خدعوك فقالوا: الdsg ال٧ سرعات متعدل و مفهوش مشاكل

[CosmicOne]

هل ده معناه ان في الزحمه لو صاحب العربيه ساقها على المانوال يالستب ترونيك الي في الفتيس ممكن يحافظ عليه و يتجنب المشكله؟

[bob12345]

الحمد لله يا أستاذ احمد والتمرين تمام نحمد الله على النعمه
انت بقى مستمر من ساعتها ولا كسلت ؟ :) :)
والله هو انا كنت فاكر ال 6 نقلات اوتو عادي مش ديوال وكنت فاكر برضه انه للسبب ده مكانش فيه المشاكل دي
طبعا كلام التوكيل ان الناس مش بتمور في الزحمه وبتفضل ماسكه فرامل !
الله أعلم برضه بس ما اظنش ان ده السبب الوحيد
السؤال بقى ليه الاصرار العجيب ده على النوع ده؟ واذا كان فتيس اﻷودي مختلف شويه طيب مايستخدموه وخلاص واهه يبقى زيتهم في دقيقهم :) :) :)

ال 6 نقلات الي نازل في الجيتا و الباسات في مصر اتو عادي مش

[lanos2004]

عر.يات غير اعتم..يه .ا.مره .اننا في مصر .نعتمد ع.يها ..سي.ه انتقا. اساسيه عندهم مم.ن ا.عر.يه ت..ن ماشيه ١٠٠٠٠ في خمس سنين

[Ahmed Amin]

ال 6 نقلات الي نازل في الجيتا و الباسات في مصر اتو عادي مش

طيب مين اللي قالك أنو ال 6 نقلات بتاع الجيتا والباسا في مصر أوتو عادي مش dsg ؟؟
لأن اللي أعرف إن الشكل القديم بتاع الجيتا A5 والباسات B6 من موديلات 2005 لحد 2009
وحتي الأوكتافيا قبل 2009 كلهم كانو واخدين الفتيس ال 6 سرعات ال dsg

ومن أول 2009 كله أخد ال dsg ال 7 سرعات, وساعتها بدأت الناس تعرف يعني أيه dsg عشان ظهرت مشاكله الكبيرة والأهم أنو كان مكتوب علي عصاية الفتيس dsg

لكن هوا موجود في القديم وحتي كان فيه مشاكل في موديلات 2007 اللي هيا كانت 6 سرعات dsg

http://www.nilemotors.net/Nile/179908-dsg.html#post3873065958

ومكنش مكتوب علي العصاية القديمة في الفتيس ال 6 سرعات dsg إلا مع أخر فتيس ال 7 سرعات.

ياريت لو عندك دليل علي أنهم كانو فتيس أوتو عادي تبقي تعرفني.

ولو معندكش ممكن تبقي تراجع علي الموضوع عشان تعرف الفرق ما بين;
الفتيس ال dsg ال 6 سرعات اللي كان أوتو dsg و dual clutch بس wet.
والفتيس الجديدة ال 7 سرعات اللي هوا مانيوال dsg و dual clutch بس dry.

http://www.nilemotors.net/Nile/3873857448-post1.html

[Ahmed Amin]

هل ده معناه ان في الزحمه لو صاحب العربيه ساقها على المانوال يالستب ترونيك الي في الفتيس ممكن يحافظ عليه و يتجنب المشكله؟

لا دا مش هيحل المشكلة لأن الفتيس روحة ضيعفة جداً في الغيارات, ال ratios قصيرة أووي.
يعني مش هتعرف تمشي علي أول أبداً,
وحتي التاني لو وصلت بيه ل 30 أو 40 كيلو هتلاقي عدد لفات الموتور بتعلي جامد مش متذكر لكام بالظبط بس حوالي 4000 لفة في الدقيقة,! وهيبقي لازم تنقل,
ولما تسيب بنزين العربية هتحدف لقدام مرة واحدة كدا زي ما تكون بتجري ومثبت علي غيار وعمال تدوس وتسيب, ومش هتبقي سواقة مريحة,,

وكدا كدا لما أنت بتبقي علي التاني, التالت بيكون شغال في نفس الوقت في الجزء التاني من الفيس ومستعد أنو ياخد النقلة بتاعته,,,
ودي حاجة حلوة لو أنت عايز تجري وتجمع سرعة وسحب, لكن مش حلوة أبداً وأنت ماشي جوا البلد,
الفتيس محتاج يتعمل عليه دراسات أكتر قبل ما ينزل للمستهلك في الدول اللي فيها ظروف قيادة قاسية زي مصر.

[Ahmed Amin]

واعتقد كمان ان مرسيدس عندها dct

السؤال هو ليه فولكس ماتعملش نفس بنية الفتيس زى الى فى الشركات المنافسه مدام هيا هيا نفس الفكره الفنيه وتخلصنا من العك الى بتعكه مادام نفس الفكره ناجحه فى الشركات التايه ومفيش منها مشاكل؟؟!!!!!!!!!!!

dct دا مصطلح عام اللي هوا dual-clutch transmission أو double-clutch transmission
وهوا وصف لفتيس مانيوال أو الأصح أتنين فتيس مانيوال في فتيس واحد, ومن جوا فيه أسطوانتين دبرياج واحدة للغيارات الفردية والتانية للزوجية, بس اللي سايق مفيش تحت رجله دواس دبرياج.


موديل فتيس مرسيدس Speedshift MCT
موديل فتيس BMW هوا SMG

وليه فولكس متعملش نفس الفتيس, الأجابة هتكون نفس أجابة ليه فولكس معملتش زي أودي.؟!
لأن كل شركة بتصمم الفتيس علي حسب المواتير بتاعت العربيات اللي عندها واللي هيركب عليها الفتيس,

معظم العربيات اللي بتطلع من مجموعة vw صغيرة ومواتيرها صغيرة, وبتحط فيها فتيس حامي ونقلاته سريعة زي دا.
علي عكس المواتير اللي بتطلع من مرسيدس وأودي وBMW بتبقي مواتيرها أكبر نسبياً, والعربيات الأسبورت بس هيا اللي بينزل فيهم الفتيس المانيوال dual clutch زي ال M3 وال M5

لكن المواتير الصغيرة زي المرسيدي ال C180 بتنزل بأوتوماتيك عادي أو ال BMW الفئة التالتة الجديدة F30 بتنزل بفتيس 8 سرعات أوتوماتيك عادي مش مانيوال.!

ممكن عشان كدا فولكس غلطت أنها نزلته لعربيات مواتيرها صغيرة وسواقتها جوا البلد.!
لأن هيدي تسارع رهيب أه, وسرعة في النقلات وتوفير بنزين, بس هيجي علي حساب عمر الفتيس في المشي في الزحمة والأشارت جوا البلد لأنه فتيس نوعاً ما Sportومش مناسب لل City Driving.

فتيس فولكس ومشاكلة وتصميم ال dry clutch الجديد ممكن يكون محتاج إعادة نظر وتظبيط أكتر من كدا قبل ما ينزل السوق تاني.

[Ahmed Amin]

سلام عليكم Ahmed Amin عامل ايه

طيب ياريت توضحلنا نوع فتيس بيجو 508
ولو فيها شوية غلاسه ..... الفرق بين X-Tronic و S-Tronic والاخير انت شرحته

شكرا ليك وللتواصل

الحمدلله تمام, أنت أيه أخبارك ؟ يارب تكون بخير,
ومفيش غلاسة ولا حاجة.

فتيس البيجو هوا فتيس أوتوماتيك عادي 6 سرعات, أتطور وأتصنع في اليابان.
ومفهوش أي مشاكل ولا أي عيوب.

الفتيس العزم بتاعه 300Nm وشغال بنظام Tiptronic System Porsche
والنسخة الديزل منها 508 GT عزم الفتيس بتاعها 450Nm ودا طبعاً أفرس من الdsg القديم والجديد.


بالنسبة للفتيس ال X-tronic دا فتيس CVT زي اللي كان نازل في الانسر بومة الأوتوماتيك بالظبط.
وهوا فتيس تصميمة مختلف من جوا عن الأوتو العادي, وهوضح لك طريقة عمله في أخر الرد دا,,

أما الفتيس ال S-Tronic بتاع أودي فا دا حاجة تانية خالص هوا زي ال DSG بتاع فولكس بالظبط,
عبارة عن أتنين فتيس مانيوال في فتيس واحد أو بلوك واحد, ومن جوا فيه أسطوانتين دبرياج واحدة للغيارات الفردية والتانية للزوجية, بس اللي سايق مفيش تحت رجله دواس دبرياج.

والفرق ما بين ال S-tronic بتاع أودي, وال DSG بتاع فولكس إن دايرة التبريد في الأودي أفضل.


بالنسبة لل X-tronic هوا فتيس CVT
أنا كنت شارحة قبل كدا في منتدي ميتسوبيشي لزميل في اللنك دا.

http://www.nilemotors.net/Nile/374096-a-2.html#post3875140910

تصميمه أسمه V-Belt بيحول الطاقة الهيدروليكية لطاقية ميكانيكية, ال Belt أو الحزام دا بيكون مربوط بين بكرتين,
البكرتين دول القطر بتاعهم متغير, في الجزء اللي متركب عليه الحزام علي حسب ضغطك علي دواسة البنزين البكرتين بيتحركو واحدة بتكبر وواحدة بتصغر
لما اللي واصلة بالكوبلن بيكون مش مضغوط عليها بتبقي في أقل عزم Low Gear زي اللي في الصورة وماشي بأقي سرعة زي الأول,
ولما بيضغط علي البكرة اللي واصلة بالكوبلن بيتخنق عليها وبتبقي في أعلي عزم High Gear وتاخد أعلي سرعة,

النسب دي بتتغير لما الحزام بيضغط علي البكر, ومالهاش نسبة ثابتة زي الفتيس العادي بيكون لكل غيار نسبة محددة ومش متغيرة.
المنطقة اللي راكب عليها الحزام عاملة زي القرطاس كدا, مش أعرف أوصف أحسن من كدا, بس هيا بتوسع ويتضيق, علي حسب ضغطك علي دواسة البنزين,, ودا اللي بيخلي الحزام يضغط علي البكرتين وواحدة توسع الخاصة بالفتيس والتانية تضيق اللي واصلة بالكوبلن.
كل ما العربية بتاخد سرعة والكوبلن يلف أسرع, البكرة اللي واصة له بيتضغط عليها, وتصغر زي ما تنزل من أكتر ترس عالي في العجلة السرعات بس سرعة أقل, لأصغر ترس بس بسرعة أعلي,

الصور دي من موقع How Stuff Works


[flash=http://static.ddmcdn.com/flash/cvt-compare-animation.swf]WIDTH=350 HEIGHT=400[/flash]


ودي كان شرح بسيط جداً ليه
As the two pulleys change their radii relative to one another, they create an infinite number of gear ratios -- from low to high and everything in between

دا اللنك
HowStuffWorks "Pulley-based CVTs"

الخلاصة أن الفتيس مفهوش نقلات ولا تروس ثابتة زي الفتيس العادي اللي بنسب ثاتبة,,
هوا حزام وبكرتين متغيرتين وعدد لا نهائي من النقلات.

فكرته بسيطة وزكية جداً.!! وطبعاً كان معمول عشان يحسن من أستهلاك البنزين,
ويدي عزم عالي وسلاسة في التسارع لأن مفيش نقل غيارت ولا تنتيش أو تقطيع.

الفتيس الجديد بقي ال X-tronic مفهوش غير تعديلات بسيطة أوي في طلمبة الزيت عشان يحسن من تزيت الفتيس وتقليل الأحتكاك,
ونتجية التعديلات دي خلت أداء الفتيس الجديد يقلل من أستهلاك البنزين 10%

The new generation XTRONIC CVT model achieves an improvement in fuel economy of up to 10% compared to previous CVTs for comparable vehicles.

NISSAN | Nissan Unveils New Generation XTRONIC CVT and New Hybrid System for Front-Wheel Drive Vehicles



أما في نيسان أمريكا كذابين أوووي كعادتهم طول عمرهم,,
كاتبين أنو الفتيس ال X-tronic بيقلل من أستهلاك البنزين 15%, إذا كان Nissan Global ذات نفسهم كاتبين أنو بيقلل من الأستهلاك 10% بس.!!! ونفس الكلام في كل ال Official documents,
Next Generation XTRONIC CVT | Nissan Innovation Labs




ودا فيديو فيه نبذة عن الفتيس ال CVT عموماً,
NISSAN XTronic CVT - YouTube

[Ahmed Amin]

الفرق بين X-Tronic و S-Tronic والاخير انت شرحته

شكرا ليك وللتواصل

والفيديو دا رفعتهولك عشان تشوف الفروق الميكانيكة ما بين الفتيس ال CVT والعادي,
وشكل ال cvt من جوا وهوا بيتحرك.
The New Generation XTRONIC CVT NISSAN TECHNOLOGICAL DEVELOPMENT ACTIVITIES - YouTube

[bob12345]

طيب مين اللي قالك أنو ال 6 نقلات بتاع الجيتا والباسا في مصر أوتو عادي مش dsg ؟؟
لأن اللي أعرف إن الشكل القديم بتاع الجيتا a5 والباسات b6 من موديلات 2005 لحد 2009
وحتي الأوكتافيا قبل 2009 كلهم كانو واخدين الفتيس ال 6 سرعات ال dsg

ومن أول 2009 كله أخد ال dsg ال 7 سرعات, وساعتها بدأت الناس تعرف يعني أيه dsg عشان ظهرت مشاكله الكبيرة والأهم أنو كان مكتوب علي عصاية الفتيس dsg

لكن هوا موجود في القديم وحتي كان فيه مشاكل في موديلات 2007 اللي هيا كانت 6 سرعات dsg

http://www.nilemotors.net/nile/179908-dsg.html#post3873065958

ومكنش مكتوب علي العصاية القديمة في الفتيس ال 6 سرعات dsg إلا مع أخر فتيس ال 7 سرعات.

ياريت لو عندك دليل علي أنهم كانو فتيس أوتو عادي تبقي تعرفني.

ولو معندكش ممكن تبقي تراجع علي الموضوع عشان تعرف الفرق ما بين;
الفتيس ال dsg ال 6 سرعات اللي كان أوتو dsg و dual clutch بس wet.
والفتيس الجديدة ال 7 سرعات اللي هوا مانيوال dsg و dual clutch بس dry.
http://www.nilemotors.net/nile/3873857448-post1.html

يا باشا كاتلوج العربية مكتوب فيه ان الموتور ال 1600 بينزل عليه الفتيس المانوال و ال 6 سرعات اوتو
و الجيتا ال dsg من اول 2010 كان فيه في 2009 7 نقلات dsg بس في دفعات استيراد كانت نازلة 1400 tsi 140 حصان

[Ahmed Amin]

يا باشا كاتلوج العربية مكتوب فيه ان الموتور ال 1600 بينزل عليه الفتيس المانوال و ال 6 سرعات اوتو

طيب ممكن لو تشوف لي الكود اللي مكتوب في الكتالوج, لو مش هتقل عليك.؟

عشان أنا اللي أعرفه من زمان إن العربية بتنزل من أول 2005 بالفتيس ال dsg ال 6 سرعات,,
في الشكل اللي قبل الأخير, اللي هوا Jetta A5

وحتي نفس الكلام كنت قاريه علي موقع فولكس بس مش لاقي اللنك دلوقتي,
ونفس الكلام مكتوب علي ويكيبيديا
Volkswagen Jetta - Wikipedia, the free encyclopedia

الجيل الرابع Jetta A4 اللي هوا من أخر التسيعنات ل 2005 هيا اللي كان بينزل فيها فتيس أوتو 6 سرعات عادي مش dsg عشان مكنش لسه نزل,

[bob12345]

[Anxs111]

الخلاصه إن فولكس مكمله المشوار لحاد الأخر ...الله أعلم أمتي القصة دي تخلص وهل خلصت أو هتخلص قبل ما يخسروا عملائهم بردو في علم الغيب....
لاكن الأكيد إن الحوار لسه في كلام كتير ...وما إنصحش حد يغامر ...

[Ahmed Amin]

شكراً علي الصورة,
لكن الصورة دي مش خاصة بالعربية بتاعتك تحديداً,,! دي صورة عامة.
ومش مكتوب فيها إن المواتير ال 1600 بتنزل بالفتيس الأوتو العادي مش ال dsg زي ما كنت قلت لي,,

أنا كنت عايز أشوف نوع موتور عربيتك أنت كان TSI ولا حاجة تانية,, وكام سي سي
والفتيس اللي راكب عليها عشان نتأكد تاني من الفتيس الي كان بينزل.

عندك مكتوب إنو المواتير 90KW TSI اللي هيا 120 حصان بتنزل ب DSG ال 7 سرعات.
والمواتير الأعلي في العزم زي ال 100KW TSI اللي بتطلع 134 حصان نازلة ب DSG ال 6 سرعات عشان يتحمل العزم لأن عزم ال DSG ال 7 سرعات أقل.
ومعظم العربيات اللي عزمها عالي كانت بتاخد الفتيس ال DSG ال 6 سرعات لحد وقت قريب,


عموماً الصورة دي من علي موقع فيه كتالوجات صيانات الفولكس,
ومكتوب إن الجيات بتنزل بال dsg ال 6 غيار من أول موديلات 2005
وبعدها علي طول أخدت ال dsg ال 7 غيارات,



أخر ملحوظة:
هتلاحظ في الجدول اللي أنت صورتهولي إن أكبر موتور اللي هوا 110kw FSI
الموتور دا بتاع الباسات الشكل القديم كان 2000 سي سي, والموتور دا عمره ما أخد فتيس DSG,,
يعني الجدول دا مش للمواتير ال 1600 سي سي بس.

والموتور دا كان واخد فتيس أوتوماتيك عادي 6 غيار, ومانيوال عادي 6 غيار
عشان زي ما هو مكتوب في الجدول عشان مكنش لسه متوفر DSG للمواتير الكبيرة دي.

فا الجدول دا قديم جداً ومش موضح كل حاجة,, أنا كان طلبي كود الفتيس اللي موجود في عربيتك.
عشان نتأكد بس كانت نازلة ب dsg ولا لأ.
لو ممكن توضح لي موديل عربيتك ؟ السنة اللي طلعت فيها,
ولو تبعت لي ال VIN بتاع عربيتك هيبقي أسهل.

[A.Adel]

الصورة واضحة جدا
مكتوب إن الموتور ال petrol ال 75 kw
بياخد فتيس MG5 اللي هو مانيوال و 5 سرعات
أو AG6 ودة أوتو عادي و 6 سرعات
وده نفس ال drivetrain اللي فضل ينزل في ال fantasia لحد ما ال A7 نزلت
ال golf برده نفس الكلام

مفيش حاجة في مصر نزلت بال DSG ال 6 سرعات خاالص
بداية ال DSG في مصر هي ال 7-speed

[Ahmed Amin]

الصورة واضحة جدا
مكتوب إن الموتور ال petrol ال 75 kw
بياخد فتيس MG5 اللي هو مانيوال و 5 سرعات
أو AG6 ودة أوتو عادي و 6 سرعات
وده نفس ال drivetrain اللي فضل ينزل في ال fantasia لحد ما ال A7 نزلت
ال golf برده نفس الكلام

مفيش حاجة في مصر نزلت بال DSG ال 6 سرعات خاالص
بداية ال DSG في مصر هي ال 7-speed

وهوا الموتور ال 75 كيلو وات هوا اللي كان نازل في الجيتا والباسات ؟؟
لأنك بتتكلم في موتور 100 حصان, هيا الجيتا كانت 100 حصان ؟؟؟؟؟

وأنا أخر كلامي في التعليق اللي فات كان عن الموتور ال 110kw FSI
ودا اللي بينزل بفتيس أوتو AG6 6 غيار وواضحة من الأسم,
وفتيس مانيوال 6 غيار برضه MG6.

لكن عندك المواتير اللي أقل منه زي ال 100 كيلو وات وال 90 كيلو وات نازلين بالفتيس ال dsg الستة والسبعة غيار.


أنا محتاج VIN بتاع عربية جيتا 2009 أو 2010 لأني أعرف أنهم كانو DSG ال 6 غيار
ولأن كل اللي أعرفهم شخصياً معاهم 2011 و 2013 بس.
لما أعرف حاجة جديدة في الموضوع دا هبقي أضيفها هنا.