اي حد عندة استفسار في ستروين انا في الخدمة

[elghrory]

zx أفضل
الأثنين نفس المحرك وهو نفس المحرك بتاع البيجو 306

[Romeo26222]

الله يباركلك افدني في ax او zx ايهما افضل خصوصا من ناحية قطع الغيار والصيانة
وافضل موديل منهم والسعر كمان
جزاك الله خيرا

zx أفضل
الأثنين نفس المحرك وهو نفس المحرك بتاع البيجو 306

اسمحلي اختلف معاك
ال zx افضل في حالة واحدة بس انها تكون zx flash فرنساوي غير كدة ال ax افضل بمراحل اولا لانها مكيفة فابريقة مش متركبلها تكييف زي اغلب ال zx اللي في مصر وكمان الموتور حديد زهر مش الومنيوم زي ال zx

بالنسبة لقطع الغيار والصيانة ممكن تتصل بالسنتر وتعرف الاسعار لاني مش عارف اسعار القطع الخاصة بالموديلين لانهم مش بييجوا التوكيل كتير بسبب قلة عدد العربيات وكمان اغلب الميكانيكيين بيشتغلوا فيها وقطعها في السوق كتير اينعم مش كلها اصلية لكنها متوفرة..

[samagroup]

سعيد جدا بتعرفي عليكم

باشمهندس رامي مشكور علي هذا الجهد وجعله الله في ميزان حسناتك انا معي اكسارا 2 2003 من 3 سنوات ماشاء الله زي الفل بس عندي مشكله في شريط الايرباج مقطوع وقلولي انه غالي جدا وكمان علامه ستروين الاماميه ناقصه الجزء السفلي حضرتك عندك فكره اعمل ايه فيهم ولك جزيل الشكر

[samagroup]

اضافه استفسار

بما ان حضرتك لسه ماردتش عليه اسمح لي اضيف حاجه العربيه في اول التحرك سحبها بطي جدا هل هذا امر عادي ولك جزيل الشكر

[youssef_mansor]

السلام عليكم ورحمة الله ، لدي اكسارا 2001 ولمبة الفتيس نورت ورحت للميكانيكي حطها علي الجهاز وقالي انها عايزة بلفين الواحد بحوالي 450 وتم اصلاحها وتغيير زيت الفتيس ولكن بعدها باسبوعين فوجئت بانها نورت تاني
اريد اعرف الحل هل اقوم باصلاحها تاني ولا اغير الفتيس مع العلم ان كثير نصحوني بان اي اصلاح في الفتيس يعود مرة اخري

[metry]

i have citron AX 95
i looking for mecanciene& electricen in Alexandria
Thanks for help

[Romeo26222]

باشمهندس رامي مشكور علي هذا الجهد وجعله الله في ميزان حسناتك انا معي اكسارا 2 2003 من 3 سنوات ماشاء الله زي الفل بس عندي مشكله في شريط الايرباج مقطوع وقلولي انه غالي جدا وكمان علامه ستروين الاماميه ناقصه الجزء السفلي حضرتك عندك فكره اعمل ايه فيهم ولك جزيل الشكر

بما ان حضرتك لسه ماردتش عليه اسمح لي اضيف حاجه العربيه في اول التحرك سحبها بطي جدا هل هذا امر عادي ولك جزيل الشكر

شريط الايرباج لازم يتغير لانة مش بيتصلح وحتي لو حد حاول يلحمهولك بمجرد ما تمشي بالعربية كام يوم هيقطع تاني..

بالنسبة لسحب العربية البطيء لازم نشوف العربية ونجربها سوا علشان نحكم علي المشكلة واسبابها

[Romeo26222]

السلام عليكم ورحمة الله ، لدي اكسارا 2001 ولمبة الفتيس نورت ورحت للميكانيكي حطها علي الجهاز وقالي انها عايزة بلفين الواحد بحوالي 450 وتم اصلاحها وتغيير زيت الفتيس ولكن بعدها باسبوعين فوجئت بانها نورت تاني
اريد اعرف الحل هل اقوم باصلاحها تاني ولا اغير الفتيس مع العلم ان كثير نصحوني بان اي اصلاح في الفتيس يعود مرة اخري

واضح ان الميكانيكي ماعندوش فكرة كويسة عن اعطال الفتيس..كل الميكانيكيه بيغروا بلوف حتي لو المشكلة في اجزاء تانية لانهم مش فاهمين الفتيس دا شغال ازاي..
العربية لازم تتجرب علي البارد وعلي السخن وتتحط علي الجهاز ونشوف ..

[sameh127]

السلام عليكم ،انا كنت عايز اضيف نقطة بخصوص سيتروين C4 1600cc حيث انها عربية رائعة من ناحية الإتزان الملحوظ و قطع الغيار المعتدلة الثمن(خارج التوكيل) و الإنسيابية الرائعة وكبر مساحات الرؤية للسائق في جميع الإتجاهات وكأن العربية متحوطة بالزجاج من كل ناحية حتى السقف البانوراما و قابلية تركيب قطع غيار سيارة اخرى فى حالة عدم توافر قطع الغيار لها
حيث انك تقدر تركب فى سيتروين C4 1600cc حاجات من بيجو 307 بدون تعديلات علشان تركب منها:
- ديسكات بالرولمان بلى امامي/خلفى
- تقريبا كل السيور الموجودة بالعربية
- حاجات فى الموتور سيتروين ال1600cc فقط تقدر تستبدل بحاجات من بيجو 307
ولو قدرت استكشف حاجات تانية فى التعديل و الإستبدال حبقى اكتبها.

[samagroup]

شكرا طيب ممكن تعرفني الشريط وتركيبخ يكلفني اد ايه وشكرا مره اخري

[speed demon666]

السلام عليكم ورحمة الله وبركاته
بشمهندس :رامي ... انا تابعت معظم ردودك على اخواننا مالكي الماركة العظيمة سيتروين .... و بصراحة بحب أشكرك على الموضوع الجميل الي فعلا فيه افادة للكل
ندخل في الجد ... انا عندي سيتروين ax موديل95 و في عندي مجموعة اسئلة :
1- انا عندي في الناحية اليمين صوت خشونة بيظهر لما rpm يوصل ل3 في بلية اللي ماسكة في السير بتاع الدينامو كنت عايز اعرف هي بكام ( اللي خلاني اتأكد انها هي ان السير اتقطع و الصوت اختفى )
2-حضرتك عارف ان الجنوط بتاعت السيتروين 3 مسمار .. لو عايز احولها ل 4 ازاي ؟ و التكلفة كام ؟ و هل لها عيوب ؟
3-الفتيس في النقلة الثانية بيعض .. كأنني مش دايس دبرياج ده بيكون ايه مشكلته ... و الحل ؟
4-كباس التكييف يعمل كام ؟
5- هناك موتور انجكشن لنفس موديل السيارة دي 1400 سي سي
و 98 حصان و كنت هجيبه بس كنت قلقان من قطع الغيار ... فهل قطع غياره موجوده و لا هدوخ عليها ؟ ( و ده أهم سؤال)
6- هل من الممكن تركيب عفشة رياضية للسيارة أم لاينصح بها

انا عارف اني غلست عليك بس الواحد ما بيصدق يلاقي ناس فاهمة و محترمة ياخد منهم المعلومة و هو مطمئن ... و شكرا

[zimoo]

م/رامي
سوْال عاجل و انا ماشي فجأة العربيه فقدت سحب ووفضلت ماشيه شويه بسرعتها لحد ماوقفت ولمبة السرفيس نورت ولقيت فيه انذار engine mangement system faulty
وبطلت العربية ودورتها تااني اشتغلت تمام والحمدلله بس الانذار لسه موجود ولمبة السرفيس لسه منوره
ياتري ايه الانذار ده؟والسبب ابه ؟لو سمحت
معاش تعبيين حضرتك معانا
علي فكرع العربية c4 2007 اوتوماتيك
ولك جزيل الشكر

[zimoo]

م/رامي
العربيه وانا بدورها من شويه لمبة نورت مع ان قبل كده وانا علي الوضع m كانت الصيانه بعد 6600 كم
دلوقت بيقولي 0 كم

[zimoo]

اقصد لمبة الصيانه يا هندسه

[zimoo]

م/ رامي
انت فين؟ لعلك تكون بخير
ربن يطمنا عليك