رابطة حائزى الفلوينس

[Hany Saad]

يا جماعة كنت عايز اعرف الe3 sr موديل 2014 فيها اتنين airbag و لا ستة ؟

E3sr هى الهاى لاين و دى اكيد فيها ٦ ايرباج لانها معايا

تحياتى

[gouda78]

الف شكر على الرد , انا لسة جايبها و كنت قاري انها ستة airbag بس مش شايف علامة الairbag فى الابواب خالص , اللى شايفهم بس هما اللى قدام ممكن حضرتك توضحلى مكان الاربعة التانين؟

[gouda78]

E3sr هى الهاى لاين و دى اكيد فيها ٦ ايرباج لانها معايا

تحياتى

الف شكر على الرد , انا لسة جايبها و كنت قاري انها ستة airbag بس مش شايف علامة الairbag فى الابواب خالص , اللى شايفهم بس هما اللى قدام ممكن حضرتك توضحلى مكان الاربعة التانين؟ علما ان الفئة اللى معايا فيها فتحة سقف و سنسور بارك

[Hany Saad]

الف شكر على الرد , انا لسة جايبها و كنت قاري انها ستة airbag بس مش شايف علامة الairbag فى الابواب خالص , اللى شايفهم بس هما اللى قدام ممكن حضرتك توضحلى مكان الاربعة التانين؟ علما ان الفئة اللى معايا فيها فتحة سقف و سنسور بارك

لو عربيتك فرش جلد و فتحة سقف و انوار زينون مع بخاخات، هى دى فقط اللى فيها ٦ ايرباجز...اى فئة اخرى ٢ ايرباجز فقط

بالنسبة لأماكن الأربعة التانيين:
٢ فى اجناب الكراسى الأمامية
٢ فى السقف فوق القايم الأوسط بيفتحوا بطول العربية

تحياتى

[gouda78]

لو عربيتك فرش جلد و فتحة سقف و انوار زينون مع بخاخات، هى دى فقط اللى فيها ٦ ايرباجز...اى فئة اخرى ٢ ايرباجز فقط

بالنسبة لأماكن الأربعة التانيين:
٢ فى اجناب الكراسى الأمامية
٢ فى السقف فوق القايم الأوسط بيفتحوا بطول العربية

تحياتى

انا كنت فى توكيل المقطم و هى فعلا ستة بس الاربعة اللى فى الكراسى و السقف ملهومش علامة بارزة زى اللى فى قدام , ليا استفسار تانى هو زرار فتح الشنطة من الكارت دة بيشتغل ازاى عشان انا جربت دوسة و دوسة طويلة و برضوا مبيفتحش
الف شكر على الرد و الاهتمام

[osama suliman]

افيدونى وأكون شاكر ليكم

انا نويت اجيب فلوانس ٢٠١٦ e3s وبعد ما رحت المعرض عرضو عليه كيا سيراتو من باب العرض وركبتها وبدا الترزيع يشتغل ف دماغى بين العربيتين ولو انى ميال للفلوانس ف يا ترى اثبت ع الفلوانس ولا اعمل ايه احترت

[وائل سعيد]

السلام عليكم

بالنسبه لموديل 2016 هل

الموتور ضعيف على حجم العربية و بتحس ببطئ التجميع من0 الى 60 او 80 كم بعد كدة بتفتح معاك ؟؟؟؟وهل فعلا الكورولا بتشد افضل منها؟؟

وهل المقاعد ضبط يدوى أم كهربائى؟؟؟

[Hany Saad]

السلام عليكم

بالنسبه لموديل 2016 هل

الموتور ضعيف على حجم العربية و بتحس ببطئ التجميع من0 الى 60 او 80 كم بعد كدة بتفتح معاك ؟؟؟؟وهل فعلا الكورولا بتشد افضل منها؟؟

وهل المقاعد ضبط يدوى أم كهربائى؟؟؟

طبعاً أنا هنا بتكلم على الموديلات اللى بتنزل مصر، لأن إقامة حضرتك فى جدة، فممكن موديلات الخليج تختلف
علشان طبيعة الجمارك فى مصر، كل العربيات بتزل 1600 سى سى فقط، طبعاً لو كان موتور 2000 سى سى كان فوق العربية أكتر من كده
شخصياً أنا معنديش أى مشاكل فى السحب و بعرف أتعامل تماماً مع الفتيس ال cvt و أطلع منه كل اللى عايزه و زيادة كمان.....الفتيس ده ممكن تعقد بيه عربيات كتير و خصوصاً فى الطلعة الأولى لو عرفت تستخدمه صح لأنه مفهوش زمن نقل...اللى مش متعود عليه ممكن يحس العربية تقيلة
الفلوانس نفس عزم موتور الكورولا و باقى العربيات اللى من نفس الفئة، طبعاً فيه عوامل أخرى بتفرق فى السحب، زى نوع الفتيس و تقل العربية و الإيرو ديناميكس بتاعتها أو ما يعرف بمقاومتها للهوا

كل الكراسى فى الموديلات المصرى من أقل لأعلى فئة ضبط يدوى

تحياتى

[وائل سعيد]

جزاكم الله خيرا يا أستاذ هانى

أنا مقيم فى جدة بس ناوى أشترى فى مصر ان شاء الله

انا معايا فى جده فلوانس برضو بس 2012 و 160cc

ومش مرايحانى فى الحركه من الثبات بس سمعت ان الموديلات الجديده غيروا فيها العزم وبأت كويسه

وفكرت اغير بس تقؤيبا مفيش حاجه متوفره الا بعد 5 اشهر سواء كورولا او سنترا والكورى مش عاوزه

والفلونس فيها مزايا كتير باستثناء السحب والشنطه الخلفيه

تسلم يا غالى

[mody3on]

لو سمحتوا لو بشتري كسر زيرو وعايز اجيب اعلى فئة افرقها ازاي من اللي قبلها؟ ورأيكوا اجيب كسر زيرو اصلا ولا اخليني في الزيرو وخلاص؟

[Hany Saad]

لو سمحتوا لو بشتري كسر زيرو وعايز اجيب اعلى فئة افرقها ازاي من اللي قبلها؟ ورأيكوا اجيب كسر زيرو اصلا ولا اخليني في الزيرو وخلاص؟

أعلى فئة هتلاقى فيها كشافات زينون و فرش جلد كامل و 6 ايرباحز مش 2

الفرش الجلد ممكن حد يركبه بره و الزينون كمان، انما الحاجتين اللى هيميزولك اعلى فئة هما:

1- 6 ايرباجز (2 فى التابلوه و 2 فى اجناب الكراسى الأمامية و 2 فوق القوايم الوسطى)
2- وجود فتحات فى الأكصدام الأمامى لخروج بخاخات غسيل الكشافات الأمامية

لو لقيت كسر زيرو نظيف يبقى طبعاً أفضل.....نصيحة منى أشترى فى أسرع وقت لأن الأسعار هتولع للزيرو و المستعمل ده غير عدم وجود سيارات من الأساس....الحق نفسك

تحياتى

[hazem555]

حجز فلوانس من التوكيل

يا جماعة حد حجز و استلم من التوكيل عشان انا حاجز و خايف التوكيل يتاخر عليا خصوصا ان العرلية مش موجودة برة فياريت اللى استلم من التوكيل يفيدنا التوكيل سلمه بعد اد ايه

[mmsobhi]

لو سمحتم هي فوانيس الشبوره بتاع الفلوانس بتشتغل منين

[mmsobhi]

هل فوانيس الشبوره بتشتغل مع led ...انا عندي مش بتشتغل خالص

[عمر مصطفي محمد]

طيب يا جماعة هل ممكن احط زيت موبيل 5000 كم 5W30 من بره التوكيل بالشفط أجربه وبعد كده لو طلع هو هو التوتال 5w40 امشي مع التوكيل وخلاص ولا فيه ضرر في الموضوع ده..انا حاسس ان زيت فبريكه يفضل في العربية 10 الاف كم ده كتير اوي ....شكراَ