رابطه مالكي الباسات b5&b5.5 من 1996 الي2005

[Ahmed Saad]

لايكفى الشكر لسيادتك فقط
انا بشكر حضرتك جدا جدا جدا
بصراحه مبتتأخرش علينا فى اى سؤال
ربنا ييسرلك كل الخير وميمرش عليك اى صعب hitmangate
لك جزيل الشكر ووافر الاحترام

يا أخي لا شكر على واجب وحضرتك أي حاجه عاوزها انا تحت أمرك في اي سؤال أو استفسار وزي ماباقي الأعضاء مابيبخلوش علينا بأي معلومه عارفينها لازم برضه مانبخلش بأي معلومه أوطلب للأي عضو وشكرا ياسيدي على الدعوه بتاعتك

[munse2004]

انا نزلت الحرفيين وسالت علي الريداتير وده من ٥٠٠الي ٧٠٠ جنيه واشبكه جبتها جديده وسعرها ١١٠ من غير العلامه وختها بالعلامه ١٤٠ صيني بس كويسين

[munse2004]

الكوبلن سالت عليه قالي. ٦٥٠ واناشايف انه كتير ولا ايه رايكم

[munse2004]

وعلي فكره انا غيرت زيت الفتيس بالنوع اللي حضرتك قولت عليه جنك علبته صفرا وسعره ٥٠جنيه وطلع فعلا تمام وصوت البور اختفي والبور بقي انعم جدا

[Ahmed Saad]

الكوبلن سالت عليه قالي. ٦٥٠ واناشايف انه كتير ولا ايه رايكم

استيراد ده ولا جديد ولو استيراد الكوبلن كامل داخلي وخارجي الفردتين بعمود الكردان ولا ايه؟

[Ahmed Saad]

وعلي فكره انا غيرت زيت الفتيس بالنوع اللي حضرتك قولت عليه جنك علبته صفرا وسعره ٥٠جنيه وطلع فعلا تمام وصوت البور اختفي والبور بقي انعم جدا

قصد حضرتك زيت الباور اللي غيرته وفعلا الزيت الجنك الطلبه الصفراء ده ممتاز جدا والف مبروك

[Ahmed Saad]

انا نزلت الحرفيين وسالت علي الريداتير وده من ٥٠٠الي ٧٠٠ جنيه واشبكه جبتها جديده وسعرها ١١٠ من غير العلامه وختها بالعلامه ١٤٠ صيني بس كويسين

كويس السعر ده وخلي بالك الأسعار ارتفعت بسبب قرار استيراد الانصاص فالناس شكلها علت السعر بس لسه كويس مش وحش

[munse2004]

استيراد ده ولا جديد ولو استيراد الكوبلن كامل داخلي وخارجي الفردتين بعمود الكردان ولا ايه؟

مش عارف بس انا سألت على كوبلن شمال فقط فقاى السعر ده استيراد

[Ahmed Saad]

مش عارف بس انا سألت على كوبلن شمال فقط فقاى السعر ده استيراد

بص هوا كتير طبعا ده كتير جدا ده سعر جوز الكبالن داخلي وخارجي بالاكس الناحيتين كان ب 500 ج في بورسعيد يعني في القاهره كبيرهم يزيدوا 100 أو 150 ج بس كده خليك أفضل في الجديد بس دور في دمشق أو التوفيقية وابعد عن الصيني أو اللي محطوط في علبه شبه الاصليه خليك في ماركة اسمها مايلي كويسه وأبقى طمنا عملت ايه

[saif1112]

ولا يهمك ياباشا خليك في العادي بس خلي بالك هتلاقي من ال b5.5 قليل شويه 1600 عموما انا برضه لو شفت حاجه كويسه هقولك وبرضه تابع انت في كونتاكت و دوبيزل وملحوظه صغيره خلي بالك لأن الكتابه بالأحمر مخصصه للاداره فقط

انا شاكر لحضرتك زوقك واخلاقك و اهتمامك الكبير بالرد على كل استفسارات الاعضاء
و انا حاضر مش هكتب باللون الاحمر تانى
و اسمحلى ابقى كلمنى لو حضرتك شفت عربيه 1800 عادى و دى رقمى (( 01110124296 ))

[Ahmed Saad]

انا شاكر لحضرتك زوقك واخلاقك و اهتمامك الكبير بالرد على كل استفسارات الاعضاء
و انا حاضر مش هكتب باللون الاحمر تانى
و اسمحلى ابقى كلمنى لو حضرتك شفت عربيه 1800 عادى و دى رقمى (( 01110124296 ))

يا باشا لا شكر على واجب وليا الشرف اني اكلمك ولو شفت حاجه هكلمك ووالله من غير أي حاجه برضه ليا الشرف اني اكلمك

[Ahmed Saad]

اعضاء الرابطه الكرام اول امبارح اتنشيت طوبه جاتلي في الزجاج الخلفي للسياره وانا في شارع ظلمه في مدينه نصر كنت مروح البيت والحمد لله الزجاج الخلفي اتدمر والواحد زعل لانه كان زجاج الفبريكه بس الحمد لله جت سليمه ورحت غيرته في ساعتها عند الثلاثيه في الحي السادس وكان تمنه 450 ج وماركته مش جريش حاجه اسمها bsg مش عارف صناعتها بس الواحد كان مضطر بس الزجاج خامته وسمكه كويس والحمد لله وربنا يبعد عنكم الطوب وقرف البلد اللي الواحد بقي فيها دي وربنا يسترها علينا وعليكم جميعا

[manchestr_viru]

جديد و تايه :d

انا اشتريت واحدة كاملة موديل 2000 عاملة 200الف كيلو ب 62 الف بس فيها الكوبلن فى الناحيتين فيهم طقطقة بسيطة و المساعد الخالفي في الشمال مش تمام

السعر كده كويس ولا لأ ؟؟

عايز اعرف ارخص و احسن اماكن قطع الغيار الجديد و الاستيراد ولو الاسعار يبقي كويس عشان انا من الصعيد و هاجي اغير كل حاجة مرة واحدة

استفسار تاني لواحد صاحبى معاه نفس العربية بس 2001 لما اخد مطب على 50 العربية من قدام حسها خبطت الارض هل ده عيب مساعدين امامي ولا ده طبيعي عشان العربية واطية ولا ايه ؟

[Ahmed Saad]

انا اشتريت واحدة كاملة موديل 2000 عاملة 200الف كيلو ب 62 الف بس فيها الكوبلن فى الناحيتين فيهم طقطقة بسيطة و المساعد الخالفي في الشمال مش تمام

السعر كده كويس ولا لأ ؟؟

عايز اعرف ارخص و احسن اماكن قطع الغيار الجديد و الاستيراد ولو الاسعار يبقي كويس عشان انا من الصعيد و هاجي اغير كل حاجة مرة واحدة

استفسار تاني لواحد صاحبى معاه نفس العربية بس 2001 لما اخد مطب على 50 العربية من قدام حسها خبطت الارض هل ده عيب مساعدين امامي ولا ده طبيعي عشان العربية واطية ولا ايه ؟

اولا اهلا بيك معانا في رابطه مالكي الباسات وربنا يديك خيرها ويكفيك شرها وثانيا تمنها كويس جدا بس واللي حضرتك بتقوله في العربيه ده مش حاجه يعني لو علي قد كبالن خارجيه ومساعدين خلفي يبقي حاجات بسيطه وقطع غيار العربيه رخيصه جديد واستيراد عدا طقم الشدادات الامامي او المقصات تمنهم جديد من 1200 صيني لغايه 4000 فيبي الماني واستيراد 1200ج وباقي اسعارها رخيصه وممكن ترجع في المشاركات اللي ورا في الرابطه كاتبين اغلب اسعار قطع غيارها ولسه قريب يعني اسعار ماتغيرتش اوي وافضل اماكن لقطع الغيار عندك الحرفيين في شارع المرسيدس للاستيراد وشارع دمشق في مصر الجديده للجديد وبالنسبه لعربيه صاحبك طبعا مساعدينها ضايعين لان العربيه دي مش واطيه دي عاليه لو المساعدين مظبوطين خليه يكشف علي المساعدين ويغيرهم وهيلاقيها عليت معاه واي استفسار انا في الخدمه

[manchestr_viru]

شكرا ربنا يكرمك بس كنت عايز اسم محل معين ثقة و عنوان ورشة كويسه عشان انا نصحوني بصقر قريش ومش عارف صقر الناس في كويسه ولا الاسعار اغلي