اي حد عندة استفسار في ستروين انا في الخدمة

[waelelgazawey]

مساء الخير على الجميع ومساء خاص للمهندس رامي
برجاء الافادة انا معايا ax - 1996 وكنت جيتلك مرة بيها عند امير وجوزيف المهم انا عندي مشكلة حاليا في الجزء اللي هو بتاع الهوا بتاع الموتور الاخير اللي موجود فيه توزيع الخراطيم مش اللي في الموتور نفسه المشكلة ان البلف بالقلاوظ نفسه اتقطم فما هو الحل مع العلم اني مش لاقي القطعة دي جديد فهل اشتريها استيراد وله اعمل ايه ولو موجودة عندكم جديد بكام وهل ممكن خراطتها نحاس مثلا وتركيبها بدل ماهي فيبر على كاوتش
ارجو الافادة وياريت تكون بالاسعار
وشكرا

[sherifghanem]

انا معروض عليا اكسارا 2 موديل 2003 عامله 150000كم فابركة دواخل ورشة برة نظافة السعر 35ستيب ترونيك
بس العربية فيها مشكلة
العربية بتسخن جامد جدا لدرجة الغليان ولما بتسخن مش بتدور
ممكن يكون ايه العيب وعلى فكرة جابت وش سلندر كذا مرة
هل تنصحنى بالشراء ؟؟
وهل السعر مناسب ؟؟
انا من الإسماعيلية
معلش طولت عليكوا
وشكرا

انا لسه جايب اكسارا2 موديل 2002 من حوالي شهر و كانت كما قال الميكانيكي و السمكري بحاله جيده جدآ و كان سعرها 35000 و لكن صرفت عليها كتير و كل ما اصلح حاجه اكتشف غيرها حتى غيرت العفشه بالكامل و اشياء كثيره كانت مخفيه و تظهر فقط مع التصليح و الفحص عند المتخصصين في هذا النوع لأن للاسف مش اي ميكانيكي او كهربائي بيفهم فيها و طبعآ اتجددت بالكامل و كلفتني حوالي 15000
نصيحه افحصها عند متخصص قبل الشراء بدل ما تتدبس
الاكسارا ممتازه بس لازم تتظبط كويس و الا هات نوع اي حد يشتغل فيه
انا بتعامل حاليآ مع فريد شوقي و هو في مدينه نصر امام بوابه الوفاء و الامل و تليفونه 0123236021 انا كمان عرفته من المنتدى و بكل امانه هو ممتاز و امين و متخصص في عمله و حيرشدك للصح بكل صراحه و لو عايز حتلائي عربيات معروضه للبيع عن طريقه من زبائنه و بحاله ممتازه على ضمانته و هو جايب عربيتين لأختي بحاله ممتازه واحده اكسارا 1 موديل 2002 و الاخرى اكسارا 2 موديل 2003 بس 1400سي سي ولكن للأسف اختي لسه فلوسها مش جاهزه لأنها عارضه عربيتها للبيع عشان تجيب اكسارا.
ربنا يوفئك و يهديك للفيه الخير

[sherifghanem]

انا لسه شاري عربيه اكسارا2 وهي حالتها كويسه-بس صاحبها تعب من التعامل مع عزالعرب ومع توكيل تاني بيقول في مدينة نصر لان اسعارهم غاليه والاهتمام قليل ...والعربيه فيها حاجات ضروري ...ولمبة صفراء مضاءه مش عارف ليه ومبتسحبش....حد يقدر يساعدني في حد يشخص الاعطال واكيد في ناس محترفه من اصحاب الخبره ايه ممكن يكون العيب...او يوصفلي مكان امين اتعامل معاه ويكون مهتم..

انا معايا اكسارا 2 موديل 2002 و بعد ما ارفت عرفت متخصص اسمه فريد شوقي في مدينه نصر امام بوابه الوفاء و الامل و تليفونه 0123236021 و الحمد لله ارتحت معاه و فعلآ ممتاز و امين جدآ يمكن الوحيد اللي بسيب العربيه تبيت عنده و انا واثق فيه و مطمئن على العربيه

[sherifghanem]

إيه رأيك فى الموقع ده بعملة بمجهودى الشخصى خدمة لملاك ستروين

citroen egypt

فكره الموقع ممتازه و اتمنى اضافه الاكسارا 2

[baz1]

يوم مبيت العربية عند فريد شوقي قالي انو غيرلي علبة الفيوزات ب 2000 جنيه وهو معملش حاجة خالص وهي اصلا مش بالتمن ده
حاول ماتبيتش العربية عندوا وهات قطعك بنفسك

[redredzone]

الموضوع بسيط حتي لو بيتت العربيه اطلب قطع الغيار القديمه وبص ع الجديده وهي راكبه....انا مش بتعامل مع فريد شوقي بس بسمع عنه كلام كويس...خصوصا من محلات قطع الغيار ....والله اعلم

[aymangalal510]

ستروينىجديد بالــ ax

السلام عليكم اخوانى الكرام
بناءا على المعلومات المقدمة فى هذا الموضوع فكرت وققرت واشتريت (ولله الحمد) ستروبن ax مو95
انا لسه جديد فى مجال العربيات بس برضه قولت اسأل عن كل حاجه وعملت موضوعى على الرابط ده:
http://www.nilemotors.net/Nile/167596-ax.html
وبرضه متابع معاكم موضوعكم الجميل وخصوصا ردود المهندس رامى
وكنت عاوز حد يفيدنى بمت ان البشمهندس عنده تدريب من النهارده لغاية يوم 30/7
هلى المهندس رامى بيشتغل فى توكيل تبع الستروين؟؟ يعنى ممكن التعامل معاه فنيا بصورة مباشرة ؟؟؟ ولا المعلومات اللى حضرته بيقدمها للمنتدى بناءا على دراسه او تجربه فقط ؟؟؟؟
وهل كل شىء عن الستروين ax ممكن اى حد من حضراتكم يجاوب عنها؟؟؟
وشكرا جدا

[nouranwar]

بخصوص سؤالك عن المهندس رامي هو في توكيل امير و جوزيف المعتمد من عز العرب و لو قرأت الموضوع من بدايته هتلاحظ الكل بيشكر في امير و جوزيف اكثر من عز العرب نفسه

[aymangalal510]

عندى ملاحظة سماعية كده(سمعتها من احد عملاء اميروجوزيف) انه اكتر مكان قطع غيارة غاليه جدااااااااااا
الى جانب ان مش كل الطع موفره عنده
وعلى سبيل المثال صديقى اشتر مقاس الزيت من عنده بـ 140 او 120 جنيه مش مذكر بالتحديد
وناس كتير بتشكر فى نافع وعشماوى اللى فى دمشق وبرضه الناس بتوع جسر السويس
معلش ده مجرد رأى بدون تجربة شخصيه
ايه رأى سيادتك؟؟؟؟

[waelelgazawey]

عندى ملاحظة سماعية كده(سمعتها من احد عملاء اميروجوزيف) انه اكتر مكان قطع غيارة غاليه جدااااااااااا
الى جانب ان مش كل الطع موفره عنده
وعلى سبيل المثال صديقى اشتر مقاس الزيت من عنده بـ 140 او 120 جنيه مش مذكر بالتحديد
وناس كتير بتشكر فى نافع وعشماوى اللى فى دمشق وبرضه الناس بتوع جسر السويس
معلش ده مجرد رأى بدون تجربة شخصيه
ايه رأى سيادتك؟؟؟؟

على فكرة ومن تجربة شخصية أن نافع اللي في تقاطع دمشق مع سوريا من أفضل المحلات اللي بتبيع قطع الغيار في القاهرة

[aymangalal510]

شكرا على معلومة اكيده وواقعية يا استاذ وائل

[angelfromhell]

انا اشتريت اكسار 1 2002 ياريت حد يفدني كود الكاسيت اعرفو منين انا معايا كرت العربية و الكاتالوج بس مش لائي كود الكاسيت
ارجو المساعدة

[sherifghanem]

يوم مبيت العربية عند فريد شوقي قالي انو غيرلي علبة الفيوزات ب 2000 جنيه وهو معملش حاجة خالص وهي اصلا مش بالتمن ده
حاول ماتبيتش العربية عندوا وهات قطعك بنفسك

انا بتعامل مع فريد شوقي و بسيب العربيه عنده و انا مطمئن لأنه فعلا ممتاز و امين جدآ و بيجيبلي قطع غيار ارخص من بره

[sherifghanem]

تركيب abs للاكسارا2

سمعت ان الاكسارا2 مجهزه لتركيب abs فهل هذا صحيح و لو صحيح كم تتكلف و من يقوم بتركيبه و من اين اشتريه علمآ بأني اتعامل مع مركز صيانه فريد شوقي وهو ممتاز و لكن لا اريد ان اسئله الا و انا اعرف كل المعلومات حول الموضوع و كما يقال حرص ولا تخون .

[A_Gamaledeen]

صباح الخير لكل الاخوة الاعضاء
الموضوع دا هيبقي مخصص لمشاكل السيارات الستروين وبالاخص مشاكل الموديلات الحديثة وحلولها واسعار القطع المطلوبة..
اي حد عندة استفسار انا في الخدمة..
م/رامي

لو تسمح يا باشمهنس رامي : معايا c3 2003 ومن ساعة ما اشتريتها من ست شهور وهي بتترج اول لما اطلع بيها ومع اول وتاني غيار وبعد النقله التالته تقل الرجه ثم تختفي , ده غير اني حطيت لها زيت موبيل وان ونقص من الموتور ك انه اتبخر واخيرا :: باسمع صوت رزعه في الدركسيون مع المطبات .... ذهبت لاحد متخصصين السيتروين بالمعادي بعد استفسار وبحث ,كل اللي تم عمله (تغيير جلب,كاوتشات,بطاحات مساعدين,تيش )للعفشه الاماميه ولكن دون جدوى وكان رده ....دون تعليق.. ولكن مع الغرامه,,,ارجوا الافاده ما المشكله واين حلها ..باقل تكلفه