعلا معاك حق انا ابتديت الاحظ انتشار متزايد للعربيات الفرنسية فى شوارعنا و خصوصا الرينو

بسم الله الرحمن الرحيم

ربنا يكفيكم شر طريقكم و ما شاء الله العربية انا معجب بيهاا اويي و ربنا يكتبلكم السلامه في طريقكم اخوكم الصغير احمد

الف شكر على دعاءك و ربنا يكرمك و تجيب احسن منها ان شاء الله

[tarek7elmy]

السلام عليكم

انت فين يا بوكلا
انت ركبت الدواسات الى نزلة مع العربية ولا اشتريت دواسات كاوتش

هو فى دواسات نزلة مع العربية
انا مخدش الدوسات ده من المعرض
ولا ده لها سعر تانى؟

[amro_abuabdo]

لا شكر على واجب
بص علشان ما افتيش هو اللى انا اعرفة ان التفصيل بيبقى اغلى لسببين نوعية خامة الجلد او القماش المستعمل فى التفصيل بتبقى افضل من النوعية المستعملة فى الجاهز دة بالاضافة الى ان الجاهز بيبقى خارج من خط انتاج فى مصنع حتى لو كان مصنع صغير فطبيعى مع الكمية ان سعر القطعة يقف ارخص من سعرها لو متفصلة مخصوص لعربية
اما بالنسبة للاماكن اللى ممكن تلاقى فيها فرش كويس ان اعرف واحد فى مدينة نصر روحتلة من سنتين تلاتة خلف مسرح مدينة نصر ما بين شارع يوسف عباس و شارع الطيران بس للاسف مش فاكر اسمة او عنوانة بالتحديد لكن ان شاء الله فى اقرب فرصة اكون فى مدينة نصر او اسأل حد من اصدقائى هناك حاعرفلك مكانة بالتحديد و اقولك علية

الف الف شكر ربنا يكرمك و يرزقك الخير كله و يحفظنا و اياك من كل شر

[amro_abuabdo]

و انا كمان استلمت من محمد زكي و مخدتش دواسات و لا حاجة حتي دورت علي الحديدة بتاعت القطر الي الاخ bukla قال عليها ملاتهاش بس الصراحة مدورتش كويس هية فين بالظبط؟؟؟

[bukla]

هو فى دواسات نزلة مع العربية
انا مخدش الدوسات ده من المعرض
ولا ده لها سعر تانى؟

و انا كمان استلمت من محمد زكي و مخدتش دواسات و لا حاجة حتي دورت علي الحديدة بتاعت القطر الي الاخ bukla قال عليها ملاتهاش بس الصراحة مدورتش كويس هية فين بالظبط؟؟؟

انا كمان استلمت من التوكيل فى العبور من غير دواسات يا ترى مين المكان دة اللى بيدى دواسات هدية مع العربية
بالنسبة لحديدة القطر دور كويس ان شاء الله حتلاقيها هى بتبقى موجودة تحت الكوريك مدفوسة فى الجزء الفلين اللى فى ضهر الشنطة الاهم منها لاقيت المسامير بتاعة الاستبن فى كيسها البلاستيك ولا لأ دى اهم لأن من غيرها لو عجلة نامت مش حتعرف تركب الاستبن علشان مساميرة مختلفة عن مسامير الجنط الاصلى

[sanset]

هو فى دواسات نزلة مع العربية
انا مخدش الدوسات ده من المعرض
ولا ده لها سعر تانى؟

يا جماعة هتلاقو الدواسات فى شنطة العربية فى كيس كبير شفاف مكتوب علية رينو واول دواسة متدبس فيها ورقة كرتون صغيرة ككتوب عليها رينو وهية عبارة عن اربع دواسات مقاس الارضية بالظبط وشمواة اسود

[sanset]

اية اخبار الغطيان يا جماعةانا مش لاقى غطا ومعنديش جراج اركن فية لى فكرة يا جماعة المرور فى اسكندرية شادد حيلة فوق الخيال انا لما بسافر مصر بحس ان انا فى باركنج كبير مفيش اساسا مرور
عموما انا راكنها فى نادى سموحة عشان جنب البيت مؤقتا لحد مرخص عشان الورق لسة مجاش
اجيب بتاع كارفور وخلاص بس فية اخ رد علية وقال انة ضيق

[heromiro]

أنا استلمت من غير دوسات بس العربيه بتنزل بدوسات بس بتتقلب بس مش عارف من التوكيل ولا المعرض

[Dr Dido]

يا جماعة هتلاقو الدواسات فى شنطة العربية فى كيس كبير شفاف مكتوب علية رينو واول دواسة متدبس فيها ورقة كرتون صغيرة ككتوب عليها رينو وهية عبارة عن اربع دواسات مقاس الارضية بالظبط وشمواة اسود

انا ماستلمتش دواسات شكل كده الدواسات دى نازاة مع الدفعة الجديدة

[Dr Dido]

اية اخبار الغطيان يا جماعةانا مش لاقى غطا ومعنديش جراج اركن فية لى فكرة يا جماعة المرور فى اسكندرية شادد حيلة فوق الخيال انا لما بسافر مصر بحس ان انا فى باركنج كبير مفيش اساسا مرور
عموما انا راكنها فى نادى سموحة عشان جنب البيت مؤقتا لحد مرخص عشان الورق لسة مجاش
اجيب بتاع كارفور وخلاص بس فية اخ رد علية وقال انة ضيق

انا دورت كتير على غطا ووتر بروف XL متبطن ما لائيتش ولائيت مقاس L فى كارفور ب210 المهم جبته فى الاخر من حدائق القبة ب120 جم
وهو يا دوبك مغطى العربية

[wawoo]

يا جماعة هتلاقو الدواسات فى شنطة العربية فى كيس كبير شفاف مكتوب علية رينو واول دواسة متدبس فيها ورقة كرتون صغيرة ككتوب عليها رينو وهية عبارة عن اربع دواسات مقاس الارضية بالظبط وشمواة اسود

ههههههههه اكيد يا اخ سان سيت ان كل اللى استلمو نفضو عربياته تماما بحثا عن اى دواسة او خلافة ...هو انت مستلم انهى فئة بالضبط و دى دواسات اصلية فعلا بتاعت رينو و لا دى هدية من صاحب المعرض يمكن

[gasco]

يا جماعة انا استلمت من التوكيل المحترم جدا فى الاسكندرية(ا/أحمد بلال) بجد ناس ذوق و معايا دواسات اصلية +شبكة للا شياء التحركة مثل الكور و عرفت ان المعارض مش بتسلم الدواسات انصح باتعامل مع التوكيل يا جماعة

[heromiro]

أنا الشبكه دي موجوده
العربيه بتنزل بدوسات عاش في الارضيه لو حد اخد باله في كابسوله البتركب فيها الدواسه الاورجينال
أنا سألت على دواسات الأصلي في التوكيل لقتها 460 جينه

[wawoo]

يا جماعة انا استلمت من التوكيل المحترم جدا فى الاسكندرية(ا/أحمد بلال) بجد ناس ذوق و معايا دواسات اصلية +شبكة للا شياء التحركة مثل الكور و عرفت ان المعارض مش بتسلم الدواسات انصح باتعامل مع التوكيل يا جماعة

يعنى الشبكة و الدواسات دى فى الدفعة الجديدة بس ولا اية النظام ...هو انت استلمت امتى يا جاسكو بالضبط

[gasco]

From 2 days 135 LE