اى حد عندى استفسار عن skoda انا موجود !

[yts17]

السلام عليكم يا شمهندس يوسف
انا كنت بتفرج على اوكتافيا فانتازيا وشفتها فى اكتر من مكان وكل تاجر عنده مواصفه مختلفه عن التانى واحد يقولى خليجى سعودى واخر خليجى دبى واخيرا اردنى
وللاسف كل تاجر بيشكر فى عربيته ويدعى وجود اختلاف فى المواصفه بخلاف الكماليات
فمثلا مواصفه دبى بها عفشه خدمه شاقه
واخرون يقولوا بتاعت الاردن تعبانه وتكيفها مش كويس واحد كمان ضحكنى قوى قلى الصج بيختلف من مواصفه الى اخره
هل يوجد فعلا اختلافات فى المواصفات ام اختلاف فالكماليات فقط
وهل يمكن التفريق بين السعودى من الاردنى مثلا

بصراحة انا معنديش معلومات كافية عن العربيات الخليجى علشان اقدر ارد عليك
بس نصيحة حاول تجيب ال skoda بالذات مصرى فى الضمان وبالذات ال fantasia. علشان فى مشاكل فى حاجات كتير بتظهر بعد الشرا بتتحل فى الضمان (مش عايز ادخل فى التفاصيل علشان مصدعكش ومنزلش من سمعة العربية :) )

[yts17]

شكرا يا بشمهندس...
انا روحت بيها اسكندريه عند نور الدين شريف ...
لقو ان فيها هوا فى مياه التبريد ...
سحبوه و بقت تمام الحمد لله ...
و الف شكر يا باشا على اهتمامك ..
و خلينا نشوفك بقى ولا الاقصى خطفك مننا

يابشاوالله كان نفسى اعملهالك بنفسى . بس هما مغيروش حاجة خالص هناك
يعنى غيرت الميه الحمراء بس صح !

[yts17]

معلش يا باشا العربيات دى مابتاخدش هوا اصلا و انا متاكد من كده، عشان كان معايا البوينتر قبل الاوكتافيا و قعدت كتير اوى فى حوار السخونية ده و ناس كتير قالولى دى فيها هوا، هو متهيالى فى عربيات زى اللانسر ممكن يحصل فيها كده ، بس الفولكس مافيهاش الكلام ده، يعنى ممكن تنزل مية التبريد كلها و تحط ميه جديدة من غير قصة سحب الهوا و الكلام ده

الموضوع بتاع هوا العربية دا فى ناس كتير مختلفين فيه بس علشان نبقى واضحين العربية دى فيها حاجة اسمها self bleeding يعنى الهوا الزيادة معمول حسابه وبيطلع من غير ما تاخد هواها . بس انا رايى الشخصى مفيش عربية اسمها مبتخدش هوا الفكرة بس هل الهوا دا هيبقى مؤثر ولا لأ . وخلى باللك ان موضوع الهوا دا مبيحصلش غير لما بتبقى العربية سخنة وانت بتزودها مياه او بتغير المياه وهيا مش مستقرة اصلاً

[yts17]

الحمد لله صوت صفارة الفرامل ضاع، و احب اعرف الناس برضه عشان تستفيد عشان انا سالت ميكانيكى شغال فى توكيل فولكس، قاللى اى تيل اصلى بعد مابنركبه ف التوكيل بينطلع بالعربية و نجرى بيها شويه و بعدين ندوس فرامل جامد جدا للاخر لحد ما ال abs يشتغل، قاللى هاتحس بيه اما تلاقى الدواسة الفرامل بدات تعمل تعمل زى نبضات تحت رجلك، و قاللى اعمل القصة دى 3 او 4 مرات ، و فعلا عملتها و الصوت اختفى ، بس لازم طبعا الواحد يعملها فى حتة فاضية و مايكونش فى عربيات وراه و يستحسن يربط الحزام كمان
بالنسبة لصوت التزييق ، فناس كتير قالولى ده عيب فى الوكتافيا و سببه الجلد اللى بين الباب و جسم العربية، وليس من المفصلات او اى شىء اخر و انا هاجرب حاجة كده لو نفعت هاقول للناس عليها

المفروض عند تغيير اى تيل سواء اصلى ولا مضروب لازم تطبع التيل على الطنابير بس لو التيل مس أصلى ولا لما تعمل ايه الصوت هيروح شوية ويرجع تانى لأن الصوت دا ناتج من الاحتكاك ووجود مادة بتعمل صوت الصفارة فى التيل الكمادة دى نسبتها قليلة فى التيل الأصلى . بس التطبيع دا لازم يتعمل عند اى غيار تيل والا ممكن تطلع بالعربية مع اول مشوار تلاقى مفيش فرامل

[baddo5566]

ازيك يا بشمهندس
ممكن اطلب انى اعرف ايه سبب ان علبة البلوف دي بتبوظ عربيتى a5 موديل 2007 وعاملة 70 الف تقريبا وعملت صيانة ال 60 وغيرت زيت فتيس
ارجوك سرعة الرد
وعلي فكرة دي اول مرة اشارك معاكم ويا ريت مكونش ضيف تقيل عليك وعلي المشاركين

[yts17]

ازيك يا بشمهندس
ممكن اطلب انى اعرف ايه سبب ان علبة البلوف دي بتبوظ عربيتى a5 موديل 2007 وعاملة 70 الف تقريبا وعملت صيانة ال 60 وغيرت زيت فتيس
ارجوك سرعة الرد
وعلي فكرة دي اول مرة اشارك معاكم ويا ريت مكونش ضيف تقيل عليك وعلي المشاركين

اولاً اهلاً بيك فى اى وقت وانا تحت أمرك .
بص بقى يا سيدى موضوع ال VALVE BODY انا هقول حاجة ممكن تزعل ناس كتير من العربية . بنسبة 80 % من عربيات سكودا A5 الموجودة بيحصل فيها مشاكل فى ال VALVE BODY يعنى لازم كل اللى معاه العربية دى يبقى مهيأ نفسه لدفع 12000 جنيه فى اى وقت وخصوصاً موديلات 2006 2007 اللى عدت ال 70000 كيلو . ومش معنى كدا ان موديلات 2008 2009 وحتى 2010 مفيهاش المشاكل دى لانها بكل بساطة لسا معظم العربيات دى معدتش 50000 كيلو
بس انا بنصح اى حد راكب a5 أو fantasia يغير زيت الفتيس بدرى شوية .
سبب ان ال VALVE BODY دا بيبوظ ان فيه بلف من البلوف بيقفش او بيتقل فى الفتح والحركة وغالباً بيبقى البلف المسؤل عن الغيار رقم 3 . وللأسف فى مصر مفيش قطع غيار لقطع الغيار بمعنى مينفعش تغير البلف دا لوحدة لازم تغير ال VALVE BODY كامل . وخلى باللك مينفعش تمشى على ال VAVLE BODY وهوا بايظ لانه كدا بيحمل على مجاميع الفتيس من جوا . يعنى لو صبرت عليه هتغير الفتيس كله مش ال VALVE لوحده . ونصيحة أخيرة متجبش VALVE BODY استعمال خارج لانك مش هتبقى عارف هوا عمل كام كيلو وممكن تجيبه ومع اول 2000 كيلو يرجع يهبد ويرزع تانى .
وبالتوفيق .

[KHALED AYMAN]

يابشاوالله كان نفسى اعملهالك بنفسى . بس هما مغيروش حاجة خالص هناك
يعنى غيرت الميه الحمراء بس صح !

رينا يخليك يا بشمهندس ...
لا هما مغيروش الميه الحمرا ...
هما قالولى انهم سحبو الهوا الى فيها
و عملت صيانه 60 الف كم و غيرت تيل خلفى و طبعا انت متوقع المبلغ يكون كام

[KHALED AYMAN]

اولاً اهلاً بيك فى اى وقت وانا تحت أمرك .
بص بقى يا سيدى موضوع ال VALVE BODY انا هقول حاجة ممكن تزعل ناس كتير من العربية . بنسبة 80 % من عربيات سكودا A5 الموجودة بيحصل فيها مشاكل فى ال VALVE BODY يعنى لازم كل اللى معاه العربية دى يبقى مهيأ نفسه لدفع 12000 جنيه فى اى وقت وخصوصاً موديلات 2006 2007 اللى عدت ال 70000 كيلو . ومش معنى كدا ان موديلات 2008 2009 وحتى 2010 مفيهاش المشاكل دى لانها بكل بساطة لسا معظم العربيات دى معدتش 50000 كيلو
بس انا بنصح اى حد راكب a5 أو fantasia يغير زيت الفتيس بدرى شوية .
سبب ان ال VALVE BODY دا بيبوظ ان فيه بلف من البلوف بيقفش او بيتقل فى الفتح والحركة وغالباً بيبقى البلف المسؤل عن الغيار رقم 3 . وللأسف فى مصر مفيش قطع غيار لقطع الغيار بمعنى مينفعش تغير البلف دا لوحدة لازم تغير ال VALVE BODY كامل . وخلى باللك مينفعش تمشى على ال VAVLE BODY وهوا بايظ لانه كدا بيحمل على مجاميع الفتيس من جوا . يعنى لو صبرت عليه هتغير الفتيس كله مش ال VALVE لوحده . ونصيحة أخيرة متجبش VALVE BODY استعمال خارج لانك مش هتبقى عارف هوا عمل كام كيلو وممكن تجيبه ومع اول 2000 كيلو يرجع يهبد ويرزع تانى .
وبالتوفيق .

الكلام ده مش يزعل كلام كتير ..
ده يقلق ناس كتير
عندى العربيه لما بتسقط من التالت للتانى "اوقات" بتعمل خبطه كده ...
ايه يا بمهندس ؟؟طمنى

[wael357]

[QUOTE=yts17;3872382349]بص والله انا بحاول على قد ما أقدر اتواصل مع الناس هنا . وانا بعذر الناس اللى بتبقى عندها مشاكل فى عربيتها وبتسأل وبتبقى متعشمة انى ارد بسرعة وبتأخر عليها . بس كل الناس وراها مسؤليات وانا مش هقول حاجة غير انى شغال 6 أيام فى الأسبوع مش 5 . علشان كدا فعلاً اليوم الفاضى دا بيبقى زحمة جداً . اتمنى محدش يزعل من تأخير الردود.

ساعة التكييف دى اللى هيا expansion valve المفروض دى بتبقى راكبة فى ماسورة التكييف . دى المسؤلى عن عدم تشغيل التكييف لو ضغط الفريون ضعيف
[size=4][color=#0000ff]سعرها اظن فى حدود 100 جنيه

السلام عليكم و رحمة الله و بركاته
حمد لله على السلامه و ربنا يعينك على مشاغلك و احنا مش زعلنين احنا عايزين نطمن على اعضاء المنتدى كلهم
شكرا ً على المعلومه و لو انى اشتريتexpansionvalve استيراد ب 150 جنيه
الاهـــــــــــــــــــــــــــــــــم موضوع زيت الفتيس انا مغيرتوش و العربيه عدت 65 الف كيلو فهل الزيت موجود خارج التوكيل و لأ و سعره كام و هل ممكن اى مركز خدمه يغيره و لا لأ - السؤال التانى هل يتم تزويد الزيت و لا يتغير و كميته كام كيلو بالضبط و شكرا ً جزيلا ً على جهدك و وقتك و خبرتك و اسف على الاطاله

[solly1979]

السلام عليكم يا باش مهندس
انا معايا a4 عايز اركبلها مثبت سرعه وسنسور بارك
وازاى بيشغلوا السنسور بارك على شاشه منفصله ولا بيركب على كمبيوتر العربيه
بكام تكلفه كل واحد منهم فى الاقصى
وهل بيركبوا زى الفبريكا ولا تنصح بايه ؟

[spider6666]

المشكلة دى ممكن تبقى من العداد نفسه وممكن تبقى من بيبة السرعة (عداد الكيلو متر)
الصح اللى يتعمل انك تطلع ببة السرعة دى وتجربها بايدك وتشوفها سليمة ولا لأ وتجرب العداد بتاع السرعة اللى فى التابلوه من الجهاز تشغله لوحده علشان تقدر تحدد العيب منين

باشمنهنس انا متشكر جدا ليك وعلى اهتمامك باسالتنا
ممكن تعرفني ايه هيه "" بيبه السرعة ""وذلاك لاني غيرت العداد ومازالت المشكلة موجوده وكيفيت التاكد من بيبة السرعة هيه اللي فيها المشكلة دي

[spider6666]

غالباً هتلاقيها الكوعة اللى فى وش السلندر او كوعة السخن وممكن تكون اقربة مش محكومة او فيها تسريب . ومش لازم تشوف بحر مياه تحت العربية علشان الميه تنقص وممكن طبعاً تبقا حاجة اكبر كن دا ومن دا . بس ان شاء الله ميبقاش اللى فى بالى :)

الحمد لله طلع التسريب من الكوعة بس لما روحت للميكانيكي بتاعي اللي كان شغال في فولكس اصلا معايا هناك قالي غير قربة الميه لانه لقينا المية جاية من تحتها فهوه بيقولي ايه بقة"الغطا لما بيتفتح في القربة من جوة بقة ناشفة ومش ناعمة وبالتالي الماية بتطلع من الفايص " بس انا مش مصجق كلامه لانه علطول طريقته يشل وارمي وهات جديد
انا حاسس انه في تحت القربة فيها حاجة ...سؤالي هو هل في خراطيم تانية في القربية غير الخارج والفايص"؟؟ وشكرا يا هندسة واديني تليفونك عشان عاوز اكلمك ان امكن

[fbi_30]

السلام عليكم ورحمة الله وبركاته
ana asef ma3ndesh lo3`a 3arbya 3la 2l lap 2na 3andy octivie 98 w 3andy feha 3edet mshakel 2wl 7aga 2na lesa 3amel 7adsa w ba3d 2l 7adsa bda2at 2l 7agat 2l 3`areba tzhar 2wlan 2na da5lat fe raseaf w 3`ayrat makas w ax w koblan
2bdat tzhar 3andy lambah 2l aps fe 2l tabloh 3la tool w lampet 2l hand break baed ma 2dwar 2l 3arbya w 2tla3 byha b 10 d2yay2 kda tzmar 3 zmrat zay bta3et 2l banzen w ta3ad tnwar w tetfy ma3 2l 3lam 2ny mnazal 2l hand brak
mmmmmmmmmm
2na msh 3aref w tany 7aga 2l kasat byden safe w msh 3arf 2fko hwa mn no3 vw beta4 2rgo 2l rad sare3an 25wko 2l mohandesa mohamed mostafa w shokran gazelan

[spider6666]

اولا لمبة الabs دي اعتقد انه لو فكيت لافيوز بتاعها اللي جنب البطارية ورجعت ركبته تاني هاتروح وهاتبطل تنور خالص ان شاء الله
اما لمبة الهاندبريك المنورة اعتقد ده يا اما تيل الفرامل يا اما العداد فيه مشكلة او زيت الفرامل شيك على كل اللي قولتهولك
اما لمبة البنزين اللي بتزمر فده بسبب العوامة اللي في حساس البنزين غيرها بواحدة تانية انت مش هاتلاقي المشكلة تاني
ولو كل ده سليم عندك يبقى عندك مشكلة في العداد نفسه

[elwazzan]

السلام عليكم
انا معايا فيليشيا 98 عندى مشكلة فى اضائة العداد لما بفتح الباب والصفارة تشتغل والتابلوة والع فى لمبة من عداد rpm بتنطفى بس بترجع تنور بعد شوية ارجو الرد