فتيس dsg حقائق ومعلومات !

[elysmeen]

هل الفتيس محتاج يغير زيت على كيلو معين

[Ammar]

ده على كده الفتيس الدوالوجيك بتاع فيات ده نعمة رهيبة .. من الوصف كده حاسس إن هوه نفس الإحساس في النتشة وبيعتمد برضه على حساسية الدوسة على البنزين والفرامل .. وكمان محتاج تحطه على n في اللإشارات ..

بس مسمعتش إن فتيس ضرب من حد بالمعدل بتاع فولكس ده .. غير إللي مبيغيرش زيت السلسبيد بدري عن الطبيعي .. هوه بس إللي الفتيس بيضرب منه ..

وبالتالي ليه فولكس متستخدمش التكنولوجي بتاعت السلسبيد (دوالوجيك) بدل الdsg على أساس إن الإتنين بيحققوا نفس المميزات ..

الكلام ده طبعا بناءا عن تجربة ال dual logic في الجراند بونتو .. وسماعا بس عن الdsg

إيه رأي الخبراء هنا في الموضوع الأكثر من رائع ده :)

[farahat]

هل الفتيس محتاج يغير زيت على كيلو معين

هي دي ميزة من مميزات الفتيس دة ، إنه بيستخدم نوعين زيت في نفس الوقت ، أو بمعنى أصح فيه خزنتين زيت ، زيت للتروس وزيت لمجموعة التحكم في الفتيس (البادي فالف )،
زيت التروس دة عبارة عن زيت منوال عادي وبالتالي عمره أطول كتير ، ومش هتحتج غير تزوده لو نقص ، ودة حوالي كيلو ونص .
وزيت الهيدروليك دة ذي زيت الباور العادي ودة برضه مفيش فيه تروس بتحرك ولا حاجة ، وبالتالي مفيش فيه رايش أو مشاكل ، ومفيش عليه سخونة عالية ، يعني عمره طويل جداً ،ولفتيس فيه كيلو زيت من النوع دة .
أعتقد كدة مش محتاج تغير الزيت ، وحتى لو فكرت تغيره بعد فترة طويلة جداً مش هيكون فيه مشكلة ذي الفتيس الاوتو ويتغير بمنتهى السهولة وغير مكلف .

[farahat]

ده على كده الفتيس الدوالوجيك بتاع فيات ده نعمة رهيبة .. من الوصف كده حاسس إن هوه نفس الإحساس في النتشة وبيعتمد برضه على حساسية الدوسة على البنزين والفرامل .. وكمان محتاج تحطه على n في اللإشارات ..

بس مسمعتش إن فتيس ضرب من حد بالمعدل بتاع فولكس ده .. غير إللي مبيغيرش زيت السلسبيد بدري عن الطبيعي .. هوه بس إللي الفتيس بيضرب منه ..

وبالتالي ليه فولكس متستخدمش التكنولوجي بتاعت السلسبيد (دوالوجيك) بدل الdsg على أساس إن الإتنين بيحققوا نفس المميزات ..

الكلام ده طبعا بناءا عن تجربة ال dual logic في الجراند بونتو .. وسماعا بس عن الdsg

إيه رأي الخبراء هنا في الموضوع الأكثر من رائع ده :)

معلش اسمح لي يا باشا ، هما مش نفس الفتيس ، الدول لوجيك هو فتيس عادي مانوال بدون أي تعديل في الفتيس ، التعديل كله في دواس الدبرياج ، شالح الدواس (مجرد دواس القدم بتاع الدبرياج ) و عملوا مكانه دواس كهربا .
لكن ال-dsg الفتيس نفسه متغير ، من ناحية التركيب هو 2 فتيس جوا بعض كل واحد ليه نفس مكونات فتيس كامل لكن راكبين جنب بعد ، ومن ناحية مجموعة الدبرياج دول اتنين مش واحد ، والاتنين ليهم دواستين بس كهربا عشان الكنترول هو إلي يعرف يتحكم في التزامن ما بينهم (عشان مفيش بني أدم عنده 3 رجول يخلي 2 منهم للدبرياجين ووحدة للبنزين :)) )


وبالتالي ما ينفعش نقول ليه الشركة دي مستعملتش تكنولوجيا دي ولا دي تستعمل تكنولجيا دي ، دول حاجتين مختلفين تماماً .


صحيح فيه ناس مش مرتاحة في أسلوب قيادة الدوالوجيك وبتشتكي منه وفيه ناس عجبها ، لكن حضرتك ما سمعتش عن شكاوى في الدول لوجيك وسمعت عن فتيس ال-dsg عشان شوف حضرتك كام عربية جراند بونتو وبرافو إتباعت في مصر فيها دوا لوجيك وكام عربية غولف وجيتا وباسات فيها dsg

تقبل تحياتي

[A.Saad]

هل تم حل مشاكل الفتيس dsg فى الجيتا 2011
وهل يوجد تعديل فى موديل 2012

[hany63]

[frame="1 80"]
هل تم حل مشاكل الفتيس dsg فى الجيتا 2011
وهل يوجد تعديل فى موديل 2012
[/frame]
ياريت يافندم تراجع الموضوع كويس

[egytamer]

موضوع اكثر من رائع ومقدرتش انام قبل مخلصو.
وحوار واستفادة معلومات من الاستاذين فرحات وهاني.
اشكركم علي كم المعلومات الجميلة دي.

[hany63]

لا شكر على واجب

[khaled_afandy]

ملخص ما قرأت فى هذا الموضوع هو إن السيارات المحتوية على هذا الفتيس الممتاز تقنيا لا تصلح لمصر خاصة لمن حياته معتمدة بشكل كبير على سيارة و خدمة شاقة. طب هل يوجد أى سيارات فولكس جديدة لا تحتوى على هذا الفتيس (على حسب علمى كل الجيتا و و الباسات و الجولف و غالبا التوران هو الفتيس الوحيد)، هل توجد بعض الموديلات بفتيس اوتوماتيك عادى فى عائلة الفولكس؟؟ الواحد إحتار يشترى ايه فى البلد دى!!!

[hany63]

فانتازيا

[khaled_afandy]

غالبا حأستقر على الفانتازيا أو الكورولا بس برضه شايف الفلوس كتير عليهم بسبب الشكل الكئيب الممل، ما فيش عربية كاملة، و جايز أبص برضه على الصنى و أهو سعرها معقول و ماشية فى السوق

[ahmadm]

و الله يا اخوانا انا بجد بشكر المهندس فرحات و المهندس هانى شكر عميق و احيهم تحية كبيرة جدا على المجهود العظيم المبذول فى هذا النقاش العلمي العملى و على انقاذكم اخوكم الغلبان من الباسات
( والله نفسي فيها قوي ) انا كنت خلاص بربط على حاجة 2010 و كدة بس الحمد لله ربنة ستر :) دا غير انى كنت اول مرة اعرف مشكلة الفيتيس الحقيقية مش مجرد بيبوظ وخلاص بجد لكم جزيل الشكر على اقتطاع الوقت دة من وقتكم لإفادة الناس ربنة يكرمكم يا رب تسلم الايادي بجد يا اخواننا انتو ما تعرفوش كية الهجص و الفتي اللى الواحد بيسمعة قد اية بجد انتو ناس محترمة و ذوق ما بعدة ذوق بجد محاورات كلها راقية كدة و محترمة و حاجة تفرح :)

[far]

أنا أريت الموضوع كلو و بصراحة في كلام عكس بعد ... يعني ال-passat وال-jetta 2006, 2007, 2008 مفيهمش مشاكل فالفتيس و من أول 2009 المشاكل بدأت واللا من أول 2009 بدأو يحسنو الفتيس.. في ناس ألت فالموضوع إن 2010 صلحه فيها العيوب..... و معلش سؤال تاني .. الfantasia لحد دلوئتي (2011) فتيس عادي مافيهوش مشاكل... مظبوط؟

[HISHAM80]

حضرتك كل موديلات فولكس من 2006 -2009 فتيس اوتوماتيك عادي مفيهوش مشاكل غير انه حساس شويه لموضوع الرايش والزيت لازم يتغر على 60000km بعد كده من 2009 كل فولكس ما عدا سكودا فيها الفتيس DSG الي عليه الكلام وفي الموضوع شرح مستفيض لطريقه عمله ده الي فيه مشاكل ملهاش حل والعربيات الي فيها الفتيس ده سعرها واقع مستعمل يعني ممكن تنزل 70000 اول متعلق نمر بس لو لقيت حد يشتريها

[samoreception]

بصراحة علشان كده جبت اوكتافيا ومجبتش باسات ولا جيتا علشان مشاكل ال dsg