Tweet
المشاركة الأصلية كتبت بواسطة manchestr_viru
بعد اذنك طبعا هيما باشا
-
ميزان العفشة دة الي بيمنع ميل العربية ودة جزء من الثبات
بعد اذنك طبعا هيما باشا[SIGPIC][/SIGPIC]
السن ..16 سنة -
بص يا باشا طبعا القصد من الميزان اللي هما شدادات الميزان مش عمود الميزان اللي بعرض العربيه لأن ده صعب يبوظ إلا لو لاقدر الله حادثة صعبه اللي بيتغير شداد الميزان اليمين والشمال بس دول مش بيتباعو جداد لوحدهم لأنهم بيجوا مع طقم الشدادات الأمامي بس ممكن يتجابوا استيراد هيبقوا في حدود 100-150 ج للاتنين وعلشان تعرف شكلهم هتلاقيهم الشداد الواحد شبه حرف c وبدايتهم دايره وجواها جلبه وحجمه صغير وهتلاقيه ألومنيوم زي طقم المقصات وراكب عند الشداد أو المقص اللي تحت قدام اللي راكب عليه المساعد وعلى فكره اللي بيبوظ فيه الجلبه لو اتقطعت أو شققت بس طبعا الجلبه مش بتتغير وان شاء الله خير وأبقى طمنا عملت ايهالمشاركة الأصلية كتبت بواسطة manchestr_viru مشاهدة المشاركة[SIGPIC][/SIGPIC]
hitmangate سابقاComment
-
شدادات الميزان بتتباع جديدة الواحد ب 130 بيقولوو نوبران المانى انما اكيد اكيد صينى فى الحرفيين مرضيتش اشتريهم خدتهم مع جوز مقصات استيراد فوق البيعة بس سائل عليهم جدادhttps://t.me/pump_uppComment
-
الف شكر يا رجالة هو فعلا شاورلى على حاجة شبه حرف السي و قالي ان هي دى اللي محتاجه تتغير ....انا كده او كده هستني لغاية ما اسافر اجيبها عشان معندناش قطع غيار باسات الموديلات القديمة في المنيا....هل في خطورة علي العربية ولا لأ
و سؤال كمان انا كنت سايب تكييف العربية مفتوح و نزلت وقفت جنب العربية اكتشفت انها بتنقط مية و التكييف شغال ده من ايه ؟Comment
-
الميه دي مياه شفافة بتنزل من مزراب من تحت العربيه ورا التابلوه ده تكثيف المياه بتاع الكويل الداخلي زي كده تكييف البيت تلاقيه من برا بينقط ميه من مزراب أو خرطوم صغير من برا ده شئ عادي وبالنسبه للشداد عادي بس ماتمشيش كتير علشان في نسبه خطورهالمشاركة الأصلية كتبت بواسطة manchestr_viru مشاهدة المشاركة[SIGPIC][/SIGPIC]
hitmangate سابقاComment
-
الخطورة دي ايه بالظبط عشان مش عارف هقدر اخد اجازة امتي و اسافر ؟Comment
-
بص هوا علشان ماتعملش حاجه مش متوقعة لاني بصراحه اكتر حاجه بخاف منها العفشه بس الميزان ممكن تستني شويه بس مش كتير وحاول تتفادى الطرق المكسره والجري بالعربيه سرعات عاليه وماتخفش بس حاول في أقرب وقت أو لو حد نازل مصر يجيبهالك وان شاء الله خيرالمشاركة الأصلية كتبت بواسطة manchestr_viru مشاهدة المشاركة[SIGPIC][/SIGPIC]
hitmangate سابقاComment
-
انا الفتيس بتاعى كان بنتش و كشفت عليه طله العيب فى بلف و الميكانيكى حاول ينضفه بس النتش بقى اكتر . دلوقتى لو عايز اشترى فتيس اجيب منين ؟؟ و اعرف انه ازاى سليم ولا ﻻ ؟ و مين اللى هيركبهولى ؟؟ و معلش سؤال كمان العربيه rbm بتاعها حاسس انه عالى بيوصل 5 على سرعه 170 و العربيه مش بتسحب بعد 180 .Comment
-
بص انت لازم تروح لمتخصص فتيس اتوماتيك معلش انزل القاهره هتروح صقر قريش المعادي على طريق الاتوستراد فيه هناك واحد متخصص فتايس اتوماتيك اسمه أحمد زاهر وفيه أعضاءراحوله وهو راجل كويس وشغله نضيف هتروحله هو ممكن يظبطلك الدنيا للأن النتش ده مشكله في علبه البلوف مش الفتيس كله علشان حرام تغير فتيس تمنه يخش في 4 الالاف جنيه. والمشكله كلها علبه بلوف وعلى فكره علبه البلوف باظت علشان الإهمال في تغيير الزيت و الفلتر في معادهم وبالنسبه لل rpm ده العادي بتاعه علشان فتيس 4 نقله وموضوع مابتعديش 180 اعمل طقم سيرفس للموتور بوجيهات وفلاتر ونضف البوابه شوف كده هتعمل ايه وربنا معاك وانا برضه هتابع معاك وأيااستفسار انا في الخدمهالمشاركة الأصلية كتبت بواسطة mahmoudshahen مشاهدة المشاركة[SIGPIC][/SIGPIC]
hitmangate سابقاComment
-
متشكر يا باشا على اهتمامك و ردك عليا . طيب انا لو عاوز اروح لاحمد زاهر اعرف مكانه ازاى ؟؟ بالنسبه للموتور انا اول ما جبت العربيه غيرت البوجيهات و الفلاتر . لو عاوز انضف البوابه او اكشف على الموتور اروح لمين ؟ معلش كمان سؤال التكيف بتاعى كان بيقطع و مش بيبرد كويس روحت لكهربائى قالى عاوز كنترول تكيف دورت فى طنطا ملقيتش ممكن الاقيه فين ؟المشاركة الأصلية كتبت بواسطة hitmangate مشاهدة المشاركةComment
-
بص بالنسبه لأحمد زاهر هو في صقر قريش المعادي خلف البحث الجنائي وعلى فكره هو كان مهندس في توكيل فولكس وبالنسبه للموتور ممكن تروح لميكانيكي فولكس وعندك هاني اللي في جسر السويس ورا حديقه بدر وبالنسبه لقطع غيار العربيه هتلاقي في الحرفيين في مصر طبعا انا بتكلم عن الاستيراد وبورسعيد والاثنين سعرهم مقارب لبعض بس بالنسبه لموضوع التكييف ممكن يكون كتاوت الكومبريسور هي اللي بتعلق غير الكهربائي وروح لواحد بيفهم في الفولكس وتقريبا كده هتلاقي كتاوت التكييف بتاعت الكومبريسور هي اللي فيها مشكله وممكن تكشف عليها أعطال وتكشف على التكييف لو تتش اللي هو جهاز بشاشه مش بكر وبسيطه أن شاءالله وأي استفسار انا في الخدمهالمشاركة الأصلية كتبت بواسطة mahmoudshahen مشاهدة المشاركة[SIGPIC][/SIGPIC]
hitmangate سابقاComment
-
شكرا استاذ احمد على سعة صدرك و اعذرنى فى اسئلتى الكتير لو ممكن معاك ارقام احمد زاهر و هانى اللى جسر السويس عشان انا من طنطا فنزل القاهره مخصوص و. يا ريت تقولى على حد بيفهم فى التكيف كمان .المشاركة الأصلية كتبت بواسطة hitmangate مشاهدة المشاركةComment
-
السلام عليكم و رحمة الله و بركاته
احب ارحب اولا بأعضاء الرابطه المحترمه جدا
ثانيا اسألتى لاستاذ hitmangate اللى خلانى بصراحه احب العربيه دى جدا من خلال قرائتى لمواضيع الرابطه من اول صفحه و انا لاحظت انوا انسان خدوم و مابيبخلش بأى معلومه يعرفها لأى حد بيسآل
انا كنت ناوى بصراحه اجيب اوكتافيا a4 ولاكن طبعا زى ما قولت الباسات نغششت فى دماغى فعايز استفسر عن شوية حاجات
هو فى فرق ما بين ال b5 وال b5.5 غير الموديل والفوانيس والاكصدامات
قطع الغيار بتاعت الاثنين واحده ولا فيه اختلاف
الصالون من جوه واحد ولا فيه اختلاف
فيه فرق ملحوظ ما بين الماتور ال 1600 وال 2000 وايهما افضل فى قطع الغيار
انا قدامى العربيتين ايهما افضل وتنصحنى ابص على ايه وانا بشتريها وترشحلى ايه من الاثنين لو انت مكانى
واخيرا شكرا مقدما على الرد وادعيلى ربنا يوفقنى فى عربيه تكون بنت حلال لانى دى اول تجربه ليه فى الالمانى علشان انا طول عمرى بركب يابانى و كورى[I][B][/B][/I][fot1]اسلام الهلاوى[/fot1][SIZE="7"][FONT="Arial Black"][/FONT][/SIZE]Comment
-
اولا ياباشا شرفت ونورت الرابطه وشكرا على ذوقك وثانيا الباسات الموديل ده في الأساس اودى اكتر منلها فولكس يعني للمعرفة العربيه دى ماتور وشاسيه وعفشه وكهربا ابتكار اودى في الأساس لأن توأمها في الأودي اللي هي a4 نزلت سنه 95 والباسات نزلت 96 وعلى فكره تصميم الشاسيه والعفشه ووضع الموتور لسه الأودي باستعمالها لغاية وقتنا هذا والباسات دي من العربيات اللي فولكس مش هتعمل زيها تاني لانها معموله بضمير زياده عن اللزوم الباسات نزلت من سنه 96 إلى 2000 بشكل اللي هي b5 وعدلو شكلها في 2001 إلى 2005 بشكل اللي هي b5.5 والعربيتين واحد شاسيه وعفشه ومواتير وكهرباء والصالون الداخلي ووالأبواب وكل حاجه عدا الشكل الأمامي بالكبوت والرفارف وشكل الفوانيس الخلفي غير كده كلو واحد وبالنسبه للموتور طبعا فيه فرق لصالح ال 2000 بس ال 1600 مش وحش اوى هو مشكلته في الطلعه عموما ال1600 بيطلع 100 حصان وال 2000 بيطلع 115 حصان وال b5.5 نزلت بموتور 2000 2 كامه بيطلع 130 حصان بالنسبه لقطع الغيار ال 2000 موجوده اكتر من 1600 علشان الاستيراد قليل شويه ال 1600 بس حاجات ال 2000 متشابهة مع 1600 والأفضل منهم هما الاتنين موتور 1800 عادي ده بيطلع 125 حصان وعموما مواتير الباسات أيا كانت سعتها معمره جدا وبالنسبه لقطع غيارها رخيصة جدا وارخص من الانسر البوما في الاستيراد وبعض الجديد وهتلاقي بعض الأسعار كاتبيها في الرابطه وبرضه علشان تكون في الصوره أغلى حاجه فى العربيه دى طقم المقصات الأمامي أو اسمها شدادات وهما عباره عن 8 شداد 4 يمين و4 شمال مصنوعة من الألومنيوم تمنهم بقى جديد ألماني ماركة اسمها فيبي بلاشتين بيعملو 4000 ج بس حاجه نضيفه وبيعيشو عمر طويل وتمنهم استيراد 1200 ج بس هما مشكلتهم انهم مش بيتغيرلهم بيض أو جلبه لأنهم كل واحد عباره عن جلبه ماسك في الشداد اخره بيضه الشداد ومش بيتباعو جداد لوحدهم لازم الطقم جديد ممكن تجيب استيراد اللي بايظ بس عموما هما مش عيب ومش بيبوظو بسهوله وللعلم انت بتاخد أداء عالي من العفشه دي يعني انا بجيب بيها 200 عادي وماشاء الله ثابته جدا ولو فيها موتور أكبر تجيب بيها 260 وبرضه تفضل ثابته وطبعا هي عربيه عائليه وكبيرة جدا من جوه وشنطها واسعه جدا وعزلها فوق الممتاز وطبعا صاج ناشف جدا جدا وانا برشحلك ال b5.5 لانها الموديل الأحدث بس هتلاقيها قليله شويه وعموما أهم حاجه تكشف عليها الموتور والفتيس والعفشه وطبعا الأساسيات وعلى فكره العربيه دىمافيهاش مشكله يتخاف. منها يعني فتيسها فوق الممتاز بالنسبه للاتوماتيك ومافيهوش أي عيب أو أعطال والعربيه دي عموما مافيهاش أعطال شائعة واعطالها قليله جدا بس اهم حاجه الحاله لانها هي اللي هتكمل معاك يعني لو لقيت b5 حاله أفضل من b5.5 يبقى تخليك في ال b5 لأن على اد مالعربيه دي حلوه ممكن تكرهك فيها لو حالتها وحشه زيها زي كل الألماني بس لو وقعت في حاجه كويسه أن شاءالله مش هتركب بعدها أقل من بي ام أو مرسيدس وربنا يوفقك للاصلح ويكرمك بحاجه نضيفه وأي استفسار انا في الخدمه وانا متابع معاك في اي حاجهالمشاركة الأصلية كتبت بواسطة elhelawy مشاهدة المشاركة[SIGPIC][/SIGPIC]
hitmangate سابقاComment
-
طبعا انا مش عارف اقولك ايه غير جزاك الله خيرالمشاركة الأصلية كتبت بواسطة hitmangate مشاهدة المشاركة
انا النهارده روحت محل قطع غيار اسموا ناجح فى فيصل يعتبر قريب منى علشان انا من سكان الهرم وسآلت على اسعار قطع الغبار وطلعت ما شاء الله مناسبه جدا مش مبالغ فيها ونويت على العربيه ان شاء الله
بس طالب منك طلب لو ينفع اخد رقم موبايلك علشان لو احتجت اى استشاره او استفسار منك يكون اسرع وانا بتفرج على العربيات
وشاكر ليك تانى على سرعة الرد و الاهتمام وان شاء الله ابقى عضو معاكوا هنا فى الرابطه[I][B][/B][/I][fot1]اسلام الهلاوى[/fot1][SIZE="7"][FONT="Arial Black"][/FONT][/SIZE]Comment
Comment