رابطه مالكي الباسات b5&b5.5 من 1996 الي2005

[FAR!D]

معلش اسئله تانيه خطرت على بالي:
من خلال تصفحي للرابطه عرفت انها ليها فتيس استيبترونك فهل ده بينزل استاندرد لمصر ولا لازم يكون الماتور اللي راكب فيها 1800 تربو
وايه انظمه الامان و الفرامل الاستاندرد للسوق المصري
وشاكر للرد

[Ahmed Saad]

ممكن سؤال لشباب الرابطه؟
1-الباسات b5 او b5.5 بينزل منها فتحه سقف استاندرد مش لازم تكون جايه من بره؟ قصدي من السوق المصري؟
2-الاتوماتيك بتاعها استبترونك؟
3-ليه اكتر المعروض منها مانيوال؟
4- فيها موديلات الطاره مالتي فانكشن؟

بص يا باشا الباسات b5&b5.5 اللي نزلت مصر نادر ما تلاقي فتحه سقف وكل اللي ليه فتحه سقف ياما كانت معاقين أو وارد الخارج يعني حد نازل بيها وبالنسبه للفتيس كل اللي نزل مصر اتوماتيك عادي 4 نقله سواء 1600 في ال b5 أو ال 2000 في ال b5.5 أما الاستبترونيك بينزل مع المواتير ال 1800 تربو وال دفع الكلي ودي مش بتنزل مصر دي موتورها 2800 بنزين 6 سلندر أو 2500 تربو ديزل 6سلندر والمعروض منها المانيوال لأنها مش مطلوبه في المانيوال ولأن فتيسها ماشاء الله الاتوماتيك مالوش حل تقدر تشد بيه مع المانيوال عادي ومالوش أعطال طالما بتغير الزيت في معاده وعلى فكره فتايس الباسات دي ZF زي بتاع البي أم الجديد بس طبعا تكنولوجيا قديمه مش زي بتاع دلوقتي وبالنسبه لموضوع الموديلات اللي فيها طاره مالتي برضه مانزلتش مصر وكل اللي ممكن تلاقيه ياوارد الخارج أو معاقين

[Ahmed Saad]

معلش اسئله تانيه خطرت على بالي:
من خلال تصفحي للرابطه عرفت انها ليها فتيس استيبترونك فهل ده بينزل استاندرد لمصر ولا لازم يكون الماتور اللي راكب فيها 1800 تربو
وايه انظمه الامان و الفرامل الاستاندرد للسوق المصري
وشاكر للرد

بص يا باشا الفتيس الاتوماتيك الاستبترونيك مش بينزل مصر استاندر لأنه بيشتغل مع ال 1800 التربو بس وطبعا التوكيل مانزلش ال 1800 التربو مصر فأمش موجود استاندر بس سهل يتعدل بيتسقط مع ظفيرته وكنتروله والموتور ال 1800 التربو بضفيره وكنترول وزي ماقولتلك الاستاندر اللي نزل مصر الاتوماتيك العادي ال 4 نقله وبالنسبه لأنظمة الأمان اللي نزلت مصر ABS ebd 2 airbags وفيه شويه عربيات فيها TCS أو تراكشن كنترول وده نظام علشان عجل العربيه مايلفش على الفاضي لو غارز مثلا فبيثبت عجله ويدي العزم للعجله التانيه وطبعا بره مصر حدث ولا حرج abs ebd TCS esp 4airbags-10-airbags وفيه عربيات بره كان بينزلها gps ومثبت سرعه وسخانات كراسي وفوانيس زينون ويارب يكون الشرح وافي وأي استفسار انا في الخدمه

[m7nsh]

باشمهندس محمد طبعا فكرك شخصيه خلوقه ومحترمة ويارب تكون بخير وسلام
بالنسبه للباور بتاع الباسات هو باور هيدروليك بس زيت الباور gunk الأبيض فعلا ممتاز وبيخلي الباور خفيف جدا وصوت طرمبة الباور ناعم ولو فيه تسريب بيمنعه وطبعا الباور الكهربا مافيهوش زيت لأنه عباره عن محرك كهربائي متصل مباشره بالاسكترا من غير زيت والدليل افتح أي عربيه باور كهربا مش هتلاقي علبه زيت باور ولا خراطيم زيت باور وطبعا زيت الباور ال gunk يصلح لأي عربيه باور هيدروليك وماينفعش للباور الكهربا لأنه مش بيشتغل بالزيت اصلا وأي استفسار انا في الخدمه وربنا يطمنا عليك

ربنا يخليك يا فندم و يبارك فيك و فى علمك ..وتكون دايما فى احسن صحه ..
وانت كده فهمتنى حاجه مهمه مكنتش فاهمها حوار الباور الهيدروليك و الكهربا دا .. الله ينور .
وشكرا على تصحيح المعلومه يا كبيييييييير .. gunk مش gunc و فى الخباثه كدا ..كلك زووق يا باشا والله :)) ..
بالمناسبه بقا .. اجيب الزيت دا منين و هو بكام اصلا ؟ و المفروض العربيه بتاخد ادايه ؟
استغلاليين احنا .. هاريينك اسئله

[Ahmed Saad]

ربنا يخليك يا فندم و يبارك فيك و فى علمك ..وتكون دايما فى احسن صحه ..
وانت كده فهمتنى حاجه مهمه مكنتش فاهمها حوار الباور الهيدروليك و الكهربا دا .. الله ينور .
وشكرا على تصحيح المعلومه يا كبيييييييير .. gunk مش gunc و فى الخباثه كدا ..كلك زووق يا باشا والله :)) ..
بالمناسبه بقا .. اجيب الزيت دا منين و هو بكام اصلا ؟ و المفروض العربيه بتاخد ادايه ؟
استغلاليين احنا .. هاريينك اسئله

يا باشمهندس محمد ليك واحشه والله بص بالنسبه لزيت الباور ال gunk هتلاقيه بيتباع ممكن تشوف في الحي السابع عند بتوع الألماني لو ملاقتش عندك هتلاقيه أن شاء الله في شارع دمشق أو التوفيقية وانا كنت جايبه من 5 شهور ب 70 ج بس كان من محطه شل اللي في شارع التسعين التجمع الخامس والعربيه بتاخد 0.9 لتر بالظبط يعني تقريبا العلبه كلها وهتلاقي العلبه لونها اصفر وفيها شبه من القاروره اللي كانوا بيشربو فيها ايام صلاح الدين هتلاقيها كبيره من تحت وبتصغر من فوق ولو عايز أي حاجه ماتتكسفش من اخوك ولما ارجع القاهره أن شاء الله ليا مقابله معاك

[FAR!D]

مش عارف اشكرك ازاي يا استاذhitmangat بس دايما انت سباق بالخير
ربنا يزيدك من علمه و يزيدك من غزاره معلوماتك
شكرااااا

[m7nsh]

يا باشمهندس محمد ليك واحشه والله بص بالنسبه لزيت الباور ال gunk هتلاقيه بيتباع ممكن تشوف في الحي السابع عند بتوع الألماني لو ملاقتش عندك هتلاقيه أن شاء الله في شارع دمشق أو التوفيقية وانا كنت جايبه من 5 شهور ب 70 ج بس كان من محطه شل اللي في شارع التسعين التجمع الخامس والعربيه بتاخد 0.9 لتر بالظبط يعني تقريبا العلبه كلها وهتلاقي العلبه لونها اصفر وفيها شبه من القاروره اللي كانوا بيشربو فيها ايام صلاح الدين هتلاقيها كبيره من تحت وبتصغر من فوق ولو عايز أي حاجه ماتتكسفش من اخوك ولما ارجع القاهره أن شاء الله ليا مقابله معاك

ايه دا فعلا بتاخد علبه واحده ؟ طب دا جميل يعنى حتى الموضوع مش مكلف .. انا كنت باحسب كذا ازازه .. ان شاء الله قريب هجربه واقولك
حبيبي ياباشا و لازم اشوفك ان شاء الله لما ترجع بالسلامه ..

[manchestr_viru]

كنت عايز اشاركوا تجربة ...ّ كان في تزييقة مع المقص لما بكون نازل من مطب و كذا حد قالي كده محتاج تغير مقص ..... روحت لواحد عفشجي مشهور عندنا قالي روح اغسل العربية من تحت و خليه ينضفلك المقص ... و فعلا التزييقه راحت

الحاجه التانية سؤالين .... عندي العربية بتنتش بين الغيار التاني و التالت مش عارف بسبب الزيت وحش ولا ايه هو انا كنت جايبلها اخر مرة زيت من بنزينة شيل كان الجركن ب ٣٠ جنيه ....ياريت تفيدونا نوع الزيت الكويس ايه و بكام و منين

السؤال التاني في مكان في اسكندرية زي التوفيقية في القاهرة الاقي فيه قطع غيارها و الاسعار اغلي من القاهرة ولا لأ و اشتري من هناك ولا استني لما انزل القاهرة

[FAR!D]

السؤال التاني في مكان في اسكندرية زي التوفيقية في القاهرة الاقي فيه قطع غيارها و الاسعار اغلي من القاهرة ولا لأ و اشتري من هناك ولا استني لما انزل القاهرة

عندك صلاح الدين او السيوف بس فرق الأسعار بالنسبه لقطع الغيار اعتقد أرخص
ولكن الكماليات القاهره اعتقد ارخص

[manchestr_viru]

عندك صلاح الدين او السيوف بس فرق الأسعار بالنسبه لقطع الغيار اعتقد أرخص
ولكن الكماليات القاهره اعتقد ارخص

الاماكن دي اروحها ازاي من المعمورة ؟

[ahmad0nasser]

السلام عليكم و رحمة الله و بركاته
انا سعيد جدا اني انضميت للمنتدي العملاق ده و انا معايا ربية باسات موديل 2000 اوتوماتيك 1600 سي سي
كنت رايح بيها الحرفيين اجيب حاجات و انا اصلا من طنطا و قبل ما ادخل الحرفيين ب 3 كيلو كدا لاقيت لمبة الزيت قادت اصفر .. و اللي اعرفه ان لمبة الزيت بتنور احمر .. سألت عند كهربائي بتاع كنترول قاللي انه العداد معلق علشان دخل مسح العطل من علي الكومبيوتر و اللمبة بردو قايدة اصفر .. روحت اغير الزيت لاقيته ناقص .. و حطيت زيت شل 2000 كيلو الاحمر ده و بردو اللمبة قايدة اصفر .. انا مش عارف ايه العيب ده حد يفيدني من فضلكوا لأني هتجنن و خيف يكون خطر

و شكرا مقدما

[FAR!D]

الاماكن دي اروحها ازاي من المعمورة ؟

عارف جامع العمري او مستشفى دار اسماعيل للولاده؟
او اوصل لمحطه مصر و اسأل اروح صلاح الدين ازاي

[manchestr_viru]

عارف جامع العمري او مستشفى دار اسماعيل للولاده؟
او اوصل لمحطه مصر و اسأل اروح صلاح الدين ازاي

شكرا يا كبير

[Ahmed Saad]

كنت عايز اشاركوا تجربة ...ّ كان في تزييقة مع المقص لما بكون نازل من مطب و كذا حد قالي كده محتاج تغير مقص ..... روحت لواحد عفشجي مشهور عندنا قالي روح اغسل العربية من تحت و خليه ينضفلك المقص ... و فعلا التزييقه راحت

الحاجه التانية سؤالين .... عندي العربية بتنتش بين الغيار التاني و التالت مش عارف بسبب الزيت وحش ولا ايه هو انا كنت جايبلها اخر مرة زيت من بنزينة شيل كان الجركن ب ٣٠ جنيه ....ياريت تفيدونا نوع الزيت الكويس ايه و بكام و منين

السؤال التاني في مكان في اسكندرية زي التوفيقية في القاهرة الاقي فيه قطع غيارها و الاسعار اغلي من القاهرة ولا لأ و اشتري من هناك ولا استني لما انزل القاهرة

فعلا موضوع التزيقه ده موجود وبيروح مع غسيل العربيه وبالنسبه لزيت الفتيس انت فتيسك مانيوال ولا اتوماتيك علشان انت لو اتوماتيك يبقى ارتكبت جريمه في حق عربيتك لأن زيت الفتيس بتاعها العربية دي الاتوماتيك بيبقى زيت ابيض عندك الأصلي ب 275 ج للتر ونوع اسمه فيبي ألماني نضيف ب 100 ج من شارع دمشق و 125 في المحلات الأخرى ويتغير فلتر زيت الفتيس والعربيه بتاخد 4 لتر

[Ahmed Saad]

السلام عليكم و رحمة الله و بركاته
انا سعيد جدا اني انضميت للمنتدي العملاق ده و انا معايا ربية باسات موديل 2000 اوتوماتيك 1600 سي سي
كنت رايح بيها الحرفيين اجيب حاجات و انا اصلا من طنطا و قبل ما ادخل الحرفيين ب 3 كيلو كدا لاقيت لمبة الزيت قادت اصفر .. و اللي اعرفه ان لمبة الزيت بتنور احمر .. سألت عند كهربائي بتاع كنترول قاللي انه العداد معلق علشان دخل مسح العطل من علي الكومبيوتر و اللمبة بردو قايدة اصفر .. روحت اغير الزيت لاقيته ناقص .. و حطيت زيت شل 2000 كيلو الاحمر ده و بردو اللمبة قايدة اصفر .. انا مش عارف ايه العيب ده حد يفيدني من فضلكوا لأني هتجنن و خيف يكون خطر

و شكرا مقدما

بص يا باشا بالنسبه للمبه الزيت لما تنور اصفر العربيه دى فيها حساس درجه لزوجه الزيت و مستوى الزيت لما الزيت بيخف أو ينقص المفروض تنور لون اصفر والمشكله اللي عندك ممكن يكونالحساس ده باظ اأو الفيشه بتاعته واقعه المهم تروح لكهربائي يفك الكرتيره بتاعت الحمايه اللي تحت الموتور هتلاقي فيشه متوصله بحساس طالع من كرتيره زيت الموتور ممكن يحتاج يتغير وتشوفه جديد وان شاء الله تظبط وأي استفسار في العربيه انا تحت أمرك