::: البولونيز المظلومة :::

[Youssef.Awad]

لا الحمد لله بس عشر سنين مثلا كان واحد صاحبي معاة واحدة بتاعت أبوة و الواد كان لسة بقي مراهق و سخن و بيأمرك و يخمس و الحوارات دية و أيامها كانت الإكسيل غندورة لسة جديدة و عاملة فيها نانسي عجرم

قام صاحبي لابس في الإكسيل من ورا مش عايز اقولك عينك ما تشوف إلا النور

إتدغدغت و اتشالت من علي الأرض

أما البولونيز .......

طبعا أنت عارف

إكصدامها إتفك فقط لا غير

المهم برضة الواد لما جم يبيعوا العربية فضلت لازقة مش عايزة تتباع يجي ست شهور و كل اللي ياخدها يرجعها رغم ان عربيتة كانت حالتها كويسة يعني إنما فعلا هي عربية بتلزق.

ده شىء طبيعى جدا ....

[ahmdmagdy]

يا جماعه محدش عاوز يستغني عن الدبابه بتاعته و يبيعها

[dr_timo]

انا الشيطان بيوزني ابيع

[Youssef.Awad]

انا الشيطان بيوزني ابيع

ليه كده بس يا دكترة
ده انت عامود من أعمدة البولونيز فى الرابطة

[dr_timo]

ههههههه لا مانا والله كنت هكتب الشيطان بيوزني اغير بس لو لقيت حاجة تملي عيني غير البولونيز وبما اني لسة مالقتش حاجة تملي عيني فالتغيير غير مطروح حاليا وكلها وساوس شيطان لكن انا طبعا معاكم طيب لو حصل والشيطان غلبني هلاقي فين رابطة جدعان كدة زي هنا فدة عامل تاني ميخلينيش اغير

[semsem_uno]

بقول ايه يا جماعة ايه رأيكو في الكلام ده و بذمتكم مش تبقي كده عربية تحفة :)) ؟
لو اتحط في البلونيز موتور ال 131 ال 2 كامة ال 1600 او ال132 ال 2000 سي سي و متهيألي ده كمان كده ممكن نخلي الدركسيون باور ولا يبقي في اختلاف في نظام المقود زي علبة الدركسيون و كده ولا ايه النظام
و تظبيط العازل اللي بين التابلوه و الماتور و كاوتشات البيبان و كده
+ تكيف ساندن الياباني ده و ازاز كهرباء
مش تبقي احسن من 100 جديد ؟؟؟؟

[dr_timo]

اهلا ياسمسم ازيك انا اهرب منك من رابطة الاونو الاقيك هنا اروح منك فين تاني ياشيخ هههههه بس كلامك تمام والله انا عن نفسي ظببط البولونيز بتاعتي وكان في دماغي اعمل الحجات اللي قلتها دي كمان بس اتشغلت اوي الفترة دي

[semsem_uno]

اهلا ياسمسم ازيك انا اهرب منك من رابطة الاونو الاقيك هنا اروح منك فين تاني ياشيخ هههههه بس كلامك تمام والله انا عن نفسي ظببط البولونيز بتاعتي وكان في دماغي اعمل الحجات اللي قلتها دي كمان بس اتشغلت اوي الفترة دي

Here Or There $EM$EM Is Everywhere
يا باشا دانتا اللي منور الرابطة عندي :)

[dr_timo]

here or there $em$em is everywhere
يا باشا دانتا اللي منور الرابطة عندي :)

دة نورك ياباشا وديما منورنا في البولونيز ان شاء الله

[asaeed]

دة نورك ياباشا وديما منورنا في البولونيز ان شاء الله

يا رجالة البولونيز
انتم الاثنين منورين المنتدي وأنا فعلاً فخور باشتراكي معاكم في هذه الرابطة وفخور أن معي سيارة بولونيز (المدرعة الملاكي) أي نعم أنا مش حاسس بطعم العربية أوي علشان الموتور محتاج طقم شنبر بس أنا حاسس أن العربية دي لما اظبطها استمتع بيها كتير عن دلوقتي
على فكرة أنا بإذن الله يمكن أوقف عربيتي لعمل طقم شنبر اليومين إللي جايين دول بس ادعولي الموضوع مايتكلفش كتيير لحسن الواحد داخل على يومين عيد ومش ناقص.

[dr_timo]

اهلا بيك ياباشا معانا الرابطة هتنور بيك وبعضو جميل جديد وان شاء الله الموضوع ميكلفكش اوي وتبقي حاجة بسيطة وكل سنة وانت طيب وعيد سعيد عليك ان شاء الله

[star1991]

السلام عليكم ورحمه الله وبركاته

انا تابعت الموضوع كله وقراته بالكامل ومشكورين على مساهماتكم العديده والمفيده بالضروره للعديد من الاعضاء


لكن..........




انا ملاحظ مبالغه غير طبيعيه منكم في امكانيات السياره المدعوه بولونيز حسستوني وانا بقرا الموضوع ان دي رابطه ملاك البي ام دبليو؟؟؟؟؟؟؟؟






اولا لابد من الاعتراف ان لكل سياره مميزات وعيوب ولايوجد سياره في العالم ليس لها عيوب ولكن من خلا ل التجربه العميقه للبولونيز وللعلم البولونيز قعدت معايا 3سنين ونص استطيع من خلال هذه الفتره الطويله الحكم الجيد على السياره من مختلف النواحي الايجابيه والسلبيه.


اولا ايجابيات البولونيز
1-سياره واسعه من الداخل الي حد ما مقارنه بفئات اخرى مثل ال131.


2-تابلوه شيك جدا مقارنه بتابلوهات جميع السيارات السابقه على سنه91 وهو اخر موديلات البولونيز في مصر.


3-ارتفاعها الملحوظ عن الارض حتى لو محمله ركاب وده بيخلي العربيه بعيده كل البعد عن المطبات.



4-اتزانها معقول لحد 80 90 اخرها يعني بعد ده زباله.



5-الصاج متين بطريقه رهيبه يعني لو دخلت في حيطه ممكن تهدها.




6- الشنطه واسعه .




لكن ناتي لسلبيات السياره او مصائب السياره



1-ياتي في مقدمه العيوب وهو عيب خطير جدا وهوسخونه الموتور اللامعقوله العربيه بتسخن في عز الشتا وده طبعا لوحده مصيبه وليس له حل.




2-صوت السياره العالي جدا كانها كراكه او جرار زراعي

[dr_timo]

هههههههه انت قلت مشاكل ومصايب انا قلت اية العربية هيطلعلها قرار حرق سخونة اية بس اللي بتسخنها انا عربيتي الحمد لله اهية ولا في سخونة ولا بتنجان ودرجة حرارتها مبتعديش التسعين في عز الحر والصيف وكل اللي اعرفهم بردو كدة يمكن رئيك دة بناء علي تجربة شخصية او عربية مش متظبطة ثانيا بقي حكاية الصوت دة في فئة العربيات القديمة انا مبعتبروش عالي متقدرش تقارنه بعربية هيونداي لان دة حاجة ودة حاجة ودة موديل ودة موديل ودة امكنيات ودة امكانيات فماتور البولنيز اللي بيجر القاطرة والقوة دي والوزن دة مينفعش اقارنه بماتور اعم ورقيق وبيشد كتكوتة زي الاكسيل او الاكسنت مثلا وشكرا ليك ياباشا علي مرورك

[semsem_uno]

اقارنه بماتور اعم ورقيق وبيشد كتكوتة زي الاكسيل او الاكسنت مثلا وشكرا ليك ياباشا علي مرورك

لألألألألألأ هنغلط في الأكسل ولا ايييييه
هيا اه كتكوتة بس العفشة و الماتور مش كتاكيت خالصصصص
يا اخي دانا لما باخد غرزة و مايوسعليش بقرص شوية بلاقي اللي قدامي هاينط الناحية التانية من صوتو

[mobitic]

السلام عليكم ورحمه الله وبركاته
وعليكم السلام ورحمه الله وبركاته

انا تابعت الموضوع كله وقراته بالكامل ومشكورين على مساهماتكم العديده والمفيده بالضروره للعديد من الاعضاء


لكن..........

دايما بخاف من كلمة لكن لأنى بحس ان بعدها كارثة


انا ملاحظ مبالغه غير طبيعيه منكم في امكانيات السياره المدعوه بولونيز حسستوني وانا بقرا الموضوع ان دي رابطه ملاك البي ام دبليو؟؟؟؟؟؟؟؟


دائما الإعجاب بشئ بيتحول إلى مبالغة فى ذكر محاسنه والتقليل من شأن عيوبه وبعدين محدش فينا قال اننا زى البى ام دبليو لا سمح الله بس احنا بنعتبرها البى ام بتاعت الغلابة



اولا لابد من الاعتراف ان لكل سياره مميزات وعيوب ولايوجد سياره في العالم ليس لها عيوب ولكن من خلا ل التجربه العميقه للبولونيز وللعلم البولونيز قعدت معايا 3سنين ونص استطيع من خلال هذه الفتره الطويله الحكم الجيد على السياره من مختلف النواحي الايجابيه والسلبيه.


اولا ايجابيات البولونيز
1-سياره واسعه من الداخل الي حد ما مقارنه بفئات اخرى مثل ال131.


2-تابلوه شيك جدا مقارنه بتابلوهات جميع السيارات السابقه على سنه91 وهو اخر موديلات البولونيز في مصر.
التابلوه من الأشياء التى تخضع لمسألة الأذواق والحالة المزاجية لكل شخص واسمحلى لا ينبغى وضعها فى خانة الإيجابيات أو السلبيات على الرغم من اعجابى بتقسيم التابلوه

3-ارتفاعها الملحوظ عن الارض حتى لو محمله ركاب وده بيخلي العربيه بعيده كل البعد عن المطبات.



4-اتزانها معقول لحد 80 90 اخرها يعني بعد ده زباله.
انا امبارح جبت بيها 120 ودى اول مرة اجيب السرعة دى لعدم وجود طريق مناسب وللعلم كنت محمل 4 أفراد معايا غير كام شنطة من الوزن التقيل وكان اتزانها معقول جداااااااااااا


5-الصاج متين بطريقه رهيبه يعني لو دخلت في حيطه ممكن تهدها.




6- الشنطه واسعه .




لكن ناتي لسلبيات السياره او مصائب السياره



1-ياتي في مقدمه العيوب وهو عيب خطير جدا وهوسخونه الموتور اللامعقوله العربيه بتسخن في عز الشتا وده طبعا لوحده مصيبه وليس له حل.

هيا بتسخن اه لكن للدرجة اللى بتوصفها دى يبقى اكيد كان فيه عيب فى العربية وكان لازم يتعالج .


2-صوت السياره العالي جدا كانها كراكه او جرار زراعي صوتها عالى اه بس مش عالى جدا لدرجة انها تبقى بصوت جرار أو كراكه
اسمحلى حضرتك بتبالغ قوى مش احنا

تقبل تحياتى ومرحبا بك معنا فى الرابطة حتى وإن كنت من الملاك السابقين وأو كنت لاسمح الله من المعارضين ههههههه