وقفة ضد عيوب الإليزيه

[islam.afifi]

لو عربيتك الإليزيه فيها مشكلة و التوكيل مش عارف يصلحها و بيماطلك زي حالتي
إنضم لي و هنقدم شكوى لجهاز حماية المستهلك
إسلام عفيفي - 01114440703
و فيه عضو اخر اسمه أحمد ( asuity ) قدم شكوى فعلية
هنحاول نتفق على ميعاد نتحرك فيه عشان ناخد حقنا

[elsayed mohame]

ياريت نحدد ايه هى المشكلة .. لو حضرتك بتتكلم عن التكييف يبقى لنا هنا وقفة فعلاً

[islam.afifi]

ياريت نحدد ايه هى المشكلة .. لو حضرتك بتتكلم عن التكييف يبقى لنا هنا وقفة فعلاً

المشكلة اللي عانيت منها فترة و في موضوع سابق هو التكييف بيحمل على العربية في الزحمة و بيسبب رجة في العربية و كركرة
مع العلم ان صوت العربية هادي جدا من غير تكييف حتى في الزحمة
و التوكيل بطيخة مش بيعمل حاجة , هو احنا جايبين عربية جديدة عشان تروح للتوكيل 3 او 4 مرات في الشهر ؟؟
انا و استاذ احمد عندنا نفس المشكلة و لو حد تاني عنده نفس المشكلة يبقى لازم ناخد حقنا
ده كدا مش عربية بأمانة

[Mamoud salah H]

هي لحقت يبقي ليها عيووب

[islam.afifi]

هي لحقت يبقي ليها عيووب

طبعا
العيوب بتظهر في العربيات اللي فيها عيوب صناعة , لو العربية سليمة اكيد مش هيظهر فيها حاجة حتى مع التكييف
لكن عربية جديدة و تبدأ عليها مشاكل و كل يوم و التاني للتوكيل , اكيد ده مش عربية زيرو
و ما تلزمنيش بصراحة

[د.عماد صلاح]

طب بيقولوا لك ايه في التوكيل يعني ايه تفسيرهم

[rotanamasoud]

انا راييى تجرب حاجه الاول لانى بشك ان العربيه دى بنزين 95
فضى التانك وحط 10 ولا 20 لتر 95 وشوف المشاكل لسه موجوده ولا اتحلت لانى بشك فى نقطه 95 دى اوى
لان كل الاعراض بصراحه اعراض تظهر مع فرق اوكتان

[islam.afifi]

طب بيقولوا لك ايه في التوكيل يعني ايه تفسيرهم

بيقولي مشكلة بنزين
لو مشكلة بنزين ليه بتظهر لما بشغل التكييف ؟
و ليه بتظهر بس في الزحمة , و ليه بحس ان العربية تقيلة ( حمل على الماتور مع التكييف )

[islam.afifi]

انا راييى تجرب حاجه الاول لانى بشك ان العربيه دى بنزين 95
فضى التانك وحط 10 ولا 20 لتر 95 وشوف المشاكل لسه موجوده ولا اتحلت لانى بشك فى نقطه 95 دى اوى
لان كل الاعراض بصراحه اعراض تظهر مع فرق اوكتان

حطيت من موبيل 92 و رافع اوكتان و ده كان بعد الكشف عليها يوم الثلاثاء الماضي
و ظهرت نفس المشكلة يوم الخميس و الجمعة
و طبعا قالي امبارح انهم كشفوا على البوجيهات و نظفوا البوابة و عملوا تحديث للسوفت وير
الموضوع اللي عملوه كبير جدا و كتير
و لو لسه فيه مشكلة يبقى الموضوع لازم حماية المستهلك لأن التوكيل كدا بيضيع وقت على الفاضي

[kamero]

متابع عشان حاجزها هى او البيجو

[islam.afifi]

متابع عشان حاجزها هى او البيجو

روح للبيجو
على الاقل هتتفادى الصداع
و ربنا يكرمك بالأحسن

[asuity]

تمام كده يا استاذ. اسﻻم .
انا ماشي مع حماية المستهلك واللي بيعاني من العربية دي يا ريت ينضم لينا عشان نعرف ناخد حقوقنا وحسبي الله ونعم الوكيل.
احب ااكد ان مشاكل العربية وتحديث السوفت وير والكﻻم ده كله ﻻ بيقدم وﻻ يأخر.

وان شاء الله مع بعض اكيد موقفنا هيكون اقوى ان شاء الله.

والله المستعان

[islam.afifi]

تمام كده يا استاذ. اسﻻم .
انا ماشي مع حماية المستهلك واللي بيعاني من العربية دي يا ريت ينضم لينا عشان نعرف ناخد حقوقنا وحسبي الله ونعم الوكيل.
احب ااكد ان مشاكل العربية وتحديث السوفت وير والكﻻم ده كله ﻻ بيقدم وﻻ يأخر.

وان شاء الله مع بعض اكيد موقفنا هيكون اقوى ان شاء الله.

والله المستعان

ربنا يعيننا على الباقي
و اكيد فيه تواصل على تليفونات
و اللي عنده مشكلة ياريت يتواصل معانا عشان نشوف هنعمل ايه و نروح لحماية المستهلك امتى عشان نكون مجموعة كبيرة

[Fo1Fo]

المشكلة اللي عانيت منها فترة و في موضوع سابق هو التكييف بيحمل على العربية في الزحمة و بيسبب رجة في العربية و كركرة
مع العلم ان صوت العربية هادي جدا من غير تكييف حتى في الزحمة
و التوكيل بطيخة مش بيعمل حاجة , هو احنا جايبين عربية جديدة عشان تروح للتوكيل 3 او 4 مرات في الشهر ؟؟
انا و استاذ احمد عندنا نفس المشكلة و لو حد تاني عنده نفس المشكلة يبقى لازم ناخد حقنا
ده كدا مش عربية بأمانة

أستاذ أسلام حضرتك او حد تانى فى مشاركه له فى نفس المشكله كان بيقول انه لما يشغل التكييف فى السلانسيه ال RPM بينزل مش كده ؟ انت كده شخصت المشكله ومفروض فى الصيانه تكون قلتلهم الكلام ده لأن الطبيعى ان جميع العربيات لما تشغل التكييف السيلانسيه بيعلى يعنى مثلا فى عربيتى ال ax 95 ال Rpm فى السيلنسيه بيبقى على 800 لفه ولما بتشغل التكييف ال rpm بيعلى ويوصل لغايه 1200 لفه فى الدقيقه ده بيحسن كتير من طلعه العربيه من السكون . والمسئول عن العمليه دى فى العربيات الحديثه ال ecu ( الكمبيوتر ) وفى العربيات القديمه ( الرداخ ) فى الكربراتير . ماعرفش الكلام ده تايه عنهم ولا جايز الوحده لسه متوفرتش عندهم دلوقت ولا أيه الله أعلم

[Mzeid]

متابع عشان حاجزها هى او البيجو

هي و البيجو حاجة واحدة

أ إسلام هو تأثير التكييف على السحب بيكون شديد ولا مجرد تأثير ملحوظ لأن الطبيعي في اي عربية فيها محرك صغير ان التكييف يأثر على السحب
و الرجة مع التكييف بيكون على طول ؟ و لما تكون العربية Idled و التكييف شغال بيكون عداد ال RPM على كام ؟