حليت مشكلة صوت التاكيهات - والحل عند ليكوي مولي

[mahmoud ghanem]

اهم شيء يا محمود باشا ان الزيت ميكنش زيادة علي المقياس وميعديش الجزء المحدد والمشرشر في المقياس علشان ميبوظش البوجيهات وميضربش جوانات الموتور وانا انصحك بالزيت اللي انا بحطه حاليا ليكوي مولي ..مولي ماكس 15w 50 يمشي 10000 كم

طبعا كلام مظبوط لازم يبقى الزيت على المقياس فى المنتصف
وبالنسبة ليكوى مولى !! مش عارف انا العربية بتاكل 1/2 لتر على 2000 ك فا صعب قوى ليكوى مولى هرجع لشل الاحمر هو الافضل لحاله الماتور عندى

[mahmoud ghanem]

اكتر مكان بيتجمع فيه البخر هو عمة الهوا
لو العمة غرقانة زيت يبقي الموتور بياكل زيت - لو لا يبقي تدور ورا تسريب

تحياتي

سؤال يا باشمهندس : الافضل احط زيت الشمبر ؟؟ هيخفف من نقص الزيت ؟؟
حاجة كمان : بالنسبة للتكيف هيبقى اية ظروفه بقى !!! هيشتغل ولا الماتور هيطير و مش هيكمل معايا ؟؟ ؟؟؟

[hossamalsadik]

السلام عليكم
شوف يا مستر حسام موضوع الزيت و عيوبه و مشاكله معانا تتخلص في ان احنا في مصر و دائما بينزل عندنا منتجات بمواصفات تعبانه لا تساوي نفس المنتج بالخارج و ده بسبب ان معندناش معايير جوده و مراقبة للمنتجات كما بالخارج دا أحنا نيلا خالص

و كمان مصر حتي فترة قريبة يعني منذ 10 سنوات او أقل ثقافة العربيات و ما يخصها كان قليل جدا جدا و محدش بيشغل دماغة و التوكيلات و شركات الزيوت بتعك اي حاجه و خلاص و العميل مش فاهم والله يابشمهندس والى الأن مايغركش حجم الأعضاء هنا بالمنتدى الى تعلموا ثقافة صيانة العربيه لسى فيه كتيييييييييير جداااااااا معندوش فكره

بالاضافة الي ان معظمنا معاه عربيات مستعمله و بتبقي شاريها و انت و ظروفك و متعرفش حصل فيها ايه ولا استخدمت فيها زيوت ايه خلال عمرها السابق و بنحاول نرجعها لأصولها و وصايا مصنعها بتقابلنا مشاكل لذلك بنضطر نفضل ماشيين معاها باي حاجه ربنا معنا

رأيي الشخصي في اضافات السيراتيك و اكستريم اب و ما يناظرها انها ماهي إلا اضافات لتحسين اداء الزيوت زيها و منها الاضافات اللي بتستخدم في تصنيع الزيوت التخليقية لذلك لو قدرنا نستخدم زيوت عالية الجوده و كما موصي بها من المصنع يبقي احنا مش محتاجين اي اضافات ولا منتجات تحسين ..والله اعلم وبما أن لايوجد زيت بالمواصفات القياسية المطلوبه بحزفرها يبقى مستنينى motor up xtrem

[SYD]

انا معاك ان نقص الزيت عالى عندى .. انا هكمل بشل الاصفر وشوف هينقص تانى لو كدة هرجع لشل الاحمر
وربنا ييسر .. عاوز اسقط ماتور 1400 علشان اللى عندى 1000 بس طبعا الظروف مش مشجعة ان شاء الله فى الخطة هيتم تسقيط ماتور والقديم اهو ماشى لحد ما تفرج

تمام كدة - بس لو هتجرب الاحمر تذكر موضوع متعدد الدرجات - لان شل عندها زيت احمر تاني احادي الدرجة ومكتوب عليه "زيت تقيل"

بص لو ناوي تسقط ان شاء الله يبقي تفضل ماشي بالموتور لحد لما تجيب داغه - طالما لسة بيدي خليك وراه وربك المستعان

[SYD]

سؤال يا باشمهندس : الافضل احط زيت الشمبر ؟؟ هيخفف من نقص الزيت ؟؟
حاجة كمان : بالنسبة للتكيف هيبقى اية ظروفه بقى !!! هيشتغل ولا الماتور هيطير و مش هيكمل معايا ؟؟ ؟؟؟

انا بصراحة ماعرفش ايه هو زيت الشمبر - هل هو اضافة بتعوض فرق الخلوصات ؟

لا عادي مش هتفرق - دوس ولا يهمك - احنا متفقين اننا عايزين نفضل وراه لحد لما يستشهد في العربية

تحياتي

[windofchange]

طبعا كلام مظبوط لازم يبقى الزيت على المقياس فى المنتصف
وبالنسبة ليكوى مولى !! مش عارف انا العربية بتاكل 1/2 لتر على 2000 ك فا صعب قوى ليكوى مولى هرجع لشل الاحمر هو الافضل لحاله الماتور عندى

ما ده يعتبر زيت شمبر من ليكوي مولي

[mahmoud ghanem]

تمام كدة - بس لو هتجرب الاحمر تذكر موضوع متعدد الدرجات - لان شل عندها زيت احمر تاني احادي الدرجة ومكتوب عليه "زيت تقيل"

هو انا كنت سألت علية كان بــ 70 ج تقريباً وكان 20w 50 مش عارف دة بقى الاحادى ولا المتعدد ؟؟
والافضل بالنسبة لى انهى واحد فيهم ؟؟

بص لو ناوي تسقط ان شاء الله يبقي تفضل ماشي بالموتور لحد لما تجيب داغه - طالما لسة بيدي خليك وراه وربك المستعان

انا بقول كدة زيك

انا بصراحة ماعرفش ايه هو زيت الشمبر - هل هو اضافة بتعوض فرق الخلوصات ؟

هو بيزيد من لزوجة الزيت وبتملى فروق الخلوصات زى ما حضرتك بتقول .. غير انة بيقلل من حرق ونقص الزيت ومن الدخنة لو موجدودة .

لا عادي مش هتفرق - دوس ولا يهمك - احنا متفقين اننا عايزين نفضل وراه لحد لما يستشهد في العربية

تحياتي

تمام طمنت قلبى .. وفى الحالة دى بقى الماتور هيبقى شهيد الحالة الماديه

ما ده يعتبر زيت شمبر من ليكوي مولي

انا سألت علية لقيته بـــ 220 جنيه !!!
هو امكانياته عالية .. بصراحة حبيبات السيراميك دى لوحدها تحفة
بــــس 220 ج

[mahmoud ghanem]

ما ده يعتبر زيت شمبر من ليكوي مولي

انت ماتورك نفس الحال عندى ؟؟ بياكل زيت بردوا ؟؟

لو كدة و انت مجربه وثقة يعنى و مش بينقص يبقى مش خسارة فيه الفلوس وهاخد بنصيحتك !!! بس يوفى بالغرض

[SYD]

تقرير ال1000 الثالث

امبارح قيست الزيت بعد الألف الثالث ب 300 كم
لقيت الزيت ناقص مقدار اقل من ربع كيلو تقريبا
هزوده تاني وهقيس تاني عند ال1000 الرابع
وأقولكم النتيجة

تحياتي

[windofchange]

انت ماتورك نفس الحال عندى ؟؟ بياكل زيت بردوا ؟؟

لو كدة و انت مجربه وثقة يعنى و مش بينقص يبقى مش خسارة فيه الفلوس وهاخد بنصيحتك !!! بس يوفى بالغرض

انا مجربة وهو كان 4لتر ب220 جنيه وبقي ب260 دلوقتي !(الموتور عندي بياخد 3,5 بالفلتر اوعي تحط عندك زيت بزيادة) مش عارف يمكن علشان جبته من مصرالجديدة ممكن يكون في شارع الاربعين فعين شمس ارخص...هو ده ثالث غيار للزيت ده تقريبا بس هو في اول غيار هينقص ومعتقدش هيكمل ال5000 كم بس هو كمل معايا 7000 بالتزويد (علي حسب حالة موتورك)وفي تاني غيار كمل ال10000 كم مع التزويد لما نقص وفي تالت غيار نسيته ل14000 كم ومانقصش غير نسبة بسيطة وزودته ولما نزلته حطيت يجي ربع لتر من الجركن القديم..اقصد ان مع الاستخدام الموتور بتظبط ومادة السيراميك اللي في الزيت بتعمل عملها مرة بعد مرة علما بان كل مرة بغير فلتر الزيت وده المفروض انك تعمله واول مرة استخدمت موتور فلش من ليكوي موللي وده ب35 جنيه

[windofchange]

الموتور عندي بياخد 3,5 بالفلتر اوعي تحط عندك زيت بزيادة دايما اظبط الزيت عالمقياس انه ميعديش الماكس والراجل بتاع الزيت وهو بيحط قله 3 وربع وانت ابقي زود الباقي بعدين لان الزيت الزيادة غلط عالموتور

[ehab_mansour]

تقرير ال1000 الثالث

امبارح قيست الزيت بعد الألف الثالث ب 300 كم
لقيت الزيت ناقص مقدار اقل من ربع كيلو تقريبا
هزوده تاني وهقيس تاني عند ال1000 الرابع
وأقولكم النتيجة

تحياتي

نعم
طيب
يعني علي ما نوصل الي 10 الاف كيلوهنكون غيرنا الزيت كله او معظمه
طيب ملا نشوف اخرة ليكوي مولي ايه

[lanos2004]

نعم
طيب
يعني علي ما نوصل الي 10 الاف كيلوهنكون غيرنا الزيت كله او معظمه
طيب ملا نشوف اخرة ليكوي مولي ايه

نقص عدى كيلو ونص فى 4500 كيلو افتكرت الماتور فوت

[SYD]

للأسف الشديد الزيت اثبت فشله الزريع مع عربيتي
قبل ما اوصل لل1000 الخامسة ب300 كم كان الزيت نقص تاني حوالي 1/2 كيلو
وبالتالي النتيجة كانت فشل الزيت

انا خلصت عبوة 4 لتر في مسافة 4700 كم
العربية بتاخد 2.75 لتر بالفلتر
يعني انا زودت 1.25 لتر علي مدار 4700 كيلومتر

معدل بخر الزيت عالي جدا مع عربيتي

انتظروني في تجربتي الجديدة مع الزيت الجديد

[SYD]

دة رد للدكتور مصطفي في أحد الموضوعات
واللي بيقول ان في عربيات بتاكل الزيت ومعروف عنها كدة
تفتكروا مواتيرنا كدة ؟؟
علي كل الأحوال - الرد دة أثلج صدري

مبروك يامزاجنجى بيه الـ146 :)

ونصيحة: بلاش 10w-40 فـ موتور boxer ألفا؟!!
(عارف ان ده الـrecommended من ألفاروميو-- بس الكلام ده فـ حالة المواتير الجديدة، أو تحت 100-120 ألف كم)؟!!

- الـgrade الصح: 15w أو 20w كمان، طبعا براند محترم وsemi-synthetic أو blend
بلاش زيت خفيف فـ بوكسر- انت عارف البوكسر بياكل زيت كده كده (فـ الطبيعى بتاعه)!!

أنا أعرف ناس بتحط زيوت-لزوجة straight
- و فـ المواتير الـ1.7 بوكسر أو الموتور العادى i-4 (مش flat-boxer) اللى هو 1.8 بتاع الـquadrifoglio verde بيحطوا 10w-60 كمان؟؟!!!
طبعا ده twin-spark :f_eyeb1[1]: .. مش محتاج أقولك أى ts ألفا بياكل زيت إزاى؟!!
لحد الـ156/147 موديلات 2004-2005 كان لازم تمشى بجركن زيت فـ الشنطة :) كل ألف كيلو تبص عـ الزيت وتزوده top-up؟!! Lol

بس nice ride وربنا يباركلك فيها :)

انا ان شاء الله هجرب شيل 15w/40
واتمني يكون أداءه كويس

والله المستعان
،
،