خدعوك فقالوا: الdsg ال٧ سرعات متعدل و مفهوش مشاكل

[MITSUKERO]

موضوع الفتيس ده ممكن يخليهم يفلسوا متفهمشي هم مصرين علي القرف ده ليه !!!

[man_22]

المصيبة ان سعر الفتيس داخل التوكيل 75.000جنية وكنترول 20.000 جنية يعنى دخلنا فى سعر عربية جديدة المشكلة لازم تتخانق وتقلب الدنيا علشان يغيروا الفتيس لان العربية كان فضلها 3 شهور وتخرج من الضمان فمكنش عايزين يدخلوا العربية بس الحمد لله عملوها واستلمتها بعد شهرين وزحلقتها والحمد لله بس كدا فولكس انتهت لما افتكر كان معايا باسات 1999 استيراد ندمان انى بعتها لانها كانت وحش بالنسبة لموديل 2009 تحس انها شوية كماليات فقط لاغير

[abdulkhaleq]

اللي اعرفه ان ال 6 نقلات مش dsg
والمفروض ان ال 7 نقلات الجديد فعلا افضل شويه بسيطه من 2012 تقريبا
وكمان سمعت ان الأودي مافيهاش المشاكل دي بس مش متذكر ليه

طبعا الفتيس على نطاق الاستخدام فعلا سمعته زفت
بس دي عربيات شركه
فهل بيسوقها سواقين ؟؟؟

[Ahmed Amin]

اللي اعرفه ان ال 6 نقلات مش dsg
والمفروض ان ال 7 نقلات الجديد فعلا افضل شويه بسيطه من 2012 تقريبا
وكمان سمعت ان الأودي مافيهاش المشاكل دي بس مش متذكر ليه

طبعا الفتيس على نطاق الاستخدام فعلا سمعته زفت
بس دي عربيات شركه
فهل بيسوقها سواقين ؟؟؟

أزيك يا عبد الخالق باشا, أخبارك أيه,,
وأيه أخبار الجيم والتمرين.

الDSG نزل منه 6 غيارات في الأول (الجيل الأول) بس مكنش ناس كتير تسمع عنه ساعتها ولا عن مشاكله ولا مكتوب عليه علي الفتيس أنو DSG زي ما بيحصل في عربيات كتيرة دلوقتي من اللي بتنزل بالفتيس ال dsg ال 7 غيارات.

http://www.nilemotors.net/Nile/250319-dsg.html

وبعد كدا الجيل التاني هوا اللي 7 نقلات, ودا اللي ظهرت فيه مشاكل أكتر عن ال 6 نقلات,
مع إن الشركة المفروض منزلاه عشان تعالج العيوب اللي ظهرت في الجيل الأول بما أنه فتيس جديد لسه علي مجموعة VW, وأكيد في الأول هيظهر في التصميم عيوب مع الأستخدام.

وبعد كدا الجيل التالت اللي بيحكو عليه دلوقتي, هوا هوا الجيل التاني نفس الفتيس و 7 غيارات برضه, والمفروض أنو عالج مشاكل الجيل التاني اللي ضرت ناس كتير وناس كتير أشتكت منها,
بس برضه نفس المشاكل والشكاوي موجودة فيه, فا واضح أن الموضوع لسه الشركة مظبطتهوش.

بالنسبة لأودي فا هيا مش يتنزل ال DSG بتاع VW في عربياتها,
عشان كدا مفهاش نفس مشاكل ال VW

الأودي بينزل فيها فتيس S-tronic هوا نفس تصميم ال DSG وبرضه فتيس مانيوال من جوا و7 غيارات, بس مفهش مشاكل ال DSG بتاعت فولكس VW.
وطبعاً BMW و مرسيدس بعيد عن الوش دا.

معلومات عن فتيس الأودي.
In late 2008, an all-new seven-speed longitudinal S-tronic version of the DSG transaxle went into series production (Volkswagen Group internal code: DL501, parts code prefix: 0B5). Initially, from early 2009, it is only used in certain Audi cars,

http://en.wikipedia.org/wiki/Direct-Shift_Gearbox#Audi_longitudinal_DSG

http://www.audi.com/com/brand/en/models/efficiency/efficiency_technologies/transmissions/s_tronic.html

[abdulkhaleq]

الحمد لله يا أستاذ احمد والتمرين تمام نحمد الله على النعمه
انت بقى مستمر من ساعتها ولا كسلت ؟ :) :)
والله هو انا كنت فاكر ال 6 نقلات اوتو عادي مش ديوال وكنت فاكر برضه انه للسبب ده مكانش فيه المشاكل دي
طبعا كلام التوكيل ان الناس مش بتمور في الزحمه وبتفضل ماسكه فرامل !
الله أعلم برضه بس ما اظنش ان ده السبب الوحيد
السؤال بقى ليه الاصرار العجيب ده على النوع ده؟ واذا كان فتيس اﻷودي مختلف شويه طيب مايستخدموه وخلاص واهه يبقى زيتهم في دقيقهم :) :) :)

[svneleven]

مؤكد فتيس الأودي أغلي بكتير لأن الأودي فئة أعلي بكتير من سكودا و كمان أعلي من الفولكس كلها لأنها بتلعب مع المرسيدس و ال بي ام.

[man_22]

اى قطعة غيار من مجموعة فولكس عليها علامة انها تركب فى فولكس وسيات واودى واسكودا

[Anxs111]

علي فكرة أودي بردو فيها مشاكل مش ظريفة ...بس هي تعتبر أرقي واحده ....
لاكن بتجيب فتيسات عادي جدا ...

[svneleven]

اى قطعة غيار من مجموعة فولكس عليها علامة انها تركب فى فولكس وسيات واودى واسكودا

ده مش معناه ان فتيس ديه زي ديه.

[Ahmed Amin]

الحمد لله يا أستاذ احمد والتمرين تمام نحمد الله على النعمه
انت بقى مستمر من ساعتها ولا كسلت ؟ :) :)
والله هو انا كنت فاكر ال 6 نقلات اوتو عادي مش ديوال وكنت فاكر برضه انه للسبب ده مكانش فيه المشاكل دي
طبعا كلام التوكيل ان الناس مش بتمور في الزحمه وبتفضل ماسكه فرامل !
الله أعلم برضه بس ما اظنش ان ده السبب الوحيد
السؤال بقى ليه الاصرار العجيب ده على النوع ده؟ واذا كان فتيس اﻷودي مختلفشويه طيب مايستخدموه وخلاص واهه يبقى زيتهم في دقيقهم :) :) :)

كنت منتظم لحد موجة البرد دي وكسلت,
بس عشان أنشغلت شوية كمان, إن شاء الله أظبط تاني قريب.

والفتيس ال 6 نقلات مكنش أوتو عادي, كان DSG بس كان wet clutch
وظهر فيه مشاكل بس دا كان أفضل من الفتيس الجديد ال 7 نقلات لأنه لأنه Dry clutch
و مشكلة الفتيس مش في أنك تمور في الزحمة بدل ما تسيبها علي الغيار وتفضل معلقها وماسك فرامل,

المشكلة في ال dsg عدد النقلات الرهيبة اللي بينقلها في شارع واحد,
النقلات الكتير اللي ملهاش لازمة دي كفيلة أنها تأكل أحلي أسطوانتين دبرياج, وتهلك الميكاترونيك.
الموضوع دا هوا اللي لازم يتعالج قبل ما العربية تنزل للمستهلك,,
وإلا هيبقي زي ما كله قال إن VW بتستخدم عملائها كفئران تجارب وبتجرب الفتيس عليهم.


كمان عشان تبقي فيه نقطة واضحة ال DSG هوا مسمي الفتيس الخاص بمجموعة VW
لكن نوع الفتيس أو تصميمة أسمه DCT اللي هوا Dual clutch transmission
دلوقتي نظام ال wet clutch اللي كان في ال DSG القديم فيه شركات كتير بتستخدمه مش VW بس.
عندك مثلاً
موديلات BMW ال M3 وال M5 وال M6 كلهم بينزلو SMG اللي هوا برضه فتيس مانيوال من جوا وفيه أسطوانة دبرياج بس من غير بدال دبرياج, فتيس DCT وبنظام wet clutch
ال Easytronic من أوبل فتيس مانيوال زي مانت عارف, ومظبطش معاهم.
ال MMT بتاع تويوتا مانيوال ومظبطش معاهم.
البورش 911 و Cayman و Panamera الفتيس DCT 7 غيار wet clutch ومفهوش مشاكل.
النيسان ال GTR فتيس 6 غيارات DCT و wet clutch برضه ومفهوش مشاكل.

وأخيراً ال S-Tronic بتاع أودي هوا أقرب واحد لل DSG في التصميم, وهوا wet clutch برضه, ومفهوش مشاكل الفولكس.
ودا هقولك عليه في الأخر مينفعش ليه مع VW.


كل أنواع الفتيس ال wet clutch أستهلاكها أعلي في البنزين حوالي 7% عن الفتيس الجديد ال dry clutch,
فولكس بدأت تتوجه ناحية ال dry clutch عشان يحسنو ويقللو من أستهلاك البنزين, وكمان يقللو من تكاليف الصيانة لأنك مش هتحتاج تغير زيت للفتيس وهيتشال بند تكلفة تغير الزيت للفتيس من جدول الصيانات بما أنه مانيوال.

بس الفتيس القديم كانت ميزته إن الزيت كان بيبرد أسطوانة الدبرياج أفضل من تصميم الجديد,
نقلات الفتيس ال 7 غيارات ال dry clutch مش بتبقي كويسة بعد ماالعربية بتمشي في شارع زحمة أو بسرعة بطيئة لفترة طويلة زي شارع كله مطبات, والناس بتقول إن العربية بتبدأ بتنقل الغيارات زي اللي بيكون لسه متعلم علي المانيوال جديد وبيشيل رجله مرة واحدة من علي الدبرياج.! الغيارات بتركب مش مستريحة.

السؤال بقى ليه الاصرار العجيب ده على النوع ده؟

سبب الأصرار بتاعهم إن الفتيس دا نقلة ثورية فعلاً في عالم الألات الجر,
وأتصرف علي الأبحاث بتاعته فلوس كتير في تطويرة (ودا تبرير أي حد يقولك ال dsg حلو)
وكل الكلام دا علي عيني ورأسي,, وأنا عن نفسي عاجباني فكرة الفتيس,,

بس مينفعش إني كمستهلك إني أخد فتيس فيه تكنولوجية عالية أه بس متجربش كفاية علي أرض الواقع وفيه عيوب جسيمة زي دي,, وألبس أنا في حيطة بسبب العيوب دي بعد فترة الضمان أو أرمي العربية.!

يعني هقولك بسرعة المعادلة الصعبة اللي حققها ال dsg هوا بيديك
(1)أداء وسحب عالي جداً يعني تجميع السرعة فيه ممتاز لأنو المفروض فتيس مانيوال من جوا ومفيش محول عزم زي الفتيس الأوتو العادي فمفيش عزم بيضيع,
(2)النقلات سريعة جداً في ما بين الغيارات, لأنه فتيس مانيوال برضه فأسرع في النقل من الأوتو وأسطوانة الدبرياج بيتحكم فيها الكمبيوتر وكمان عندك أسطوانة للغيارات الفردية وأسطوانة تانية للغيارات الزوجية يعني الأسطونة المفروض مش بتجهد بسرع ووبتفضل تاخد أداء عالي دايماً لأنك مش بتحمل علي أسطوانة واحدة طول الوقت, وكمان أنت لما بتكون علي الأول وهتنقل للتاني بيكون التاني جاهز وشغال قبل ما العربية تاخدة, فالنقلات بتبقي رهيبة.
(3)وفي الأخر أستهلاك للبنزين ممتاز جداً جداً,.

لكن لما تكون ماشي بعربيتك وهيا فتيس أوتو 4 غيارات مثلاً في شارع زحمة,,
وتلاقي نفسك في الشارع دا نقلت 26 مرة لأنك كل شوية بتدوس بنزين والعربية تطلع أول وتنقل تاني وممكن تالت بعدها,
وتقف فتجيب أول, وبعدين تاني وهكذا.
وصاحبك جنبك بعربية فيها فتيس dsg ماشي في نفس الشاره ونفس الزحمة وعربيته نقلت 97 مرة أو 112 مرة في شارع واحد ميستاهلش .!!! وأنت لسه مكملتش مشوارك,
طبعاً دا بيهري أسطوانة الدبرياج, وبيضيع الميزة بتاعت إن فيه أسطوانتين بيريحو بعض لان رينج الغيارات قليل جداً.

[Ahmed Amin]

واذا كان فتيس اﻷودي مختلف شويه طيب مايستخدموه وخلاص واهه يبقى زيتهم في دقيقهم :) :) :)

فتيس الأودي تصميمة مختلف عن فتيس فولكس,, الفتيس فيه دايرتين زيت منفضلتين عن بعض,
ودا اللي بيميز الفتيس S-Tronic بتاع Audi عن ال DSG بتاع ال VW
فيه دايرة زيت فيها زيت ATF عادي ودا بيتغير كل 60 ألف كيلو بتبرد الأجزاء اللي ليها علاقة بأسطوانات الدبرياج,
والدايرة التانية جوا الفتيس ودي لتزيت التروس وعلي كلام أودي ومعظم الشركات الدايرة دي مش محتاجة يتغير لها زيت,


حاجة تانية فتيس VW القديم كان وزنه 93 كيلو,
الفتيس الجديد وزنه 70 كيلو
أما فتيس الأودي S-Tronic وزنه, مش عارف الصراحة,

لكن فتيس الأودي S Tronic ال 7 غيارات بيطلع عزم بيوصل لحد 550Nm ودا طبعاً عزم رهيب.!!!
والفتيس القديم ال 6 غيارات Wet Clutch كان بيطلع عزم أعلي 350Nm.!!!
أما فتيس ال VW الجديد اللي هوا 7 غيارات Dry clutch بيطلع عزم 250Nm بس.!

في حين إن الفتيس الأوتو العادي (مش مانيوال) 6 غيار كان بيطلع عزم 320Nm.



بصراحة مبقتش فاهم VW.

[Ahmed Amin]

معلومات عاملة عن الفتيس ال DSG

الفتيس القديم وأول ظهور ليه كان في سنة 2003 في الجولف Golf Mk4 R32

In 2002, Volkswagen produced the Golf R32 in Europe as a 2003 model year. It was the World's first production car with a dual-clutch gearbox (DSG)

Volkswagen Golf Mk4 - Wikipedia, the free encyclopedia

وبرضه نزل في الأودي Mk1 TT في نفس السنة 2003 اللي نزل في الجولف فيها
لأن أودي مكنتش لسه عملت فتيس بنفس التكنولوجيا بتاعت ال DSG وأخدته من VW عشان تاخد نفس سرعة وأداء ال DSG.
Audi TT - Wikipedia, the free encyclopedia

وكان دول أول عربيتين ينزل فيهم,
ومن 2010 أودي لحقت نفسها بدري ونقلت علي ال S-tronic الخاص بيها.

[ALshahba]

سلام عليكم Ahmed Amin عامل ايه

طيب ياريت توضحلنا نوع فتيس بيجو 508
ولو فيها شوية غلاسه ..... الفرق بين X-Tronic و S-Tronic والاخير انت شرحته

شكرا ليك وللتواصل

[S O P H O S]

مش قادر اقتنع بالتمسك بالفتيس ده !!
ليه ميتغيرش والكل يرتاح

[hossam_elwani]

كنت منتظم لحد موجة البرد دي وكسلت,
بس عشان أنشغلت شوية كمان, إن شاء الله أظبط تاني قريب.

والفتيس ال 6 نقلات مكنش أوتو عادي, كان DSG بس كان wet clutch
وظهر فيه مشاكل بس دا كان أفضل من الفتيس الجديد ال 7 نقلات لأنه لأنه Dry clutch
و مشكلة الفتيس مش في أنك تمور في الزحمة بدل ما تسيبها علي الغيار وتفضل معلقها وماسك فرامل,

المشكلة في ال dsg عدد النقلات الرهيبة اللي بينقلها في شارع واحد,
النقلات الكتير اللي ملهاش لازمة دي كفيلة أنها تأكل أحلي أسطوانتين دبرياج, وتهلك الميكاترونيك.
الموضوع دا هوا اللي لازم يتعالج قبل ما العربية تنزل للمستهلك,,
وإلا هيبقي زي ما كله قال إن VW بتستخدم عملائها كفئران تجارب وبتجرب الفتيس عليهم.


كمان عشان تبقي فيه نقطة واضحة ال DSG هوا مسمي الفتيس الخاص بمجموعة VW
لكن نوع الفتيس أو تصميمة أسمه DCT اللي هوا Dual clutch transmission
دلوقتي نظام ال wet clutch اللي كان في ال DSG القديم فيه شركات كتير بتستخدمه مش VW بس.
عندك مثلاً
موديلات BMW ال M3 وال M5 وال M6 كلهم بينزلو SMG اللي هوا برضه فتيس مانيوال من جوا وفيه أسطوانة دبرياج بس من غير بدال دبرياج, فتيس DCT وبنظام wet clutch
ال Easytronic من أوبل فتيس مانيوال زي مانت عارف, ومظبطش معاهم.
ال MMT بتاع تويوتا مانيوال ومظبطش معاهم.
البورش 911 و Cayman و Panamera الفتيس DCT 7 غيار wet clutch ومفهوش مشاكل.
النيسان ال GTR فتيس 6 غيارات DCT و wet clutch برضه ومفهوش مشاكل.

وأخيراً ال S-Tronic بتاع أودي هوا أقرب واحد لل DSG في التصميم, وهوا wet clutch برضه, ومفهوش مشاكل الفولكس.
ودا هقولك عليه في الأخر مينفعش ليه مع VW.


كل أنواع الفتيس ال wet clutch أستهلاكها أعلي في البنزين حوالي 7% عن الفتيس الجديد ال dry clutch,
فولكس بدأت تتوجه ناحية ال dry clutch عشان يحسنو ويقللو من أستهلاك البنزين, وكمان يقللو من تكاليف الصيانة لأنك مش هتحتاج تغير زيت للفتيس وهيتشال بند تكلفة تغير الزيت للفتيس من جدول الصيانات بما أنه مانيوال.

بس الفتيس القديم كانت ميزته إن الزيت كان بيبرد أسطوانة الدبرياج أفضل من تصميم الجديد,
نقلات الفتيس ال 7 غيارات ال dry clutch مش بتبقي كويسة بعد ماالعربية بتمشي في شارع زحمة أو بسرعة بطيئة لفترة طويلة زي شارع كله مطبات, والناس بتقول إن العربية بتبدأ بتنقل الغيارات زي اللي بيكون لسه متعلم علي المانيوال جديد وبيشيل رجله مرة واحدة من علي الدبرياج.! الغيارات بتركب مش مستريحة.


سبب الأصرار بتاعهم إن الفتيس دا نقلة ثورية فعلاً في عالم الألات الجر,
وأتصرف علي الأبحاث بتاعته فلوس كتير في تطويرة (ودا تبرير أي حد يقولك ال dsg حلو)
وكل الكلام دا علي عيني ورأسي,, وأنا عن نفسي عاجباني فكرة الفتيس,,

بس مينفعش إني كمستهلك إني أخد فتيس فيه تكنولوجية عالية أه بس متجربش كفاية علي أرض الواقع وفيه عيوب جسيمة زي دي,, وألبس أنا في حيطة بسبب العيوب دي بعد فترة الضمان أو أرمي العربية.!

يعني هقولك بسرعة المعادلة الصعبة اللي حققها ال dsg هوا بيديك
(1)أداء وسحب عالي جداً يعني تجميع السرعة فيه ممتاز لأنو المفروض فتيس مانيوال من جوا ومفيش محول عزم زي الفتيس الأوتو العادي فمفيش عزم بيضيع,
(2)النقلات سريعة جداً في ما بين الغيارات, لأنه فتيس مانيوال برضه فأسرع في النقل من الأوتو وأسطوانة الدبرياج بيتحكم فيها الكمبيوتر وكمان عندك أسطوانة للغيارات الفردية وأسطوانة تانية للغيارات الزوجية يعني الأسطونة المفروض مش بتجهد بسرع ووبتفضل تاخد أداء عالي دايماً لأنك مش بتحمل علي أسطوانة واحدة طول الوقت, وكمان أنت لما بتكون علي الأول وهتنقل للتاني بيكون التاني جاهز وشغال قبل ما العربية تاخدة, فالنقلات بتبقي رهيبة.
(3)وفي الأخر أستهلاك للبنزين ممتاز جداً جداً,.

لكن لما تكون ماشي بعربيتك وهيا فتيس أوتو 4 غيارات مثلاً في شارع زحمة,,
وتلاقي نفسك في الشارع دا نقلت 26 مرة لأنك كل شوية بتدوس بنزين والعربية تطلع أول وتنقل تاني وممكن تالت بعدها,
وتقف فتجيب أول, وبعدين تاني وهكذا.
وصاحبك جنبك بعربية فيها فتيس dsg ماشي في نفس الشاره ونفس الزحمة وعربيته نقلت 97 مرة أو 112 مرة في شارع واحد ميستاهلش .!!! وأنت لسه مكملتش مشوارك,
طبعاً دا بيهري أسطوانة الدبرياج, وبيضيع الميزة بتاعت إن فيه أسطوانتين بيريحو بعض لان رينج الغيارات قليل جداً.

واعتقد كمان ان مرسيدس عندها dct

السؤال هو ليه فولكس ماتعملش نفس بنية الفتيس زى الى فى الشركات المنافسه مدام هيا هيا نفس الفكره الفنيه وتخلصنا من العك الى بتعكه مادام نفس الفكره ناجحه فى الشركات التايه ومفيش منها مشاكل؟؟!!!!!!!!!!!