فتيس dsg حقائق ومعلومات !

[pirlo2000]

موضوع اكثر من رائع.....

بس السؤال بأه... ممكن يكون غريب شوية؟

ليه عملوا الفتيس ده مع ان الفتيس الاوتو شغال و زي الفل؟ بمعني اصح ايه الاضافة؟

و مشاكل الdsg في مصر كلها بدأت من 2009؟ يعني قبل كده مكانشي فيه مشاكل؟

[farahat]

موضوع اكثر من رائع.....

بس السؤال بأه... ممكن يكون غريب شوية؟

ليه عملوا الفتيس ده مع ان الفتيس الاوتو شغال و زي الفل؟ بمعني اصح ايه الاضافة؟

و مشاكل الdsg في مصر كلها بدأت من 2009؟ يعني قبل كده مكانشي فيه مشاكل؟

عملوا الفتيس دة عشان دة التطور الطبيعي للفتيس ، يعني أداء أعلى كتير ، عشان توقيت النقل أقل بكتير ، ودة معناه نعومة أكتر في الناقلات وسرعة في النقل
وفي نفس الوقت كفاءة وإستهلاك وقود أقل ب-8% من الفتيس الاوتو ، وفي أوروبا دي أهم حاجة دلوقتي ، توفير الوقود والحفاظ على البيئة مع الأداء العالي .


مشاكل dsg في مصر بدأت في 2009 .. عشان دي أول سنة تم فيها طرح الفتيس دة في مصر أصلاً :)

[hany63]

مساء الخير يا جماعه
كنت وعدتكم بنتيجة اختبار باسات 2010 تم تغيير طقم الدبرياج لوجود نتشه ما بين الاول و الثانى
المهم اتفقت مع صاحبي يجيلي اليوم عشان اجرب العربيه بعد الاصلاح لقيته ما استلمش العربيه اصلا لان العربيه بنفس العيب برضه بالطقم الجديد و التوكيل قرر يغير الفتيس بالكامل!!!!!!!!!!!!!!!!!!!!! و ياعالم حيعرفوا يظبتوطها ولا لأ
المهم اللي في الموضوع ان العربيه هاتخرج من الضمان كمان شهر وضمان الفتيس 6 شهور يعنى بعدهم لو حصل حاجه تمن الفتيس الجديد 82000 جنيه عشان باشوات التوكيل ما بيعرفوش يحددوا العيب فين وعلى فكره لسه عربيه جيتا مغيره ميكاترونيك بسبب ان الفتيس فصل و بعد 3 ايام ظهرت الرعشه فرجعت التوكيل عشان قالوا ان طقم الدبرياج محتاج يتغير

[hany63]

استاذ فرحات
احييك على الموضوع بس بصراحه الفتيس فاااااااااااااااااااااااشل بالتجربه العمليه لموديلات 2009 و 2010
و ارجو انك ما تزعلش مني
و على فكره لسه واحد صاحبى معاه باسات 2010 (غير اللي حكيت عليهم) كلمني امبارح و قال لي على مشكلة الرعشه الجامده ظهرت عنده وعربيته عامله 24500 كم
بالنسبه لسؤال حضرتك كنت عايز اقول ان العربيتين نفس الشحنه و واقفين حنب بعض فى التوكيل نفسه

[karemof]

السلام عليكم,
شكرا جزيلا على المعلومات المفيدة دي يا باشمهندس فرحات , و يا ريت لو بعض الرسومات اللي ممكن تعزز الشرح أكتر لكل نوع من أنواع الفتيس و لو معاهم الأوتوماتيك العادي يبقى كتر خير حضرتك

[elysmeen]

انا معايا باسات 2011 مشكلة الفتيس دى موجودة فيها ولا لا واعمل اية لتجنب تلف الفتيس

[farahat]

انا معايا باسات 2011 مشكلة الفتيس دى موجودة فيها ولا لا واعمل اية لتجنب تلف الفتيس

الفتيس في حد ذاتو مفيشش مشكلة ، حضرتك لو قريت الموضوع هتلاقي إن دي مش مشكلة دة نظام مختلف ، وبالتالي فيه بعد نقاط الضعف مقابل المميزات إلي فيه ، ودة إلي الشركة بتحول تحله في كل تصميم عن إلي قبله .
لو حضرتك إتعاملت معاه من هذا المنطلق إنه مختلف هتحافظ عليه ، يعني على سبيل المثال حضرتك لو واخد بالك إنه منوال وليه اتنين دبرياج ، ما تنتظرش منه إنه في الإشارة يفصل، الاحسن تجيبه على n لو هتقف فترة ، حول قدر الامكان تمشي على سرعة منتظمة مش عمل تقرص جامد وتنزل هادي وتقرص تاني وكدة ، لأ الافضل تكون سرعة منتظمة بزيادة منتظمة عشان يكون النقل قليل على الغيارات .. وهكذا


وربنا يحافظلك على العربية ويباركلك فيها

[pirlo2000]

هو زي ال dual logic بتاع فيات؟

و هل هو نفس فتيس الاوكتافيا و الاودي؟ (االي اعرفه انهم فولكس جروب)

[farahat]

هو زي ال dual logic بتاع فيات؟

و هل هو نفس فتيس الاوكتافيا و الاودي؟ (االي اعرفه انهم فولكس جروب)

لو ال Audi وسكودا الموديلات إلي حضرتك بتسأل عليها فيها DSG يبقى أيوة هو نفس الفتيس ، لأن الشركة بتستخدم نفس الفتيس في كل موديلاتها ، خصوصاً مع المواتير الصغيرة (1200 حتى 2000 CC ) .


belnesbah ل-dual logic فالإجابة لأ هو مش زيه ، بس نقطة الشبه إن الاتنين فيهم فكرة تشغيل الدبرياج بالكهربا ، لكن ال-DSG ٢ دبرياج واتنين فتيس في حين إن ال-dual logic دبرياج واحد وفتيس واحد .

[hany63]

الاوكتافيا فتيس اوتو عادي 6 نقلات نفس فتيس الجيتا القديم وزياده تأكيد اللي يشتري يتأكد ان كلمة dsg مش مكتوبه على عصاية الفتيس ويدور العربيه ويجيب عصاية الفتيس على +\- ويتأكد ان الفتيس 6 نقلات
و نصيحه لوجه الله لكل واحد معاه dsg تجنب السواقه في وسط البلد عشان العربيه هاتنقل مئات المرات غصب عنك يعنى خليها عربيه السفر و ممكن تستعملها ايام الاجازات (الجمعه و السبت)

[pirlo2000]

شكرا علي التوضيح

[nadoooor]

بصراحه يأستاذ فرحات ويأستاذ هاني نقاش أكثر من رائع
ومع احترامي للجميع بس عموما انا محتار بين الجيتا 2012الشكل الجديد والأوكتافيا 2012 بس في حاجه مخوفاني في الجيتا وهوا موضوع الفتيس الdsg ياترى حيكون فيها نفس العيب ولا لأ ياريت حد يقدر يفيدني بصراحه مش عارف أخذ قرار لحد دلوأتي هل فعلا هيختفي العيب ده ولا هيفضل ولازم اخد بالي في السواقه زي ما قلت يأستاذ فرحات

[ahmadm]

السلام عليكم
الاستاذ هانى و الاستاذ فرحات جزاكم الله خيرا كثيرا على التوضيح العلمى الاول من نوعة هنا انا كنت خلاص تعبت جدا من التدوير على معلومات علمية .

المهم انا كنت خلاص باخد قرار انى اشترى باسات 2009 dsg و كنت متردد جدا طبعا الموضوع اتحسم خلاص دا الواحد بيجيب الفلوس بالعافية :)
المهم يا اخوانى انا عندى سؤالين
1- هل الباسات ال FSI 1600 شرائها اَمن و من غير مشاكل ؟
2- الفتيس بيعيش عادى ولا فية مشاكل ؟
3- لو العربية عاملة 80 الف كيلو متر او 100000 الف دة عادى و كدة الماتور بيكون بردة بصحتة ؟
4- ارجو اجابة سؤال اخونا nadoooor جيتا DSG ولا فانتازيا ؟
5 - مش عارف اشكركم ازاى على و الله على مشاركة العلم دة ربنة يكرمكم

[hany63]

الأستاذ احمد و الاستاذ نادور
جيتا 2012 برضه dsg و الاختيار يرجع لحضرتك
الباسات fsi 1600 هي و الاوكتافيا 2011 فتيس اوتو عادي 6 سرعات ما فيش منه مشاكل و عمره الافتراضي اضعاف dsg زي الاوتوماتيك الياباني
الاوكتافيا 2012 مش متأكد انها dsg و لا لأ بس اللي يشتري يبقى يتأكد من عدم وجود حروف dsg على ظهر الفتيس ويدور العربيه ويجيب الدراع على +\- و يتأكد انه 6 نقلات
ملحوظتي الوحيده ان العربيتين طلعتهم بطيئه بس منتهى الفخامه

[إبراهيم المصرى]

الفتيس في حد ذاتو مفيشش مشكلة ، حضرتك لو قريت الموضوع هتلاقي إن دي مش مشكلة دة نظام مختلف ، وبالتالي فيه بعد نقاط الضعف مقابل المميزات إلي فيه ، ودة إلي الشركة بتحول تحله في كل تصميم عن إلي قبله .
لو حضرتك إتعاملت معاه من هذا المنطلق إنه مختلف هتحافظ عليه ، يعني على سبيل المثال حضرتك لو واخد بالك إنه منوال وليه اتنين دبرياج ، ما تنتظرش منه إنه في الإشارة يفصل، الاحسن تجيبه على n لو هتقف فترة ، حول قدر الامكان تمشي على سرعة منتظمة مش عمل تقرص جامد وتنزل هادي وتقرص تاني وكدة ، لأ الافضل تكون سرعة منتظمة بزيادة منتظمة عشان يكون النقل قليل على الغيارات .. وهكذا

تسلم ايدك انا مقتنع جداً بكلام حضرتك طبعا لانى قرأت قبل كده حاجه زى كده مش شطاره منى واقتنعت بيه جداً الناس ديه مبتلعبش و كنت مستنى اخلص قراءة جميع المشاركات بصراحة اعتقد انه فعلاً فى الزحمه مفروض تمور وكمان الضغط على دواسة البنزين لازم يبقى بحكمه علشان مع الكبس بيعمل كيك دون اتوماتيك القياده بشكل رياضى يمكن تكون بتهنج العقل بتاعه الذى يتولى النقل بدل السائق لانه غير مبرمج على هذه الطريقه ويمكن ده اللى خاضع للتطوير بحيث يكون قابل للتأقلم مع انواع القياده المختلفه والمشكله دى قديمه لما كنا بنقول ان اكتر من رجل على السياره غلط وبتتعبها لانها بتتعود على رجل صاحبها
انا فى رأىى الشخصى المتواضع ان اللى يستخدمه لازم يكون فاهمه اوى
ويا باشا مشكور والله يعطيك الف عافيه
وعلى فكره انت عامل موضوع تحفه اكتر من رائع والمشاركين نخبه ممتازه وراقيه وناس كتير هتفهم الموضوع ده بس بعد عشر سنين والله الموفق