::: البولونيز المظلومة :::

[rahib]

انا بقى مشكلتى مشكلة انا اشتريت بولونيز90ب15.5الف وبعد ماشترتها بيومين كان اخى سايقها لقى دخانة طالعة من العربية والسلوك ساحت بتاعت الكاسيت والدركسيون المهم غيرنا كلة ثم البطارية فصلت مع ان الراجل قال ان بقالها سنة المهم جبنا بطارية والدينامو قالو سليم مفيش يومين بطلت قالو الدينامو باظ صلحناة والشكمان اتكسر وغيرناة جديد وجبنا غويشة لغيار الثانى ثم الحوادث اولا عربية كارو ثم تكتك والمصيبة يخبطونى وانا راكن ثم وانا جاى من الشغل عربية خبطتنى لكن الحمد للة المراية اتكسرت بس ثم الكوارث الكبيرة العربية غيرت جوان ثم اخى سائق والدركسيون ما رديش يلم بسرعة ودخل فى عمود المراية الثانية اتكسرت والدركسيون صلحناة 320جنية وظبط الفرامل وجاب مرايا وعداد جديد وتانى يوم راح يركبة ويظبط كهربة وراكن جنب الورشة وعينك ماتشوف الا النور موتوسيكت عربية زنئت علية وراح داخل فى العربية الرفرف بتاع العجلة دخل لجوة والدركسيون الحلزون بتاعة اتكسر من منطقة العفشجى مستغرب اذاى ينكسر منها المهم عدل الصاج واشترينا علبة دركسيون جديدة وركبت وبجربها لقيت طقطقة والزاوية وانا بلف ضيقة وده كلة فى اقل من شهر ونصف شكلنل محسودين عليها على راى اللى اشترينا منة الدركسيون دى مش حادثة دى عين جامدة وبجد نفسى افرح بيها

[rahib]

نسيت اقول انى عملت رخصة عربية كلفتنى 1300جنية وانابنفسى خلعت الفرش وغسلتة ثم ركبتة والكلكس بطل يزمر فغيرت التكاتك بتاعتة وبتاعت المساحات ودى حكايتى مع البولونيز اسف دوشت دماغكم

[Youssef.Awad]

بالنسبه لموضوع اعتراضك على درجه التشغيل العاديه اللي هي 90 في البولونيز احب اضيف ان العربيه دي بولندي صممت للتشغيل في ظل ظروف درجه الحراره المتدنيه و دي بالفعل درجه الحراره الطبيعيه لعديد من السيارات الاوروبيه المنشأ...
يعني ال 90 دا طبيعي جداً مش مولعه ولا سخنه بالطريقه اللي حضرنك بتتكلم بيها خالص انت حسستني ان عربيتي هتنفجر!!!!
يا ريت تجرب عربيه بولونيز سليمه و بعدين تطلق الاحكام عليها....
يا ري اكون افدت

صح كلامك ...
فعلا معظم البولونيز اللى مالى السوق وماشى فى الشوارع دلوقت حالته تعبانة ومتركبلها قطع غيار مش بتاعتها اساسا سواء للاستسهال أو لعدم المعرفة الجيدة بنوعية قطع الغيار أو بدائلها

ونادرا ما بأقابل أو أشوف واحد أو عربية متحافظ عليها وحالتها فوق الجيدة

[Youssef.Awad]

انا بقى مشكلتى مشكلة انا اشتريت بولونيز90ب15.5الف وبعد ماشترتها بيومين كان اخى سايقها لقى دخانة طالعة من العربية والسلوك ساحت بتاعت الكاسيت والدركسيون المهم غيرنا كلة ثم البطارية فصلت مع ان الراجل قال ان بقالها سنة المهم جبنا بطارية والدينامو قالو سليم مفيش يومين بطلت قالو الدينامو باظ صلحناة والشكمان اتكسر وغيرناة جديد وجبنا غويشة لغيار الثانى ثم الحوادث اولا عربية كارو ثم تكتك والمصيبة يخبطونى وانا راكن ثم وانا جاى من الشغل عربية خبطتنى لكن الحمد للة المراية اتكسرت بس ثم الكوارث الكبيرة العربية غيرت جوان ثم اخى سائق والدركسيون ما رديش يلم بسرعة ودخل فى عمود المراية الثانية اتكسرت والدركسيون صلحناة 320جنية وظبط الفرامل وجاب مرايا وعداد جديد وتانى يوم راح يركبة ويظبط كهربة وراكن جنب الورشة وعينك ماتشوف الا النور موتوسيكت عربية زنئت علية وراح داخل فى العربية الرفرف بتاع العجلة دخل لجوة والدركسيون الحلزون بتاعة اتكسر من منطقة العفشجى مستغرب اذاى ينكسر منها المهم عدل الصاج واشترينا علبة دركسيون جديدة وركبت وبجربها لقيت طقطقة والزاوية وانا بلف ضيقة وده كلة فى اقل من شهر ونصف شكلنل محسودين عليها على راى اللى اشترينا منة الدركسيون دى مش حادثة دى عين جامدة وبجد نفسى افرح بيها

نسيت اقول انى عملت رخصة عربية كلفتنى 1300جنية وانابنفسى خلعت الفرش وغسلتة ثم ركبتة والكلكس بطل يزمر فغيرت التكاتك بتاعتة وبتاعت المساحات ودى حكايتى مع البولونيز اسف دوشت دماغكم

يا بيه دى فعلا عين بنت ؟؟؟؟ لأنه من الصعب جدا أن تتجمع كل الحاجات اللى ذكرتها دى فى عربية واحدة

وأغلب الاعطال اللى حضرتك قولتها يرجع سببها لسوء استخدام العربية أو الراجل اللى اشتريتها منه نصب وضحك عليك فى حالة العربية نفسها
والحاجة التانية بالنسبة للحوادث الكتير دى يمكن عشان حضرتك زى أغلب كل اللى بيشتروا البولونيز جايبينها عشان يتعملوا عليها السواقة وعربية كبيرة ورخيصة وتستحمل وغيره وبعدين يبيع ومش عاوز يصلح

المهم الخلاصة إن سلامتك بالدنيا وفداك 100 عربية و1000 بولونيز وبكرة تركب أحسن منها إن شاء الله وربنا يعوض عليك

[x_gomgom]

نسيت اقول انى عملت رخصة عربية كلفتنى 1300جنية وانابنفسى خلعت الفرش وغسلتة ثم ركبتة والكلكس بطل يزمر فغيرت التكاتك بتاعتة وبتاعت المساحات ودى حكايتى مع البولونيز اسف دوشت دماغكم

ولا دوشه ولا حاجه ربنا يعوضك خير و ان شاء الله كله يبقي تمام.....
بس نصيحه من اخ لو هتصرف كتير بيعها عشان لو في نيه حضرتك البيع متخسرش فيها لان سعرها نزل اليومين دول فحرام تصرف مبلغ و بعدين تبيعها....
كفاك الله شر الحسد و الحاسدين

[x_gomgom]

بالنسبه للسعر احب اقولك مثال....
انا عربيتي موديل 1990 اول مالك(والدي كان شاريها زيرو و بالقسط ب 17,000 تصور!) ماشيه 195,000 كيلو فابيركه دواخل. و رش نضافه على مر عمرها مرتين موتور معموله عمره من 50,000 الف كيلو سليمه والله ما فيها الهوا(هي فيها خبطه في الشنب اللي فوق الفانوس للامانه) تعرف اتفصلت بكام؟؟؟؟ 13,000 فقط!!
انا و الله مش بقول كدا عشان ببيع كنت بالصدفه معدي جنب سوق السيارات لاقيت واحد شبط فيا و عايز يشتريها و فضل متشعبط في الباب والله انا ركنت بقوله عايز ايه قالي يا باشا اديلك 13000 و تبيع!!!
هي حالياً موديل 1989 و ال 1990 اخرها من 10 ل 13,500 فحبيت اقول لحضرتك عشان تعرف السوق ماشي ازاي و تحدد على الاساس دا لو ناوي تبيع هتصرف في حدود كام...
يا رب اكون افدت

[Hhassan]

مشاء الله على عربيتك يباش وربنا يباركلك فيها ان شاء الله
وفعلا لو التفسير ده صحيح يبقى تمام بس فى نقطة مهمه ان سعر العربية ديه والموديلات ديه هيرخص قوى

[Hhassan]

انا روحت السوق اخر جمعتين 30/10/2009 و 6/11/2009 وكنت بدور على بولونيز وشفت حوالى خمس عربيات هناك وكلهم بيقولو فبريكة جوه وكان هناك اتنين فبريكة برة وجوه
اللى كنت عايز اعلق عليه هو السعر اللى صالبه اصحاب العربيات ديه
كان الرنج ما بين 17-20 كنت عندي احساس انهن مش بيبيعوا انا شايف ان البولونيز من 13 الى 17 لو حالة جامدة جدا . هيه ممكن تكون عربية حلوة جدا بس فيه نقطة مهمة جدا فى تحديد سعر السيارة هنا فى مصر هو سعر اعادة البيع انا ممكن اشترى عربية ب20 واصرف عليها 3 الاف ولما اجى ابيعها متجيبش غير 15ده مش منطقى
غير كده العربية ديه فعلا تقيلة جدا فى البيع مش عارف ليه المفروض ان فيها امكايات كتير مش عند عربيات تانية
زى ان هيه عربية اوربى وموديل عالى يعنى مش زى 504 اللى فى السبعينات وبرضوه امكاناتها حلوة كل الحاجات تخليها عربية لقطة وان عن نفس سوقتها وعربية ثابتها ممتاز وسحبها مش بطال وصاجا خرافه دخلت قبل كده فى عربية نص نقل قديمة بهدلت الباب بتعاها وهيه ولا جرالها حاجه
اخيرا كنت عايز اسال اصحاب العربية ديه عن صوت الماتور بتاعها زى صوت الشاهين كده ولا عالى قوى وممكن فى حل يخلى الماتور صوته يوطى شويه وتمن الماتور ده كام لو حبيت اجيبه ومنين وشكر

[x_gomgom]

احب اقول لحضرتك معلومه من واقع السوق دا ان كله تجار و عمرك هناك ما تسمع سعر واقعي ازاي بيبيع البولونيز ب 17 و اختها على النت و ان كانت بحاله افضل ب 14؟؟؟
السوق كله تجار و الاسعار دي وهميه بالفعل و مبالغ فيها جداً السوق بتاع القديم كله نازل خايفين من موضوع الاحلال الاختياري للملاكي و انا شخصياً خايف لانهم اكيد هيعملوا حاجه تنغص علينا عيشتنا....
ربنا يسترها عليناً

[star1991]

مشكله المشاكل في البولونيز هو اعاده البيع سوقها تقيل جدا وبتتباع بالعافيه وماتجبش فلوس

[asaeed]

بالنسبه للسعر احب اقولك مثال....
انا عربيتي موديل 1990 اول مالك(والدي كان شاريها زيرو و بالقسط ب 17,000 تصور!) ماشيه 195,000 كيلو فابيركه دواخل. و رش نضافه على مر عمرها مرتين موتور معموله عمره من 50,000 الف كيلو سليمه والله ما فيها الهوا(هي فيها خبطه في الشنب اللي فوق الفانوس للامانه) تعرف اتفصلت بكام؟؟؟؟ 13,000 فقط!!
انا و الله مش بقول كدا عشان ببيع كنت بالصدفه معدي جنب سوق السيارات لاقيت واحد شبط فيا و عايز يشتريها و فضل متشعبط في الباب والله انا ركنت بقوله عايز ايه قالي يا باشا اديلك 13000 و تبيع!!!
هي حالياً موديل 1989 و ال 1990 اخرها من 10 ل 13,500 فحبيت اقول لحضرتك عشان تعرف السوق ماشي ازاي و تحدد على الاساس دا لو ناوي تبيع هتصرف في حدود كام...
يا رب اكون افدت

أحزنتني والله بكلامك، لأني أنا شاري عربيتي من 14/10/2009 وهي موديل 1987 ومارشتش دواخل خااااااااااالص والحمد لله وأساسياتها جميلة جداً بس الموتور كان عايز طقم شنبر فقط وعاملته والحمد لله والشبكة الأمامية هلكانه شوية قدام شوية غيرها والحمد لله هي عضمها حلو وواقفة على رجليها وبها موتور 132 الـ 1600 سي سي
جبتها بـ 14000 جنيه
بس إللي مطمني أن كل إللي شافها قال السعر مناسب
بس على كلام الأخ الفاضل يبقى كده لما آجي أبيعها هتجيبلي كام

[x_gomgom]

ربنا يباركلك فيها و ان شاء الله مش هتحتاج تبيعها...
الاسعار دلوقتي نازله خوفاً من موضوع الاحلال للاسف...
ربنا يستر

[rahib]

شكرا على الرد ولكنكم كدة خلتونى احزن لانى لو بيعتها هخسر كثير لو بالسعر اللى انتم قولتوة كدة يبقى اخليها احسن واهى عربية والسلام

[x_gomgom]

والله انا زيك انا قلت اعرف السوق ماشي كام لغيت فكره البيع من دماغي نهائي الى ان يشاء الله و اجيب حاجه الماني موديل حديث......
والى ذلك الحين انا مع عزيزه اللذيذه (للعلم انا بعشق عربيتي البولونيز جداً و ليها زكريات عزيزه عليا و حاسس كده اننا مينفعش نبعد عن بعض)
الصراحه هي عربيه تستحق الاحترام

[Youssef.Awad]

والله انا زيك انا قلت اعرف السوق ماشي كام لغيت فكره البيع من دماغي نهائي الى ان يشاء الله و اجيب حاجه الماني موديل حديث......
والى ذلك الحين انا مع عزيزه اللذيذه (للعلم انا بعشق عربيتي البولونيز جداً و ليها زكريات عزيزه عليا و حاسس كده اننا مينفعش نبعد عن بعض)
الصراحه هي عربيه تستحق الاحترام

العربية دى ليها سحر وسر خفى ماحدش يعرفه
وهى فعلا تستحق الاحترام ...