فتيس dsg حقائق ومعلومات !

[farahat]

معنى كلامك كده يأستاذ فرحات ان الجيتا 2011 وجيتا 2012 فيها نفس نوع الفتيس الي راكب في الفانتازيا 2012 وده نوعه فتيس ستيبترونيك يعني مفيش فرق خالص في نوع الفتيس

أرجو التوضيح للأهميه عشان أنا كنت سامع ان فيه مشاكل في الفتيس بتاع الجيتا بس مكنتش عارف نوعه ايه بالظبط والكلام ده سمعته من بتاع المبيعات في معرض سيارات وعشان كده نصحني بالفانتازيا وألي سيبك من الجيتا ياريت توضحلي أكتر وشاكر جدا لمجهودك وتحليلك الممتاز
رجاء مستني رد سريعا عشان ناوي اخد قرار واشتري ان شاء الله وأسف للأطاله

مع احترامي ، أنا مش عارف العربية إلي حضرتك بتتكلم عليها تحديداً دي فيها أنهي فتيس ، كالآمي كان رد على سؤال الزميل لأنه كان محدد إنه بيسأل على باسات 1600 FSI ، وفانتازيا ودول فيهم فتيس ستيبترونك عادي ، حتى الآن .


لكن حضرتك دلوقتي بتسأل على عربية ومش محدد فيها أي فتيس ، لأن الجيتا بتنزل في بعد الدول بالفتيس الستيبترونك وبعد الدول بالفتيس ال-DSG ، وبالتالي لزم حضرتك تشوف العربية إلي هتجبها دي جاية منين (خليجي ولا اروبي ولا وكيل ..) و


الأسهل من كل دة تركب العربية وتقرأ مكتوب إيه على عصاية الفتيس ، لو هو DSG لازم تلاقي التلات حروف مكتوبين بالحفر على العصاية بتاعة الفتيس ( D S G ) بشكل واضح جداً على الجزء النيكل إلي في منتصف العصاية

http://www.vwvortex.com/gallery/albums//Volkswagen/Golf%20-%20GTI%20-%20Rabbit/Golf%20V/R32%20-%20EU/013.jpg

[nadoooor]

[QUOTE=farahat;3873883804]مع احترامي ، أنا مش عارف العربية إلي حضرتك بتتكلم عليها تحديداً دي فيها أنهي فتيس ، كالآمي كان رد على سؤال الزميل لأنه كان محدد إنه بيسأل على باسات 1600 FSI ، وفانتازيا ودول فيهم فتيس ستيبترونك عادي ، حتى الآن .


لكن حضرتك دلوقتي بتسأل على عربية ومش محدد فيها أي فتيس ، لأن الجيتا بتنزل في بعد الدول بالفتيس الستيبترونك وبعد الدول بالفتيس ال-DSG ، وبالتالي لزم حضرتك تشوف العربية إلي هتجبها دي جاية منين (خليجي ولا اروبي ولا وكيل ..) و


الأسهل من كل دة تركب العربية وتقرأ مكتوب إيه على عصاية الفتيس ، لو هو DSG لازم تلاقي التلات حروف مكتوبين بالحفر على العصاية بتاعة الفتيس ( D S G ) بشكل واضح جداً على الجزء النيكل إلي في منتصف العصاية

http://www.vwvortex.com/gallery/albu...-%20EU/013.jpg[/


شكرا يأستاذ فرحات على التوضيح لكن أنا بقصد الجيتا الوكيل في مصر2011 و 2012 بتنزل بفتيس نوعه ايه

هل هو فتيس dsg ولا ستيبترونيك زي الفانتازيا أرجو التوضيح

[farahat]

شوف يا باشا ، أنا مش متأكد لأني ما أعرفش حد إشترى الجيتا 2012 ، لكن أنا سمعت إن إلي راكب فيها ولا دة ولا دة ، سمعت إن إلي فيها ال-dsg ال-6 سرعات ، فياريت لو حد يعرف حد اشتراها أو راح التوكيل بنفسه وشاف مواصفاتها يقول لنا ، عشان دي حاجة جديدة خالص على السوق

[hany63]

[frame="1 80"]
شوف يا باشا ، أنا مش متأكد لأني ما أعرفش حد إشترى الجيتا 2012 ، لكن أنا سمعت إن إلي راكب فيها ولا دة ولا دة ، سمعت إن إلي فيها ال-dsg ال-6 سرعات ، فياريت لو حد يعرف حد اشتراها أو راح التوكيل بنفسه وشاف مواصفاتها يقول لنا ، عشان دي حاجة جديدة خالص على السوق
[/frame]
استاذ فرحات
اي عربيه جيتا توكيل او خليجى 2010 فما فوق موتور 1600 MPI 102 حصان نازله بفتيس DSG 7 سرعات
ومن اول 2012 الشكل الجديد نازله بالموتور 1400 TSI 140 حصان توين تشارجر والموتور ده بالامر لازم يركبله DSG 7 سرعات عشان ما يحصلش تربو لاج
بالنسبه للفتيس DSG 6 سرعات ده معمول للمواتير TSI 1800 cc فما فوق عشان اقصى عزم يمشى مع DSG 7 سرعات 240 نيوتن زي موتور الجولف ال TSI 1400

[hany63]

ياريت يا جماعه تجيبوا الوسيط بتاع امبارح قسم السيارات بيع vw
هتلاقوا 6 عربيات جيتا وباسات موديل 2010 من اجمالي 14 عربيه للبيع!!!!!!!!!!!!!!!!!!!!!
ياريت ياجماعه تفسير للموضوع ومش هأقول رأيي عشان استاذ فرحات مايزعلش

[nice_bird]

بارك الله فيك يا باشا

[nadoooor]

[frame="1 80"]
شوف يا باشا ، أنا مش متأكد لأني ما أعرفش حد إشترى الجيتا 2012 ، لكن أنا سمعت إن إلي راكب فيها ولا دة ولا دة ، سمعت إن إلي فيها ال-dsg ال-6 سرعات ، فياريت لو حد يعرف حد اشتراها أو راح التوكيل بنفسه وشاف مواصفاتها يقول لنا ، عشان دي حاجة جديدة خالص على السوق
[/frame]
استاذ فرحات
اي عربيه جيتا توكيل او خليجى 2010 فما فوق موتور 1600 MPI 102 حصان نازله بفتيس DSG 7 سرعات
ومن اول 2012 الشكل الجديد نازله بالموتور 1400 TSI 140 حصان توين تشارجر والموتور ده بالامر لازم يركبله DSG 7 سرعات عشان ما يحصلش تربو لاج
بالنسبه للفتيس DSG 6 سرعات ده معمول للمواتير TSI 1800 cc فما فوق عشان اقصى عزم يمشى مع DSG 7 سرعات 240 نيوتن زي موتور الجولف ال TSI 1400

ياريت يا جماعه تجيبوا الوسيط بتاع امبارح قسم السيارات بيع vw
هتلاقوا 6 عربيات جيتا وباسات موديل 2010 من اجمالي 14 عربيه للبيع!!!!!!!!!!!!!!!!!!!!!
ياريت ياجماعه تفسير للموضوع ومش هأقول رأيي عشان استاذ فرحات مايزعلش

روح الله يباركلك ياشيخ على التوضيح
انا كنت بشاور عقلي على الجيتا 2012 كنت بقول ممكن تكون مختلفه بس واضح مفيش فايده
ان شاء الله هتوكل على الله وخليني في الفنتازيا بعيد عن الdsg
وشاكر ليك

[hany63]

[frame="1 80"]
روح الله يباركلك ياشيخ على التوضيح
انا كنت بشاور عقلي على الجيتا 2012 كنت بقول ممكن تكون مختلفه بس واضح مفيش فايده
ان شاء الله هتوكل على الله وخليني في الفنتازيا بعيد عن الdsg
وشاكر ليك
[/frame]
لا شكر على واجب يافندم وتحت امر سعادتك في اي حاجه
على العموم الفنتازيا نفس موتور و فتيس الجيتا القديم و الحق اشتري قبل مايقلوا عقلهم ويغيروا الفتيس زي السيات و الاودي و طبعا ابقى شيك على الفتيس قبل الشراء زي ما وضحت قبل كده

[farahat]

ياريت يا جماعه تجيبوا الوسيط بتاع امبارح قسم السيارات بيع vw
هتلاقوا 6 عربيات جيتا وباسات موديل 2010 من اجمالي 14 عربيه للبيع!!!!!!!!!!!!!!!!!!!!!
ياريت ياجماعه تفسير للموضوع ومش هأقول رأيي عشان استاذ فرحات مايزعلش

يا باشا وأنا هزعل ليه بس، احنا هنا كلنا في المنتدى هدفنا واحد ، وهو اننا نشارك المعلومات عشان نفيد ونستفيد
بس مع احترامي العدد دة مش دليل على مشكلة ، ما إنت لو بسيط على الالانترا مثلاً هتلاقيه كدة برضه ، و الأمثلة كتير في العربيات الجديدة إلي ماشية كتير في السوق ، مش معناه إن كلها عيوب .. ولا إيه ؟

[farahat]

استاذ فرحات
اي عربيه جيتا توكيل او خليجى 2010 فما فوق موتور 1600 MPI 102 حصان نازله بفتيس DSG 7 سرعات
ومن اول 2012 الشكل الجديد نازله بالموتور 1400 TSI 140 حصان توين تشارجر والموتور ده بالامر لازم يركبله DSG 7 سرعات عشان ما يحصلش تربو لاج
بالنسبه للفتيس DSG 6 سرعات ده معمول للمواتير TSI 1800 cc فما فوق عشان اقصى عزم يمشى مع DSG 7 سرعات 240 نيوتن زي موتور الجولف ال TSI 1400

الوكيل على صفحته الرسمية في مصر ، بيقول إن العربيات إلي نازل عن طريق الوكيل فيها الفتيس ال-DSG 6 غيار مش 7 ، وعشان أنا ما أعرفش حد إشترى العربية وحالياً مش في مصر عشان أروح أتأكد من الالوكيل قلت اني ما أعرفش ، وقلت يا ريت لو حد اشتراها يقوللنا ، ممكن حضرتك مشكوراً تؤكد لي مصدر المعلومة .


واستأذنك برضه لو توضح لي ازاي يحصل تربو لاج في موتور نتيجة تركيب فتيس معين عليه ؟


اتفق معاك إن الفتيس ال 6-DSG بيستحمل عزم أكتر ، لأن ال DSG-7 بيستحمل عزم أقصاه 250Nm ، لكن ممكن يركب على 1.8TSI عشان العزم بتاع ال-1.8TSI هو 250Nm ،
لكن في نفس الوقت الفتيس ال-DSG-6 دة أقدم بكتير ، من 2003-2004 تقريباً ، وبالتالي اتحسن أكتر كتير ، ويختلف تماماً عشان دة فتس اوتو ، يعني مبني على زيت وبالتالي مفيش فيه دبرياج وإسطوانات وبالتالي مشكلة الرعشة مش هتزعل المصريين :)

[hany63]

استاذ فرحات
عندك حق الموتور TSI 1800cc بينزل معاه DSG 7 بس انا باعتقد ان الموضوع ده جديد من السنه دي
بالنسبه للعربيات TSI 1400cc نازله ب DSG7 مش 6 و ده اللينك بتاع الموضوع
The new Volkswagen Passat Saloon with lots of clever technology : Volkswagen UK-

نيجي لموضوع التربو لاج تخيل حضرتك موتور 1400 بفتيس اوتو عادي و ركبناله تربو اولا كميه الهواء اللي خارجه من العادم لتشغيل التربو قليله ثانيا يوجد فقد في العزم عموما بانسبه للفتيس الاوتو العادي و يوجد delay بين كل نقله فيحصل لاج
ومن هنا ظهرت ضروره DSG عشان هو فتيس مانوال مافيهوش فقد فى العزم وكمان مافيش delay بين النقلات عشان فيه 2 اسطوانة دبرياج
اما موضوع 6 عربيات للبيع ب DSG موديل 2010من اجمالي 14 لكل موديلات وانواع VW مش مقياس !!امال ايه المقياس ؟ و لعلم حضرتك كل اسبوع على الحال ده و الله مره شفت باسات للبيع عامله 300 كم يعني يادوب صاحبها روح بيتهم وراح رخصها و روح
و بالنسبه ان التوكيل مغير 15 فتيس بس احب اقول لحضرتك ان ده الرقم اللي بيتغير كل اسبوع و ياريت حضرتك لما تكون في الحرفيين تتأكد من كلامي
ولو تلاحظ ان العربيات ال DSG بطل ينزل منها خليجي عشان الناس لبست في الحيط بعكس الفنتازيا اللي لسه شغاله

[farahat]

استاذ فرحات
عندك حق الموتور TSI 1800cc بينزل معاه DSG 7 بس انا باعتقد ان الموضوع ده جديد من السنه دي
بالنسبه للعربيات TSI 1400cc نازله ب DSG7 مش 6 و ده اللينك بتاع الموضوع
The new Volkswagen Passat Saloon with lots of clever technology : Volkswagen UK-

نيجي لموضوع التربو لاج تخيل حضرتك موتور 1400 بفتيس اوتو عادي و ركبناله تربو اولا كميه الهواء اللي خارجه من العادم لتشغيل التربو قليله ثانيا يوجد فقد في العزم عموما بانسبه للفتيس الاوتو العادي و يوجد delay بين كل نقله فيحصل لاج
ومن هنا ظهرت ضروره DSG عشان هو فتيس مانوال مافيهوش فقد فى العزم وكمان مافيش delay بين النقلات عشان فيه 2 اسطوانة دبرياج
اما موضوع 6 عربيات للبيع ب DSG موديل 2010من اجمالي 14 لكل موديلات وانواع VW مش مقياس !!امال ايه المقياس ؟ و لعلم حضرتك كل اسبوع على الحال ده و الله مره شفت باسات للبيع عامله 300 كم يعني يادوب صاحبها روح بيتهم وراح رخصها و روح
و بالنسبه ان التوكيل مغير 15 فتيس بس احب اقول لحضرتك ان ده الرقم اللي بيتغير كل اسبوع و ياريت حضرتك لما تكون في الحرفيين تتأكد من كلامي
ولو تلاحظ ان العربيات ال DSG بطل ينزل منها خليجي عشان الناس لبست في الحيط بعكس الفنتازيا اللي لسه شغاله

أسف للمرة التانية ، اسمحلي أوضح
شركة VW بتركب أي موتور على أي فتيس على حسسب كل دولة وطلبات كل دولة وسوقها ، بس دة في حدود إمكانيات تجميع إيه مع إيه ، بمعنى إن فتيس DSG-7 يركب مع أي موتور طالما عزمه لا يتعدى 250Nm ، و دة مش السنادي فقط ، ممكن يكون أول سنة ينزل في إنجلترا (ودة المثال إلي حضرتك جايبه في الرابط ) ، لكن في حتت تانية موجود من قبل كدة .
ودة رابط لتوكيل فولكس في مصر ودي الجيتا إلي مفروض إنه بيبيعها دلوقتي ، لأن رسمياً الشكل الجديد لسة منزلش وكيل
Volkswagen Egypt


النقطة التانية .. مفيش أي علاقة بين التربو لغ في أي موتور وبين الفتيس ، أو بمعنى أصح مافيش علاقة مباشرة في صورة feedback ما بين ال-power train (أو الموتور ) وبين ال-drive train (الفتيس والآت الجر ) ، و التربو لاج بيكون ناتج من معايرة وتظبيط التربو نفسه داخل الموتور بناءً على كمية العادم وسرعته مع مع حجم وسرعة توربينة التربو وحاجات تانية كلها داخل الموتور وليس الفتيس ، وطبعاً ولا نوع الفتيس !!!




الرقم مش مقياس طالما مفيش معلومات ، وطبعاً مش محتاج أفكر حضرتك على سبيل المثال إن الباسات ناس كتير كنت بتبيعها وهي جديدة حتى من قبل ال-DSG عشان حاجتين ، أولهم انها محتاجة بنزين 95 ، وأول ما الناس كانت بتعرف كدة وتلاقي انها مصاريف يروح بايعها وهي كسر زيرو أو ماشية كام ألف (والحالات دي كتير ) ، أو عشان العربية تقيلة جداً وناس كانت بتحس بدة ومش بترتاح للعربية وبتبيعها ، و يعني DSG مش السبب الأكيد إلي بيخلي الناس دي تبع عربياذة موديل 2010 ، وعشان كدة بقول دة مش مقياس




في النهاية اعذرني إذا كان كلامي يبدو جامد، لكن أنا لا أقصد والله أي هجوم ، بالعكس أنا سعيد جداً بهذا النقاش المفيد وأكن كل إحترام لشخصك الكريم ، ولكن أنا بحب تحري الدقة في كل المعلومات عشان كلنا نستفيد

[hany63]

استاذ فرحات
اولا انا مش ممكن ازعل من حضرتك وذلك لاخلاقك العاليه وبصراحه انا مستمتع جدا بالحوار مع حضرتك وكنت متابع مداخلاتك في قسم BMW و مش هالقى غيرك اشوره لما اغير ل بي ام قريب
اعتقد اننا متفقين في الناحيه العلميه بنسبة 100 % و حضرتك معلوماتك مرتبه و دقيقه يمكن اكتر مني بحكم اني راجل هاوي
الاختلاف اللي بيننا في الناحيه العمليه و حضرتك اكيد متفق معايا ان شرط نجاح اي اختراع هو تجربته من الناحيه العمليه في جميع الظروف و الاجواء
اولا لعلك لاحظت اني عندي شويه معلومات متواضعه عن الفتيس المعلومات دي استنتجتها بنفسي بناء على المشاكل اللي مريت بيها ويا ريت حضرتك ما تاخدتش بكلامي مسلم به و تدور في المنتدى و تسأل حد يكون صاحبك في التوكيل عشان هما فالحين يقولوا ان التصميم اتغير عشان الناس تشتري وبرده الفتيس بيبوظ مش عشان هو وحش ولكن لعدم ملائمته للزحام و الحراره اللي في بلدنا ولو تفتكر الفتيس mmt بتاع الكورولا كان نفس التصميم تقريبا بس كان باسطوانه واحده وحصلت نفس المشاكل فرجعوا للفتيس القديم بعد سنتين
بالنسبه للناس اللي بتبيع العربيه بعد سنه واحده غريبه اوي ان الواحد يبقى شاري عربيه و مايعرفش نوع البنزين!! و لعلم حضرتك الموتور TSI بنزين 95 نفس تكلفه 1600cc بنزين 92 عشان فرق السعه يبقى سيبنا من حكاية البنزين
و حضرتك قلت ان الناس ممكن تبيع عشان العربيه تقيله احب اقول لحضرتك ان اسرع عربيه سوقتها في حياتي و تسارعها رهيب هي الباسات TSI و الجيتا 1600 DSG اسرع من الاوتو العادي
طب ازاي الواحد ممكن يفرط في كل المزايا دي بالاضافه للفخامه و الثبات و يروح يخسر 70000 جنيه؟
الاجابه في الغالب هي الفتيس لمشاكله او عشان ضمان العربيه قرب يخلص فنلحق نبيع قبل مانغرم تمن واحد جديد
بالنسبه للتربو مع DSG هل ينفع نحط موتورتربو 1400cc علي شاسيه باسات بفتيس اوتو عادي اعتقد ان الاداء كان هيقل 180 درجه عشان كده لازم DSG اللي مسئول بنسبه كبيره عن التسارع
تقبل تحياتي

[ayman_sff]

اخوانى انا بفكر اشترى سيارة شيروكو ... هل ياترى صفقة ناجحه ولا هاتتعبنى معاها ,وهاواجه نفس مشاكل الفتيس ... ارجو الاجابة من فضلكم لانى بفاضل بينها وبين البى ام دبليو 118i

[hany63]

استاذ فرحات
ياريت تشرحلنا نظام الفتيس بتاع البى ام ال 8 سرعات الجديد اوتو عادي ولا ايه
ماداهيه ليطلع زي ال dsg برضه
عشان انا ناوي اجيب حاجه من الفئه التالته الشكل الجديد