رابطه مالكي الباسات b5&b5.5 من 1996 الي2005

[mitooth]

بص يا باشا بالنسبه للفتيس الاستبترونيك معمر ومافيهوش أي مشاكل محترم جدا والفرق بينه وبين العادي أن الاستبترونيك 5 نقله والعادي 4 نقله وبالنسبه للموتور 1800 التربو والعادي بص فيه حاجه مهمه جدا أي موتور تربو عمره أقصر من موتور عادي نفس التصميم والسعه اللتريه يعني بيديك حاجه قصاد حاجه ياتاخد هورس باور عالي مقابل عمر أقصر للموتور نسبيا أو تاخد عمر أطول مقابل هورس باور قليل وخدها مني نصيحه لو انت مش من هواه الشد والجري ماتجبش ال 1800 التربو لأن مواتير التربو ليها معامله خاصه شويه وعايزه واحد بيفهم فيهاومابتديش اأداء حلو في الحر الشديد لأن التربو أهم حاجه فيه التبريد فلو دوره التبريد مش تمام التربو يتكل على الله هو والموتور لأن مواتير التربو ألومنيوم البلوكه ووش السلندر فنصيحتي خليك في ال 1800 العادى مشاكله قليله وكل الصنايعيه بيشتغلو فيه ومعمر عن التربو وبيشتغل معاه الفتيس ال 4 نقله العادي لأن الاستبترونيك بتاع الموتور التربو وعلشان تكون الصوره كامله الموتور ال 1800 التربو بيطلع 150 حصان وال 1800 العادى بيطلع 125 حصان فقرر انت وشوف ايه استخداماتك للعربية عاوز أداء وسرعة وشد خليك في التربو عاوز حاجه تعمر معاك وبرضه تشد بس مش زي التربو يبقى خليك في العادي وأي استفسار انا في الخدمه

انا كنت فى الحرفيين انهاردة سألت مجدى البيومى قاللى 1.8 تربو قاللى لو حصل حاجة له الغيه وهيبقى عادى وتانى حاجه الفتيس الستيب ترونيك هيشتغل اوتوماتيك بس مش استيب ترونيك محدش بيعرف يشغله هل ده صح وﻻ كﻻم فاضى ؟

[Ahmed Saad]

انا كنت فى الحرفيين انهاردة سألت مجدى البيومى قاللى 1.8 تربو قاللى لو حصل حاجة له الغيه وهيبقى عادى وتانى حاجه الفتيس الستيب ترونيك هيشتغل اوتوماتيك بس مش استيب ترونيك محدش بيعرف يشغله هل ده صح وﻻ كﻻم فاضى ؟

بص بالنسبه للكلام اللي بيقوله لو حصله حاجه الغيه ده كلام فاضي وفكك منه عمره ماهيبقي طبيعي لو حصل للتربو حاجه انا شايف انك متوجعش دماغك وخليك في 1800 العادى علشان مشاكله مش كتير وعلى فكره الموتور التربو مشكلته كلها انه لو حصله حاجه هيتعبك بس هو موتور كويس طول ماهو شغال كويس ومافيهوش مشاكل بس لو فتح قابل بقى يامعلم العادي حلو علشان تريح دماغك من التربو لو حصله مشكله وبالنسبه للفتيس الاستبترونيك فلو جبته مش هيشتغل غير مع الموتور التربو بس عموما لو الفتيس اتركب بالضفيره و الكنترول والكونسوله بتاعتالاتوماتيك ااستبترونيك هيشتغل تمام بدون مشاكل وانا شفته شغال بعيني ففكك من الفتايين وان شاء الله خير

[mando2002m]

الف شكر لك على النصيحة وبالنسبه لموضوع بورسعيد انا للأسف من القاهره وكنت بالصدفه في بورسعيد وغيرت سير كاتينه هناك فعديت على بتوع قطع الغيار الاستيراد فلقيت اللي قولتلك عليه وممكن اسئلك عضو معانا هنا من بورسعيد هو راجل محترم جدا وصديق عزيز هابقي اتصل بيه واخليه يسأل لك وهو برضه معاه باسات 2000 زينا وانا لو عرفت حاجه برضه هاقولك

ايوة انا سامع ناس بتجيب فى سيرتى هههههههههههههههههههه الله يخليك يا كابتن احمد والله حضرتك زوق جدا انا بستكشف مين اسعارة حلوة فى بورسعيد وحعمل داتا بالارقام باذن الله علشان الناس تستفيد

[a_eissa_rageh]

السلام عليكم ورحمة الله و بركاته

لو عاوز أكشف على عربية باسات 1999 مانوال موتور 1800

أكشف عليها عند مين و يكون قريب من مدينة نصر

و لكم جزيل الشكر

[saif1112]

السلام عليكم
و الله يا استاذ hitmangate انا معايا لانسر كريستاله 99 اوتو و حابب ابيعها اشترى باسات B5.5 اوتو فلو قدام حضرتك واحده تكون كويسه جدا اكون شاكر ليك جدا لانى حبيت العربيه دى من كلام حضرتك عليها وانا متابع الرابطه من اول بوست

[Ahmed Saad]

السلام عليكم ورحمة الله و بركاته

لو عاوز أكشف على عربية باسات 1999 مانوال موتور 1800

أكشف عليها عند مين و يكون قريب من مدينة نصر

و لكم جزيل الشكر

بص فكك من ميكانيكية فولكس في الكشف بصراحه غير موثوق في أغلبهم في مدينه نصر في موضوع الكشف انا هرشحلك حاجه فى محطه كالتكس اللي جنب السراج مول هتروح تكشف فيها في الراجل المسئول عن الزوايا في المحطه راجل محترم هيجبلك العربيه من تحت وفوق ويشوفهالك رشه ولا لا وفيها أي مشاكل ولا لا وهيكشفلك على حاله الموتور بجهاز كشف حاله الموتور وهيشفلك العفشه وهيديك تقرير وافي عنها وخلي بالك الموضوع مش محتاج ميكانيكى فولكس علشان يكشف وانا بتعامل مع الراجل بتاع الزوايا ده وبصراحة ما شاء الله بيفهم وخلي بالك برضه كل العربيات في الكشف نظامها واحد هتكشف على حاله الدهان ولو عامله حادثة ولا لا والبارومه ويكشف كبس موتور وده هيبين حاله الموتور وهيكشف عفشه و خلاص ده المهم في الكشف على العربيه وباقي الحاجه انت هتشوفها بعينك وتقدرها وربنا يوفقك للاصلح وأي استفسار انا في الخدمه

[Ahmed Saad]

السلام عليكم
و الله يا استاذ hitmangate انا معايا لانسر كريستاله 99 اوتو و حابب ابيعها اشترى باسات B5.5 اوتو فلو قدام حضرتك واحده تكون كويسه جدا اكون شاكر ليك جدا لانى حبيت العربيه دى من كلام حضرتك عليها وانا متابع الرابطه من اول بوست

يا باشا شرفت ونورت الرابطه بص بالنسبه لل b 5.5 هتلاقيها قليله شويه بص بص على دوبيزل وكونتاكت هتلاقي حاجات كويسه وانا لو شفت حاجه هقول لحضرتك ومبدأيا في واحده على دوبيزل 1800 تربو استوك وارد الخارج شفها كدا وشوف صورها وربنا يكرمك بحاجه نضيفه و كويسه

[Ahmed Saad]

ايوة انا سامع ناس بتجيب فى سيرتى هههههههههههههههههههه الله يخليك يا كابتن احمد والله حضرتك زوق جدا انا بستكشف مين اسعارة حلوة فى بورسعيد وحعمل داتا بالارقام باذن الله علشان الناس تستفيد

والله ليك واحشه يابوحميد معلش بقالى فتره مشغول شويه هابقي اكلمك أن شاء الله

[saif1112]

يا باشا شرفت ونورت الرابطه بص بالنسبه لل b 5.5 هتلاقيها قليله شويه بص بص على دوبيزل وكونتاكت هتلاقي حاجات كويسه وانا لو شفت حاجه هقول لحضرتك ومبدأيا في واحده على دوبيزل 1800 تربو استوك وارد الخارج شفها كدا وشوف صورها وربنا يكرمك بحاجه نضيفه و كويسه

هو حضرتك انا مش محتاج 1800 تربو لانه حسب كلام حضرتك ان التربو للى عايز سرعات ودرفتات وانا مش بحب كده انا محتاج عربيه كبيره و ثابته لانى بسافىر لمحافظة قنا ازور الاهل

[Ahmed Saad]

هو حضرتك انا مش محتاج 1800 تربو لانه حسب كلام حضرتك ان التربو للى عايز سرعات ودرفتات وانا مش بحب كده انا محتاج عربيه كبيره و ثابته لانى بسافىر لمحافظة قنا ازور الاهل

ولا يهمك ياباشا خليك في العادي بس خلي بالك هتلاقي من ال b5.5 قليل شويه 1600 عموما انا برضه لو شفت حاجه كويسه هقولك وبرضه تابع انت في كونتاكت و دوبيزل وملحوظه صغيره خلي بالك لأن الكتابه بالأحمر مخصصه للاداره فقط

[munse2004]

السلام عليكم
كان ليه استفسار بخصوص زيت الباور للباسات اتوماتيك موديل 2000
كنت بغير زيت الباور النهارده
والراجل فى المحطه اكدلى انى اغير وحطلى زيت احمر بعد ما فضى القديم بالسحب
فهل ده صج ولا فى نوع تانى لزيت الباور
وشكرا

[munse2004]

لو حد عنده فكره عن سعر شبكة الباسات 2000الاماميه والريداتير للاتوماتيك يقولى لو سمحتم

[Ahmed Saad]

السلام عليكم
كان ليه استفسار بخصوص زيت الباور للباسات اتوماتيك موديل 2000
كنت بغير زيت الباور النهارده
والراجل فى المحطه اكدلى انى اغير وحطلى زيت احمر بعد ما فضى القديم بالسحب
فهل ده صج ولا فى نوع تانى لزيت الباور
وشكرا

بص هوا غير مستحب الزيت الأحمر للباور إلا لو كان اللي موصي بيه الشركه بس الأفضل فيه زيت باور أمريكي في علبه صفرا اسمه gunk اللتر ب 70ج انا حاطه في العربيه بتاعتي وبصراحة فرق في الباور عن الزيت الأحمر الباور بقى خفيف وطرمبه الباور صوتها وطي وكمان الزيت ده في موانع تسريب علشان لو فيه حاجه فى الاسكترا بتسرب بيظبطها حاول تغير الزيت ده وهتلاقي فرق في الباور ملحوظ للأفضل

[Ahmed Saad]

لو حد عنده فكره عن سعر شبكة الباسات 2000الاماميه والريداتير للاتوماتيك يقولى لو سمحتم

والله انا مش عارف سعرهم لاني مسألتش عليهم بس عموما مش هيعدوا 500 ج إلى 600ج استيراد وهاتهم استيراد أفضل وعن تجربه وفكه من نص يكون الاربه فيها ميه حمرا أو خضرا

[munse2004]

لايكفى الشكر لسيادتك فقط
انا بشكر حضرتك جدا جدا جدا
بصراحه مبتتأخرش علينا فى اى سؤال
ربنا ييسرلك كل الخير وميمرش عليك اى صعب hitmangate
لك جزيل الشكر ووافر الاحترام