حليت مشكلة صوت التاكيهات - والحل عند ليكوي مولي

[dr.hazem]

ما شاء الله...
عودا أحمد يا عمنا ومتغيبش علينا بتقاريرك...
انا خليت اخويا حط للماروتي ال20w50 وحكالي اشعار عنه بس انا بعيد عن العربية فمش قادر اقيم واعمل اي تقرير....
تحياتي

Sent from my SE Arc S using Forum Runner

[mahmoud ghanem]

اولاً : حمدلله على السلامة ورجوعك المنتدى وجهودك العظيمة اللى انت بتقدمها للمنتدى واعضائة
ثانياً : انا من الناس اللى بتقول ان موضوع الزيت ويقعد كام كيلو دى مش ثابتة يعنى كل واحد حسب استخدامة
مش معنى ان الزيت 5000 ك يبقى يمشى 5000 ك ممكن اكون بمشى 3000 ك بس الماتور بيفضل داير على السلانسية ( اشارات - تسخين - وغيره ) بما يعادل 3000 ك زيهم ..
ثالثا : والله انا شايف ان المواتير القديمة وخصوصاً ان مواتيرنا شغالة بقالها اكتر من 15 سنوات
انا مثلاً 18 سنة الافضل لها الزيوت التى يتم تغيرها على مسفات متقاربة يعنى اقصاها 5000 ك تغيرها انت بقى على 3000 ك او 4000 ك او 6000 ك حسب استخدامك وحسب كفاءة الزيت وماتورك
بصراحة يا صديقى 10000 ك كتير قوى على محرك قديم انا عن نفسى هجرب ليكوى مولى لانى بثق فى تجربتك بس 5000 ك وغالباً 20w/50 ...

واخيراً عودة حميدة يابشمهندس
تقبل مرورى

[akmm]

شكرا للتقرير ... وعامه هى حيره دائمه ولا تنتهى حول موضوع الزيت الأفضل للسياره .

[hossamalsadik]

[gdwl]
حمدالله على السلامه
[/gdwl]

مبرووك الطلعه ديه وشكرا على نقل تجربتك ونا بقكر اتنقل للزيت ده بس هوا عنوان التوكيل شارع دمشق بمصر الجديده والمهندس الشهابى فين بالظبط
لأنى بصراحه نفسى صوت المتور يهدى او ينعم

[AlGazar2]

مبروك تغيير الزيت و هدوء صوت العربية

بس فعلا بيكتم الصوت عشان عندى فى النوبيرا صوتها لما تسخن او بعد مشوار طويل مكروباص مع اختلاف نوعيه الزيت سواء موبيل او شيل او فالفولين و حتى بعد ما غيرت الصبابات و الكستبانات لو فعلا بيهدى الماتور يبقى ان شاء الله التغييره الجاية دى ليكوى مولى
و سؤال معلش معدل البخر بتاعه ايه بيتبخر بسرعه ولا هيكمل مدته بمعدل نقص طبيعى لان فالفولين بينقص بمعدل غير طبيعى حاليا عندى

[kyrillos]

يا باشا حمد الله على السلامه
المنتدى ماكنش ليه طعم من غيرك, مع ان رجاله المنتدى كانوا فى العون بردو, بس وجودك وردودك الموزونة بتفرق بردو

[SYD]

مش عايز اصدمك بس بعد فتره بسيطه صوت الموتور هيعلى و عن تجربه

ان شاء الله مايحصلش حاجة ويطلع تمام
شكرًا لنقل التجربة

[SYD]

لما سألت خدمة العملاء ع الموقع هنا نصحوني بنفس الزيت اللي انت حطيته هخلص ان شاء الله شل و نجرب طالما ع ضمانتك انت اللي مسئول هههههههههههههههه

ان شاء الله خير
توكل علي الله

[SYD]

عاوز احط شيل اولا واغير من الموبيل وان اللى انا شغال بيه بقالى 4 سنين وبعد كدا هبقى اجرب الليكوى مولى بس الاول اشوف الشيل نظامه ايه لان العربية عندى 100000 وشوية كم

شيل جميل ماشاء الله عليه
انا قعدت فترة طويلة شغال بيه مفيش منه مشكلة
جرب الأول الاصفر لو عجبك غير للتخليقي
بس ليكوي مولي الوحيد الي عالج مشكلة التاكيهات
تحياتي

[hossamalsadik]

م.سيد
مقلتليش عنوان التوكيل ده فين والراجل بتاع الفلتر فين بالظبط
وهوا فى حد قريب من ش القصر العينى مثلاً كنت سمعت ان فيه فى عابدين موزع باين
اصلى عاوز اجيب الزيت وشوية اضافات من عندهم بأذن الله لأن عندهم اضافات رائعه زى الريسورس مثلا بس مش فاكر اسمه كده الى بيقلل احتكاك اجزاء الماتور الداخليه ويمنع تأكلها ده عجبنى جدااا

[SYD]

الف مبروك يا صديقي رجوعك مرة أخري للمنتدي وسط أحبابك و تغييرك لنوع الزيت و اللي انا كمان ان شاء الله هغيره و هحطه عندي قريبا بس هحط التخليقي الكامل و ده بعد تجربته مع صديقي العزيز سونا ستيل

و للعلم فعلا ده الفلتر الأصلي و انا لسه شاريه من التوكيل ب 45 او 50 برضه تقريبا و لسه مغيرتش الزيت

والله الموفق

الله يبارك فيك يا صديقي
والله انتوا كنتوا واحشني جدا
ان شاء الله لما تجربه مش هتغيره
تحياتي

[SYD]

ألف مبروك الزيت و الفلتر و صوت الكستبانات اللى راح و تستمتع بالعربية كمان و كمان :)

الله يبارك فيك بس هو الحقيقة ماكنش صوت كستبانات هو كان صوت تاكيهات
متشكر لحضرتك
تحياتي

[SYD]

الف مبروك يا باشا على التجربة الجميلة دايما متالق ويا ريت تتابعنا بالنتيجة بعد اول 5000 من الزيت .
تحياتي لحضرتك ،،

الله يبارك فيك
ان شاء الله هتابع معاكم كل ١.٠٠٠
تحياتي

[SYD]

موتورى عامل فوق 200000 كيلو ربنا يديله الصحة وطولة العمر

ربنا يباركلك فيه

[SYD]

الف مبروك تغيير الزيت

الله يبارك فيك