فتيس dsg حقائق ومعلومات !

[إبراهيم المصرى]

الأستاذ احمد و الاستاذ نادور
جيتا 2012 برضه dsg و الاختيار يرجع لحضرتك
الباسات fsi 1600 هي و الاوكتافيا 2011 فتيس اوتو عادي 6 سرعات ما فيش منه مشاكل و عمره الافتراضي اضعاف dsg زي الاوتوماتيك الياباني
الاوكتافيا 2012 مش متأكد انها dsg و لا لأ بس اللي يشتري يبقى يتأكد من عدم وجود حروف dsg على ظهر الفتيس ويدور العربيه ويجيب الدراع على +\- و يتأكد انه 6 نقلات
ملحوظتي الوحيده ان العربيتين طلعتهم بطيئه بس منتهى الفخامه

دلوقتى الناس بتبعد عنه كأنه جربه بعد كده الناس هتدور عليه علشان تجيبه ويتفشخروا بيه زى حجات كتير زمان واللى يعيش ياما هيشوف

[nadoooor]

دلوقتى الناس بتبعد عنه كأنه جربه بعد كده الناس هتدور عليه علشان تجيبه ويتفشخروا بيه زى حجات كتير زمان واللى يعيش ياما هيشوف

شاكر ليك يأستاذ ابراهيم بس على فكره الواحد بيفكر بشكل عملي مش نظام مظاهر أنا الليهمني في العربيه في المقام الأول بشكل عملي اعتمادي عليها مش أعد أحسس عليها واحسب ازود السرعه بأنتظام ازاي وأليلها ازاي بانتظام معقوله ده كلام يتعقل ناقص تقولي اقرا الكتالوج وأن بسوق لكون دوست على زرار غلط ولا حاجه

خلينا نكون موضوعيين بس وممكن اتفق معاك انه اختراع بس للأسف اختراع فاشل مش مناسب للظروف والبيئه المصريه من حيث زحمة الشوارع مين فينا وهوا سايق مش ممكن يقرص شويه في الغيار ولا حتى يسيدي مايمورش في الأشاره بصراحه كلام مش عملي وعلى فكره انا ذهبت لأكثر من معرض سيارات وكلهم نصحوني بلاش الdsg ونصحوني بالأوكتافيا وكان رأيهم مفيش فايده لازم الdsg هيخسر مهما حاولت وضطر برده تغيره وأسف للأطاله

[KHALED AYMAN]

وانا الى زعلان انى بغير ديسك و اسطوانه ايزى ترونيك بعد 100 الف كم :)

[ahmadm]

الأستاذ احمد و الاستاذ نادور
جيتا 2012 برضه dsg و الاختيار يرجع لحضرتك
الباسات fsi 1600 هي و الاوكتافيا 2011 فتيس اوتو عادي 6 سرعات ما فيش منه مشاكل و عمره الافتراضي اضعاف dsg زي الاوتوماتيك الياباني
الاوكتافيا 2012 مش متأكد انها dsg و لا لأ بس اللي يشتري يبقى يتأكد من عدم وجود حروف dsg على ظهر الفتيس ويدور العربيه ويجيب الدراع على +\- و يتأكد انه 6 نقلات
ملحوظتي الوحيده ان العربيتين طلعتهم بطيئه بس منتهى الفخامه

طيب يا استاذ هانى هل موضوع الكيلو متر عند الشراء لو العربية معدية ال 80 الف كيلو بيكون الموتور عادى حالتة كويسة زاى مواتيير ال بي ام 100 و 200 رقم عادى؟ ولا كدة بيكون حالتة بدات تسوء ؟

[ahmadm]

يا بشمهندس فرحااات ارجو التعليق على اسئلتى بردة عشان نستفيد من كل الخبرات بتاعة حضراتكم لعموم الفائدة و الله الواحد مش عارف يشكركم ازاى.

السلام عليكم
الاستاذ هانى و الاستاذ فرحات جزاكم الله خيرا كثيرا على التوضيح العلمى الاول من نوعة هنا انا كنت خلاص تعبت جدا من التدوير على معلومات علمية .

المهم انا كنت خلاص باخد قرار انى اشترى باسات 2009 dsg و كنت متردد جدا طبعا الموضوع اتحسم خلاص دا الواحد بيجيب الفلوس بالعافية :)
المهم يا اخوانى انا عندى سؤالين
1- هل الباسات ال fsi 1600 شرائها اَمن و من غير مشاكل ؟
2- الفتيس بيعيش عادى ولا فية مشاكل ؟
3- لو العربية عاملة 80 الف كيلو متر او 100000 الف دة عادى و كدة الماتور بيكون بردة بصحتة ؟
4- ارجو اجابة سؤال اخونا nadoooor جيتا dsg ولا فانتازيا ؟
5 - مش عارف اشكركم ازاى على و الله على مشاركة العلم دة ربنة يكرمكم

[zegna]

عزيزي هاني بك ،
احنا ما وصلناش للبيع ولا الخسارة لا قدر الله ، ولا بنناقش مشاكل الوكيل ، احنا بنتكلم في الفتيس نفسه فنياً مشاكله إيه وعيوبه إيه ومميزاته إيه .


مسهكلة مجموعة الدبرياج دي مشكلة واضحة جداً ، وفعلاً سببها النقل السريع ، واكيد كمان هتزيد مع القرص ، لأن الفتيس دة بصراحة مع الموتور ال-tsi مغري جداً على الجري ، وبالتالي فيه ناس هيخلص معها الإسطوانة على 25 ألف ، لكن في المقابل فيه ناس حتعيش معاها الإسطوانة ييجي 100 ألف ،

على فكرة دة لا يعيب العربية نفسها لأن لو على الطوابير الفئة التالتة من bmw المنوال (316i الشكل الحالي ) بتغير إسطوانة على 60-70 ألف وبرضه إسأل التوكيل :)) ، لكن دي كلها مشاكل مقبولة من ناحية إن الفتيس جديد ، وتصميم الاسطوانة جديد نوعاً ما ، وبيتحسن التصميم مع الوقت ، يعني في الموديلات الاحداث هتلاقي الوضع أحسن وأحسن لحد ما يستقر على أحسن تصميم لإسطوانة الدبرياج ال double .


وصوت الخشانة دة ناتج برضه من النقل بتاع الدبرياج ، وخصوصاً مع الدواستين الهيدروليك إلي ذي ما قلت تسممهم دقيق جداً وممكن يظهر منه مشاكل ، وأعتقد برضه دي التحسينات إلي اتعملت في وحدة الميكاترونيك الجديدة ، وهتفضل كدة فترة لحد ما تستقر .


الخلاصة إن الفتيس دة ذي أي منتج هندسي جديد ابتدى في سنة 2008-2009 مثلاً ، أول سنة تم إنتاج 1000 وحدة منه طلع 100 فيهم مشاكل بأنواع مختلفة ، تاني سنة صلحنا المشاكل ونزلنا 2000 وحدة طلع فيهم 150 وحدة بمشاكل منها متكررة و منها مشاكل جديدة ، وطالت سنة التصميم يتحسن والمشاكل تقل وهكذا لحد ما المنتج يبقى سليم تماماً بعد تقريباً 5-7 سنين وتكون دورة المنتج استقرت . وبعد كدة إلي يظهر يبقى عيوب الصناعة العادية ، ودي بيكون عددها أقل كتييير .


لو عايز مثال على كلامي خد الفتيس بتاع الميجان كمثال ، موديل 2004-2005 (أول الموديل ما نزل ) كان مشاكل وشكاوى منه في النتشة والحاجة دي قد إيه؟ ، وفي 2006 العدد بتاع المشاكل قد إيه ؟ وفي 2010 كنت المشاكل كم ؟ وشوف في 2011 مع الجيل الجديد من نفس الفتيس في الفلونس المشاكل شكلها إيه ؟
الإجابة بإختصار إن العادة بيقل مع الوقت نتيجة تطور التصميم الهندسي وإدخال تعديلات تتواكب مع شكاوي العملاء ، ودة إلي بيفرق شركات أوروبا مثلاً عن سحركات شرق اسيا إن فيه فلوس كتير بتتحط في البحوث لتطوير المنتج لحد ما يطلع أحسن مع أداء أقوى بكتير ، يعني يعمل منتج سابق عصره ويفضل يزبط فيه لحد ما يبقى مناسب لكل الظروف وكل الناس .


تحياتي

ياريت علي 70 الف يا بشمهندس انا مغير الديسك والاسطوانة عندي في ال 316علي 55 الف واستعمالي عادي جدا

[hany63]

استاذ ابراهيم
احب اقول لحضرتك اني اول واحد هايجيب باسات ب dsg بشرط يحصله تطوير جذري في التصميم مش اصلاح بوش الدبرياج بحته ورده وكل شهر سوفت وير بدون فايده
ولو حضرتك كان اتحرق دمك فوق 25 مره في التوكيل و اسف في الكلمه و خسرت دم قلبك عشان تخلص من العربيه صدقني كان رأيك هايتغير خالص ثم ان الفتيس ده نزل بره بقاله 6 سنين فواضح ان ده اخرهم

[hany63]

استاذ احمد
الفيصل في شراء المستعمل الاتي
1-فابريقه بره و جوه عشان اللي بيحافظ على عربيته من الخارج والداخل غالبا بيسوقها بطريقه محترمه الا لو حاجه غصب عنه زي المسامير
2-تكون استيراد وكيل
3-تتأكد من عمل جميع صيانتها حتى تاريخه بالتوكيل
4-الكشف عليها بالتوكيل و طلب معرفة تاريخ الاعطال السابقه و نوعها (حوادث - موتور-فتيس-تكييف----الىاخره)
5-كيلومتر قليل بقدر الامكان
و على العموم ممكن العربيه تعدي 200000 بدون مشاكل جوهريه بشرط انك تجيب حاجه نضيفه و تحافظ عليها

[ahmadm]

شكرا جدا على ردك يا بشمهندس

استاذ احمد
الفيصل في شراء المستعمل الاتي
1-فابريقه بره و جوه عشان اللي بيحافظ على عربيته من الخارج والداخل غالبا بيسوقها بطريقه محترمه الا لو حاجه غصب عنه زي المسامير
2-تكون استيراد وكيل
3-تتأكد من عمل جميع صيانتها حتى تاريخه بالتوكيل
4-الكشف عليها بالتوكيل و طلب معرفة تاريخ الاعطال السابقه و نوعها (حوادث - موتور-فتيس-تكييف----الىاخره)
5-كيلومتر قليل بقدر الامكان
و على العموم ممكن العربيه تعدي 200000 بدون مشاكل جوهريه بشرط انك تجيب حاجه نضيفه و تحافظ عليها

[samoreception]

طيب بعد اذن البشمهندس انا سمعت انى برده الفتيس بتاع الاوكتافيا لو متغيرلوش زيت الجير بعد ال60 الف الفالف بادى بيبوظ
هل الكلام ده صح ولا غلط ده غير انى معايا سكودا اوكتافيا 2007 ايه فايف ومكملتش 51 الف والجير بينتش فى النقلة ما بين الاول والتانى هل كده انا محتاج اغير الفالف بادى ولا ديه ممكن تكون مشكلة بسيطة

[hassaan2266]

طيب سوال لو انت خليت نمط ستب ترونيك (مانوال ) وانت اللى تتحكم فى النقلات هل ممكن يطول عمر الدبرياج شويه ؟لانك ساعتها اللى بتتحكم فى النقلات (فى الزحمه)وبتقلل عددها

[hany63]

[frame="1 80"]
طيب بعد اذن البشمهندس انا سمعت انى برده الفتيس بتاع الاوكتافيا لو متغيرلوش زيت الجير بعد ال60 الف الفالف بادى بيبوظ
هل الكلام ده صح ولا غلط ده غير انى معايا سكودا اوكتافيا 2007 ايه فايف ومكملتش 51 الف والجير بينتش فى النقلة ما بين الاول والتانى هل كده انا محتاج اغير الفالف بادى ولا ديه ممكن تكون مشكلة بسيطة
[/frame]
بص حضرتك احتمال عندك مشكله في عقل الفتيس ولازم يتغير منعا لتطور المشكله يا ريت تحلها فورا وياريت يطلع الموضوع بسيط

[hany63]

[frame="1 80"]طيب سوال لو انت خليت نمط ستب ترونيك (مانوال ) وانت اللى تتحكم فى النقلات هل ممكن يطول عمر الدبرياج شويه ؟لانك ساعتها اللى بتتحكم فى النقلات (فى الزحمه)وبتقلل عددها [/frame]
الكلام ده عملي بالنسبه لو بتجري عشان تمنع الكيك داون وانا فعلا كنت عامل كده و كنت مغير الطاره بواحده فيها شيفت لسهوله النقلات من الطاره
اما في الزحمه هاتحس بالنقله بطريقه مزعجه فتضطر تغليها تنقل بمزاجها

[ahmadm]

مساء الخير يا استاذ هانى

عندى سؤال هو الباسات ال1600 fsi ممكن يستخدم معاها بنزين 92 ؟

[farahat]

مساء الخير يا استاذ هانى

عندى سؤال هو الباسات ال1600 fsi ممكن يستخدم معاها بنزين 92 ؟

للأسف لأ، لأن تصميم الموتور معمول على البنزين 95 على الاقل