اى حد عندى استفسار عن skoda انا موجود !

[yts17]

معايا a4 موديل 2005مانيوال ومش تعبانى هل أغير و أجيب فانتازيا أوتوماتيك و لا a4 أحسن منها

هتستمتع بال FANTASIA لمدة شهر او 2 وبعدين هتفتقد شعور السواقة الناشفة بتاعة ال a4 . لو مكانك ودا طبعاً رايى شخصى مش دى النقلة اللى هيبقى عينى علييها

[yts17]

عربيتي فانتازيا .. الكمبيوتر فيه درجة الحرارة الخارجية .. بس من كام يوم كدة لقيتة بيدي قرايات تهييس خالص .. يعني بيدي درجة حرارة 56 سيليزيس وحجات كدة ؟.. صحيح الجو حر شوية بس ميش للدرجة دي ..
هي اكيد طبعا ليها سنسور حرارة .. هو مكانة فين؟ ..
وممكن مثلا يكون ملمس مع حاجة صاج فيدي حرارة عالية .. وبعدين دي علاجها اية انة يتغير السنسور دة ولا بيتعاير؟
وبعدين هو لية وظيفة تانية غير انه يظهر الحرارة على الشاشة؟ يعني هو مسئول مثلا عن تشغيل المروحة؟ او اي حاجة تانية؟
معليش بقي حاجة اخيرة .. لما بتفتح الكبوت بلاقي سنسور مرمي كدة جمب فوانيس الشبورة من جوة على التصفيحة بتاعت العربية .. ولما سالت قالولي انة بتاع الحرارة المسئول عن تشغيل المروحة؟ ياتري هو دا نفس السنسور اللي بنقل الحرارة للكمبيتوترجوة العربية؟
وشكرا .. ومعليش على الاطالة

معلش اعذرنى بس لازم اسأل مين الفنااان اللى قللك ان ممكن يكون سنسور خارجى بعيد عن مياه الريداتير مسؤوول عن المراوح .
مكان حساس الحررة ورا فانوس الشبورة شمال تحديداً ورا الهواية اللى جمب الفانوس وساعات بيبقىملمس فى الردياتير علشان كدا بيسخن بزيادة وغالباً هوا دااللى مرمى فى أرضية المصفحة . هوا شغال تمام بس محتاج يرجع مكانه الطبيعى

[yts17]

السلام عليكم يا باشمهندس انا معايا a4 2008 العربية عاملة 62000 كيلو ولم اقم بتغيير الكاوتش وهو سليم هل لابد من تغيير الكاوتش حتي اذا كان سليم واي نوع من الكاوتش تنصح بية .وبعض الأشخاص قالو لي ان العربية تقبل مقاس 205/60 او 195/65 هل هذا الكلام صحيح.

الكاوتش المفروض يتغير على 50.000 كيلو حسب جدول الصيانة للسيارة a4
ويستحسن تغيره فى التوكيل بكاوتش مطابق للمواصفات للأصلى

[ALYKHEDR]

'طيب نصحتك إيه النقلة و إيه رأيك فى السوبيرب مقارنة بال مونديو

هتستمتع بال fantasia لمدة شهر او 2 وبعدين هتفتقد شعور السواقة الناشفة بتاعة ال a4 . لو مكانك ودا طبعاً رايى شخصى مش دى النقلة اللى هيبقى عينى علييها

'طيب نصحتك إيه النقلة و إيه رأيك فى السوبيرب مقارنة بال مونديو

[keller]

AC Compressor for Octavia A5 2006

هل يوجد مشكلة بالcompressor الموجود في Octavia A5 2006 ؟
في عربية معروضة عليا موديل 2006 اوتوماتيك A5 20006 (وكيل) أول فئة وقال لي إنه غير الكمبرسر من 3 شهور في التوكيل وإن المهندسين في التوكيل بيقولوا إنه في موديلات فيها عيب في الكمبرسر فأنا بصراحة مش عارف الكلام ده فعلا مظبوط ولا لأ خصوصا إن لما عملت بحث في المنتدى لقيت في ناس كتير بتتكلم على مشاكل التكيف (ناس بتقول ممتاز وناس بتقول مش اد كده).
فيا ريت حضرتك تاكدلنا المعلومة دي لأن العربية إن شاء الله ناوي اكشف عليها في التوكيل عشان أتأكد من حالتها (العربية عاملة 50000 كم).

آسف على الإطالة وأتمنى سرعة الرد

[محمد المصرى]

السلام عليكم
اولا انا بشكرك يا باشمهندس على هذا الموضوع الرائع

وانا حاليا بدور على اوكتافيا a5 اليجانس 2008 او 2007 مستعملة وبطلب من سياتك النصيحة
فى الاتى
1. اشترى خليجى او وكيل مع العلم ان اغلب المعروض للبيع خليجى
2. اكشف عليها فين

وشكرا مقدماً على الرد

[keller]

السلام عليكم
اولا انا بشكرك يا باشمهندس على هذا الموضوع الرائع

وانا حاليا بدور على اوكتافيا a5 اليجانس 2008 او 2007 مستعملة وبطلب من سياتك النصيحة
فى الاتى
1. اشترى خليجى او وكيل مع العلم ان اغلب المعروض للبيع خليجى
2. اكشف عليها فين

وشكرا مقدماً على الرد

ممكن تكشف عليها في التوكيل (أنا سألت في التليفون (اللي في غمرة)) وعرفت إن التقرير الكامل بيتكلف 550 جنيه.
جرب تعمل بحث في المنتدى وحتلاقي كذا موضوع بيتكلم عن الفرق بين الخليجي والوكيل.

[seqoia]

لو سمحت حضرتك هي الفابيا 2003 ال1200cc يتحطلها بنزين 90 ولا 92

[altodd]

انا معايا سكودا فليشيا 2000 وكنت عايز اركبلها تكيف فعايز اعرف تمنة كام فى التوكيل
وهل بيأثر على العربية (سخونة) وشكرا.....؟

[HISHAM80]

السلام عليكم و رحمه الله
انا عاوز الحقيقه اسالك سؤال
انا عاوز اشتري سكودا a4
اتوماتيك مستعمله لكن بصراحه موضوه الجير بوكس بتاعها مخوفني جدا لاني معنديش استعداد اعطل علي طريق لا ني بسافر كتير و بجري جدا
فهل تنصحني بيها
السبب الرئيسي لترشيحها هو الاستابيلتي بتاعتها و الاكسلاراشن بس الجير له علاج او صيانه معينه تحافظ عليه و لا مش مأمون
مع جزيل الشكر لحسن التعاون

ونا كمان عايز النصيحة في شراءAutoA4 2006-2008 إيه رأيك الشخصي فيها هل فيها اعطال

[a_shrief2006]

ما الفرق بين التكيف على الموتور و التكيف على الموبينا
وهل ممكن يتركب تكييف على الفيلشيا 97 على الموبينا
ولا مش مستحب
ممكن اعرف مميزاته و عيوبه

[mimieg]

اريد معرفة اسعار قطع غيار الscoda fantazia و اسعار الصيانات كامله
و لكم منى جزيل الشكر

[am79]

السلام عليكم يا بشمهندس
استفسار علي السريع كده

لو حبيت اعمل فحص كامل لعربيه مستعمله تقرير كامل عن حالتها من موتور وفتيس وعفشه ...إلخ
لعربيه اوكتافيا a4 قبل ما اشتريها
في التوكيل او مركز خدمه يتكلف كااااااااااام

[tot]

السلام عليكم يا بشمهندس
استفسار علي السريع كده

لو حبيت اعمل فحص كامل لعربيه مستعمله تقرير كامل عن حالتها من موتور وفتيس وعفشه ...إلخ
لعربيه اوكتافيا a4 قبل ما اشتريها
في التوكيل او مركز خدمه يتكلف كااااااااااام

انا عملت تقرير فى التوكيل فى غمرة ب 550 جنيه و الصراحة مالوش اى لازمة ، مابيعملوش حاجة و مابيقولكش كفاءة الموتور اد ايه ولا فى الكلام ده، حتى انا كنت فاكر انه ممكن يعرف العداد ملعوب فيه ولا لا، دى كمان ماحدش بيعرفها، كل اللى بيعمله انه بيبص لحالة العربية، مافيش جهاز اصلا يحدد اذا كان العداد ملعوب قيه ولا لا، و الموضوع بيعتمد على التقدير الشخصى من حد بيفهم يعنى يقارن حالة اجزاء العربية زى طارة الدركسيون و عصاية الفتيس و الكاوتش الخ، مجرد صنايعية عاديين و سمكرى عادى جدا بيبص ع العربية، و الموضوع ممكن يتعمل فى اى حته بره ارخص

[am79]

انا عملت تقرير فى التوكيل فى غمرة ب 550 جنيه و الصراحة مالوش اى لازمة ، مابيعملوش حاجة و مابيقولكش كفاءة الموتور اد ايه ولا فى الكلام ده، حتى انا كنت فاكر انه ممكن يعرف العداد ملعوب فيه ولا لا، دى كمان ماحدش بيعرفها، كل اللى بيعمله انه بيبص لحالة العربية، مافيش جهاز اصلا يحدد اذا كان العداد ملعوب قيه ولا لا، و الموضوع بيعتمد على التقدير الشخصى من حد بيفهم يعنى يقارن حالة اجزاء العربية زى طارة الدركسيون و عصاية الفتيس و الكاوتش الخ، مجرد صنايعية عاديين و سمكرى عادى جدا بيبص ع العربية، و الموضوع ممكن يتعمل فى اى حته بره ارخص

شكرا ياباشا علي توضيحك
بس هل كل الفروع للتوكيل نفس الطريقه كده يعني ولا ايه
معني كده ان الواحد يوديها للواد بليه بقي احسن يكشف علي المكانيكا بتعتها ويديه 100 جنيه في الاخر وبليه يطير من الفرح ويقولك ابقي تعاله كل يوم بقي ياباشا
هههههههههههههه
والله حاجه غريبه